កម្មវិធីព័ត៌មានពេលរាត្រី - វីអូអេ podcast - Page 133

August 15, 2021 ព័ត៌មានពេលរាត្រី៖ ១៥ សីហា ២០២១ - សីហា 15, 2021

ព័ត៌មានអំពីកម្ពុជាមានដូចជា របាយការណ៍ថ្មីបង្ហាញទំនប់វារីអគ្គិសនីសេសានក្រោម២បង្ក«មហន្តរាយសិទ្ធិ»ដល់ជនជាតិដើមភាគតិចក្នុងខេត្តស្ទឹងត្រែង។ ការសិក្សាថ្មីជំរុញឲ្យយកចិត្តទុកដាក់បន្ថែមលើប្រជាពលរដ្ឋកម្ពុជាដែលជួបការលំបាកបង់សងកម្ចីមីក្រូហិរញ្ញវត្ថុ។ រីឯព័ត៌មានអន្តរជាតិវិញមានដូចជា ការងារនៅសហរដ្ឋអាមេរិកកើនឡើងចំនួន ៩៤៣.០០០ ទៀត កាលពីខែកក្កដា ដែលលើសពីការរំពឹងទុក។ ទីភ្នាក់ងារ AP បានចូលមើលមណ្ឌលឃុំឃាំងធំបំផុតនៅតំបន់ស៊ីនជាំង ប្រទេសចិន។ អាមេរិកត្រូវបានសង្កេតឃើញថា កំពុងពង្រឹងទំនាក់ទំនងយោធាអាស៊ីអាគ្នេយ៍ដើម្បីទប់ទល់នឹងចិន៕

1 hr

August 14, 2021 ព័ត៌មានពេលរាត្រី៖ ១៤ សីហា ២០២១ - សីហា 14, 2021

ព័ត៌មានអំពីកម្ពុជាមានដូចជា កម្ពុជាត្រៀមធ្វើជាប្រធានអាស៊ាន ដោយប្តេជ្ញាដោះស្រាយបញ្ហាក្រោមគោលការណ៍កុងសង់ស៊ីស និងមិនលម្អៀងទៅមហាអំណាច។ ត្រីគឺជាប្រភពអាហារូបត្ថម្ភមិនអាចខ្វះបានសម្រាប់កម្ពុជា គន្លឹះទប់ស្កាត់ការខ្វះអាហារូបត្ថម្ភនិងសន្តិសុខស្បៀងអាហារ។ ឪពុករបស់ Jordan Pisey Windle ថា អនាគតរបស់កីឡាករលោតទឹកអាមេរិកាំងដើមកំណើតខ្មែរវែងឆ្ងាយហួសពីការប្រកួតក្នុងកីឡាអូឡាំពិក។ រីឯព័ត៌មានអន្តរជាតិវិញមានដូចជា មូលហេតុដែលហ្វីលីពីនជ្រើសរើសយកអាមេរិកជាជាងចិន។ ឧត្តមស្នងការសិទ្ធិមនុស្សអំពាវនាវឱ្យមានការផ្លាស់ប្តូរសំខាន់ៗដើម្បីបញ្ចប់ការរើសអើងជាតិសាសន៍ជាប្រព័ន្ធដ៏ច្រើនជំនាន់។ មូលហេតុដែលចិនបង្កើតរូបិយប័ណ្ណឌីជីថលផ្ទាល់ខ្លួន៕

