កម្មវិធីព័ត៌មានពេលរាត្រី - វីអូអេ podcast - Page 139

June 16, 2021 ព័ត៌មានពេលរាត្រី៖ ១៦ មិថុនា ២០២១ - មិថុនា 16, 2021

ព័ត៌មានអំពីកម្ពុជាមានដូចជា ចំនួនអ្នកស្លាប់ដោយកូវីដកើនឡើងបង្ហាញពីប្រព័ន្ធសុខាភិបាលកម្ពុជាទន់ខ្សោយនិងសុខភាពពលរដ្ឋមិនល្អប្រសើរ។ កម្មវិធីផតខាសថ៍ (podcast) «កម្ពុជាសម្លឹងទៅមុខ ឬ Envision Cambodia» ភាគទី១៦ ដែលជាភាគបញ្ចប់ ស្តីអំពី «ឥទ្ធិពលនៃលំហូរធំៗក្នុងពិភពលោកមកលើកម្ពុជា»។ រីឯព័ត៌មានអន្តរជាតិវិញមានដូចជា លោក Biden និងលោក Putin គ្រោងនឹងជជែកគ្នានៅទីក្រុងហ្សឺណែវ។ មេបញ្ជាការ CENTCOM ថា ការចាប់អារម្មណ៍ទិញផ្កាយរណបរុស្ស៊ីរបស់អ៊ីរ៉ង់មិនមែនជាបញ្ហាគួរឲ្យព្រួយបារម្ភដល់សន្តិសុខអាមេរិកនៅតំបន់មជ្ឈិមបូព៌ាទេ។ អ៊ីស្រាអែលបើកការវាយប្រហារតាមអាកាសនៅក្នុងតំបន់ហ្កាហ្សា។ យន្តហោះចម្បាំងរបស់ចិនជាង ២០គ្រឿងហោះចូលដែនអាកាសរបស់តៃវ៉ាន់។ កូរ៉េខាងជើងព្រលយពីការពន្យារបិទសកម្មភាពសង្គមទាក់ទងជំងឺកូវីដ១៩។ អង្គការសហប្រជាជាតិថា មានការស្លាប់ដោយទុរ្ភិក្សក្នុងប្រទេសអេត្យូពី។ ឧត្តមស្នងការអ.ស.បទទួលបន្ទុកផ្នែកសិទ្ធិមនុស្សថា អំពើហិង្សាធ្វើឲ្យមីយ៉ាន់ម៉ាធ្លាក់ក្នុង«គ្រោះមហន្តរាយផ្នែកសិទ្ធិមនុស្ស»៕

1 hr

June 15, 2021 ព័ត៌មានពេលរាត្រី៖ ១៥ មិថុនា ២០២១ - មិថុនា 15, 2021

ព័ត៌មានអំពីកម្ពុជាមានដូចជា តំណាងទូតអូស្រ្តាលីបារម្ភអំពីការរឹតត្បិតសិទ្ធិសេរីភាពនយោបាយនៅកម្ពុជា។ រដ្ឋសភាអនុម័តបេក្ខជនឈរឈ្មោះជាប្រធាន គ.ជ.ប ពីររូប ដែលម្នាក់ជាតំណាងរាស្រ្តបក្សកាន់អំណាច។ វិបត្តិកូវីដ១៩ គំរាមកំហែងដល់អត្តសញ្ញាណស័ក្តិសិទ្ធរបស់ក្រុមនាដកាអង្គរស័ក្ដិសិទ្ធ។ រីឯព័ត៌មានអន្តរជាតិវិញមានដូចជា វីរុសកូរ៉ូណា ការប្រែប្រួលអាកាសធាតុ និងពាណិជ្ជកម្មជារបៀបវារៈជំនួបកំពូលរវាងមេដឹកនាំសហរដ្ឋអាមេរិក និងសហភាពអឺរ៉ុប។ អ្នកជាតិនិយមអ៊ីស្រាអែលដើរក្បួននៅក្រុងហ្ស៊េរុយសាឡិមខាងកើត ហើយជនជាតិប៉ាឡេស្ទីនគ្រោងធ្វើ«ទិវាចងកំហឹង»។ ប្រធានាធិបតីអាមេរិកនិងតួកគីជួបពិភាក្សាគ្នាប្រកប «ដោយផ្លែផ្កា» ប៉ុន្តែប្រកាសថាមិនសម្រេចបាននូវរឿងអ្វីមួយនោះឡើយ។ សវនាការកាត់ក្តីលោកស្រី អង់សាន ស៊ូជី ចាប់ផ្តើមបន្តនៅថ្ងៃអង្គារជាថ្ងៃទី២។ រដ្ឋាភិបាលឥណ្ឌាកំពុងមានជម្លោះជាមួយក្រុមហ៊ុនបណ្តាញសង្គម Twitter ទាក់ទិននឹងការបញ្ចេញមតិលើប្រព័ន្ធអនឡាញ។ ប្រេសិតអាមេរិកនិងរុស្ស៊ីពិភាក្សាកិច្ចព្រមព្រៀងនុយក្លេអ៊ែរអ៊ីរ៉ង់មុនកិច្ចប្រជុំកំពូល និងព័ត៌មានសំខាន់ៗមួយចំនួនទៀត៕

