កម្មវិធីព័ត៌មានពេលរាត្រី - វីអូអេ podcast - Page 134

August 05, 2021 ព័ត៌មានពេលរាត្រី៖ ៥ សីហា ២០២១ - សីហា 05, 2021

ព័ត៌មានអំពីកម្ពុជាមានដូចជា គណបក្សភ្លើងទៀនចាប់ផ្តើមរៀបចំរចនាសម្ព័ន្ធ ទោះស្ទាក់ស្ទើរចូលរួមក្នុងការបោះឆ្នោតខាងមុខល។ ក្រុមសិទ្ធិមនុស្សស្នើឲ្យអ្នកបញ្ជាទិញធំៗធ្វើអន្តរាគមន៍លើការបាត់ប្រាក់ឈ្នួលកម្មករក្នុងពេលមានវិបត្តិជំងឺកូវីដ១៩។ កម្ពុជាទទួលវ៉ាក់សាំងជំនួយរបស់អង់គ្លេសជាង៤០ម៉ឺនដូសសម្រាប់ដូសទី៣ដល់ក្រុមជួរមុខ។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «អាស៊ីអាគ្នេយ៍ក្រោមការទូតវ៉ាក់សាំងចិននិងលោកខាងលិច»។ រីឯព័ត៌មានអន្តរជាតិវិញមានដូចជា អ្នកស្រីអនុប្រធានាធិបតីសហរដ្ឋអាមេរិកនឹងធ្វើទស្សនកិច្ចទៅវៀតណាម។ ទីភ្នាក់ងារគ្រប់គ្រងនិងបង្ការជំងឺវីរុសដែលតាមានជាង៩៣%នៃជំងឺកូវីដ១៩ថ្មីនៅអាមេរិក។ តំណាងមីយ៉ាន់ម៉ានៅអង្គការសហប្រជាជាតិចោទពួកយោធាប្រកាន់ចំពោះការសម្លាប់រង្គាល។ មូលហេតុដែលហ្វីលីពីនជ្រើសរើសសហរដ្ឋអាមេរិកដោយមិនយកចិន។ អង្គការលើកលែងទោសអន្តរជាតិថា មនុស្ស១១៥ត្រូវបានសម្លាប់ក្នុងការបង្ក្រាបដោយយោធានៅនីហ្សេរីយ៉ា។ លោក Raisi គ្រោងស្បថចូលកាន់តំណែងប្រធានាធិបតីថ្មីរបស់អ៊ីរ៉ង់៕

1 hr

August 04, 2021 ព័ត៌មានពេលរាត្រី៖ ៤ សីហា ២០២១ - សីហា 04, 2021

ព័ត៌មានអំពីកម្ពុជាមានដូចជា រដ្ឋបាលរាជធានីភ្នំពេញអនុញ្ញាតទីតាំងលក់អាហារទទួលភ្ញៀវបាន ប៉ុន្តែត្រូវអនុវត្តវិធានការសុខាភិបាលដែលមានស្តង់ដា។ អាជ្ញាធរថាការចាក់វ៉ាក់សាំង Johnson & Johnson ដល់ជនជាតិភាគតិចនឹងអាចចាប់ផ្តើមនៅសប្តាហ៍នេះ។ កម្ពុជាលើកឡើងអំពី«បរាជ័យ»គម្រោងបូមប្រេង ខណៈតវ៉ាផ្លូវច្បាប់ប្រឆាំងរឿងលួចដឹកប្រេងចេញពីដែនទឹកកម្ពុជា។ សមាជិកសភាអាមេរិកម្នាក់ថាពាណិជ្ជកម្មទ្វេភាគីមិនគិតពន្ធ សំខាន់សម្រាប់កម្ពុជា និងអាមេរិក។ រីឯព័ត៌មានអន្តរជាតិវិញមានដូចជា ក្រុមវេជ្ជបណ្ឌិតដែលតាមដានវីរុស Delta ថា ការចាក់វ៉ាក់សាំងកូវីដ១៩ អាចជួយបាន។ មនុស្សជាង ១០០នាក់ត្រូវបានចោទប្រកាន់ពីបទប្រមាថព្រះមហាក្សត្រថៃមួយឆ្នាំក្រោយការតវ៉ា។ ប្រធានទីភ្នាក់ងារផ្តល់ជំនួយអាមេរិក ជំរុញការដឹកជំនួយមនុស្សធម៌ទៅតំបន់ Tigray។ ព្រឹទ្ធសភាសហរដ្ឋអាមេរិកបោះឆ្នោតផ្តល់មេដាយឲ្យប៉ូលិសដែលការពារសភានៅពេលមានកុបកម្ម។ លោក Biden អំពាវនាវឱ្យអភិបាលក្រុងញូវយ៉កលោក Cuomo ចុះចេញពីតំណែង៕