1 hr

August 13, 2021 ព័ត៌មានពេលរាត្រី៖ ១៣ សីហា ២០២១ - សីហា 13, 2021

ព័ត៌មានអំពីកម្ពុជាមានដូចជា កូនប្រុសលោក ខៀវ សំផន ទទូចឲ្យតុលាការផ្តល់យុត្តិធម៌ដល់ឪពុក ខណៈសវនាការបណ្តឹងសាទុក្ខចាប់ផ្តើមនៅសប្តាហ៍ក្រោយ។ អាជ្ញាធរខណ្ឌមានជ័យបង្ខំអ្នកកាសែតឲ្យលុបចោលរូបភាពនៃការវាយកម្ទេចផ្ទះរបស់ពលរដ្ឋនៅបឹងទំពុន។ មន្រ្តីសុខាភិបាលកម្ពុជាថា មិនមានភាពចាំបាច់ធ្វើតេស្តរកអង់ទីគ័រវ៉ាក់សាំងបង្ការជំងឺកូវីដ១៩នោះទេ។ អតីតមេបញ្ជាការខ្មែរក្រហមពេញចិត្តនឹងការអភិវឌ្ឍបច្ចុប្បន្នហើយប្តេជ្ញាការពារសន្តិភាពនិងបូរណភាពទឹកដី។ រីឯព័ត៌មានអន្តរជាតិវិញមានដូចជា រដ្ឋបាលចំណីអាហារនិងឱសថស.រ.អា.ឱ្យចាក់ វ៉ាក់ សាំង Pfizer ឬ Moderna ដូសទី៣ សម្រាប់ក្រុមមានហានិភ័យ។ អ្នកវិភាគថា ចិនពង្រីកឥទ្ធិពលនៅអាហ្វ្រិកតាមរយៈកិច្ចព្រមព្រៀងទូរគមនាគមន៍។ ក្រុមតាលីបង់បានចូលកាន់កាប់ទីរួមខេត្តសំខាន់ៗជាច្រើននៅអាហ្វហ្គានីស្ថាន។ មនុស្ស៦នាក់ស្លាប់ក្នុងការបាញ់ប្រហារនៅទីក្រុង Plymouth ប្រទេសអង់គ្លេស។ មន្ត្រីក្រសួងការបរទេសអាមេរិកជួបជាមួយឯកអគ្គរដ្ឋទូតថ្មីរបស់ចិន៕

1 hr

August 12, 2021 ព័ត៌មានពេលរាត្រី៖ ១២ សីហា ២០២១ - សីហា 12, 2021

ព័ត៌មានអំពីកម្ពុជាមានដូចជា អង្គការ IMF ផ្តល់ជំនួយឥតសំណងដល់កម្ពុជាប្រមាណ២៤០លានដុល្លារអាមេរិក ដើម្បីស្តារសេដ្ឋកិច្ច។ អ្នកជំនាញប្រព័ន្ធផ្សព្វផ្សាយបារម្ភការបន្តរឹតត្បិតសារព័ត៌មាន ខណៈក្រសួងព័ត៌មានបង្កើតគណៈកម្មការក្រមសីលធម៌។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី«ការកេងចំណេញពីវិបត្តិកូវីដ១៩ និងសុខភាពសាធារណៈនៅកម្ពុជា»។ រីឯព័ត៌មានអន្តរជាតិវិញមានដូចជា រដ្ឋបាលចំណីអាហារនិងឱសថស.រ.អា.នឹងអនុញ្ញាតវ៉ាក់សាំងកូវីដ១៩ដូសទី៣ដល់អ្នកមានបញ្ហាអង្គបដិប្រាណ។ ប្រទេសស៊ូដង់ត្រៀមប្រគល់អតីតមេដឹកនាំឱ្យតុលាការព្រហ្មទណ្ឌអន្តរជាតិ។ រដ្ឋបាលរាជធានីភ្នំពេញបន្តរឹតត្បិតការធ្វើដំណើរនិងការលក់ដូរដែលមានហានិភ័យខ្ពស់នឹងការឆ្លងកូវីដ១៩។ មនុស្ស៣នាក់ស្លាប់និងជាង២០នាក់របួសក្នុងគ្រោះថ្នាក់ចរាចរណ៍រថយន្តដឹកកម្មករក្នុងខេត្តកំពង់ស្ពឺ។ អង្គការ Amnesty International ថា ស្ត្រី និងក្មេងស្រីរាប់រយនាក់ត្រូវគេរំលោភនៅ Tigray នៃប្រទេសអេត្យូពី។ ស្នងការដ្ឋានប៉ូលិសធ្លាក់ទៅក្នុងកណ្តាប់ដៃក្រុមតាលីបង់នៅភាគខាងត្បូងអាហ្វហ្គានីស្ថាន៕

