កម្មវិធីព័ត៌មានពេលរាត្រី - វីអូអេ podcast - Page 136

July 16, 2021 ព័ត៌មានពេលរាត្រី៖ ១៦ កក្កដា ២០២១ - កក្កដា 16, 2021

ព័ត៌មានអំពីកម្ពុជាមានដូចជា ជនជាតិដើមភាគតិចនៅមណ្ឌលគិរីមិនសុខចិត្តនឹងការសម្រេចរបស់តុលាការនៅប្រទេសបារាំង រឿងបាត់បង់ដីដូនតាទៅក្រុមហ៊ុនកៅស៊ូ។ កម្ពុជាចាប់ខ្លួនបុរសដែលសម្លាប់ស្រ្តីជនជាតិអាមេរិកនៅកោះរ៉ុង ក្នុងរយៈពេល៨ឆ្នាំបន្ទាប់ពីឃាតកម្មបានកើតឡើង។ រីឯព័ត៌មានអន្តរជាតិវិញមានដូចជា លោក Biden និងលោកស្រី Merkel ខ្វែងគំនិតគ្នាអំពីបំពង់បង្ហូរប្រេងរុស្ស៊ី។ មេដឹកនាំតំបន់ឆ្នេរប៉ាស៊ីហ្វិករកវិធីជំរុញសេដ្ឋកិច្ចចេញពីជំងឺរាតត្បាត។ ទឹកជំនន់នៅប្រទេសអាល្លឺម៉ង់សម្លាប់មនុស្សយ៉ាងតិចណាស់៨០នាក់ និង១៣០០នាក់បាត់ខ្លួន។ ស្ត្រីអាហ្វហ្គានីស្ថានអំពាវនាវឱ្យមានកងកម្លាំងរក្សាសន្តិភាពអង្គការសហប្រជាជាតិនៅអាហ្វហ្គានីស្ថាន។ ក្នុងខេត្តសម្បូរប្រេងនៃប្រទេសអ៊ីរ៉ង់មានការតវ៉ា និងការបាញ់ប្រហារ។ អ្នករាយការណ៍អំពីកំហុសឆ្គងក្នុងស្ថាប័នប្រព័ន្ធផ្សព្វផ្សាយរដ្ឋាភិបាលអាមេរិក ត្រូវបានសន្មតថាមិនបានធ្វើខុស។ អ្នកសារព័ត៌មាននីហ្សេរីយ៉ាតវ៉ាប្រឆាំងនឹងសេចក្តីស្នើច្បាប់កំហិតបណ្តាញព័ត៌មាន។ វិមានវ៉ាទីកង់ថាសម្តេចប៉ាបនឹងយាងមកដំណាក់វិញក្នុងពេលឆាប់ៗ។ អ្នកកម្សាន្តតាមឆ្នេរប្រេស៊ីលមិនអើពើនឹងការព្រមានអំពីកូវីដ១៩៕