1 hr

June 14, 2021 ព័ត៌មានពេលរាត្រី៖ ១៤ មិថុនា ២០២១ - មិថុនា 14, 2021

ព័ត៌មានអំពីកម្ពុជាមានដូចជា កម្ពុជាទទូចឲ្យអាមេរិកគោរពអធិបតេយ្យភាព ក្រោយមានភាពចម្រូងចម្រាសនៃដំណើរទស្សនកិច្ចនៅមូលដ្ឋានទ័ពរាម។ ក្រុមគ្រួសារសកម្មជនបក្សប្រឆាំងបារម្ភសុខភាពស្វាមីជាប់ពន្ធនាគារ ខណៈអ្នកខ្លះឆ្លងជំងឺកូវីដ១៩។ ប្រទេសកម្ពុជាបញ្ចេញក្រុមកណ្តុរថ្មីដើម្បីហិតរកមីន។ នៅក្នុងកម្មវិធី Hello VOA មានកិច្ចពិភាក្សាអំពី «និទណ្ឌភាពរបស់អ្នកមានអំណាច និងការស្វែងរកយុត្តិធម៌នៅកម្ពុជា»។ រីឯព័ត៌មានអន្តរជាតិវិញមានដូចជា លោក Biden នឹងបញ្ជាក់ជាថ្មីនូវជំហររបស់អាមេរិកប្រាប់សម្ព័ន្ធភាពអំពីវិស័យការពាររបស់អង្គការអូតង់។ ពានរង្វាន់ Pulitzer ត្រូវបានប្រគល់ជូនសម្រាប់ការរាយការណ៍អំពីកូវីដ១៩ និងបាតុកម្មនៅសហរដ្ឋអាមេរិក។ លោកប្រធានាធិបតី Biden គោរពជនរងគ្រោះនៃការសម្លាប់រង្គាលនៅក្រុង Tulsa។ សវនាការកាត់ក្តីលោកស្រី អង់សាន ស៊ូជី ចាប់ផ្តើមដំណើរការក្នុងប្រទេសមីយ៉ាន់ម៉ា។ ចក្រភពអង់គ្លេសនិងប្រទេសហ្សីមបាវេប្រកាសបិទសកម្មភាពសង្គម។ មេបញ្ជាការអាមេរិកថា ខ្លួននឹងផ្តោតលើការវាយតាមអាកាសប៉ុណ្ណោះនៅអាហ្វហ្គានីស្ថានដើម្បីបង្ការការវាយប្រហារអាមេរិកនិងសម្ព័ន្ធមិត្ត។ បញ្ហាប្រឈម ដែលអនាគតប្រធានាធិបតីជាប់ឆ្នោតនៅអ៊ីរ៉ង់ត្រូវប្រឈម៕

1 hr

June 13, 2021 ព័ត៌មានពេលរាត្រី៖ ១៣ មិថុនា ២០២១ - មិថុនា 13, 2021

ព័ត៌មានសំខាន់ៗអំពីកម្ពុជាមានដូចជា រដ្ឋមន្រ្តីការពារជាតិកម្ពុជាលើកឡើងពីផលចំណេញភូមិសាស្រ្តនយោបាយលើការចោទប្រកាន់អំពីមូលដ្ឋានទ័ពចិននៅរាម។ រីឯព័ត៌មានអន្តរជាតិវិញមានដូចជា ចំណុច៧ដែលត្រូវដឹងអំពីការស៊ើបអង្កេតព្រហ្មទណ្ឌលើលោក Trump។ អង្គការសហប្រជាជាតិថា ច្បាប់បោះឆ្នោតថ្មីនៅនីការ៉ាហ្គាគំរាមកំហែងការបោះឆ្នោតប្រកបដោយយុត្តិធម៌។ អង្គការ WHO អំពាវនាវឱ្យមានការចេញចូលដោយមិនមានការរារាំងសម្រាប់បុគ្គលិកសុខាភិបាល និងការដឹកជញ្ជូនបរិក្ខារពេទ្យទៅក្នុងតំបន់ Gaza។ ហើយនៅក្នុងបទសម្ភាសន៍ «កម្ពុជាច្នៃប្រតិដ្ឋ» វិញ អ្នកគូររូបខ្មែរអាមេរិកាំងនៅហូលីវូដគ្រោងជំរុញភាពច្នៃប្រតិដ្ឋនៅមាតុភូមិកម្ពុជា៕

