កម្មវិធីព័ត៌មានពេលរាត្រី - វីអូអេ podcast - Page 141

May 26, 2021 ព័ត៌មានពេលរាត្រី៖ ២៦ ឧសភា ២០២១ - ឧសភា 26, 2021

ព័ត៌មានអំពីកម្ពុជាមានដូចជា ក្ដីបារម្ភកើនឡើង ខណៈកូវីដ១៩ វាយលុកពន្ធនាគារមួយទៀតនៅខេត្តកណ្ដាល។ ខណៈខេត្តកំពង់ស្ពឺទម្លាក់ស្លាកឃោសនាសុរា អ្នកឃ្លាំមើលរំឭករដ្ឋឱ្យពន្លឿនច្បាប់គ្រប់គ្រងគ្រឿងស្រវឹង។ អង្គការអន្តរជាតិ១២ អំពាវនាវឲ្យរដ្ឋាភិបាលកម្ពុជាឈប់យាយីសំឡេងរិះគន់ការឆ្លើយតបនឹងជំងឺកូវីដ១៩។ រីឯព័ត៌មានអន្តរជាតិវិញមានដូចជា លោក Blinken ប្រកាសពីជំនួយគ្រោះមហន្តរាយថ្មីរបស់សហរដ្ឋអាមេរិកសម្រាប់តំបន់ Gaza។ រដ្ឋអាជ្ញាស្វែងរកគណៈវិនិច្ឆ័យពិសេសសម្រាប់ការស៊ើបអង្កេតលើលោក Trump។ រដ្ឋបាលលោក Biden ចាត់វិធានការការពារជនជាតិមីយ៉ាន់ម៉ាដែលរស់នៅក្នុងសហរដ្ឋអាមេរិក។ លោក Lukashenko និយាយថា ខ្លួនបង្វែរការចុះថតយន្តហោះដោយស្របច្បាប់។ សហរដ្ឋអាមេរិកបង្កើនវិធានការប្រយុទ្ធប្រឆាំងនឹងអំពើហិង្សាផ្លូវភេទ និងព័ត៌មានអន្តរជាតិមួយចំនួនទៀត៕

1 hr

May 25, 2021 ព័ត៌មានពេលរាត្រី៖ ២៥ ឧសភា ២០២១ - ឧសភា 25, 2021

ព័ត៌មានអំពីកម្ពុជាមានដូចជា កូវីដបន្តរាតត្បាត ខណៈគ្រួសារអ្នកស្លាប់ចាំដំណឹងអំពីសពនិងអដ្ឋិធាតុ។ ក្រោយមនុស្ស៩នាក់ពុលស្រាស្លាប់នៅកំពត នគរបាលឃាត់ខ្លួនអ្នកបិតស្រា២នាក់។ ប៉ូលិសខ្មែរ-អាមេរិកាំងពលីក្នុងបេសកកម្មត្រូវគេចងចាំជាវីរបុរសនិងជាអ្នកជួយសង្គម។ រីឯព័ត៌មានអន្តរជាតិវិញមានដូចជា លោក Blinken ធ្វើដំណើរទៅកាន់តំបន់មជ្ឈិមបូព៌ាដើម្បីពង្រឹងបទឈប់បាញ់រវាងអ៊ីស្រាអែល និងក្រុម Hamas និងស្ដារតំបន់ Gaza ឡើងវិញ។ សហគមន៍អឺរ៉ុបដាក់ទណ្ឌកម្មលើប្រទេសបេឡារុសចំពោះការបង្វែរជើងហោះហើរចាប់អ្នកកាសែត។ អ្នកកាសែតអាមេរិកាំងម្នាក់ត្រូវបានគេចាប់ឃុំខ្លួននៅក្នុងប្រទេសមីយ៉ាន់ម៉ា។ ឆ្មាំការពារជាតិ National Guard បញ្ចប់ការការពារវិមានសភាសហរដ្ឋអាមេរិក។ ជប៉ុនថា «គ្មានការប្រែប្រួលចំពោះកម្មវិធីប្រកួតកីឡាអូឡាំពិក» ក្រោយអាមេរិកព្រមានហានិភ័យឆ្លងជំងឺកូវីដ១៩ តាមការធ្វើដំណើរ៕