1 hr

July 15, 2021 ព័ត៌មានពេលរាត្រី៖ ១៥ កក្កដា ២០២១ - កក្កដា 15, 2021

ព័ត៌មានអំពីកម្ពុជាមានដូចជា កម្ពុជាបញ្ជាក់គោលការណ៍«មិនជ្រៀតជ្រែកកិច្ចការផ្ទៃក្នុង» ខណៈអាមេរិកជំរុញអាស៊ានឲ្យចាត់វិធានការរឹងមាំលើវិបត្តិនៅមីយ៉ាន់ម៉ា។ កម្ពុជារាយការណ៍មនុស្ស៣៩នាក់ស្លាប់ដោយសារកូវីដក្នុងមួយថ្ងៃ ខណៈករណីស្លាប់សរុបកើនលើស១ពាន់នាក់។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «ជំងឺកូវីដ១៩បំប្លែងខ្លួនថ្មី និងប្រសិទ្ធភាពរបស់វ៉ាក់សាំង»។ រីឯព័ត៌មានអន្តរជាតិវិញមានដូចជា មន្ត្រីការបរទេសអាមេរិកម្នាក់ប្រាប់ VOA ថា សហរដ្ឋអាមេរិកនឹងគាំទ្ររដ្ឋាភិបាលហៃទីដែលមានគ្រប់ភាគីនិងអាចទុកចិត្តបាន។ លោក Biden គាំទ្រផែនការចំណាយ៣,៥លានលានដុល្លារ ខណៈគណបក្សសាធារណរដ្ឋរិះ គន់កញ្ចប់ចំណាយដ៏ធំនេះ។ ការជួយឧបត្ថម្ភតិចតួចជាជោគជ័យកងទ័ពអាហ្វហ្គានីស្ថាននៅថ្ងៃអនាគត។ កម្មករ១៤នាក់ជាប់ក្នុងផ្លូវរូងក្រោមដីកំពុងសាងសង់នៅប្រទេសចិនដោយសារទឹកជំនន់។ គុយបាបានលុបការរឹតត្បិតពន្ធគយលើម្ហូបអាហារនិងឱសថបន្ទាប់ពីមានបាតុកម្ម។ សហរដ្ឋអាមេរិកលើកឡើងអំពីការប្រល័យពូជសាសន៍និងអំពើឃោរឃៅក្នុងប្រទេសចំនួន៦។ ពិភពលោកមិនទាន់ត្រៀមខ្លួនរួចរាល់ដើម្បីទប់ទល់នឹងជំងឺរាតត្បាតនៅឡើយទេ៕

1 hr

July 14, 2021 ព័ត៌មានពេលរាត្រី៖ ១៤ កក្កដា ២០២១ - កក្កដា 14, 2021

ព័ត៌មានអំពីកម្ពុជាមានដូចជា កម្ពុជាជំរុញក្រុមហ៊ុនផ្តល់សេវាអ៊ីនធឺណិតបង្កើតគោលនយោបាយការពារកុមារ ដើម្បីប្រឆាំងការកេងប្រវ័ញ្ចផ្លូវភេទតាមប្រព័ន្ធអនឡាញ។ សង្គមស៊ីវិលដាក់«លក្ខខណ្ឌអប្បបរមា»ដើម្បីធានាភាពស្របច្បាប់នៃការបោះឆ្នោតឃុំសង្កាត់ឆ្នាំ ២០២២។ វីរុសជំងឺកូវីដ១៩ បំប្លែងថ្មីដែលតា (Delta)៖ កម្ពុជានិងពិភពលោកកំពុងប្រឈមនឹងហានិភ័យសុខាភិបាលធ្ងន់ធ្ងរ។ រីឯព័ត៌មានអន្តរជាតិវិញមានដូចជា អាមេរិកនិងអាស៊ានសន្យាបន្តកសាងកិច្ចសហប្រតិបត្តិការឈរលើមូលដ្ឋានសិទ្ធិមនុស្ស និងសេរីភាព។ ប្រទេសអេស្ប៉ាញព្រួយបារម្ភខ្លាំងអំពីការចាប់ខ្លួនអ្នកយកព័ត៌មាននៅគុយបា។ មនុស្ស៧២នាក់បានត្រូវសម្លាប់នៅក្នុងកុបកម្មនៅប្រទេសអាហ្វ្រិកខាងត្បូង។ ជំងឺកូវីដ១៩នៅសហរដ្ឋអាមេរិកកំពុងកើនឡើងម្តងទៀតគឺឡើងទ្វេដងជាង៣សប្តាហ៍។ ចំនួនអ្នកស្លាប់កើនឡើងដល់១៧នាក់នៅក្នុងការបាក់ផ្នែកខ្លះនៃសណ្ឋាគារនៅប្រទេសចិន។ មន្ត្រីថា ប្រតិភូអាហ្វហ្គានីស្ថាននិងតាលីបង់គ្រោងពិភាក្សានៅប្រទេសកាតាអំពីសន្តិភាព។ លោក Jimmy Carter និងលោកស្រី Rosalynn Carter បង្ហាញអាថ៌កំបាំងនៃភាពជាដៃគូរយៈពេល៧៥ឆ្នាំ៕