1 hr

June 12, 2021 ព័ត៌មានពេលរាត្រី៖ ១២ មិថុនា ២០២១ - មិថុនា 12, 2021

ព័ត៌មានសំខាន់ៗអំពីកម្ពុជាមានដូចជា ឧក្រិដ្ឋកម្មស្អប់ខ្ពើមអាស៊ីអាមេរិកាំងកើនឡើងប៉ុន្តែអ្នករងគ្រោះមានទំហំខុសគ្នាតាមដើមកំណើត។ គ្រូបង្រៀនមីយ៉ាន់ម៉ាជាង១២៥.០០០នាក់ត្រូវគេព្យួរការងារដោយសារប្រឆាំងរដ្ឋប្រហារ។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១៥ មានកិច្ចពិភាក្សាអំពី «ទស្សនវិស័យនៃប្រព័ន្ធសុខាភិបាលកម្ពុជា»៕

1 hr

June 11, 2021 ព័ត៌មានពេលរាត្រី៖ ១១ មិថុនា ២០២១ - មិថុនា 11, 2021

ព័ត៌មានអំពីកម្ពុជាមានដូចជា អាមេរិកនិងកម្ពុជាបន្តខ្វែងគំនិតគ្នា ក្រោយមន្ត្រីយោធាអាមេរិកទៅមើលមូលដ្ឋានសមុទ្ររាម។ មន្ត្រីកម្ពុជារិះគន់វៀតណាមថាមិនចង់ឱ្យទ័ពជើងទឹកខ្មែររីកចម្រើន ខណៈហាណូយប្រតិកម្មដោយប្រយ័ត្នអំពីជំនួយចិននៅមូលដ្ឋានសមុទ្ររាម។ ក្រុមហ៊ុន NagaWorld រងការរិះគន់កាន់តែខ្លាំងពីក្រុមសិទ្ធិមនុស្សអំពីចេតនាបំបិទសំឡេងសហជីព។ អនាគតគ្មានកោះត្រើយ៖ ឱសានវាទនៃអ្នកនេសាទចាមនិងវៀតណាមលើទន្លេបួនមុខ។ រីឯព័ត៌មានអន្តរជាតិវិញមានដូចជា ក្រុម G-7 ផ្តល់វ៉ាក់សាំងជំងឺកូវីដ១៩ចំនួន១ពាន់លានដូសដល់ពិភពលោក។ សហគមន៍នៅទូទាំងប្រទេសមីយ៉ាន់ម៉ាកាន់អាវុធប្រឆាំងរបបយោធា។ កាសែត New York Times ថា ក្រុមមន្ត្រីលោក Trump បានរឹបអូសយកទិន្នន័យសមាជិកសភាគណបក្សប្រជាធិបតេយ្យ២រូប។ ប្រទេសសូម៉ាលីបដិសេធសេចក្តីរាយការណ៍ដែលថា កងទ័ពរបស់ខ្លួនប្រយុទ្ធនៅតំបន់ Tigray។ ប្រទេសកេនយ៉ាខិតខំលុបបំបាត់ការងងឹតភ្នែកដោយសារជំងឺត្រាក់កូម។ ក្រុមហ៊ុនអាកាសចរណ៍ United Airlines នឹងទិញយន្តហោះហោះលឿនជាងសំឡេង១៥គ្រឿងពីក្រុមហ៊ុនមួយនៅក្រុង Denver៕