1 hr

August 03, 2021 ព័ត៌មានពេលរាត្រី៖ ៣ សីហា ២០២១ - សីហា 03, 2021

ព័ត៌មានអំពីកម្ពុជាមានដូចជា កម្ពុជាលើកឡើងអំពី«បរាជ័យ»គម្រោងបូមប្រេង ខណៈតវ៉ាផ្លូវច្បាប់ប្រឆាំងរឿងលួចដឹកប្រេងចេញពីដែនទឹកកម្ពុជា។ ក្មេងៗចាប់ផ្តើមទទួលវ៉ាក់សាំងបង្ការជំងឺកូវីដ១៩ ខណៈទីក្រុងភ្នំពេញប្រឈមការឆ្លងវីរុសបំប្លែងថ្មី Delta។ បញ្ញវន្តខ្មែរទទូចរដ្ឋាភិបាលបង្កើនអាហារូបករណ៍ទៅសិក្សាក្រៅប្រទេសដើម្បីបន្ថយការពឹងផ្អែកលើជំនួយបរទេស។ រីឯព័ត៌មានអន្តរជាតិវិញមានដូចជា អាមេរិកបដិសេធផែនការបោះឆ្នោតនៅមីយ៉ាន់ម៉ា ដោយជំរុញឱ្យអាស៊ានដាក់សម្ពាធ។ អ្នកតំណាងអាមេរិកស្តីពីអាហ្វហ្គានីស្ថាននិយាយថា ប្រទេសនេះនឹងក្លាយជារដ្ឋឯកោប្រសិនបើក្រុមឧទ្ទាមតាលីបង់ដណ្តើមគ្រប់គ្រងប្រទេសដោយកម្លាំងយោធា។ ប្រទេសអង់គ្លេសអនុញ្ញាតឲ្យអ្នកដំណើរ ដែលបានចាក់វ៉ាក់សាំងគ្រប់ដូសពីសហរដ្ឋអាមេរិកនិងភាគច្រើនពីសហភាពអឺរ៉ុបចូលប្រទេសរបស់ខ្លួនបាន។ ការបណ្តេញអ្នកជួលផ្ទះគ្មានប្រាក់បង់មិនអាចកើតមានឡើងក្នុងពេលឆាប់ៗនេះទេ។ មន្រ្តីប៉ូលិសទី ៣ ដែលធ្វើអន្តរាគមន៍ការវាយប្រហារនៅវិមានសភាសហរដ្ឋអាមេរិកធ្វើអត្តឃាត។ ករណីថ្មីនៃកូវីដ១៩បានធ្វើឱ្យមានការធ្វើតេស្តទូទាំងក្រុងវូហានប្រទេសចិន។ កីឡាករអាមេរិកាំងដើមកំណើតអាស៊ីពិភាក្សាការប្រឈមនឹងសម្អប់។ មូលហេតុដែលជំងឺកូវីដ១៩ កើនឡើងនៅអាស៊ីនៅឆ្នាំនេះ បន្ទាប់ពីមានការកើនឡើងតិចតួចនៅឆ្នាំ ២០២០៕