1 hr

July 13, 2021 ព័ត៌មានពេលរាត្រី៖ ១៣ កក្កដា ២០២១ - កក្កដា 13, 2021

ព័ត៌មានអំពីកម្ពុជាមានដូចជា អ្នកជំនាញអង្គការសហប្រជាជាតិថា ការកំណត់កាតព្វកិច្ចចាក់វ៉ាក់សាំងកូវីដ១៩មិនស្របតាមបទដ្ឋានសិទ្ធិមនុស្សអន្តរជាតិ។ ជប៉ុនប្រកាសផ្ដល់ជំនួយវ៉ាក់សាំង ១លានដូសដល់កម្ពុជា ខណៈកម្ពុជាចាក់វ៉ាក់សាំងជាងពាក់កណ្តាលនៃគោលដៅ។ កម្ពុជានឹងរៀបចំកិច្ចប្រជុំអាស៊ី-អឺរ៉ុបតាមអនឡាញ ដោយសារការបន្តរាលដាលជំងឺកូវីដ១៩។ រីឯព័ត៌មានអន្តរជាតិវិញមានដូចជា លោកប្រធានាធិបតី Biden អំពាវនាវឲ្យអ្នកដឹកនាំប្រទេសហៃទីរួមគ្នា ដើម្បីប្រទេសបានសុខសាន្ត។ ការនាំចេញរបស់ចិននៅខែមិថុនាកើនលើសការព្យាករអំពីតម្រូវការ។ ប្រទេសជប៉ុនគ្រោងបញ្ជូនវ៉ាក់សាំងរាប់លានដូសបន្ថែមទៀតឱ្យតៃវ៉ាន់និងប្រទេសជិតខាងនៅអាស៊ី។ បាតុកររាប់រយនាក់នាំគ្នាធ្វើបាតុកម្មនៅខាងមុខស្ថានកុងស៊ុលចិន។ គុយបាចោទសហរដ្ឋអាមេរិកថាអុចអាលចំពោះបាតុកម្មក្នុងប្រទេសខ្លួន តែសហរដ្ឋអាមេរិកបដិសេធ និងព័ត៌មានសំខាន់ៗមួយចំនួនទៀត៕

1 hr

July 12, 2021 ព័ត៌មានពេលរាត្រី៖ ១២ កក្កដា ២០២១ - កក្កដា 12, 2021

ព័ត៌មានអំពីកម្ពុជាមានដូចជា អាមេរិកជំរុញការស៊ើបអង្កេតបន្ថែមលើឃាតកម្មលោក កែម ឡី ខណៈមន្ត្រីកម្ពុជាថាកុំឲ្យធ្វើអាជីវកម្មនយោបាយ។ ស្ថានភាពកូវីដនៅកម្ពុជាវិវត្តទៅរកកម្រិតធ្ងន់ធ្ងរ ទោះវិសាលភាពចាក់វ៉ាក់សាំងបង្ការពង្រីកធំធេង។ នៅក្នុងកម្មវិធី Hello VOA មានកិច្ចពិភាក្សាអំពី «ឥរិយាបថបច្ចុប្បន្នរបស់ពលរដ្ឋខ្មែរចំពោះការចូលរួមនយោបាយនិងសង្គម»។ រីឯព័ត៌មានអន្តរជាតិវិញមានដូចជា លោក Biden គាំទ្រការបដិសេធរបស់លោក Trump ចំពោះការទាមទារដែនសមុទ្រចិនខាងត្បូងរបស់ចិន។ ការប្រឆាំងតវ៉ាដ៏កម្រកើតឡើងនៅប្រទេសគុយបា ចំពេលមានវិបត្តិសេដ្ឋកិច្ច និងវីរុសកូរ៉ូណា។ ប្រទេសមីយ៉ាន់ម៉ាតស៊ូទប់ស្កាត់ការផ្ទុះឡើងនៃជំងឺកូវីដ១៩។ ក្រុមហ៊ុនធំៗខាងបច្ចេកវិទ្យាគ្រោងបរិច្ចាគវ៉ាក់សាំងកូវីដឲ្យតៃវ៉ាន់ដោយសម្រួលជាមួយចិន។ មនុស្ស៤៩នាក់ត្រូវបានសម្លាប់នៅក្នុងការវាយប្រហារនៅប្រទេសនីហ្សេ៕

