កម្មវិធីព័ត៌មានពេលរាត្រី - វីអូអេ podcast - Page 130

September 14, 2021 ព័ត៌មានពេលរាត្រី៖ ១៤ កញ្ញា ២០២១ - កញ្ញា 14, 2021

ព័ត៌មានអំពីកម្ពុជាមានដូចជា បក្សប្រឆាំងថាលោក ហ៊ុន សែន លួចចូលស្តាប់កិច្ចប្រជុំផ្ទៃក្នុង ខណៈបក្សកាន់អំណាចច្រានចោលសំឡេងឆ្លើយឆ្លងថ្មីៗ។ ក្រសួងសុខាភិបាលអំពាវនាវឲ្យប្រុងប្រយ័ត្នខ្ពស់ពីការឆ្លងជំងឺកូវីដ១៩ នៅគ្រាសាលារៀននឹងចាប់ផ្តើមដំណើរការឡើងវិញ។ សមត្ថកិច្ចដោះលែងមនុស្ស២១នាក់ និងបន្តឃុំខ្លួន៩នាក់ ក្នុងជម្លោះដីធ្លីគម្រោងព្រលានយន្តហោះខេត្តកណ្តាល។ សៀវភៅនិពន្ធដោយខ្មែរអាមេរិកាំងដែលបានស្លាប់មុនមានឈ្មោះបោះសំឡេង ទទួលបានការកោតសរសើរច្រើន។ រីឯព័ត៌មានអន្តរជាតិវិញមានដូចជា លោក Blinken នឹងប្រឈមការដេញដោលបន្ថែមរឿងដកកងទ័ពពីអាហ្វហ្គានីស្ថានអំឡុងផ្តល់សក្ខីកម្មនៅព្រឹទ្ធសភានៅថ្ងៃអង្គារ។ អគ្គលេខាធិការអង្គការសហប្រជាជាតិថា ត្រូវការជំនួយសង្គ្រោះជីវិតនៅអាហ្វហ្គានីស្ថាន។ អង់គ្លេសចាក់វ៉ាក់សាំងកូវីដ១៩ដល់ក្មេងអាយុពី១២ទៅ១៥ឆ្នាំ។ បុរសម្នាក់ដែលមានអាវុធត្រូវបានចាប់ខ្លួននៅជិតវិមានសភាសហរដ្ឋអាមេរិក និងព័ត៌មានសំខាន់ៗមួយចំនួនទៀត៕

1 hr

September 13, 2021 ព័ត៌មានពេលរាត្រី៖ ១៣ កញ្ញា ២០២១ - កញ្ញា 13, 2021

ព័ត៌មានអំពីកម្ពុជាមានដូចជា លោក ហ៊ុន សែន ប្រកាសបន្តគាំទ្រចិនពេញទំហឹង ប៉ុន្តែអ្នកវិភាគស្នើឲ្យប្រយ័ត្នការថ្លែងជាសាធារណៈ។ លោក សម រង្ស៊ី ចោទលោក ហ៊ុន សែន ថាធ្វើឲ្យបរិយាកាសនយោបាយតានតឹង ដើម្បីបន្តកាន់អំណាច។ ពលរដ្ឋខ្លះរត់គេចខ្លួន ខណៈអាជ្ញាធរតាមចាប់អ្នកផ្សេងទៀតក្នុងជម្លោះដីធ្លីនៃគម្រោងព្រលានយន្តហោះខេត្តកណ្តាល។ នៅក្នុងកម្មវិធី Hello VOA នៅថ្ងៃនេះ មានកិច្ចពិភាក្សាអំពី «ផលប៉ះពាល់នៃគណៈកម្មការក្រមសីលធម៌ទៅលើសារព័ត៌មានឯករាជ្យនៅកម្ពុជា»។ រីឯព័ត៌មានអន្តរជាតិវិញមានដូចជា យន្តហោះក្រុមហ៊ុនអាកាសចរណ៍ប៉ាគីស្ថានចុះចតនៅទីក្រុងកាប៊ុល។ អាកាសយានិកអាហ្វហ្គានីស្ថានបានចាប់ផ្តើមចាកចេញពីអ៊ូសបេគីស្ថាន។ រដ្ឋមន្ត្រីការពារជាតិនិយាយថា សហរដ្ឋអាមេរិកមានសុវត្ថិភាពជាងថ្ងៃនេះក្នុងឆ្នាំ ២០០១។ ប្រធានផ្នែកសុខាភិបាលសាធារណៈសហរដ្ឋអាមេរិកថា ការរឹតត្បិតថ្មីទប់ទល់ជំងឺកូវីដ ជា«ការឆ្លើយតបត្រឹមត្រូវ»។ កូរ៉េខាងជើងសាកល្បងមីស៊ីលស្វ័យនាំផ្លូវរយៈចម្ងាយឆ្ងាយដែលរចនាឡើងដើម្បីគេចពីប្រព័ន្ធការពារ៕