1 hr

June 10, 2021 ព័ត៌មានពេលរាត្រី៖ ១០ មិថុនា ២០២១ - មិថុនា 10, 2021

ព័ត៌មានសំខាន់ៗអំពីកម្ពុជាមានដូចជា អាជ្ញាធរអាមេរិកប្រគល់រូបបដិមាបុរាណចំនួន២៧ជូនកម្ពុជាវិញ។ មន្ត្រីកម្ពុជាថា ការបូមប្រេងរបស់ក្រុមហ៊ុន KrisEnergy នៅប្លុក A ត្រូវផ្អាក ក្រោយក្រុមហ៊ុនមេប្រកាសក្ស័យធន។ ខេត្តជុំវិញភ្នំពេញក៏មិនអនុញ្ញាតឲ្យទូកនិងផ្ទះបណ្តែតទឹកចល័តទៅសំចតដែរ។ ស្ថិតិផ្លូវការបង្ហាញថា កូវីដផ្ដាច់ជីវិតមនុស្ស៣០០នាក់ហើយនៅកម្ពុជា។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «ការចូលរួមរបស់យុវជនក្នុងការទប់ស្កាត់ការបំផ្លាញព្រៃឈើទាំងស្រុងនៅកម្ពុជា»។ រីឯព័ត៌មានអន្តរជាតិវិញមានដូចជា លោក Biden ធ្វើដំណើរទៅចក្រភពអង់គ្លេសដើម្បីជួបជាមួយសម្ព័ន្ធមិត្តនិងលោក Putin។ អ្នកស្រី Aung San Suu Kyi ប្រឈមការចោទប្រកាន់ថ្មីពីបទពុករលួយ។ តុលាការយោធាមីយ៉ាន់ម៉ាសម្រេចកាត់ទោសមនុស្សជាង២០នាក់ដាក់ពន្ធនាគារ២០ឆ្នាំចំពោះការដុតបំផ្លាញរោងចក្រដែលមានទំនាក់ទំនងជាមួយចិន។ ពាណិជ្ជកម្មគ្រឿងញៀនសំយោគពង្រីកកាន់តែធំនៅពេលជំងឺកូវីដ១៩រាតត្បាត។ ក្រសួងការពារជាតិអាមេរិកខិតខំប្រឹងប្រែងដោះស្រាយបញ្ហាប្រឈមជាមួយចិន។ មានមនុស្សស្លាប់១១នាក់បន្ទាប់ពីការបាក់រលំអគារនៅទីក្រុង Mumbai នៃប្រទេសឥណ្ឌា៕

1 hr

June 09, 2021 ព័ត៌មានពេលរាត្រី៖ ៩ មិថុនា ២០២១ - មិថុនា 09, 2021

ព័ត៌មានអំពីកម្ពុជាមានដូចជា រដ្ឋមន្ត្រីការពារជាតិកម្ពុជាលើកឡើងពីផលចំណេញភូមិសាស្រ្តនយោបាយលើការចោទប្រកាន់មូលដ្ឋានទ័ពចិននៅរាម។ កម្ពុជាការពារអាជីវកម្មបូមប្រេង គ្រាក្រុមហ៊ុនរុករកប្រេង KrisEnergy ប្រកាសបិទក្រុមហ៊ុន។ រដ្ឋមន្ត្រីការបរទេសវៀតណាមសុំឲ្យជួយដោះស្រាយឋានៈស្របច្បាប់សម្រាប់ជនជាតិវៀតណាមនៅកម្ពុជា។ អាជ្ញាធរភ្នំពេញកំណត់ផ្នែកខ្លះក្នុងខណ្ឌពោធិ៍សែនជ័យជា«តំបន់លឿងទុំ» ខណៈការឆ្លងជំងឺកូវីដ១៩បន្តកើនឡើង។ រីឯព័ត៌មានអន្តរជាតិវិញមានដូចជា លោក Biden ធ្វើដំណើរទៅកាន់ចក្រភពអង់គ្លេសនិងអឺរ៉ុបក្នុងទស្សនកិច្ចក្រៅប្រទេសជាលើកដំបូង។ អ្នកស្រី Harris សង្កត់ធ្ងន់លើការដោះស្រាយ «មូលហេតុ» នៃការធ្វើចំណាកស្រុក។ នាយកប្រតិបត្តិក្រុមហ៊ុនបង្ហូរប្រេងអាមេរិកបារម្ភអំពីរងការវាយប្រហារដោយ Ransomware។ គណៈកម្មាធិការព្រឹទ្ធសភាអាមេរិកបង្ហាញពីបរាជ័យផ្នែកស៊ើបការណ៍សម្ងាត់និងសន្តិសុខទាក់ទងការវាយប្រហារនៅវិមានសភា និងព័ត៌មានសំខាន់ៗមួយចំនួនទៀត៕

