កម្មវិធីព័ត៌មានពេលរាត្រី - វីអូអេ podcast - Page 138

June 26, 2021 ព័ត៌មានពេលរាត្រី៖ ២៦ មិថុនា ២០២១ - មិថុនា 26, 2021

ព័ត៌មានអំពីកម្ពុជាមានដូចជា របាយការណ៍ថា វត្តមានក្រុមហ៊ុនសន្តិសុខឯកជនចិនកំពុងរីកដុះដាលនៅអាស៊ីអាគ្នេយ៍ ក្នុងនោះមានកម្ពុជាផងដែរ។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១៦ មានកិច្ចពិភាក្សាអំពី«ឥទ្ធិពលនៃលំហូរធំៗក្នុងពិភពលោកមកលើកម្ពុជា»។ រីឯព័ត៌មានអន្តរជាតិវិញមានដូចជា អង្គការសហប្រជាជាតិថា ប្រជាជនផ្លាស់ទីដោយបង្ខំដោយសារសង្គ្រាមកើនឡើងទោះបីជាមានជំងឺរាតត្បាត។ ខណៈសេដ្ឋកិច្ចធ្លាក់ចុះ កសិករនៅលីបង់ងាកទៅដាំកញ្ឆា។ អូស្ត្រាលីបង្ហាញពីផែនការដ៏មានមហិច្ឆតា ក្នុងការហាមឃាត់ការប្រើប្រាស់ប្លាស្ទិក និងកែវកាហ្វេដែលប្រើតែមួយលើក៕

1 hr

June 25, 2021 ព័ត៌មានពេលរាត្រី៖ ២៥ មិថុនា ២០២១ - មិថុនា 25, 2021

ព័ត៌មានអំពីកម្ពុជាមានដូចជា កូនប្រុសរបស់សកម្មជនបក្សប្រឆាំងជាប់ឃុំម្នាក់ដែលត្រូវបានចាប់ខ្លួនត្រូវបានសង្ស័យថា«ញុះញង់បង្កភាពវឹកវរក្នុងសង្គម»។ របាយការណ៍៖ វត្តមានក្រុមហ៊ុនសន្តិសុខឯកជនចិនកំពុងរីកដុះដាលនៅអាស៊ីអាគ្នេយ៍ ក្នុងនោះមានកម្ពុជាផងដែរ។អ្នកវិភាគឃើញឥទ្ធិពលកម្ពុជា លេចឡើងក្នុងចំណោមមហាអំណាចចិននិងអាមេរិក។ រីឯព័ត៌មានអន្តរជាតិវិញមានដូចជា លោក Bidenនិងក្រុមមន្ត្រីអាហ្វហ្គានីស្ថានជួបគ្នានៅសេតវិមាន។ ប្រទេសជប៉ុនផ្តល់វ៉ាក់សាំងចំនួន៦លានដូសដល់កោះតៃវ៉ាន់ និងប្រទេសនៅតំបន់អាស៊ីអាគ្នេយ៍។ លោក Biden សរសើរការសម្របសម្រួលរបស់គណបក្សទាំង២អំពីកិច្ចព្រមព្រៀងហេដ្ឋារចនាសម្ព័ន្ធ។ ក្រុមជួយសង្គ្រោះនៅFloridaជួយមនុស្សចំនួន៣៧ នាក់ពីការបាក់អគារ និងព័ត៌មានដទៃទៀត។