1 hr

August 02, 2021 ព័ត៌មានពេលរាត្រី៖ ២ សីហា ២០២១ - សីហា 02, 2021

ព័ត៌មានអំពីកម្ពុជាមានដូចជា ចៅក្រមនៅទីក្រុងញូវយ៉កសម្រេចឲ្យអាមេរិករឹបអូសនាវាឃាត់បាននៅកម្ពុជា ដោយចោទថាលួចដឹកប្រេងទៅកូរ៉េខាងជើង។ រដ្ឋាភិបាលអនុញ្ញាតឲ្យចាក់វ៉ាក់សាំងដូសទី ៣ ខណៈវីរុសបំប្លែងថ្មី Delta (ដែលតា) កំពុងរាលដាលដល់រាជធានីភ្នំពេញ។ លោក ហ៊ុន សែន ថា លោកមិនទៅទទួលវ៉ាក់សាំងអាមេរិក ដោយសារមិនមែន«ជំនួយទ្វេភាគី»។ នៅក្នុងកម្មវិធី Hello VOA មានកិច្ចពិភាក្សាអំពី «ការកែលម្អខ្លួនឯង និងការសិក្សាពេញមួយជីវិតគឺជាគន្លឹះសម្រាប់ភាពជោគជ័យនៅក្នុងអាជីព»។ រីឯព័ត៌មានអន្តរជាតិវិញមានដូចជា ព្រឹទ្ធសភាអាមេរិកពិចារណាវិធានការហេដ្ឋារចនាសម្ព័ន្ធដ៏ធំមួយ។ កីឡាករអ៊ីតាលីឈ្នះមេដាយមាសដោយភ្ញាក់ផ្អើលក្នុងវិញ្ញាសារត់ប្រណាំងបុរសចម្ងាយ១០០ម៉ែត្រ។ អង់គ្លេសនឹងចាក់វ៉ាក់សាំងកូវីដ១៩ បង្កើនភាពស៊ាំនៅរដូវស្លឹកឈើជ្រុះនេះ។ សហរដ្ឋអាមេរិកនិងអង់គ្លេសបន្ទោសអ៊ីរ៉ង់ចំពោះការវាយប្រហារនាវាដឹកប្រេង។ មនុស្ ស៨នាក់ស្លាប់ ខណៈតួកគីព្យាយាមពន្លត់ភ្លើងឆេះព្រៃនៅថ្ងៃទី ៥។ ទីក្រុងញូវយ៉កបង្អួតកូនកោះមួយដែលជាសួនពិសេសខុសគេ៕

1 hr

August 01, 2021 ព័ត៌មានពេលរាត្រី៖ ១ សីហា ២០២១ - សីហា 01, 2021

ព័ត៌មានអំពីកម្ពុជាមានដូចជា ការសិក្សា១រកឃើញថាកសិករកម្ពុជាប៉ះពាល់ខ្លាំងក្រោយការឆ្លងកូវីដក្នុងសហគមន៍២០កុម្ភៈ។ គណៈកម្មាធិការកិច្ចការបរទេសនៃសភាអាមេរិកអនុម័តសេចក្តីស្នើច្បាប់ដាក់ទណ្ឌកម្មលើការខូចខាតប្រជាធិបតេយ្យកម្ពុជា។ រីឯព័ត៌មានអន្តរជាតិវិញមានដូចជា គោលនយោបាយ«មិនឱ្យមានអ្នកទស្សនា» ក្នុងកីឡាអូឡាំពិកនៅតូក្យូជារឿងខកចិត្ត។ ទីភ្នាក់ងារ AP បានចូលមើលមណ្ឌលឃុំឃាំងធំបំផុតនៅតំបន់ស៊ីនជាំង។ ការសិក្សាថ្មីថា ការកាប់ព្រៃត្រូពិកតំបន់ភ្នំនៅអាស៊ីអាគ្នេយ៍កំពុងកើតឡើងក្នុងទ្រង់ទ្រាយធំនិងក្នុងល្បឿនយ៉ាងលឿន៕

1 hr

July 31, 2021 ព័ត៌មានពេលរាត្រី៖ ៣១ កក្កដា ២០២១ - កក្កដា 31, 2021

ព័ត៌មានអំពីកម្ពុជាមាន កម្ពុជាស្វះស្វែងរកការបន្តពាណិជ្ជកម្មទ្វេភាគីមិនគិតពន្ធជាមួយសហរដ្ឋអាមេរិក។ ការសិក្សា១រកឃើញថាកសិករកម្ពុជាប៉ះពាល់ខ្លាំងក្រោយការឆ្លងកូវីដក្នុងសហគមន៍២០កុម្ភៈ។ រីឯព័ត៌មានអន្តរជាតិវិញមានដូចជា ទីភ្នាក់ងារ AP បានចូលមើលមណ្ឌលឃុំឃាំងធំបំផុតនៅតំបន់ស៊ីនជាំង។ វីរុសជំងឺកូវីដបំប្លែងថ្មីដែលតាកើនឡើងទ្វេបើធៀបនឹងខែមិថុនា។ តើនឹងមានគណបក្សទីបីនៅពេលប្រទេសអាមេរិកបែកបាក់គ្នាខាងនយោបាយឬទេ?

