កម្មវិធីព័ត៌មានពេលរាត្រី - វីអូអេ podcast - Page 131

September 04, 2021 ព័ត៌មានពេលរាត្រី៖ ៤ កញ្ញា ២០២១ - កញ្ញា 04, 2021

ព័ត៌មានអំពីកម្ពុជាមាន សាច់ញាតិសពអ្នកកើតកូវីដ៖ ភាពមិនស្ងប់ក្នុងចិត្តនិងក្តីបារម្ភពីការច្រឡំសពនិងធាតុ។ សម្រង់សង្ខេបពីកម្មវិធី Hello VOA អំពី«អ្នកឃ្លាំមើលថា ការចូលកាន់កាប់ប្រទេសអាហ្វហ្គានីស្ថានរបស់ពួកតាលីបង់ ដូចខ្មែរក្រហមផងនិងខុសគ្នាផង»។ រីឯព័ត៌មានអន្តរជាតិវិញមាន ភូមិមួយក្នុងប្រទេសម៉ាឡាវីទទួលរង្វាន់ដោយសារការប្រយុទ្ធប្រឆាំងនឹងជំងឺគ្រុនចាញ់និងការស្លាប់។ ជនជាតិអាហ្វហ្គានីស្ថានប្រឈមនឹងការស្រេកឃ្លាននៅពេលជិតដល់រដូវធ្លាក់ទឹកកក។ អ.ស.ប.ប្រុងប្រៀបសម្រាប់អពយពនៃជនភៀសខ្លួនអាហ្វហ្គានីស្ថាន៥សែននាក់។ ក្រុមហ៊ុនអវកាសអូស្ត្រាលីនិងតៃវ៉ាន់ចេញគម្រោងបង្ហោះរ៉ុក្កែតពាណិជ្ជកម្មជាប្រវត្តិសាស្ត្រ។ អង្គការមនុស្សធម៌មួយសង្ឃឹមថានឹងអាចរកយុត្តិធម៌ឃើញសម្រាប់អ្នកដែលគ្មានការការពារខាងផ្លូវច្បាប់៕

1 hr

September 03, 2021 ព័ត៌មានពេលរាត្រី៖ ៣ កញ្ញា ២០២១ - កញ្ញា 03, 2021

ព័ត៌មានអំពីកម្ពុជាមានដូចជា ក្រុមអ្នកជំនាញអ.ស.ប អំពាវនាវឲ្យដោះលែងក្មេងប្រុសជាកូនសកម្មជនបក្សប្រឆាំង ខណៈមន្រ្តីកម្ពុជាការពារចំណាត់ការផ្លូវច្បាប់។ របាយការណ៍៖ ការនាំអង្ករទៅអឺរ៉ុបនិងអាស៊ានថយចុះខ្លាំង ខណៈនាំទៅចិនកើនតិចតួច។ កសិករនៅខេត្តពោធិ៍សាត់ត្អូញត្អែរ«ជីវិតកាន់តែលំបាក» ខណៈប្រឈមភាពរាំងស្ងួត និងជំងឺកូវីដ។ រីឯព័ត៌មានអន្តរជាតិវិញមានដូចជា អាហ្វហ្គានីស្ថានងាកទៅប្រទេសចិននិងប្រទេសផ្សេងទៀត ពេលទំនាក់ទំនងជាមួយអាមេរិកមិនប្រាកដប្រជា។ ទីភ្នាក់ងារសហរដ្ឋអាមេរិកសម្រាប់ប្រព័ន្ធផ្សព្វផ្សាយសាកលនៅកំពុងធ្វើការដើម្បីជម្លៀសអ្នកកាសែតចេញពីប្រទេសអាហ្វហ្គានីស្ថាន។ ជនជាតិអាហ្វហ្គានីស្ថាន ប្រឈមនឹងការស្រេកឃ្លាននៅពេលជិតដល់រដូវធ្លាក់ទឹកកក។ ក្រុមហ៊ុនអវកាសអូស្ត្រាលីនិងតៃវ៉ាន់ ចេញគម្រោងបង្ហោះរ៉ុក្កែតពាណិជ្ជកម្មជាប្រវត្តិសាស្ត្រ៕