1 hr

June 24, 2021 ព័ត៌មានពេលរាត្រី៖ ២៤ មិថុនា ២០២១ - មិថុនា 24, 2021

ព័ត៌មានអំពីកម្ពុជាមានដូចជា សកម្មជនបរិស្ថានវ័យក្មេងនៃក្រុមមាតាធម្មជាតិត្រូវក្រសួងមហាផ្ទៃចោទប្រកាន់ថាចង់ផ្តួលរំលំរដ្ឋាភិបាល។ ប្រធានគ.ជ.បថ្មីថាលោកនឹងអនុវត្តតាមច្បាប់ក្រោយរដ្ឋសភាយល់ព្រមឲ្យធ្វើជាប្រធានស្ថាប័នរៀបចំការបោះឆ្នោត។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «ផលប៉ះពាល់នៃជំងឺកូវីដ១៩លើពលកម្មកុមារនៅតំបន់អាស៊ាន»។ រីឯព័ត៌មានអន្តរជាតិវិញមានដូចជា សន្និសីទស្តីពីប្រទេសលីប៊ីផ្តោតលើការបោះឆ្នោតនិងសន្តិសុខ។ លោក Biden ដកតំណែងប្រធានទីភ្នាក់ងារសហព័ន្ធសម្រាប់ហិរញ្ញវត្ថុអចលនទ្រព្យបន្ទាប់ពីការសម្រេចរបស់តុលាការ។ សេតវិមាន និងសមាជិកព្រឹទ្ធសភាគណបក្សទាំងពីរនឹងពិភាក្សាកិច្ចព្រមព្រៀងអំពីហេដ្ឋារចនាសម្ព័ន្ធ។ បាតុករថៃវិលត្រឡប់មកធ្វើបាតុកម្មតាមផ្លូវទាមទារឲ្យមានការផ្លាស់ប្តូររដ្ឋធម្មនុញ្ញ។ កាសែតគាំទ្រលទ្ធិប្រជាធិបតេយ្យក្រុងហុងកុងបានបោះពុម្ភអត្ថបទចុងក្រោយ និងព័ត៌មានដទៃទៀត៕

1 hr

June 23, 2021 ព័ត៌មានពេលរាត្រី៖ ២៣ មិថុនា ២០២១ - មិថុនា 23, 2021

ព័ត៌មានអំពីកម្ពុជាមានដូចជា រដ្ឋមន្រ្តីការបរទេសចក្រភពអង់គ្លេសមកកម្ពុជា ដើម្បីពង្រឹងចំណងទាក់ទងមុនពេលកម្ពុជាធ្វើជាប្រធានអាស៊ាន។ អត្ថបទវិភាគ៖ ហេតុអ្វីវៀតណាមបង្កើតកងជីវពលសមុទ្រថ្មីក្បែរដែនទឹកកម្ពុជា? រីឯព័ត៌មានអន្តរជាតិវិញមានដូចជា សមាជិកព្រឹទ្ធសភាគណបក្សសាធារណរដ្ឋរាំងខ្ទប់សេចក្តីព្រាងច្បាប់ស្តីពីសិទ្ធិបោះឆ្នោត។ រដ្ឋមន្ត្រីការពារជាតិអាមេរិកគាំទ្រការដកអាជ្ញាសាលាបទបំពានផ្លូវភេទចេញពីបញ្ជាការយោធាអាមេរិក។ ទោះបីជាមានបណ្តាញទូរស័ព្ទបន្ទាន់ក្តី ក៏ជម្លោះរវាងចិននិងបណ្តាប្រទេសមួយចំនួននៅអាស៊ីនៅតែកើតមាន។ ការជំនុំជម្រះលើកដំបូងក្រោមច្បាប់សន្តិសុខជាតិរបស់ទីក្រុងប៉េកាំងចាប់ផ្តើមនៅទីក្រុងហុងកុង។ អាមេរិកបើកថវិកា៥០០លានដុល្លារសងសាច់ញាតិជនរងគ្រោះក្នុងការធ្លាក់យន្តហោះ Boeing 737 MAX។ សហរដ្ឋអាមេរិករាំងខ្ទប់គេហទំព័រព័ត៌មានរដ្ឋអ៊ីរ៉ង់។ នៅអង្គការសហប្រជាជាតិ បណ្តាប្រទេសសមាជិកថ្កោលទោសរបបយោធាមីយ៉ាន់ម៉ា និងព័ត៌មានអន្តរជាតិមួយចំនួនទៀត៕