1 hr

August 11, 2021 ព័ត៌មានពេលរាត្រី៖ ១១ សីហា ២០២១ - សីហា 11, 2021

ព័ត៌មានអំពីកម្ពុជាមានដូចជា អាជ្ញាធរឲ្យពលរដ្ឋយ៉ាងតិច១០គ្រួសាររុះរើផ្ទះចេញពីតំបន់ជាប់អាងស្តុកទឹកបឹងទំពុនក្នុងពេលមួយសប្តាហ៍ ដោយមិនផ្តល់សំណង។ ម្ចាស់ក្រុមហ៊ុនស៊ូជីងថា«អយុត្តិធម៌» រឿងដកហូតដីអភិវឌ្ឍផែទេសចរណ៍នៅខេត្តសៀមរាប ពាក់ព័ន្ធនឹងបំណុលពន្ធ។ ការសិក្សាថ្មីជំរុញឲ្យយកចិត្តទុកដាក់បន្ថែមលើប្រជាពលរដ្ឋកម្ពុជាដែលជួបការលំបាកបង់សងកម្ចីមីក្រូហិរញ្ញវត្ថុ។ កម្ពុជាអួតពីអត្រាខ្ពស់នៃការចាក់វ៉ាក់សាំងដល់ពលរដ្ឋខ្លួនគឺជាង៧០ភាគរយ ឬជាង៧លាននាក់រួមទាំងជនជាប់ចោទពីបទឧក្រិដ្ឋកម្មសង្គ្រាមម្នាក់ផង។ រីឯព័ត៌មានអន្តរជាតិវិញមានដូចជា ការចាក់វ៉ាក់សាំងកើនឡើងនៅ Laggard Louisiana ខណៈវីរុសប្រភេទដែលតារាតត្បាតរដ្ឋនេះ។ ប្រតិកម្មចម្រុះចំពោះបេសកជនពិសេសសម្រាប់ប្រទេសមីយ៉ាន់ម៉ា។ នាយករដ្ឋមន្ត្រីកាណាដាថា ចិនកាត់ទោសជនជាតិកាណាដាម្នាក់ឲ្យជាប់ពន្ធនាគារ១១ឆ្នាំដោយ«អយុត្តិធម៌»។ ព្រឹទ្ធសភាអាមេរិកអនុម័តកញ្ចប់ថវិកា១លានលានដុល្លារសម្រាប់ហេដ្ឋារចនាសម្ព័ន្ធ។ កូរ៉េខាងជើងងាកទៅរកទម្លាប់ចាស់ដោយប្រើការប្រឈមផងនិងការសន្ទនាផង៕

1 hr

August 10, 2021 ព័ត៌មានពេលរាត្រី៖ ១០ សីហា ២០២១ - សីហា 10, 2021

ព័ត៌មានអំពីកម្ពុជាមានដូចជា ការសិក្សាថ្មីជំរុញឲ្យយកចិត្តទុកដាក់បន្ថែមលើប្រជាពលរដ្ឋកម្ពុជាដែលជួបការលំបាកបង់សងកម្ចីមីក្រូហិរញ្ញវត្ថុ។ កម្ពុជាត្រៀមធ្វើជាប្រធានអាស៊ាន ដោយប្តេជ្ញាដោះស្រាយបញ្ហា ក្រោមគោលការណ៍កុងសង់ស៊ីស។ មន្រ្តីសុខាភិបាលកម្ពុជាថា អ្នកជាសះស្បើយពីជំងឺកូវីដ១៩ មិនចាំបាច់ចាក់វ៉ាក់សាំងភ្លាមៗទេ រង់ចាំយ៉ាងតិច៦ខែសិន។ របាយការណ៍ថ្មីបង្ហាញថា ទំនប់វារីអគ្គិសនីសេសានក្រោម២បង្ក«មហន្តរាយសិទ្ធិ»ដល់ជនជាតិដើមភាគតិចក្នុងខេត្តស្ទឹងត្រែង។ រីឯព័ត៌មានអន្តរជាតិវិញមានដូចជា យោធាសហរដ្ឋអាមេរិកនឹងតម្រូវឱ្យចាក់វ៉ាក់សាំងកូវីដ១៩នៅពាក់កណ្តាលខែកញ្ញា។ ប្រធានាធិបតីម៉ិកស៊ិកនិងអនុប្រធានាធិបតីអាមេរិកពិភាក្សាអំពីបញ្ហាចំណាកស្រុក និងជំរុញសេដ្ឋកិច្ចអាមេរិកកណ្តាល។ សហរដ្ឋអាមេរិកទទួលស្គាល់ថា អនាគតអាហ្វហ្គានីស្ថានមិនល្អទេ។ បង់ក្លាដែសចាក់វ៉ាក់សាំងបង្ការឱ្យជនភៀសខ្លួនរ៉ូហ៊ីងយ៉ាពេលជំងឺកូវីដ១៩បន្ដរាតត្បាត។ កូរ៉េខាងជើងស្តីបន្ទោសសមយុទ្ធអាមេរិក-កូរ៉េខាងត្បូង ដោយតាំងចិត្តបង្កើនអាវុធខ្លួនឯង៕