1 hr

September 12, 2021 ព័ត៌មានពេលរាត្រី៖ ១២ កញ្ញា ២០២១ - កញ្ញា 12, 2021

ព័ត៌មានអំពីកម្ពុជាមាន រដ្ឋមន្រ្តីការបរទេសចិននឹងធ្វើទស្សនកិច្ចនៅកម្ពុជានិងប្រទេសផ្សេងទៀត នៅគ្រាអាមេរិកបង្កើនទំនាក់ទំនងជាមួយអាស៊ាន។ សម្រង់សង្ខេបពីកម្មវិធី Hello VOA អំពី «សង្គមស៊ីវិលអំពាវនាវឲ្យមានការស៊ើបអង្កេតឯករាជ្យលើការចោទប្រកាន់ពីអំពើស៊ីសំណូករបស់មន្ត្រីប៉ូលិស»។ រីឯព័ត៌មានអន្តរជាតិវិញមានដូចជា តើពលរដ្ឋវ័យក្មេងនៅក្រុង New York យល់ដូចម្តេចពីហេតុការណ៍ភេរវកម្ម ១១ កញ្ញា? អង្គការសហប្រជាជាតិនឹងពិភាក្សាអំពីតំណាងមីយ៉ាន់ម៉ានៅមហាសន្និបាត។ ចំនួនគ្រោះធម្មជាតិបានកើនឡើង ប៉ុន្តែការស្លាប់បានថយចុះនៅក្នុងរយៈពេល ៥០ឆ្នាំមកនេះ។ ស្ត្រីបម្រើក្នុងជួរកងទ័ពអាហ្វហ្គានីស្ថានបារម្ភពីសុវត្ថិភាពនិងអនាគត៕

1 hr

September 11, 2021 ព័ត៌មានពេលរាត្រី៖ ១១ កញ្ញា ២០២១ - កញ្ញា 11, 2021

ព័ត៌មានអំពីកម្ពុជាមាន សៀវភៅនិពន្ធដោយខ្មែរអាមេរិកាំងដែលបានស្លាប់មុនមានឈ្មោះបោះសំឡេង ទទួលបានការកោតសរសើរច្រើន។ លោក ហ៊ុន សែន ថា កម្ពុជាប្រើវិបត្តិកូវីដបើក«ការដ្ឋានកំណែទម្រង់»សេដ្ឋកិច្ចសង្គម តែអ្នកឃ្លាំមើលជំរុញឲ្យលើកកម្ពស់សេរីភាពនយោបាយ។ សម្រង់សង្ខេបពីកម្មវិធី Hello VOA អំពី«សុខភាពផ្លូវភេទ និងសុខភាពបន្តពូជជាបញ្ហាសំខាន់និងជាបញ្ហាយូរអង្វែង»។ រីឯព័ត៌មានអន្តរជាតិវិញមានដូចជា តើពលរដ្ឋវ័យក្មេងនៅក្រុង New York យល់ដូចម្តេចពីហេតុការណ៍ភេរវកម្ម ១១ កញ្ញា? សំណើថវិកាចាយវាយរបស់តៃវ៉ាន់កើនឡើងគ្រាដែលប្រទេសចិនបង្កើនសកម្មភាពយោធា៕