1 hr

September 02, 2021 ព័ត៌មានពេលរាត្រី៖ ២ កញ្ញា ២០២១ - កញ្ញា 02, 2021

ព័ត៌មានអំពីកម្ពុជាមានដូចជា ៤ឆ្នាំនៃការចោទប្រកាន់ មេធាវីលោក កឹម សុខា បន្តជំរុញឲ្យពន្លឿនសវនាការ ដើម្បីបង្ហាញ«ការផ្សះផ្សាជាតិ»។ គណបក្សកាន់អំណាចនិងគណបក្សប្រឆាំងចោទគ្នាអំពីការព្យាយាមបំបែកផ្ទៃក្នុងរបស់ខ្លួន។ នៅក្នុងកម្មវិធី Hello VOA នៅថ្ងៃនេះ មានកិច្ចពិភាក្សាអំពី«តើព្រឹត្តិការណ៍នៅអាហ្វហ្គានីស្ថាន ប៉ះពាល់ដល់ការឈរជើងរបស់អាមេរិកនៅអាស៊ីដែរឬទេ?»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកត្រូវបានរំឭកអំពីការបន្សល់ទុកសម្ព័ន្ធមិត្តអាហ្វហ្គានីស្ថាន«ដ៏ច្រើន»នៅអាហ្វហ្គានីស្ថាន។ សហរដ្ឋអាមេរិកនៅសង្ស័យក្រុមតាលីបង់ក្នុងការជួយការប្រឆាំងនឹងភេរវកម្ម។ លោក Biden ប្រាប់ប្រធានាធិបតីអ៊ុយក្រែនអំពីការបន្តគាំទ្ររបស់សហរដ្ឋអាមេរិក។ អ.ស.ប. ប្រុងប្រៀបសម្រាប់អពយពនៃជនភៀសខ្លួនអាហ្វហ្គានីស្ថាន៥សែននាក់៕

1 hr

September 01, 2021 ព័ត៌មានពេលរាត្រី៖ ១ កញ្ញា ២០២១ - កញ្ញា 01, 2021

ព័ត៌មានអំពីកម្ពុជាមានដូចជា របាយការណ៍ថ្មីចោទរដ្ឋាភិបាលកម្ពុជាបង្កើតច្បាប់នានាដើម្បីរឹតត្បិតកាន់តែខ្លាំងសេរីភាពលើប្រព័ន្ធអ៊ីនធឺណិត។ របាយការណ៍ក្រសួងកសិកម្ម៖ គ្រោះរាំងស្ងួតបំផ្លាញស្រូវជាង ១៧ម៉ឺនហិកតាក្នុងរយៈពេល៨ខែ។ សាច់ញាតិសពអ្នកកើតកូវីដ៖ ភាពមិនស្ងប់ក្នុងចិត្តនិងក្តីបារម្ភពីការច្រឡំសពនិងធាតុ។ រីឯព័ត៌មានអន្តរជាតិវិញមានដូចជា ក្រុមតាលីបង់ព្រមានការឈ្លានពានអាហ្វហ្គានីស្ថាននាពេលអនាគត និងស្នើអន្តរជាតិឲ្យទទួលស្គាល់ការដឹកនាំរបស់ខ្លួន។ ប្រមុខអ.ស.ប.ព្រមានថា «មហន្តរាយមនុស្សធម៌ជិតកើតឡើង» នៅអាហ្វហ្គានីស្ថាន។ ការស្ទង់មតិ៖ ពលរដ្ឋអាមេរិកពេញវ័យជាងពាក់កណ្តាលជឿថា ការសម្រេចដកកងទ័ពចេញពីអាហ្វហ្គានីស្ថានគឺ«ត្រឹមត្រូវ»។ អ.ស.ប.ថា គ្រោះមហន្តរាយធាតុអាកាសនិងអាកាសធាតុកើនឡើង៥ដងក្នុងពេល៥០ឆ្នាំកន្លងមក។ លោក Biden ថ្លែងការពារការសម្រេចរបស់លោកក្នុងការបញ្ចប់សង្គ្រាមនៅអាហ្វហ្គានីស្ថាន នៅក្នុងសុន្ទរកថាទៅកាន់ប្រជាជាតិ៕