1 hr

June 08, 2021 ព័ត៌មានពេលរាត្រី៖ ៨ មិថុនា ២០២១ - មិថុនា 08, 2021

ព័ត៌មានអំពីកម្ពុជាមានដូចជា ចិនបញ្ជូនវ៉ាក់សាំង១លានដូសទៀតមកកម្ពុជា ខណៈរដ្ឋាភិបាលសម្រុកចាក់បង្ការដល់ពលរដ្ឋឲ្យបាន១០លាននាក់។ សហជីពដាក់ពាក្យបណ្តឹងទៅក្រសួងការងារទាមទារឲ្យក្រុមហ៊ុន NagaWorld បញ្ឈប់ការបណ្តេញបុគ្គលិក។ នៅចំពោះមុខរដ្ឋមន្ត្រីក្រសួងមហាផ្ទៃកម្ពុជា តំណាងទូតអាមេរិកអំពាវនាវឲ្យដោះលែងសកម្មជនបរិស្ថាន។ ក្រសួងសុខាភិបាលឲ្យដឹងថា មនុស្ស១២នាក់ទៀតស្លាប់ដោយសារជំងឺកូវីដ១៩ ខណៈចំនួនអ្នកឆ្លងបន្តកើនខ្ពស់។ បទពិសោធន៍ជនភៀសខ្លួនខ្មែរនៅអាមេរិកទសវត្សរ៍៨០និង៩០៖ រូបថតជនភៀសខ្លួនខ្មែរនៅក្រុង Chicago «ធ្វើឲ្យបទពិសោធន៍ផ្ទាល់ខ្លួនខ្ញុំមានន័យ»។ រីឯព័ត៌មានអន្តរជាតិវិញមានដូចជា អ្នកស្រី Harris និយាយសង្កត់ធ្ងន់ពីការមិនឲ្យពលរដ្ឋអាមេរិកឡាទីនធ្វើចំណាកស្រុកមកសហរដ្ឋអាមេរិក។ កាកបាទក្រហមមីយ៉ាន់ម៉ាបង្កើនការគាំទ្រដល់ប្រជាជនរាប់សែននាក់។ ជនសង្ស័យជាង ២០០ នាក់ត្រូវបានចាប់ខ្លួននៅប្រទេសអូស្ត្រាលីពីបទឧក្រិដ្ឋកម្ម។ អាជ្ញាធរប៉ាគីស្ថានស៊ើបអង្កេតមូលហេតុនៃរថភ្លើងបុកគ្នាស្លាប់ជាង៥០នាក់ និងព័ត៌មានអន្តរជាតិសំខាន់ៗមួយចំនួនទៀត៕

1 hr

June 07, 2021 ព័ត៌មានពេលរាត្រី៖ ៧ មិថុនា ២០២១ - មិថុនា 07, 2021

ព័ត៌មានអំពីកម្ពុជាមានដូចជា កម្ពុជារកឃើញវីរុសកូវីដបំប្លែងប្រភេទថ្មី ខណៈករណីឆ្លងមិនទាន់ថមថយនៅឡើយ។ តុលាការគ្រោងបើកសវនាការសំណុំរឿងលោក រ៉ុង ឈុន ស្របពេលសង្គមស៊ីវិលទាមទារឲ្យដោះលែងអ្នកទោសមនសិការ។ អភិបាលខេត្តកណ្តាលថាសមត្ថកិច្ចកំពុងស្វែងរកជនបង្កឲ្យពលរដ្ឋដែលមានទំនាស់ដីធ្លីម្នាក់រងរបួសនឹងគ្រាប់កាំភ្លើង។ កណ្តុរហិតមីននៅកម្ពុជាចូលនិវត្តន៍។ នៅក្នុងកម្មវិធី Hello VOA មានកិច្ចពិភាក្សាអំពី «ការប្រែក្លាយបញ្ហាប្រឈមទៅជាឱកាសតាមរយៈការរៀនសូត្រពេញមួយជីវិត»។ រីឯព័ត៌មានអន្តរជាតិវិញមានដូចជា ប្រទេសថៃព្រួយបារម្ភពីអំពើហិង្សានៅក្នុងប្រទេសមីយ៉ាន់ម៉ា។ អង់គ្លេសថា វីរុសកូវីដ១៩ បំប្លែងថ្មីប្រភេទដែលតាឆ្លងកាន់តែច្រើន។ អតីតយុទ្ធជនអូស្ត្រាលីក្នុងសង្គ្រាមនៅអាហ្វហ្គានីស្ថានបដិសេធការចោទប្រកាន់ពីបទឧក្រិដ្ឋកម្មសង្គ្រាម។ សហរដ្ឋអាមេរិកត្រៀមប្រកាសវិធានការថ្មីក្នុងការប្រយុទ្ធប្រឆាំងនឹងការរត់ពន្ធ និងការជួញដូរគ្រឿងញៀន។ រថភ្លើងបុកគ្នាធ្វើឲ្យមនុស្សស្លាប់យ៉ាងហោចណាស់៣០នាក់នៅប៉ាគីស្ថាន។ លោក Biden ពង្រីកបញ្ជីឈ្មោះក្រុមហ៊ុនចិនដែលត្រូវដាក់ទណ្ឌកម្ម៕

1 hr