1 hr

August 09, 2021 ព័ត៌មានពេលរាត្រី៖ ៩ សីហា ២០២១ - សីហា 09, 2021

ព័ត៌មានអំពីកម្ពុជាមានដូចជា លោក កឹម សុខា មិនចូលរួមបង្កើតរដ្ឋាភិបាលបង្រួបបង្រួមជាតិ ដែលលោក សម រង្ស៊ី បានប្រកាស។ ឪពុករបស់ Jordan Pisey Windle ថា អនាគតរបស់កីឡាករលោតទឹកអាមេរិកាំងដើមកំណើតខ្មែរវែងឆ្ងាយហួសពីការប្រកួតក្នុងកីឡាអូឡាំពិក។ លោក ហ៊ុន សែន ស្នើឲ្យបញ្ឈប់ការស្នើសុំចាក់វ៉ាក់សាំងអាស្រ្តាហ្សេនីកាដូសទី ៣ សម្រាប់អ្នកចាក់វ៉ាក់សាំងនេះពីរដូសរួចហើយ។ កម្មវិធី Hello VOA មានកិច្ចពិភាក្សាអំពី «សវនាការបណ្តឹងសាទុក្ខលើរឿងក្តី ខៀវ សំផន ក្នុងគ្រាកូវីដ១ ៩»។ រីឯព័ត៌មានអន្តរជាតិវិញមានដូចជា អ្នកជំនាញសុខាភិបាលអាមេរិកបង្ហាញកង្វល់អំពីវីរុសកូរ៉ូណាថ្មី។ ក្រុមបាតុករថៃដែលបានប្តូរចិត្តបានចេញមកតាមផ្លូវនានាប្រឆាំងនាយករដ្ឋមន្ត្រី Prayuth។ ប្រទេសកាតានឹងរៀបចំកិច្ចប្រជុំអន្ដរជាតិស្តីពីសន្តិភាពអាហ្វហ្គានីស្ថាន។ ឥណ្ឌាវាយឆ្មក់អង្គការសាសនាដែលសង្ស័យថាផ្តល់មូលនិធិភេរវកម្ម។ ទីក្រុង Nagasaki រំឭកខួប ៧៦ ឆ្នាំនៃការទម្លាក់គ្រាប់បែកបរមាណូ។ ការងារនៅសហរដ្ឋអាមេរិកកើនឡើងចំនួន ៩៤៣.០០០ ទៀត កាលពីខែកក្កដា លើសពីការរំពឹងទុក៕

1 hr

August 08, 2021 ព័ត៌មានពេលរាត្រី៖ ៨ សីហា ២០២១ - សីហា 08, 2021

ព័ត៌មានអំពីកម្ពុជាមានដូចជា សកម្មជនមើលឃើញអនាគតមិនល្អនៃសិទ្ធិមនុស្សនៅកម្ពុជានិងទទូចឲ្យធ្វើសកម្មភាពបន្ថែម។ បញ្ញវន្តខ្មែរទទូចរដ្ឋាភិបាលបង្កើនអាហារូបករណ៍ទៅសិក្សាក្រៅប្រទេសដើម្បីបន្ថយការពឹងផ្អែកលើជំនួយបរទេស។ រីឯព័ត៌មានអន្តរជាតិវិញមានដូចជា ប្រទេសនូវែលសេឡង់និងចិនប៉ះទង្គិចគ្នាលើការអះអាងពាក់ព័ន្ធនឹងការលួចចូលក្នុងប្រព័ន្ធអ៊ីនធឺណិត។ ពលរដ្ឋក្រុង New York នាំគ្នាចាក់សាក់លើស្បែកជាការរំឭកពីសាច់ញាតិស្លាប់ដោយសារជំងឺកូវីដ១៩។ ហេតុអ្វីបានជាទំនិញឡើងថ្លៃ ហើយតើវាមានន័យយ៉ាងដូចម្តេច? ទីក្រុងនៃដែនចរន្តធម្មជាតិរបស់ចិនបានវិវត្តហួសសមត្ថភាពស្រូបយកទឹកភ្លៀង៕