1 hr

September 10, 2021 ព័ត៌មានពេលរាត្រី៖ ១០ កញ្ញា ២០២១ - កញ្ញា 10, 2021

ព័ត៌មានអំពីកម្ពុជាមានដូចជា កម្មកររោងចក្រកាត់ដេរ ចង់ឲ្យដំឡើងប្រាក់ឈ្នួល ខណៈទំនិញនៅលើទីផ្សារឡើងថ្លៃ។ អាជ្ញាធររាជធានីភ្នំពេញអនុញ្ញាតឲ្យបើកសាលារៀនអនុវិទ្យាល័យ និងវិទ្យាល័យ ដោយកំណត់ចំនួនសិស្សក្នុងថ្នាក់រៀន។ ខ្មែរ-អាមេរិកាំង គ្រោងដាក់ញតិ្តឲ្យអន្តរជាតិជួយកម្ពុជា ចំខួបទី៣០នៃសន្ធិសញ្ញាសន្តិភាពទីក្រុងប៉ារីស។ រីឯព័ត៌មានអន្តរជាតិវិញមានដូចជា ប្រឈមនឹងទំនាក់ទំនងជាប់គាំង លោក Biden និងលោក Xi ពិភាក្សាអំពីការចៀសវាងជម្លោះក្នុងការនិយាយគ្នាតាមទូរសព្ទ។ សហរដ្ឋអាមេរិក ប្រារព្ធខួប២០ឆ្នាំនៃការវាយប្រហារដោយភេរវកម្មថ្ងៃទី១១ ខែកញ្ញា។ ២០ឆ្នាំក្រោយភេរវកម្មថ្ងៃទី១១ ខែកញ្ញា ឆ្នាំ២០០១ អ្នកពន្លត់អគ្គិភ័យនៅសង្កាត់ Arlington រដ្ឋ Virginia សហរដ្ឋអាមេរិក រំឭកព្រឹត្តិការណ៍នោះ។ តុលាការព្រហ្មទណ្ឌអន្តរជាតិ រង់ចាំការសម្រេចរបស់ប្រទេសស៊ូដង់ ក្នុងការប្រគល់ខ្លួនអតីតប្រធានាធិបតី គឺលោក Bashir៕

1 hr

September 09, 2021 ព័ត៌មានពេលរាត្រី៖ ៩ កញ្ញា ២០២១ - កញ្ញា 09, 2021

ព័ត៌មានអំពីកម្ពុជាមានដូចជា តុលាការកាត់ទោសកំបាំងមុខអ្នកគាំទ្រនិងសកម្មជនបក្សប្រឆាំង ៧នាក់ ឲ្យជាប់ពន្ធនាគារ ១៨ខែ ពីបទញុះញង់។ ជំនួបកំពូលមេគង្គផ្តោតលើ«ភាពអាសន្ន»នៃវិបត្តិអាកាសធាតុ និងសេដ្ឋកិច្ច ក្រោយជំងឺកូវីដ១៩។ អ្នកស្លាប់ដោយសារជំងឺកូវីដ១៩នៅកម្ពុជា កើនឡើងដល់ ២ពាន់នាក់ ក្នុងរយៈពេល៦ខែ។ នៅក្នុងកម្មវិធី Hello VOA នៅថ្ងៃនេះ មានកិច្ចពិភាក្សាអំពី«ការដោះស្រាយបញ្ហាពុករលួយក្នុងស្ថាប័នអនុវត្តច្បាប់នៅកម្ពុជា»។ រីឯព័ត៌មានអន្តរជាតិវិញមានដូចជា អង្គការសហប្រជាជាតិថា ស្ត្រីអាហ្វហ្គានីស្ថានប្រឆាំងការបំភ្លេចពួកគេ។ ប្រធានាធិបតីសហរដ្ឋអាមេរិកលោក Joe Biden គ្រោងបង្ហាញយុទ្ធសាស្ត្រចាក់វ៉ាក់សាំងកូវីដ១៩ថ្មីនៅក្នុងសន្ទរកថានៅថ្ងៃព្រហស្បតិ៍នេះ។ តើពលរដ្ឋវ័យក្មេងនៅក្រុង New York យល់ដូចម្តេចពីហេតុការណ៍ភេរវកម្ម ១១ កញ្ញា? នាយករដ្ឋមន្ត្រីថៃរួចផុតពីការបោះឆ្នោតដកសេចក្តីទុកចិត្ត៕