1 hr

August 31, 2021 ព័ត៌មានពេលរាត្រី៖ ៣១ សីហា ២០២១ - សីហា 31, 2021

ព័ត៌មានអំពីកម្ពុជាមានដូចជា បារាំងកំពុងទប់ទល់នឹងការកើនឡើងករណីឆ្លងជំងឺកូវីដ១៩ ខណៈអត្រាចាក់វ៉ាក់សាំងមានទាបនៅតាមដែនដីក្រៅប្រទេស។ សកម្មជនបរិស្ថានដែលតវ៉ាឲ្យដោះលែងលោក រ៉ុង ឈុន សុំឲ្យតុលាការកាត់ក្តីដោយឯករាជ្យ។ កសិករនៅខេត្តពោធិ៍សាត់ត្អូញត្អែរ«ជីវិតកាន់តែលំបាក» ខណៈប្រឈមភាពរាំងស្ងួតនិងជំងឺកូវីដ។ រីឯព័ត៌មានអន្តរជាតិវិញមានដូចជា លោក Biden នឹងថ្លែងទៅកាន់ប្រជាជាតិនៅថ្ងៃអង្គារនេះ បន្ទាប់ពីសហរដ្ឋអាមេរិកបញ្ចប់សង្គ្រាមជាផ្លូវការនៅអាហ្វហ្គានីស្ថាន។ ជប៉ុននិងអាមេរិកនឹងដាក់សម្ពាធលើចិនអំពីការបញ្ចេញឧស្ម័នកាបូន មុនកិច្ចប្រជុំកំពូលអំពីអាកាសធាតុ។ នាយករដ្ឋមន្ត្រីថៃប្រឈមនឹងការដេញដោលពីសភា ខណៈការតវ៉ានៅតែបន្ត។ អ.ស.ប.ប្រាប់ក្រុមតាលីបង់ឲ្យអនុញ្ញាតឲ្យពលរដ្ឋអាហ្វហ្គានីស្ថានចាកចេញដោយសុវត្ថិភាព។ មន្ត្រីអាមេរិកនិងតាលីបង់ថា យោធាអាមេរិកចុងក្រោយនៅអាហ្វហ្គានីស្ថានបានដកចេញអស់ហើយ។

1 hr

August 30, 2021 ព័ត៌មានពេលរាត្រី៖ ៣០ សីហា ២០២១ - សីហា 30, 2021

ព័ត៌មានអំពីកម្ពុជាមានដូចជា លោក ហ៊ុន សែន ចំអកឲ្យសហរដ្ឋអាមេរិកថា «ចាញ់» សង្រ្គាមនៅអាហ្វហ្គានីស្ថាន។ អ្នកនាំពាក្យក្រសួងមហាផ្ទៃ ចោទលោក សម រង្ស៊ី ថាផ្សាយព័ត៌មានក្លែងក្លាយជុំវិញការបង្កើតរដ្ឋាភិបាលបង្រួបបង្រួមជាតិ។ នៅក្នុងកម្មវិធី Hello VOA មានកិច្ចពិភាក្សាអំពី «អ្នកឃ្លាំមើលឆ្លុះបញ្ចាំងគោលនយោបាយការបរទេសអាមេរិក ហើយប្រៀបធៀបការចូលកាន់កាប់ប្រទេសអាហ្វហ្គានីស្ថានរបស់ក្រុមតាលីបង់ទៅនឹងក្រុមខ្មែរក្រហមនៅកម្ពុជា»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកថា កិច្ចប្រឹងប្រែងជម្លៀសរបស់ខ្លួននៅអាកាសយានដ្ឋានក្រុងកាប៊ុល«គ្មានការបង្អាក់» ដោយសារការវាយប្រហាររ៉ុក្កែតឡើយ។ ក្រុមតាលីបង់ជិតឈានដល់ការបង្កើតគណៈរដ្ឋមន្រ្តី និងប្រកាសរដ្ឋាភិបាលថ្មី។ លោក Biden ផ្តល់កិត្តិយសដល់ទាហានអាមេរិកាំងដែលត្រូវបានសម្លាប់នៅអាហ្វហ្គានីស្ថាន។ អ្នកជំនាញកំពូលសហរដ្ឋអាមេរិកផ្នែកជំងឺឆ្លងជំរុញពលរដ្ឋឲ្យចាក់វ៉ាក់សាំងកូវីដ១៩។ ព្យុះសង្ឃរា Ida ចុះខ្សោយឥទ្ធិពល ប៉ុន្តែនៅតែជាការគំរាមកំហែង។ ទីភ្នាក់ងារអង្គការសហប្រជាជាតិឃ្លាំមើលបរមាណូថា សកម្មភាពជាថ្មីនៅរោងចក្ររ៉េអាក់ទ័រនុយក្លេអ៊ែរកូរ៉េខាងជើងជាកង្វល់ខ្លាំង៕