1 hr

July 30, 2021 ព័ត៌មានពេលរាត្រី៖ ៣០ កក្កដា ២០២១ - កក្កដា 30, 2021

ព័ត៌មានអំពីកម្ពុជាមានដូចជា តំណាងទូតអាមេរិកថា វ៉ាក់សាំងមកកម្ពុជា ជាអំណោយរបស់ពលរដ្ឋអាមេរិកាំង និងមិនមានលក្ខខណ្ឌនោះទេ។ មេធាវីការពារក្តីឲ្យលោក រ៉ុង ឈុន បន្តសុំឲ្យទម្លាក់ចោលការចោទប្រកាន់ក្នុងសវនាការជុំចុងក្រោយ។ ការសិក្សា១រកឃើញថាកសិករកម្ពុជាប៉ះពាល់ខ្លាំងក្រោយការឆ្លងកូវីដក្នុងសហគមន៍២០កុម្ភៈ។ រីឯព័ត៌មានអន្តរជាតិវិញមានដូចជា កិច្ចព្រមព្រៀងទស្សនកិច្ចកងកម្លាំងហ្វីលីពីននិងសហរដ្ឋអាមេរិកនៅតែមានជាធរមាន។ សហរដ្ឋអាមេរិកថ្កោលទោស«ការយាយី»អ្នកកាសែតបរទេសនៅប្រទេសចិន។ រដ្ឋាភិបាលអនុញ្ញាតការព្យាបាលកូវីដ១៩តាមផ្ទះក្នុងខេត្តទាំងអស់ ខណៈវីរុស Delta ឆ្លងចូលសហគមន៍។ លោក Biden ថា អ្នកធ្វើការសហព័ន្ធដែលមិនចាក់វ៉ាក់សាំងត្រូវធ្វើតេស្តនិងពាក់ម៉ាស់។ វីរុសជំងឺកូវីដបំប្លែងថ្មីដែលតាកើនឡើងទ្វេបើធៀបនឹងខែមិថុនា។ សេដ្ឋកិច្ចអាមេរិកកើនឡើង៦,៥%ពីខែមេសាដល់ខែមិថុនា។ កីឡាការិនីអាមេរិកាំង Sunisa Lee ឈ្នះបានមេដាយមាសក្នុងការប្រកួតកីឡាអូឡាំពិកខាងកីឡាកាយសម្ព័ន្ធ និងព័ត៌មានផ្សេងទៀត៕

1 hr

July 29, 2021 ព័ត៌មានពេលរាត្រី៖ ២៩ កក្កដា ២០២១ - កក្កដា 29, 2021

ព័ត៌មានអំពីកម្ពុជាមានដូចជា រដ្ឋាភិបាលប្រកាសវិធានការបិទខ្ទប់ក្នុងខេត្តចំនួន៨ ដើម្បីទប់ស្កាត់វីរុសកូវីដ១៩បំប្លែងថ្មី Delta។ រដ្ឋបាលរាជធានីភ្នំពេញហាមការធ្វើដំណើរនិងលក់ដូរពីម៉ោង៩យប់ដល់៣ទៀបភ្លឺ ខណៈបារម្ភពីវីរុសបំប្លែងថ្មី។ គណៈកម្មាធិការកិច្ចការបរទេសនៃសភាអាមេរិកអនុម័តសេចក្តីស្នើច្បាប់ដាក់ទណ្ឌកម្មលើការខូចខាតប្រជាធិបតេយ្យកម្ពុជា។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី«ផលវិបាករបស់កម្មករ និងការតស៊ូមតិរបស់សហជីពក្នុងពេលរាតត្បាត នៃជំងីកូវីដ១៩»។ រីឯព័ត៌មានអន្តរជាតិវិញមានដូចជា ប្រមុខដឹកនាំក្រសួងការពារប្រទេសអាមេរិកស្វះស្វែងបង្កើនចំណងទាក់ទងជាមួយវៀតណាម ខណៈមានការរារែកអំពីបញ្ហាសិទ្ធិមនុស្ស។ លោក Biden ជួបជាមួយអ្នកស្រី Tsikhanouskaya មេដឹកនាំគណបក្សប្រឆាំងបេឡារុស។ មីយ៉ាន់ម៉ាក្រោយរដ្ឋប្រហារប្រឈមការផ្ទុះឡើងនៃជំងឺរាតត្បាត។ បុគ្គលិកសហព័ន្ធអាមេរិកាំងពាក់ម៉ាស់ឡើងវិញ និងគោលនយោបាយ«មិនឱ្យមានអ្នកទស្សនា» ក្នុងកីឡាអូឡាំពិកនៅតូក្យូជារឿងខកចិត្ត៕