1 hr

September 08, 2021 ព័ត៌មានពេលរាត្រី៖ ៨ កញ្ញា ២០២១ - កញ្ញា 08, 2021

ព័ត៌មានអំពីកម្ពុជាមានដូចជា រដ្ឋមន្រ្តីការបរទេសចិននឹងធ្វើទស្សនកិច្ចនៅកម្ពុជានិងប្រទេសផ្សេងទៀត នៅគ្រាអាមេរិកបង្កើនទំនាក់ទំនងជាមួយអាស៊ាន។ សហគមន៍ខ្មែរកម្ពុជាក្រោមចោទសួរអំពីការចាប់ខ្លួនអតីតព្រះសង្ឃកម្ពុជាក្រោមមួយអង្គ។ រីឯព័ត៌មានអន្តរជាតិវិញមានដូចជា សហរដ្ឋអាមេរិក និងអាល្លឺម៉ង់រៀបចំកិច្ចពិភាក្សាស្តីពីអាហ្វហ្គានីស្ថាន។ ក្រុមតាលីបង់ប្រកាសរដ្ឋាភិបាលអន្តរកាលរបស់អាហ្វហ្គានីស្ថាន។ ប៉ូលិសហុងកុងចាប់ខ្លួនអ្នករៀបពិធីរំឭកខួបព្រឹត្តិការណ៍នៅទីលាន Tiananmen។ ប្រព័ន្ធផ្សព្វផ្សាយត្រូវបានរារាំងនៅជំរំជនភៀសខ្លួនរ៉ូហ៊ីងយ៉ា។ អគ្គីភ័យបានសម្លាប់អ្នកទោសយ៉ាងតិច ៤០នាក់នៅពន្ធនាគារឥណ្ឌូណេស៊ី។ អ្នកជំងឺ១៧នាក់ស្លាប់បន្ទាប់ពីទឹកជំនន់លិចមន្ទីរពេទ្យម៉ិកស៊ិក និងព័ត៌មានសំខាន់ៗមួយចំនួនទៀត៕

1 hr

September 07, 2021 ព័ត៌មានពេលរាត្រី៖ ៧ កញ្ញា ២០២១ - កញ្ញា 07, 2021

ព័ត៌មានអំពីកម្ពុជាមានដូចជា សង្គមស៊ីវិលអំពាវនាវឲ្យពលរដ្ឋទៅចុះឈ្មោះបោះឆ្នោតឲ្យបានគ្រប់គ្នា ក្នុងនោះមានពលករដែលទើបត្រឡប់ពីក្រៅប្រទេស។ អ្នកកាសែត២នាក់ត្រូវគំរាមកំហែង ពេលចុះរាយការណ៍ទំនាស់ដីធ្លីក្នុងគម្រោងព្រលានយន្តហោះថ្មីនៅខេត្តកណ្តាល។ មន្រ្តីក្រសួងមហាផ្ទៃថា ពេទ្យណែនាំឲ្យលោក រ៉ុង ឈុន ដែលកំពុងជាប់ពន្ធនាគារវះកាត់ភ្នែក។ រីឯព័ត៌មានអន្តរជាតិវិញមានដូចជា រដ្ឋមន្ត្រីការបរទេស និងរដ្ឋមន្ត្រីការពារជាតិអាមេរិកពិភាក្សាអំពីអាហ្វហ្គានីស្ថានក្នុងដំណើរទស្សនកិច្ចនៅកាតា។ អង្គការសហប្រជាជាតិនឹងពិភាក្សាអំពីតំណាងមីយ៉ាន់ម៉ានៅមហាសន្និបាត។ ក្រុមតាលីបង់នៃអាហ្វហ្គានីស្ថាន និងប្រទេសប៉ាគីស្ថានពិភាក្សាអំពីកិច្ចសហប្រតិបត្តិការប្រឆំាងភេរវកម្ម។ ប្រព័ន្ធផ្សព្វផ្សាយរដ្ឋថា ប្រទេសគុយបាចាក់វ៉ាក់សំាងកុមារអាយុចាប់ពីពីរឆ្នាំឡើង។ អង្គការសហប្រជាជាតិនឹងពិភាក្សាអំពីតំណាងមីយ៉ាន់ម៉ានៅមហាសន្និបាត។ មេដឹកនាំយោធាហ្គីណេសន្យាបង្កើតរដ្ឋាភិបាលសហភាពជាតិ និងព័ត៌មានសំខាន់ៗមួយចំនួនទៀត៕