1 hr

July 11, 2021 ព័ត៌មានពេលរាត្រី៖ ១១ កក្កដា ២០២១ - កក្កដា 11, 2021

ព័ត៌មានអំពីកម្ពុជាមានដូចជា ៥ឆ្នាំក្រោយការបាញ់សម្លាប់ អ្នកស្រឡាញ់លោក កែម ឡី នៅតែចោទសួរនរណាជាអ្នកបញ្ជាពីក្រោយឃាតកម្មនេះ។ អ្នកនិពន្ធអាមេរិកាំងលាតត្រដាងប្រវត្តិសាស្ត្រសម័យទំនើបរបស់ប្រាសាទអង្គរវត្ត។ រីឯព័ត៌មានអន្តរជាតិវិញមានដូចជា ជំនួញថ្នាំញៀននៅតំបន់ត្រីកោណមាសនៅអាស៊ីកើនឡើងខ្លាំង។ ប្រទេសអេរីត្រេត្រូវបានចោទប្រកាន់ពីការប្រព្រឹត្តបទល្មើសដ៏សាហាវនៅអេត្យូពី។ រដ្ឋអាជ្ញានៃតុលាការព្រហ្មទណ្ឌអន្តរជាតិដែលត្រូវចេញពីតំណែង ត្រូវបានសរសើរចំពោះការពង្រីកសកម្មភាពរបស់តុលាការនេះ។ មណ្ឌលចល័តជួយមន្ត្រីសុខាភិបាលនាំយកវ៉ាក់សាំងទៅដល់ដៃប្រជាពលរដ្ឋ៕

1 hr

July 10, 2021 ព័ត៌មានពេលរាត្រី៖ ១០ កក្កដា ២០២១ - កក្កដា 10, 2021

ព័ត៌មានអំពីកម្ពុជាមានដូចជា អ្នកវិភាគ៖ អាមេរិកខិតខំជំរុញរបៀបវារៈមិនឲ្យលម្អៀងទៅចិនពេលកម្ពុជាធ្វើប្រធានអាស៊ាន។ បទវិភាគ៖ ហេតុអ្វីអាមេរិកនិងសម្ព័ន្ធមិត្តទាក់ទងកម្ពុជាជាញឹកញាប់នាពេលថ្មីៗនេះ? អ្នកវិភាគ៖ ទំនាក់ទំនងកាន់តែធ្លាក់ចុះដុនដាប ក្រោយអាមេរិកបញ្ចប់កម្មវិធីអាហារូបករណ៍យោធាដល់និស្សិតកម្ពុជា។ រីឯព័ត៌មានអន្តរជាតិវិញមានដូចជា ពលរដ្ឋហៃទីសម្តែងការរន្ធត់ខឹងសម្បាអំពីការធ្វើឃាតលោកប្រធានាធិបតី។ ឧបសគ្គបច្ចេកវិទ្យាប៉ះពាល់ដល់កិច្ចប្រឹងប្រែងចាក់វ៉ាក់សាំងកូវីដ១៩នៅតំបន់ដាច់ស្រយាល។ តើហេតុអ្វីបានជាចិនបង្កើតរូបិយប័ណ្ណឌីជីថលផ្ទាល់ខ្លួន?