1 hr

May 24, 2021 ព័ត៌មានពេលរាត្រី៖ ២៤ ឧសភា ២០២១ - ឧសភា 24, 2021

ព័ត៌មានអំពីកម្ពុជាមានដូចជា រដ្ឋថា ចំនួនឆ្លងកូវីដ១៩ក្នុងពន្ធនាគារមាន៥៦នាក់ តែក្រុមសិទ្ធិមនុស្សថាមានដល់រាប់រយនាក់។ កូវីដ១៩ហក់ឡើងមកវិញ ក្រោយបម្រាមនិងវិធានការរដ្ឋបាលត្រូវបានបន្ធូរ។ កម្មវិធី Hello VOA មានកិច្ចពិភាក្សាអំពី «តួនាទីអាស៊ានក្នុងការស្វែងរកការដោះស្រាយទំនាស់នៅក្នុងប្រទេសមីយ៉ាន់ម៉ានិងការគំរាមកំហែងដល់ស្ថិរភាពតំបន់»។ រីឯព័ត៌មានអន្តរជាតិវិញមានដូចជា លោក Blikens ទៅកាន់តំបន់មជ្ឈិមបូព៌ាដើម្បីធ្វើឲ្យស្ថានភាពឈប់បាញ់គ្នារវាងអ៊ីស្រាអែល និងក្រុម Hamas ប្រសើរឡើងវិញ។ លោកស្រី Aung San Suu Kyi បង្ហាញខ្លួនក្នុងតុលាការដោយផ្ទាល់ជាលើកដំបូងចាប់តំាងពីរដ្ឋប្រហារយោធាមក។ សហភាពអឺរ៉ុបថ្កោលទោសប្រទេសបេឡារុសអំពីការបង្វែរជើងហោះហើរ និងការឃុំខ្លួនអ្នកកាសែត។ ករណីស្លាប់ដោយសារកូវីដ១៩ នៅឥណ្ឌាកើនលើសបីសែននាក់ ស្របពេលដែលជប៉ុនបង្កើនការចាក់វ៉ាក់សំាង។ គ្រួសាររបស់លោក George Floyd រៀបចំការដើរក្បួនរំឭកដល់លោក។ អូស្ត្រាលីគ្រោងបង្កើតឧទ្យានសមុទ្រសំខាន់ពីរនៅមហាសមុទ្រឥណ្ឌា៕

1 hr

May 23, 2021 ព័ត៌មានពេលរាត្រី៖ ២៣ ឧសភា ២០២១ - ឧសភា 23, 2021

ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំងកើនចំនួន ប៉ុន្តែជីវភាពនៅតែទាប ធៀបនឹងអាស៊ីអាមេរិកាំងទូទៅ។ នៅក្នុងកម្មវិធីផតខាសថ៍ (podcast) «កម្ពុជាសម្លឹងទៅមុខ ឬ Envision Cambodia» ភាគទី១៤ មានកិច្ចពិភាក្សាអំពី «ទស្សនវិស័យនៃសារព័ត៌មានដែលមានវិជ្ជាជីវៈនៅកម្ពុុជា»។ អ្នកកំប្លែងជាស្ត្រីនៅប្រទេសបួគីណាហ្វាសូ ចាប់ផ្តើមឡើងសម្តែងនៅលើឆាក។ ចិនផ្អាកកិច្ចសន្ទនាសេដ្ឋកិច្ចជាមួយអូស្ត្រាលី៕

1 hr

May 22, 2021 ព័ត៌មានពេលរាត្រី៖ ២២ ឧសភា ២០២១ - ឧសភា 22, 2021

ព័ត៌មានសំខាន់ៗអំពីកម្ពុជាមានដូចជា ប៉ូលិសខ្មែរ-អាមេរិកាំងលោក Jimmy Inn ពលីក្នុងបេសកកម្មត្រូវគេចងចាំជាវីរបុរសនិងជាអ្នកជួយសង្គម។ តុលាការមិនទាន់មានចំណាត់ការលើអតីតឧកញ៉ា ឌួង ឆាយ ក្រោយបញ្ចប់ភាពជាសង្ឃរួចហើយ។ បទសម្ភាសន៍ VOA៖ និស្សិត Fulbright ជម្នះសម្ពាធផ្លូវចិត្តពេលសិក្សានៅអាមេរិក ក្នុងពេលកូវីដ១៩ រាតត្បាត។ រីឯព័ត៌មានអន្តរជាតិវិញមានដូចជា ករណីឆ្លងជំងឺកូវីដ១៩ នៅថៃឡើងដល់កម្រិតខ្ពស់បំផុតមួយ ខណៈការចាក់វ៉ាក់សាំងមានភាពយឺតយ៉ាវ។ ធនាគារកណ្តាលចិនសហការជាមួយក្រុមហ៊ុន Ant និង Tencent ដើម្បីបង្កើតរូបិយវត្ថុឌីជីថល៕