1 hr

September 06, 2021 ព័ត៌មានពេលរាត្រី៖ ៦ កញ្ញា ២០២១ - កញ្ញា 06, 2021

ព័ត៌មានអំពីកម្ពុជាមានដូចជា សហជីពកំណត់តួលេខដំឡើងប្រាក់ឈ្នួល២២,២ដុល្លារសម្រាប់ឆ្នាំ២០២២ ដើម្បីចរចាជាមួយភាគីរោងចក្រ។ សង្គមស៊ីវិលជំរុញឲ្យពង្រឹងតម្លាភាព និងប្រសិទ្ធភាពនៃការប្រមូលពន្ធលើរថយន្តដាក់ស្លាកលេខស្ថាប័នរដ្ឋ។ នៅក្នុងកម្មវិធី Hello VOA នៅថ្ងៃនេះ មានកិច្ចពិភាក្សាអំពី «ការដើរប្រញ្ចាសសម័យ៖ ការតស៊ូរបស់ស្រ្តីដើម្បីផ្លាស់ប្តូរឥរិយាបថយុវវ័យនិងជួយបរិស្ថាន»។ រីឯព័ត៌មានអន្តរជាតិវិញមានដូចជា សេតវិមានសន្យាជាថ្មីថានឹងជម្លៀសពលរដ្ឋអាមេរិកចេញពីអាហ្វហ្គានីស្ថាន។ លោក Blinken ទៅប្រទេសកាតា និងអាល្លឺម៉ង់ដើម្បីពិភាក្សាកិច្ចការទូតអំពីអាហ្វហ្គានីស្ថាន។ ក្រុមតាលីបង់ប្រកាសជ័យជម្នះនៅក្នុងតំបន់ Panjshir Valley។ ទាហានហ្គីណេអះអាងថា ពួកគេបានធ្វើរដ្ឋប្រហារបានជោគជ័យ។ មនុស្ស៣នាក់បានស្លាប់ដោយសារវីរុសកូរ៉ូណានៅក្នុងប្រទេសអូស្ត្រាលី។ ភាពអត់ធ្មត់ខាងយុទ្ធសាស្ត្រក្លាយជាភាពក្រេវក្រោធចំពោះការយឺតយ៉ាវនៃកិច្ចចរចាពាណិជ្ជកម្មរវាងអាមេរិកនិងចិន៕

1 hr

September 05, 2021 ព័ត៌មានពេលរាត្រី៖ ៥ កញ្ញា ២០២១ - កញ្ញា 05, 2021

ព័ត៌មានអំពីកម្ពុជាមាន របាយការណ៍៖ កម្ពុជាបាត់បង់ព្រៃឈើប្រមាណ៣៧%នៅទីតាំងគម្រោងកាត់បន្ថយឧស្ម័នផ្ទះកញ្ចក់។ សម្រង់សង្ខេបពីកម្មវិធី Hello VOA អំពី «តើព្រឹត្តិការណ៍នៅអាហ្វហ្គានីស្ថាន ប៉ះពាល់ដល់ការឈរជើងរបស់អាមេរិកនៅអាស៊ីដែរឬទេ?»។ រីឯព័ត៌មានអន្តរជាតិវិញមាន អភិបាលរដ្ឋធានីកាប៊ុលបន្តដឹកនាំកិច្ចការដដែល បន្ទាប់ក្រុមតាលីបង់បានដណ្តើមកាន់កាប់អំណាច។ ក្រុមហ៊ុនអវកាសអូស្ត្រាលីនិងតៃវ៉ាន់ចេញគម្រោងបង្ហោះរ៉ុក្កែតពាណិជ្ជកម្មជាប្រវត្តិសាស្ត្រ។ ក្រាហ្វិកពន្យល់៖ សិទ្ធិបោះឆ្នោតនៅសហរដ្ឋអាមេរិក មុននិងក្រោយច្បាប់សិទ្ធិបោះឆ្នោតឆ្នាំ១៩៦៥។ ប្រទេសអ៊ូហ្គាន់ដានិងអាមេរិកបញ្ជាក់ថាអ៊ូហ្គាន់ដានឹងទទួលជនជាតិអាហ្វហ្គានីស្ថាន២ពាន់នាក់ឱ្យរស់នៅបណ្តោះអាសន្ន។ ភូមិមួយក្នុងប្រទេសម៉ាឡាវីទទួលរង្វាន់ដោយសារការប្រយុទ្ធប្រឆាំងនឹងជំងឺគ្រុនចាញ់និងការស្លាប់៕

1 hr