1 hr

July 09, 2021 ព័ត៌មានពេលរាត្រី៖ ៩ កក្កដា ២០២១ - កក្កដា 09, 2021

ព័ត៌មានអំពីកម្ពុជាមានដូចជា មេធាវីម្នាក់ប្តឹងអធិការរងស្រុកអង្គស្នួល និងមន្រ្តីពាក់ព័ន្ធពីបទ«បង្ខាំង»និង«រារាំងការអនុវត្តច្បាប់»។ បទវិភាគ៖ ហេតុអ្វីអាមេរិកនិងសម្ព័ន្ធមិត្តទាក់ទងកម្ពុជាជាញឹកញាប់នាពេលថ្មីៗនេះ? អ្នកនិពន្ធអាមេរិកាំងលាតត្រដាងប្រវត្តិសាស្ត្រសម័យទំនើបរបស់ប្រាសាទអង្គរវត្ត។ កម្ពុជាប្រឹងប្រែងចាក់វ៉ាក់សាំងជូនពលរដ្ឋខ្លួន ខណៈករណីឆ្លងជំងឺកូវីដ១៩កើនឡើងខ្លាំង។ រីឯព័ត៌មានអន្តរជាតិវិញមានដូចជា វៀតណាមប្រកាសការបិទសកម្មភាពសង្គមនិងបង្កើនការចាក់វ៉ាក់សាំង។ កំណែទម្រង់ពន្ធគយជារបៀបវារៈលើគេនៅពេលប្រធានហិរញ្ញវត្ថុក្រុមប្រទេស G-20 ជួបគ្នាក្នុងទីក្រុង Venice ប្រទេសអ៊ីតាលី។ មន្ត្រីហៃទីថា សមាជិកក្រុមវាយឆ្មក់១៧នាក់បានត្រូវឃុំខ្លួននៅក្នុងការសម្លាប់លោកប្រធានាធិបតី។ ក្រុមសិទ្ធិមនុស្សជំរុញឲ្យស៊ើបអង្កេតថាតើមានអ្នកនៅពីក្រោយឃាតកម្មលោក កែម ឡី ឬយ៉ាងណា។ ក្រុមយោធាមីយ៉ាន់ម៉ាបានចាប់ខ្លួនសមាជិកគ្រួសាររបស់អ្នកប្រឆាំង។ មេដឹកនាំសិទិ្ធពលរដ្ឋអាមេរិកាំងប្តេជ្ញាបន្តតស៊ូដើម្បីសិទ្ធិបោះឆ្នោត។ តើហេតុអ្វីបានជាចិនបង្កើតរូបិយប័ណ្ណឌីជីថលផ្ទាល់ខ្លួន?

