កម្មវិធីព័ត៌មានពេលរាត្រី - វីអូអេ podcast - Page 143

May 06, 2021 ព័ត៌មានពេលរាត្រី៖ ៦ ឧសភា ២០២១ - ឧសភា 06, 2021

ព័ត៌មានសំខាន់ៗអំពីកម្ពុជាមានដូចជា អាជ្ញាធរខេត្តមួយចំនួនតម្រូវឲ្យពលរដ្ឋចូលភូមិសាស្រ្តធ្វើចត្តាឡីស័ក ប៉ុន្តែលោក ហ៊ុន សែន ប្រតិកម្ម។ អាជ្ញាធរបន្តបិទខ្ទប់តំបន់ឆ្លងខ្លាំងនៃជំងឺកូវីដ១៩ មួយសប្តាហ៍ទៀត ដោយប្រតិកម្មនឹងការរិះគន់។ អាមេរិកអំពាវនាវឲ្យដោះលែងសកម្មជនបរិស្ថាន ខណៈអូស្ត្រាលីជំរុញឲ្យធានាសិទ្ធិមនុស្សជាមូលដ្ឋាន។ អ្នកវិទ្យាសាស្ត្របន្តការសិក្សាដើម្បីបង្ការជំងឺរាតត្បាតថ្មីដូចវីរុសកូរ៉ូណា។ នៅក្នុងកម្មវិធី Hello VOA នាថ្ងៃនេះ មានកិច្ចពិភាក្សាអំពី «មេរៀនពីការបិទខ្ទប់កូវីដដំបូងនៅភ្នំពេញនិងតាខ្មៅ»។ រីឯព័ត៌មានអន្តរជាតិវិញមានដូចជា លោក Biden យល់ព្រមលើកលែងប្រកាសនីយបត្រតក្កកម្មវ៉ាក់សាំងកូវីដ១៩ ប៉ុន្តែភាពស្មុគស្មាញនៅតែមាន។ លោក Blinken ធ្វើដំណើរទស្សនកិច្ចទៅកាន់ប្រទេសអ៊ុយក្រែន ចំពេលមានភាពតានតឹងជាមួយរុស្ស៊ី។ បណ្ដាប្រទេស G-7 គាំទ្រឲ្យតៃវ៉ាន់ទទួលតំណែងជាអ្នកអង្កេតការណ៍នៅក្នុងសន្និបាតសុខភាពពិភពលោក៕

1 hr

May 05, 2021 ព័ត៌មានពេលរាត្រី៖ ៥ ឧសភា ២០២១ - ឧសភា 05, 2021

ព័ត៌មានសំខាន់ៗអំពីកម្ពុជាមានដូចជា តុលាការភ្នំពេញកាត់ទោសសកម្មជនបរិស្ថានឲ្យជាប់ពន្ធនាគារយ៉ាងតិច ១៨ខែ ពីបទញុះញង់។ លោក ហ៊ុន សែន ថា វ៉ាក់សាំង ១លានដូសរបស់ចិននឹងមកដល់កម្ពុជានៅសប្តាហ៍ក្រោយសម្រាប់ពលរដ្ឋនៅតំបន់ក្រហម។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១៣ មានកិច្ចពិភាក្សាអំពី «ទស្សនវិស័យនៃសុវត្ថិភាពចំណីអាហារនៅកម្ពុជា»។ រីឯព័ត៌មានអន្តរជាតិវិញមានដូចជា គណៈកម្មការត្រួតពិនិត្យ Facebook នឹងសម្រេចអំពីការហាមឃាត់លោក Trump នៅថ្ងៃពុធ។ គយសហរដ្ឋអាមេរិកបានរឹបអូបយកស្រោមដៃវេជ្ជសាស្ត្ររបស់ក្រុមហ៊ុនម៉ាឡេស៊ី បន្ទាប់ពីរកឃើញការប្រើប្រាស់កម្លាំងពលកម្មបែបបង្ខំ។ បេសកជនមីយ៉ាន់ម៉ានៅអង្គការសហប្រជាជាតិ ប្រាប់សមាជិកសភាអាមេរិកឲ្យដាក់ទណ្ឌកម្មសេដ្ឋកិច្ចបន្ថែមទៀត។ លោក Netanyahu ខកខានមិនបានបង្កើតរដ្ឋាភិបាលមុនថ្ងៃកំណត់។ រដ្ឋាភិបាលម៉ាលី ថា ស្ត្រីម៉ាលីម្នាក់បានសម្រាលកូន ៩នាក់។ លោក Trump ហៅការចាញ់ឆ្នោតកាលពីឆ្នាំ ២០២០ ថាជា «ការកុហកធំ» មួយ៕