1 hr

May 21, 2021 ព័ត៌មានពេលរាត្រី៖ ២១ ឧសភា ២០២១ - ឧសភា 21, 2021

ព័ត៌មានសំខាន់ៗអំពីកម្ពុជាមានដូចជា អាជ្ញាធរខេត្តកំពង់ចាមរកឃើញករណីឆ្លងជំងឺកូវីដ១៩ ប្រមាណជិត ១០០នាក់ទៀត ក្រោយផ្ទុះឆ្លងក្នុងរោងចក្រ។ គ្រួសារ៖ លោក ឆាំង សុង អតីតមន្រ្តីជាន់ខ្ពស់ក្នុងរបបសាធារណរដ្ឋខ្មែរ មានបញ្ហាសុខភាពធ្ងន់ធ្ងរ។ ពិធីការិនី MyTV អះអាងថា នាងជាជនរងគ្រោះពិតប្រាកដ ហើយនាងប្រើកាំបិតដើម្បីការពារខ្លួនតែប៉ុណ្ណោះ។ លោក ឆឺយ ឧត្តមរស្មី កូនប្រុសរបស់លោក ឈុត វុទ្ធី បានទទួលបណ្ណកិត្តិយសពីអភិបាលក្រុងឡូវែលនិងព្រឹទ្ធសភា រដ្ឋសភារដ្ឋ Massachusetts។ បទសម្ភាសន៍ VOA៖ និស្សិត Fulbright ជម្នះសម្ពាធផ្លូវចិត្តពេលសិក្សានៅអាមេរិក ក្នុងពេលកូវីដ១៩ រាតត្បាត។ រីឯព័ត៌មានអន្តរជាតិវិញមានដូចជា អ៊ីស្រាអែលនិងក្រុម Hamas ចាប់ផ្ដើមការឈប់បាញ់គ្នាទៅវិញទៅមកដោយគ្មានលក្ខខណ្ឌ។ ច្បាប់ថ្មីរបស់អាមេរិកប្រឆាំងនឹងឧក្រិដ្ឋកម្មស្អប់ខ្ពើមផ្ដល់នូវមធ្យោបាយអនុវត្តច្បាប់ថ្មី ប៉ុន្តែតើវានឹងដំណើរការដែរឬទេ?។ រដ្ឋមន្ត្រីការបរទេសជប៉ុនព្រមានថា ប្រទេសជប៉ុនអាចបង្កកជំនួយទាំងអស់ទៅកាន់ប្រទេសមីយ៉ាន់ម៉ា។ លោក Biden ជួបប្រធានាធិបតីកូរ៉េខាងត្បូង ពង្រឹងសម្ព័ន្ធភាពរវាងអាមេរិកនិងអាស៊ី។ អូស្ត្រាលីគ្រោងបង្កើតឧទ្យានសមុទ្រសំខាន់ពីរនៅមហាសមុទ្រឥណ្ឌា។ ធនាគារកណ្តាលចិនសហការជាមួយក្រុមហ៊ុន Ant និង Tencent ដើម្បីបង្កើតរូបិយវត្ថុឌីជីថល និងព័ត៌មានផ្សេងទៀត៕