1 hr

July 28, 2021 ព័ត៌មានពេលរាត្រី៖ ២៨ កក្កដា ២០២១ - កក្កដា 28, 2021

ព័ត៌មានអំពីកម្ពុជាមានដូចជា មេឃុំនិរាករណ៍លិខិតស្នាមបញ្ជាក់ប្លង់ដីក្នុងតំបន់អភិរក្សជាបន្តបន្ទាប់ នាំឲ្យមានការរិះគន់ពីការ«ខ្វះការទទួលខុសត្រូវ»។ អភិបាលខេត្តកំពង់ស្ពឺថា អាជ្ញាធរដុតបំផ្លាញសាច់ក្របីមកពីឥណ្ឌាដែលរកឃើញមានវីរុសកូរ៉ូណា ទោះមានការតវ៉ាពីស្ថានទូតឥណ្ឌា។ វ៉ាក់សាំង Johnson&Johnson ជំនួយអាមេរិកនឹងត្រូវបញ្ជូនមកកម្ពុជានាថ្ងៃសុក្រសប្តាហ៍នេះ។ ខ្សែភាពយន្តខ្មែរបែបប្រឌិតវិទ្យាសាស្ត្រ «Karmalink» នឹងចាក់បញ្ចាំងក្នុងពិធីបើកកម្មវិធីវាយតម្លៃភាពយន្តអន្តរជាតិក្រុង Venice។ រីឯព័ត៌មានអន្តរជាតិវិញមានដូចជា លោក Biden ថា រុស្ស៊ីបានជ្រៀតជ្រែកការបោះឆ្នោតរបស់អាមេរិកឆ្នាំ២០២២។ សហរដ្ឋអាមេរិកបារម្ភអំពីកំណើននុយក្លេអ៊ែរបន្ទាប់ពីមានរបាយការណ៍ថ្មីអំពីធុងនុយក្លេអ៊ែរថ្មីរបស់ចិន។ សេតវិមានពិចារណាកំណត់ឲ្យបុគ្គលិកសហព័ន្ធចាក់វ៉ាក់សាំង។ កីឡាការិនីអាមេរិកឈ្នះមេដាយមាសសម្រាប់ក្បាច់ហែលទឹកសេរីនៅអូឡាំពិក។ កីឡាកាយសម្ព័ន្ធអាមេរិកនាង Simone Biles ដកខ្លួនពីការប្រកួតកីឡាអូឡាំពិកនៅទីក្រុងតូក្យូ៕

1 hr

July 27, 2021 ព័ត៌មានពេលរាត្រី៖ ២៧ កក្កដា ២០២១ - កក្កដា 27, 2021

ព័ត៌មានអំពីកម្ពុជាមានដូចជា រដ្ឋាភិបាលអនុញ្ញាតក្រុមហ៊ុនឯកជននាំចូលវ៉ាក់សាំងកូវីដ១៩ទទួលស្គាល់ដោយ WHO។ មន្រ្តីថា ទឹកទន្លេមេគង្គកម្ពុជាហក់ឡើងខ្លាំង ខណៈភ្លៀងធ្លាក់ច្រើននៅផ្នែកខាងលើ។ កម្ពុជារកឃើញវីរុសបំប្លែងថ្មី Delta (ដែលតា) លើពលរដ្ឋក្នុងសហគមន៍ នាំឲ្យព្រួយបារម្ភការឆ្លងរហ័សបន្ថែមទៀត។ ត្រីជាប្រភពអាហារូបត្ថម្ភមិនអាចខ្វះបានសម្រាប់កម្ពុជា និងជាគន្លឹះទប់ស្កាត់ការខ្វះអាហារូបត្ថម្ភនិងសន្តិសុខស្បៀងអាហារ។ រីឯព័ត៌មានអន្តរជាតិវិញមានដូចជា កូរ៉េខាងជើងទាក់ទងឡើងវិញជាមួយកូរ៉េខាងត្បូង។ ការបែកបាក់នយោបាយអាមេរិកកាន់តែធំ ខណៈសក្ខីកម្មអំពីការវាយប្រហារសភាអាមេរិកចាប់ផ្តើម។ នាយករដ្ឋមន្ត្រីស្ត្រីសាម័រទី១ ឡើងកាន់តំណែងបន្ទាប់ពីវិបត្តិរដ្ឋធម្មនុញ្ញ។ ព្រឹទ្ធសភាអនុម័តការតែងតាំងលេខាធិការថ្មីនៃកងទ័ពអាកាសសហរដ្ឋអាមេរិក។ អតីតសមាជិកព្រឹទ្ធសភាអាមេរិលោក Enzi ស្លាប់បន្ទាប់ពីគ្រោះថ្នាក់ជិះកង់។ កម្មវិធីព័ត៌មានអវកាសខែនេះស្តីពីមហាសេដ្ឋីទៅលំហអាកាស តុល្យភាពកាបូន និងជីវិតលើភពព្រះអង្គារ៕

1 hr