1 hr

June 22, 2021 ព័ត៌មានពេលរាត្រី៖ ២២ មិថុនា ២០២១ - មិថុនា 22, 2021

ព័ត៌មានអំពីកម្ពុជាមានដូចជា កម្ពុជារំពឹងចំណូល៤០លានដុល្លារអាមេរិកក្នុងមួយឆ្នាំពីអាជីវកម្មរ៉ែមាសវិនិយោគដោយក្រុមហ៊ុនអូស្រ្តាលី។ ស្ថានទូតប្រទេសប្រជាធិបតេយ្យបារម្ភអំពីការចាប់ឃុំខ្លួនសកម្មជនបរិស្ថាន។ ក្រុម«ស្ត្រីថ្ងៃសុក្រ»បន្តការតវ៉ា ខណៈសម្ពាធពីខាងក្រៅឲ្យដោះលែងស្វាមីមិនទាន់មានលទ្ធផល។ រីឯព័ត៌មានអន្តរជាតិវិញមានដូចជា រដ្ឋមន្ត្រីការបរទេសសហរដ្ឋអាមេរិកធ្វើដំណើរទៅអឺរ៉ុបដើម្បីចូលរួមសន្និសីទអំពីប្រទេសលីប៊ី។ សហភាពអឺរ៉ុបដាក់ទណ្ឌកម្មថ្មីៗបន្ថែមទៀតប្រឆាំងប្រទេសមីយ៉ាន់ម៉ា។ កូរ៉េខាងជើងផ្តល់សារមិនច្បាស់លាស់ស្តីពីការចរចាជាមួយសហរដ្ឋអាមេរិក។ ប្រតិបត្តិការរបស់តួកគីបង្កើនជម្លោះក្នុងចំណោមពួកឃឺដនៅក្នុងប្រទេសអ៊ីរ៉ាក់។ អង្គការ UNESCO ផ្តល់យោបល់ឲ្យបញ្ចូលតំបន់ផ្កាថ្មប៉ប្រះទឹករបស់អូស្ត្រាលីក្នុងបញ្ជីបេតិកភណ្ឌពិភពលោក។ អ៊ីស្រាអែលស៊ើបអង្កេតជាផ្លូវការអំពីការរត់ជាន់គ្នាក្នុងពិធីបុណ្យដែលបណ្តាលឲ្យមានមនុស្សស្លាប់។ អង្គការសហប្រជាជាតិថាជំនួយស្បៀងអាហារមិនបានទៅដល់តំបន់ Tigray ទេ ហើយប្រជាជនកំពុងតែស្លាប់ និងព័ត៌មានអន្តរជាតិមួយចំនួនទៀត៕

1 hr

June 21, 2021 ព័ត៌មានពេលរាត្រី៖ ២១ មិថុនា ២០២១ - មិថុនា 21, 2021

ព័ត៌មានអំពីកម្ពុជាមានដូចជា សង្គមស៊ីវិលបារម្ភការរឹតត្បិតសេរីភាព ក្រោយអ្នកយកព័ត៌មានម្នាក់ត្រូវហាមឃាត់មិនឲ្យថតវីដេអូទាក់ទងនឹងការបណ្តេញពលរដ្ឋចេញពីផ្ទះបណ្តែតទឹក។ ក្រុមសិទ្ធិមនុស្សព្រួយបារម្ភបន្ថែមទៀតអំពីសិទ្ធិសេរីភាពក្នុងការបញ្ចេញមតិ ក្រោយចាប់ខ្លួនសកម្មជនបរិស្ថានវ័យក្មេង៣នាក់។ រដ្ឋមន្រ្តីការបរទេសអង់គ្លេសនឹងមកបំពេញទស្សនកិច្ចនៅកម្ពុជា ដើម្បីពង្រឹងចំណងទាក់ទង។ នៅក្នុងកម្មវិធី Hello VOA មានកិច្ចពិភាក្សាអំពី «យុទ្ធនាការលើកស្ទួយការអប់រំរបស់យើង»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកបញ្ជូនវ៉ាក់សាំងកូវីដ១៩ ចំនួន ២លាន ៥សែនដូសទៅឲ្យកោះតៃវ៉ាន់។ ប្រធានឧត្តមស្នងការជាន់ខ្ពស់អង្គការសហប្រជាជាតិសម្រាប់ជនភៀសខ្លួនពេញចិត្តនឹងការផ្លាស់ប្តូរកម្មវិធីតាំងទីលំនៅថ្មីរបស់ជនភៀសខ្លួនក្នុងសហរដ្ឋអាមេរិក។ អ្នកតំណាងសហរដ្ឋអាមេរិកស្នើជួបភាគីកូរ៉េខាងជើងនៅទីកន្លែងណាក៏បាន។ សហរដ្ឋអាមេរិកថា ការសម្រេចចិត្តលើបញ្ហានុយក្លេអ៊ែរអ៊ីរ៉ង់ គឺស្ថិតនៅលើលោក Khamenei ជាអ្នកសម្រេច។ អតីតប្រធានាធិបតីអាហ្វហ្គានីស្ថាន ប្រាប់សារព័ត៌មាន AP ថា សហរដ្ឋអាមេរិកបរាជ័យក្នុងប្រទេសអាហ្វហ្គានីស្ថាន៕