1 hr

May 20, 2021 ព័ត៌មានពេលរាត្រី៖ ២០ ឧសភា ២០២១ - ឧសភា 20, 2021

ព័ត៌មានសំខាន់ៗអំពីកម្ពុជាមានដូចជា អាជ្ញាធរអះអាងថា មនុស្ស ១៣នាក់ស្លាប់ ដោយសារពុលស្រាស និងស្រាមានជាតិមេតាណុលខ្ពស់។ លោក ហ៊ុន សែន ការពារនយោបាយការបរទេសកម្ពុជានិងប្រជាធិបតេយ្យ ក្នុងគ្រាមានការចោទប្រកាន់លម្អៀងទៅចិន។ កម្មករ ៥០នាក់ នៅខេត្តកំពង់ចាមឆ្លងជំងឺកូវីដ១៩ នាំឲ្យមានការព្រួយបារម្ភឆ្លងរាលដាលច្រើន។ នៅក្នុងកម្មវិធី Hello VOA នៅថ្ងៃនេះ មានកិច្ចពិភាក្សាអំពី «វ៉ាក់សាំងការពារជំងឺកូវីដ១៩ សម្រាប់ស្ត្រីមានផ្ទៃពោះ»។ រីឯព័ត៌មានអន្តរជាតិវិញមានដូចជា មន្ត្រី Hamas ថា នឹងមានបទឈប់បាញ់ឆាប់ៗនៅក្នុងជម្លោះអ៊ីស្រាអែល-Gaza។ សភាអាមេរិកអនុម័តការស៊ើបអង្កេតលើការវាយប្រហារនៅវិមានសភា។ អគ្គរដ្ឋអាជ្ញារដ្ឋ New York និយាយថា ការស៊ើបអង្កេតលើបណ្តុំក្រុមហ៊ុនលោក Trump ក្លាយជាការស៊ើបអង្កេតព្រហ្មទណ្ឌ។ សហរដ្ឋអាមេរិកលើកលែងទណ្ឌកម្មលើក្រុមហ៊ុនធ្វើបំពង់បង្ហូរឧស្ម័នអាល្លឺម៉ង់-រុស្ស៊ី។ ប្រទេសក្រុមប្រឹក្សាអាក់ទិកពិភាក្សាអំពីអាកាសធាតុ និងសន្តិសុខ។ ក្រុមអង្គការឥស្លាមអាមេរិកាំងធ្វើពហិការមិនចូលរួមពិធីបុណ្យ Eid នៅសេតវិមាន។ ក្រុមអង្គការសង្គមស៊ីវិលជំរុញឱ្យមានការដាក់ទណ្ឌកម្មហាមឃាត់ការលក់អាវុធទៅឱ្យមីយ៉ាន់ម៉ា៕

1 hr

May 19, 2021 ព័ត៌មានពេលរាត្រី៖ ១៩ ឧសភា ២០២១ - ឧសភា 19, 2021

ព័ត៌មានអំពីកម្ពុជាមានដូចជា ក្រសួងការបរទេសកម្ពុជាថាកម្ពុជានិងអាមេរិកខ្វែងគំនិតគ្នាលើបញ្ហាមួយចំនួន តែប្តេជ្ញាបន្តដោះស្រាយ។ តុលាការមិនទាន់មានចំណាត់ការលើអតីតឧកញ៉ា ឌួង ឆាយ ទោះលោកលាចាកសិក្ខាបទរួចហើយ។ កម្មវិធីផតខាសថ៍ (podcast) «កម្ពុជាសម្លឹងទៅមុខ ឬ Envision Cambodia» ភាគទី១៤ មានកិច្ចពិភាក្សាអំពី «ទស្សនវិស័យនៃសារព័ត៌មានដែលមានវិជ្ជាជីវៈនៅកម្ពុជា»។ រីឯព័ត៌មានអន្តរជាតិវិញមានដូចជា ប្រធានាធិបតីកូរ៉េខាងត្បូងស្វែងរកដំណោះស្រាយបន្ទាន់អំពីកូរ៉េខាងជើង។ អ្នកការទូតកំពូលអាមេរិកនិងរុស្ស៊ីនឹងជួបគ្នានៅប្រទេសអ៊ីស្លង់។ ជម្លោះអ៊ីស្រាអែលនិងប៉ាឡេស្ទីនផ្ទុះឡើង ចំពេលមានការជំរុញបទឈប់បាញ់។ នាវាចម្បាំងអាមេរិកធ្វើដំណើរតាមច្រកសមុទ្រតៃវ៉ាន់ដ៏រសើប។ ប្រទេសសិង្ហបុរីកោះហៅអ្នកតំណាងឥណ្ឌាដោយសារជម្លោះទាក់ទងវីរុសកូរ៉ូណា។ បុគ្គលិកសុខាភិបាលអេស្ប៉ាញចាក់វ៉ាក់សាំងឲ្យពលរដ្ឋនៅតំបន់ជនបទដែលមិនអាចចេញពីផ្ទះបាន៕