1 hr

August 29, 2021 ព័ត៌មានពេលរាត្រី៖ ២៩ សីហា ២០២១ - សីហា 29, 2021

ព័ត៌មានអំពីកម្ពុជាមានដូចជា មន្រ្តីសិទ្ធិមនុស្សជំរុញការបង្កើតស្ថាប័នសិទ្ធិមនុស្សជាតិឯករាជ្យមួយ ខណៈព្រួយបារម្ភអំពីស្ថានភាពសិទ្ធិមនុស្សបច្ចុប្បន្ននេះ។ បណ្ដឹងសាទុក្ខចុងក្រោយបង្អស់ និងសាលាក្ដីខ្មែរក្រហមជិតដល់ទីបញ្ចប់។ សម្រង់ពីកម្មវិធី Hello VOA អំពី«ស្ថានភាពការងារ និងប្រាក់ឈ្នួលរបស់ពលករនៅក្នុងប្រទេសកូរ៉េខាងត្បូង ក្នុងពេលរាតត្បាតនៃជំងឺកូវីដ១៩»។ រីឯព័ត៌មានអន្តរជាតិវិញមានដូចជា អ្នកជំនាញពិនិត្យកេរដំណែលអាមេរិកបន្ទាប់ពី២០ឆ្នាំនៅអាហ្វហ្គានីស្ថាន។ អង្គការ UNHCR និយាយថាគេត្រូវការពារនិងមិនបំភ្លេចជនជាតិ អាហ្វហ្គានីស្ថានទេ។ ព័ត៌មានអវកាសខែនេះ៖ មហាសេដ្ឋីទៅលំហអាកាស តុល្យភាពកាបូន និងជីវិតលើភពព្រះអង្គារ៕

1 hr

August 28, 2021 ព័ត៌មានពេលរាត្រី៖ ២៨ សីហា ២០២១ - សីហា 28, 2021

ព័ត៌មានអំពីកម្ពុជាមានដូចជា មជ្ឈមណ្ឌលឯកសារកម្ពុជាបង្ហាញសៀវភៅ«នរោត្តមសីហនុ និងជូ អេនឡាយ» សរសេរដោយអតីតទីប្រឹក្សារបស់សម្តេចសីហនុ។ សម្រង់ពីកម្មវិធី Hello VOA អំពី «យុទ្ធនាការដោះស្រាយសំណុំរឿងកកស្ទះនៅតុលាការជោគជ័យ ប៉ុន្តែមិនបានបន្ថយចំនួនអ្នកជាប់ឃុំ»។ រីឯព័ត៌មានអន្តរជាតិវិញមានដូចជា ពលរដ្ឋអាមេរិកាំងដើមកំណើតវៀតណាមជួយជនជាតិអាហ្វហ្គានីស្ថានឱ្យមកតាំងលំនៅដ្ឋានជាថ្មីក្នុងសហរដ្ឋអាមេរិក។ អតីតយុទ្ធជនអាមេរិកប្រើរូបថតដើម្បីកំណត់បង្ហាញបទពិសោធន៍ជីវិតរបស់ជនជាតិអាមេរិកស្បែកខ្មៅជាថ្មី។ ទីភ្នាក់ងារផ្តល់ជំនួយមួយជួយទំនុកបម្រុងស្រ្តីនៅកេនយ៉ាអំឡុងពេលមានវិបត្តិជំងឺកូវីដ១៩៕