1 hr

August 07, 2021 ព័ត៌មានពេលរាត្រី៖ ៧ សីហា ២០២១ - សីហា 07, 2021

ព័ត៌មានអំពីកម្ពុជាមានដូចជា ជនជាប់ចោទឧក្រិដ្ឋកម្មសង្គ្រាម ខៀវ សំផន បានចាក់វ៉ាក់សាំងជំងឺកូវីដ១៩ ខណៈពលរដ្ឋឯទៀតកំពុងរង់ចាំវេនចាក់។ ក្រសួងព័ត៌មានបង្កើតគណៈកម្មការ ដែលអាចរិះគន់អ្នកកាសែត ឬអង្គភាពសារព័ត៌មានបំពេញការងារខុសក្រមសីលធម៌។ សមាជិកព្រឹទ្ធសភាអាមេរិក៣រូបគាំទ្រសេចក្តីស្នើច្បាប់ប្រជាធិបតេយ្យកម្ពុជា ខណៈបក្សប្រឆាំងមានសង្ឃឹមនឹងមានគំនាបលើរដ្ឋាភិបាល។ កម្ពុជាអួតពីអត្រាខ្ពស់នៃការចាក់វ៉ាក់សាំងដល់ពលរដ្ឋខ្លួនគឺជាង៧០ភាគរយឬជាង៧លាននាក់រួមទាំងជនជាប់ចោទពីបទឧក្រិដ្ឋកម្មសង្គ្រាមម្នាក់ផង។ រីឯព័ត៌មានអន្តរជាតិវិញមានដូចជា ក្រុមកីឡាករអាមេរិកាំងដើមកំណើតអាស៊ីពិភាក្សាការប្រឈមនឹងសម្អប់។ បារីអេឡិចត្រូនិកគំរាមកំហែងដល់ការប្រឹងប្រែងប្រយុទ្ធប្រឆាំងការប្រើប្រាស់ថ្នាំជក់សាកល។ ពិភពលោកមិនទាន់ត្រៀមខ្លួនរួចរាល់ដើម្បីទប់ទល់នឹងជំងឺរាតត្បាតនៅឡើយទេ៕

1 hr

August 06, 2021 ព័ត៌មានពេលរាត្រី៖ ៦ សីហា ២០២១ - សីហា 06, 2021

ព័ត៌មានអំពីកម្ពុជាមានដូចជា សមាជិកព្រឹទ្ធសភាអាមេរិក៣រូបគាំទ្រសេចក្តីស្នើច្បាប់ប្រជាធិបតេយ្យកម្ពុជា ខណៈបក្សប្រឆាំងមានសង្ឃឹមនឹងមានគំនាបលើរដ្ឋាភិបាល។ មនុស្សជិត៤ពាន់នាក់ត្រូវ«អប់រំនិងពិន័យ» ខណៈ៣២នាក់បញ្ជូនទៅតុលាការរឿងបំពានវិធានការប្រឆាំងវីរុសដែលតា។ សកម្មជនមើលឃើញអនាគតមិនល្អនៃសិទ្ធិមនុស្សនៅកម្ពុជានិងទទូចឲ្យធ្វើសកម្មភាពបន្ថែម។ បញ្ញវន្តខ្មែរទទូចរដ្ឋាភិបាលបង្កើនអាហារូបករណ៍ទៅសិក្សាក្រៅប្រទេសដើម្បីបន្ថយការពឹងផ្អែកលើជំនួយបរទេស។ រីឯព័ត៌មានអន្តរជាតិវិញមានដូចជា មេដាយមាសហួសពីក្តីសុបិនរបស់គ្រួសារកីឡាការិនីអាមេរិកាំងដើមកំណើត Hmong។ លោក Biden ផ្តល់សិទ្ធិជ្រកកោនសុវត្ថិភាពដល់ពលរដ្ឋហុងកុងនៅអាមេរិក។ អូស្រ្តាលីនឹងមិនគោរពតាមការទាមទាររបស់ចិនដើម្បីចាប់ផ្តើមកិច្ចចរចាឡើងវិញទេ។ ប្រធានាធិបតីអ៊ីរ៉ង់ថ្មីសន្យាប្រើការទូតដើម្បីលុបចោលទណ្ឌកម្មសហរដ្ឋអាមេរិក។ គ្រូបង្ហាត់កីឡាបេឡារុសពីរនាក់ត្រូវបានបណ្តេញចេញពីកីឡាអូឡាំពិកបញ្ហានាងTsikhanouskaya។ ក្រុមឧទ្ទាម Jihad សម្លាប់មនុស្ស៣០នាក់នៅភាគខាងជើងប្រទេសបួគីណាហ្វាសូ។ ទីក្រុងម៉ានីលត្រូវរាំងខ្ទប់វិញដោយសារខ្លាចវីរុសដែលតា៕

1 hr