1 hr

June 20, 2021 ព័ត៌មានពេលរាត្រី៖ ២០ មិថុនា ២០២១ - មិថុនា 20, 2021

ព័ត៌មានអំពីកម្ពុជាមានដូចជា ថ្នាក់ដឹកនាំគណបក្សមួយចំនួនថាជំងឺកូវីដ១៩មានឥទ្ធិពលលើដំណើរការបោះឆ្នោតឃុំសង្កាត់ឆ្នាំ២០២២។ រីឯព័ត៌មានអន្តរជាតិវិញមានដូចជា លោកប្រធានាធិបតី Biden ប្រកាសថា ការប្រយុទ្ធប្រឆាំងអំពើពុករលួយជាប្រយោជន៍ស្នូលសម្រាប់សន្តិសុខជាតិ។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១៦ មានកិច្ចពិភាក្សាអំពី«ឥទ្ធិពលនៃលំហូរធំៗក្នុងពិភពលោកមកលើកម្ពុជា»៕

1 hr

June 19, 2021 ព័ត៌មានពេលរាត្រី៖ ១៩ មិថុនា ២០២១ - មិថុនា 19, 2021

ព័ត៌មានអំពីកម្ពុជាមានដូចជា បទពិសោធន៍ជនភៀសខ្លួនខ្មែរនៅអាមេរិកទសវត្សរ៍៨០និង៩០៖ រូបថតជនភៀសខ្លួនខ្មែរនៅក្រុង Chicago «ធ្វើឲ្យបទពិសោធន៍ផ្ទាល់ខ្លួនខ្ញុំមានន័យ»។ ក្រុម«ស្ត្រីថ្ងៃសុក្រ»បន្តការតវ៉ាខណៈសម្ពាធពីខាងក្រៅឲ្យដោះលែងស្វាមីមិនទាន់មានលទ្ធផល។ វិបត្តិកូវីដ១៩ គំរាមកំហែងដល់អត្តសញ្ញាណស័ក្តិសិទ្ធរបស់ក្រុមនាដកាអង្គរស័ក្ដិសិទ្ធ។ រីឯព័ត៌មានអន្តរជាតិវិញមានដូចជា សេចក្តីរាយការណ៍បែបពន្យល់អំពីទិវាជនភៀសខ្លួនពិភពលោកឆ្នាំ ២០២១។ ក្រុមមន្ត្រីអ.ស.ប.និយាយថា ជនភៀសខ្លួនរាប់លាននាក់នៅអាស៊ីមិនបានចាក់វ៉ាក់សាំងកូវីដ១៩ទេ។ អ្នកទោសនយោបាយរាប់រយនាក់ត្រូវបានឃុំខ្លួននៅក្នុងពន្ធនាគារក្នុងក្រុងរ៉ង់ហ្គូនប៉ុន្តែការសួរចម្លើយ និងការធ្វើទារុណកម្មត្រូវបានធ្វើឡើងនៅកន្លែងផ្សេង។ អង្គការសហប្រជាជាតិថាជំនួយស្បៀងអាហារមិនបានទៅដល់តំបន់ Tigray ទេ ហើយប្រជាជនកំពុងតែស្លាប់៕