1 hr

May 18, 2021 ព័ត៌មានពេលរាត្រី៖ ១៨ ឧសភា ២០២១ - ឧសភា 18, 2021

ព័ត៌មានអំពីកម្ពុជាមានដូចជា សង្គមស៊ីវិលរិះគន់ចំណាត់ការតុលាការក្នុងសំណុំរឿងឧកញ៉ាហេង សៀ ខណៈមានការចាប់ សួរនិងដោះលែងបុគ្គលពាក់ព័ន្ធឆាប់រហ័ស។ មន្ត្រីបក្សប្រឆាំង២នាក់ទៀតសុំសិទ្ធិធ្វើនយោបាយ ដើម្បីចូលរួមការបោះឆ្នោតឃុំសង្កាត់នៅឆ្នាំក្រោយ។ ខ្មែរអាមេរិកាំងកើនចំនួន ប៉ុន្តែជីវភាពនៅតែទាបធៀបនឹងអាស៊ីអាមេរិកាំងទូទៅ។ អាមេរិកបញ្ជាក់ថា កម្ពុជានឹងទទួលបានវ៉ាក់សាំងកូវីដ១៩ ជាង ១លានដូស ពីយន្តការ Covax នៅត្រឹមខែឧសភា។ រីឯព័ត៌មានអន្តរជាតិវិញមានដូចជា ការវាយប្រហាររបស់អ៊ីស្រាអែលគ្មានការធូរស្បើយទេ នៅពេលកិច្ចប្រឹងប្រែងការទូតកាន់តែខ្លាំងឡើង។ លោ កBlinken ស្ថិតនៅប្រទេសអ៊ីស្លង់ដើម្បីពិភាក្សាបញ្ហាអាកាសធាតុ និងចូលរួមកិច្ចប្រជុំក្រុមប្រឹក្សាតំបន់អាកទិក។ ឥណ្ឌាទំនងជាមិនបន្តនាំចេញវ៉ាក់សាំងកូវីដ១៩ ទ្រង់ទ្រាយធំទេរហូតដល់ខែតុលា។ ប្រធានាធិបតីហ្វីលីពីនចេញបទបញ្ជាអំពីសមុទ្រចិនខាងត្បូង និងព័ត៌មានអន្តរជាតិមួយចំនួនទៀត៕

1 hr

May 17, 2021 ព័ត៌មានពេលរាត្រី៖ ១៧ ឧសភា ២០២១ - ឧសភា 17, 2021

ព័ត៌មានអំពីកម្ពុជាមានដូចជា ក្រសួងសុខាភិបាលរកឃើញអ្នកឆ្លងជំងឺកូវីដ ៣៦០ នាក់ ខណៈករណីស្លាប់កើនឡើងដល់ ១៥៤ នាក់។ លោក ហ៊ុន សែន ប្រាប់ឲ្យកងកម្លាំងត្រៀមប្រឆាំងនឹង«ក្រុមឧទ្ទាមក្បត់ជាតិ»ក្នុងពេលបោះឆ្នោត។ ការដោះលែង ឧកញ៉ា គិត ធាង ដែលជាប់ទោសរឿងគ្រឿងញៀន នាំឲ្យមានការរិះគន់។ កម្មវិធី Hello VOA មានកិច្ចពិភាក្សាអំពី «អេកូយុវទូត និងការលើកកម្ពស់ការយល់ដឹងអំពីបរិស្ថាន»។ រីឯព័ត៌មានអន្តរជាតិវិញមានដូចជា នាយករដ្ឋមន្ត្រីអ៊ីស្រាអែលថា ការវាយប្រហារតាមអាកាសលើតំបន់ Gaza មិនឈប់ភ្លាមៗទេ។ រដ្ឋមន្រ្តីការបរទេសសហរដ្ឋអាមេរិកស្ថិតនៅប្រទេសដាណឺម៉ាកដើម្បីពិភាក្សាអំពីសេដ្ឋកិច្ច និងអាកាសធាតុ។ មន្រ្តីសុខាភិបាលអាមេរិកកំពូលម្នាក់«បង្ហាញសុទិដ្ឋិនិយមដោយប្រយ័ត្នប្រយែងអំពីវីរុសកូរ៉ូណា។ ព្យុះស៊ីក្លូននៅប្រទេសឥណ្ឌា និងការបាញ់រ៉ុក្កែតនៅ Gaza អាចបង្កការរីករាលដាលខ្លាំងនៃជំងឺកូវីដ១៩។ បុគ្គលិកជួរមុខនៅមន្ទីរពេទ្យក្រុងបាងកកប្រឈមករណីឆ្លងថ្មីនៃកូវីដ១៩ និងព័ត៌មានអន្តរជាតិមួយចំនួនទៀត៕

1 hr