1 hr

July 08, 2021 ព័ត៌មានពេលរាត្រី៖ ៨ កក្កដា ២០២១ - កក្កដា 08, 2021

ព័ត៌មានអំពីកម្ពុជាមានដូចជា លោក ហ៊ុន សែន ថាជំនួយចិនជួយពង្រឹង«ឯករាជ្យខាងនយោបាយ»កម្ពុជា ខណៈអ្នកវិភាគក្រើនរំឭករឿងអន្ទាក់បំណុល។ កម្ពុជាពិចារណាចាក់ដូសទី៣ខណៈកម្រិតប្រសិទ្ធភាពវ៉ាក់សាំងស៊ីណូវ៉ាក់នៅតែជាសំណួរសម្រាប់បណ្តាប្រទេសក្នុងតំបន់។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «តើលុយទៅណាក្នុងគម្រោងអភិវឌ្ឍន៍ដីធ្លីនៅកម្ពុជា?»។ រីឯព័ត៌មានអន្តរជាតិវិញមានដូចជា កងទ័ពនៅអ៊ីរ៉ាក់ថា មានការវាយប្រហារដោយគ្រាប់រ៉ុក្កែតសំដៅស្ថានទូតសហរដ្ឋអាមេរិក។ បេសកជនសិទ្ធិមនុស្សនៅមីយ៉ាន់ម៉ាជំរុញឲ្យមានចំណាត់ការអន្តរជាតិប្រឆាំងពួកយោធា។ ពួកតាលីបង់វាយប្រហារទីរួមខេត្តនៅអាហ្វហ្គានីស្ថានហើយអ្នកទោសរាប់រយនាក់រត់។ យោធាសហរដ្ឋអាមេរិកជំរុញឲ្យរដ្ឋាភិបាលក្រុងវ៉ាស៊ីនតោនបង្កើនការព្រមានអំពីប្រទេសចិន។ ជប៉ុនគ្រោងប្រកាសអាសន្នកូវីដ១៩ថ្មីនៅទីក្រុងតូក្យូអំឡុងកម្មវិធីកីឡាអូឡាំពិកខណៈកូរ៉េខាងត្បូងគ្រោងបិទសកម្មភាពសង្គម។ គ្មានឱកាសជនរងគ្រោះនៅរស់ទេពីរសប្តាហ៍បន្ទាប់ពីការបាក់ខុនដូនៅរដ្ឋ Florida។ ប្រទេសអេរីត្រេត្រូវបានចោទប្រកាន់ពីការប្រព្រឹត្តបទល្មើសដ៏សាហាវនៅអេត្យូពី៕

1 hr

July 07, 2021 ព័ត៌មានពេលរាត្រី៖ ៧ កក្កដា ២០២១ - កក្កដា 07, 2021

ព័ត៌មានអំពីកម្ពុជាមានដូចជា ៥ឆ្នាំក្រោយការបាញ់សម្លាប់ អ្នកស្រឡាញ់លោក កែម ឡី នៅតែចោទសួរនរណាជាអ្នកបញ្ជាពីក្រោយឃាតកម្មនេះ។ អភិបាលខេត្តកណ្តាលថា ការចាក់ថ្មក្នុងទឹកទន្លេភូមិសាស្រ្តអរិយក្សត្រជាគម្រោងរបស់ក្រុមហ៊ុន ឃុន សៀ។ កសិករដាំបន្លែខ្លះមានសង្ឃឹមឡើងវិញក្រោយការបិទខ្ទប់ធូរស្រាល ខណៈអនាគតទីផ្សារផលិតផលនៅតែមិននឹងនរ។ រីឯព័ត៌មានអន្តរជាតិវិញមានដូចជា លោក Blinken ជួបជនជាតិ Uyghurs ដើម្បីស្វែងរកការណែនាំអំពីចំណាត់ការជាមួយប្រទេសចិន។ ការដកកងទ័ពសហរដ្ឋអាមេរិកចេញពីប្រទេសអាហ្វហ្គានីស្ថានបានចំនួន៩០ភាគរយហើយ។ ប្រទេសរុស្ស៊ីនិងប្រទេសបង់ក្លាដែសរាយការណ៍ពីកំណត់ត្រាខ្ពស់បំផុតនៃការឆ្លងជំងឺកូវីដ១៩ក្នុងមួយថ្ងៃ។ សហរដ្ឋអាមេរិកហាមការធ្វើទៅប្រទេសបេឡារុសដោយសារការបង្ខំឲ្យយន្តហោះចុះ។ ចំនួនមនុស្សស្លាប់នៅក្នុងការបាក់អាគារ Condo ក្នុងរដ្ឋ Florida ឡើងដល់៣៦នាក់។ សហរដ្ឋអាមេរិកពន្យារពេលបណ្តោះអាសន្នឲ្យជនជាតិយេម៉ែននៅសហរដ្ឋអាមេរិក៕

1 hr