1 hr

June 18, 2021 ព័ត៌មានពេលរាត្រី៖ ១៨ មិថុនា ២០២១ - មិថុនា 18, 2021

ព័ត៌មានអំពីកម្ពុជាមានដូចជា ពលរដ្ឋរងការបណ្តេញចេញពីលើទឹកមិនចង់ទៅនៅក្អមសំណ ដោយស្នើសុំចតផ្ទះទឹកនិងរស់នៅជិតភ្នំពេញ។ របាយការណ៍ ILO ថា ពលកម្មកុមារកើនឡើងនៅលើពិភពលោកដោយសារវិបត្តិកូវីដ។ អ្នកវិភាគឃើញឥទ្ធិពលកម្ពុជា លេចឡើងក្នុងចំណោមមហាអំណាចចិននិងអាមេរិក។ ល្បឿនកំណែទម្រង់នៅអ៊ូសបេគីស្ថានរងការចោទសួរ ខណៈដែលការបោះឆ្នោតជិតមកដល់។ រីឯព័ត៌មានអន្តរជាតិវិញមានដូចជា លោក Biden និងលោក Erdogan ព្រមព្រៀងគ្នារឿងសន្តិសុខនៅអាហ្វហ្គានីស្ថាន ប៉ុន្តែបញ្ហាប្រព័ន្ធមីស៊ីលរុស្ស៊ីមិនទាន់ដោះស្រាយ។ ប្រទេសអ៊ីរ៉ង់កំពុងជ្រើសរើសប្រធានាធិបតីថ្មី។ កង្វល់អំពីអតិផរណារបស់សហរដ្ឋអាមេរិកទោះជាតិចតួចក្តីនៅតែជាធ្វើឲ្យទីផ្សារសកលចុះខ្សោយ។ អ្នកកាសែតអាមេរិកាំងដែលត្រូវបានឃុំខ្លួនត្រូវបានបង្ហាញខ្លួននៅក្នុងតុលាការពិសេសមីយ៉ាន់ម៉ា។ អ៊ីស្រាអែលវាយប្រហារតំបន់ Gaza បន្ទាប់ពីក្រុម Hamas បានបាញ់គ្រាប់បែកឧស្ម័ន។ អ្នកកាសែតថា ប្រទេសបួគីណាហ្វាសូបិទប្រព័ន្ធផ្សព្វផ្សាយ ហើយជនផ្លាស់ទីលំនៅត្រូវបំបិទសំឡេង៕

1 hr

June 17, 2021 ព័ត៌មានពេលរាត្រី៖ ១៧ មិថុនា ២០២១ - មិថុនា 17, 2021

ព័ត៌មានអំពីកម្ពុជាមានដូចជា អាមេរិកបញ្ចប់ជំនួយការពារព្រៃឡង់កម្ពុជា ក្រោមហេតុផលថាបញ្ហាព្រួយបារម្ភមិនត្រូវបានដោះស្រាយ។ អ្នកនាំពាក្យប៉ូលិសថា យុវជនបរិស្ថាន៣នាក់ត្រូវឃាត់ខ្លួននៅភ្នំពេញក្នុងការចោទប្រកាន់«រួមគំនិតក្បត់»។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «ផលប៉ះពាល់ជំងឺកូវីដ១៩ និងការគ្រប់គ្រងផ្លូវចិត្ត អំឡុងពេលរាំងខ្ទប់»។ រីឯព័ត៌មានអន្តរជាតិវិញមានដូចជា កិច្ចប្រជុំកំពូលរវាងលោក Biden និងលោក Putin ផ្តោតតែលើ«រឿងសាច់ការ»។ ប៉ូលិសហុងកុងឆ្មក់ចូលឆែកទីស្នាក់ការកាសែត Apple Daily ដែលគាំទ្រលទ្ធិប្រជាធិបតេយ្យ។ អគ្គលេខាធិការអ.ស.ប.រិះគន់សកម្មភាពរបស់កងកម្លាំងសាធារណរដ្ឋអាហ្វ្រិកកណ្ដាល។ ចិនចង់បានមិត្តនៅអាស៊ីអាគ្នេយ៍ ទោះបីមានជម្លោះដែនទឹក ខណ:ឥទ្ធិពលអាមេរិកកើនឡើង។ ចិនបញ្ជូនក្រុមអវកាសយានិកដំបូងទៅកាន់ស្ថានីយ៍អវកាសអចិន្រ្តៃយ៍ថ្មី៕

1 hr