1 hr

May 04, 2021 ព័ត៌មានពេលរាត្រី៖ ៤ ឧសភា ២០២១ - ឧសភា 04, 2021

ព័ត៌មានសំខាន់ៗអំពីកម្ពុជាមានដូចជា កម្ពុជារាយការណ៍ករណីឆ្លងថ្មីចំនួន ៩៣៨នាក់ ជាកំណត់ត្រាខ្ពស់បំផុតចាប់តាំងពីការផ្ទុះឆ្លងជំងឺកូវីដ១៩។ ក្រុមសង្គមស៊ីវិលជំរុញឲ្យបញ្ចប់និទណ្ឌភាពចំពោះអំពើហិង្សាប្រឆាំងអ្នកសារព័ត៌មាន។ ករណីឆ្លងជំងឺកូវីដ១៩ បន្តកើនឡើង ខណៈរដ្ឋាភិបាលត្រៀមបញ្ចប់ការបិទខ្ទប់ទីក្រុងភ្នំពេញនិងក្រុងតាខ្មៅ។ ពលរដ្ឋ«តំបន់ក្រហម»ប្រឈមទាំងកង្វះស្បៀងនិងបញ្ហាផ្លូវចិត្ត ក្រោមវិធានការបិទខ្ទប់សកម្មភាពសេដ្ឋកិច្ចនិងសង្គមទាំងស្រុង។ រីឯព័ត៌មានអន្តរជាតិវិញមានដូចជា រដ្ឋមន្ត្រីការបរទេសនៃក្រុមប្រទេស G-7 នឹងពិភាក្សាគ្នាអំពីបញ្ហាចិន រុស្ស៊ី មីយ៉ាន់ម៉ា និងស៊ីរី។។ លោក Biden បង្កើនចំនួនជនភៀសខ្លួនដែលអនុញ្ញាតឲ្យចូលក្នុងសហរដ្ឋអាមេរិករហូតដល់ទៅ ៤ ដង។ សហភាពអឺរ៉ុបស្នើប្រទេសជាសមាជិកឲ្យផ្ដល់ការអនុញ្ញាតធ្វើដំណើរដល់ទេសចរដែលចាក់វ៉ាក់សាំងកូវីដ១៩ បានពេញលេញ។ សហរដ្ឋអាមេរិកគ្រោងពិនិត្យអនុញ្ញាតឲ្យប្រើវ៉ាក់សាំងកូវីដ១៩ Pfizer សម្រាប់មនុស្សអាយុ ១២ ឆ្នាំឡើង។ រឿងរ៉ាវជនចំណាកស្រុកមកពីផ្នែកទាំងសងខាងនៃព្រំដែនសហរដ្ឋអាមេរិក។ ប្រទេសដែលមានសេដ្ឋកិច្ចតូចជាង កំពុងសម្លឹងមើលឱកាសចូលរួមកិច្ចព្រមព្រៀងពាណិជ្ជកម្មឌីជីថល។ អង្គការមនុស្សធម៌ធ្វើអន្តរាគមន៍ ខណៈអំពើហិង្សាបន្តកើតឡើងនៅមីយ៉ាន់ម៉ា និងព័ត៌មានផ្សេងទៀត៕