1 hr

August 27, 2021 ព័ត៌មានពេលរាត្រី៖ ២៧ សីហា ២០២១ - សីហា 27, 2021

ព័ត៌មានអំពីកម្ពុជាមានដូចជា ក្រសួងសុខាភិបាលកម្ពុជារកឃើញវីរុសបំប្លែងថ្មីដែលតាប្រមាណ១៤០ករណីក្នុងមួយថ្ងៃ។ មន្រ្តីជំនាញថា រយៈពេល៦ខែដើមឆ្នាំនេះ ករណីជួញដូរមនុស្សនៅកម្ពុជាកើនឡើង៣ដង។ សាច់ញាតិរបស់ក្រុមខ្មែរថាវរៈសង្ឃឹមតិចតួចចំពោះការសម្រាលទោស តែសុំកាត់ក្តីដោយយុត្តិធម៌។ បណ្ដឹងសាទុក្ខចុងក្រោយបង្អស់និងសាលាក្ដីខ្មែរក្រហមជិតដល់ទីបញ្ចប់។ របាយការណ៍អង្គការយូនីសេហ្វ៖ កុមារកម្ពុជាប្រឈមនឹងហានិភ័យខ្ពស់ពីផលប៉ះពាល់នៃវិបត្តិអាកាសធាតុ។ រីឯព័ត៌មានអន្តរជាតិវិញមានដូចជា អ.ស.ប.និងអូតង់ប្រកាសប្រឆាំងការបំផ្ទុះគ្រាប់បែកអត្តឃាតនៅទីក្រុងកាប៊ុល។ តើក្រុមរដ្ឋអ៊ីស្លាមនៅអាហ្វហ្គានីស្ថានបង្កគ្រោះថ្នាក់ប៉ុណ្ណា? លោក Biden ប្តេជ្ញាសងសឹកអ្នកវាយប្រហារអាកាសយានដ្ឋានក្រុងកាប៊ុល។ ការព្យាករថា ចំនួនមនុស្សស្លាប់ដោយសារកូវីដអាចមានជាង១សែននាក់ទៀត លុះត្រាអាមេរិកផ្លាស់ប្តូរឥរិយាបថ។ USAID ប្រកាសផ្តល់ជំនួយបន្ថែមចំនួន៣២លានដុល្លារដល់ជនរងគ្រោះដោយការរញ្ជួយដីនៅហៃទី។ ក្រុមយុវជនជំនាន់ Gen Z និងក្រុមអាវក្រហមថៃក្រោកឈរប្រឆាំងនឹងលោកនាយករដ្ឋមន្ត្រី Prayuth សារជាថ្មី។ កម្មវិធីព័ត៌មានអវកាសខែនេះ ស្តីពីកីឡាអូឡាំពិកក្នុងអវកាស និងការដឹកជញ្ជូនភីហ្សាទៅអវកាស៕

1 hr

August 26, 2021 ព័ត៌មានពេលរាត្រី៖ ២៦ សីហា ២០២១ - សីហា 26, 2021

ព័ត៌មានអំពីកម្ពុជាមានដូចជា អាជ្ញាធរឥណ្ឌូណេស៊ីឃាត់នាវាដឹកប្រេងដែលកម្ពុជាអះអាងថាលួចនាំចេញដោយខុសច្បាប់។ តុលាការបើកសវនាការកំបាំងមុខក្នុងសំណុំរឿងបង្ហោះហ្វេសប៊ុក«ញុះញង់»របស់សកម្មជនបក្សប្រឆាំង។ ក្រសួងសុខាភិបាលកម្ពុជាអនុញ្ញាតឲ្យចាក់ដូសជំរុញជាប្រភេទវ៉ាក់សាំងដូចគ្នា។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «ស្ថានភាពការងារនិងប្រាក់ឈ្នួលពលករខ្មែរចំណាកស្រុកនៅកូរ៉េខាងត្បូង ក្នុងពេលនៃការរាតត្បាតជំងឺកូវីដ១៩»។ រីឯព័ត៌មានអន្តរជាតិវិញមានដូចជា លោក Blinken ថា «គ្មានថ្ងៃផុតកំណត់»សម្រាប់ការជម្លៀសនៅអាហ្វហ្គានីស្ថានទេ។ ឃាតកម្មរបស់ប៉ូលិសដែលមន្ទិលថា សម្លាប់ជនសង្ស័យគ្រឿងញៀនថៃ ជំរុញឱ្យមានការអំពាវនាវឱ្យកែទម្រង់ប៉ូលិស។ ចៅក្រមអាមេរិកដាក់ទណ្ឌកម្មមេធាវីដែលជាសម្ព័ន្ធមិត្តលោក Trump។ សមាជិកសភាអាមេរិកជំរុញឱ្យលោក Biden ជម្លៀសអ្នកកាសែតរបស់ USAGM និងក្រុមគ្រួសារ៕

1 hr