1 hr

May 03, 2021 ព័ត៌មានពេលរាត្រី៖ ៣ ឧសភា ២០២១ - ឧសភា 03, 2021

ព័ត៌មានអំពីកម្ពុជាមានដូចជា ក្រសួងសុខាភិបាលថា មនុស្សជាង ៨០០ នាក់ទៀតឆ្លងជំងឺកូវីដ១៩។ លោក ហ៊ុន សែន ថា ការបិទខ្ទប់ទីក្រុងត្រូវបញ្ចប់ចាប់ពីថ្ងៃទី៦ ខែឧសភា តែតំបន់មានហានិភ័យត្រូវរាំងខ្ទប់ដដែល។ កម្ពុជាប្រារព្ធទិវាសារព័ត៌មាន ខណៈសង្គមស៊ីវិលជំរុញឲ្យរដ្ឋាភិបាលធានាសេរីភាពសារព័ត៌មាន។ នៅក្នុងកម្មវិធី Hello VOA មានកិច្ចពិភាក្សាអំពី «បទពិសោធន៍របស់អ្នកសារព័ត៌មានជាស្រ្តីក្នុងប្រទេសកម្ពុជា»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកប្រឈមនឹងការអំពាវនាវឱ្យចែកវ៉ាក់សាំងកូវីដ១៩ជូនប្រទេសឯទៀត។ រដ្ឋមន្ត្រីការបរទេសក្រុមប្រទេស G-7 ជួបពិភាក្សាគ្នានៅចក្រភពអង់គ្លេស។ សហរដ្ឋអាមេរិកបដិសេធថា មិនមានកិច្ចព្រមព្រៀងដោះដូរចំណាប់ខ្មាំងជាមួយអ៊ីរ៉ង់ទេ។ ករណីឆ្លងជំងឺកូវីដ១៩ នៅឥណ្ឌាកើនជិត ២០ លានករណី។ ហ្វីលីពីនទាមទារខ្លាំងៗឲ្យចិនចាកចេញពីដែនទឹកដែលមានជម្លោះនៅសមុទ្រចិនខាងត្បូង។ ប្រទេសស៊ីមបាវ៉េរំពឹងលើថ្នាំជក់នៅពេលអនាគត ទោះបីជាមានយុទ្ធនាការប្រឆាំងការជក់បារីក្តី៕

1 hr

May 02, 2021 ព័ត៌មានពេលរាត្រី៖ ២ ឧសភា ២០២១ - ឧសភា 02, 2021

ព័ត៌មានអំពីកម្ពុជាមានដូចជា វៀតណាមថាមានវីរុសកូវីដបម្លែងថ្មីប្រភេទវ៉ារ្យ៉ង់អាហ្វ្រិកខាងត្បូង រកឃើញចេញពីកម្ពុជា។ ពលរដ្ឋ«តំបន់ក្រហម» ប្រឈមទាំងកង្វះស្បៀងនិងបញ្ហាផ្លូវចិត្ត ក្រោមវិធានការបិទខ្ទប់សកម្មភាពសេដ្ឋកិច្ចនិងសង្គមទាំងស្រុង។ រីឯព័ត៌មានអន្តរជាតិវិញមានដូចជា លោក Biden បញ្ចប់កិច្ចប្រជុំកំពូលស្ដីពីអាកាសធាតុដោយផ្តោតលើជំហរវិជ្ជមាន។ អង្គការផ្តល់ជំនួយបារម្ភពីរលកជំងឺកូវីដ១៩ លើកទី ៣ នៅប្រទេសមីយ៉ាន់ម៉ាក្រោយមានរដ្ឋប្រហារ។ បន្ទាប់ពីមានប្រតិកម្មប្រឆាំងនៅចិន ក្រុមហ៊ុន H&M ប្តេជ្ញាស្តារទំនុកចិត្តពីអតិថិជនឡើងវិញ។ ឧបករណ៍របស់ជនជាតិដើមអូស្ត្រាលីមានអាយុកាល ៣៥០០០ឆ្នាំ។ វិបត្តិនៅលីបង់បង្កើតឱ្យមានគំនិតច្នៃប្រតិដ្ឋផ្គត់ផ្គង់ខ្លួនឯង៕

1 hr

May 01, 2021 ព័ត៌មានពេលរាត្រី៖ ១ ឧសភា ២០២១ - ឧសភា 01, 2021

ព័ត៌មានអំពីកម្ពុជាមានដូចជា វីរុសរកឃើញនៅកម្ពុជាអាចផ្តល់គន្លឹះដល់ការស្វែងរកប្រភពវីរុសកូវីដ១៩។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ» ភាគទី១២ មានកិច្ចពិភាក្សាអំពី «ទស្សនវិស័យនៃសេវារដ្ឋបាលសាធារណៈនៅកម្ពុជា»។ រីឯព័ត៌មានអន្តរជាតិវិញមានដូចជា អង្គការសហប្រជាជាតិអំពាវនាវឲ្យចាត់វិធានការបន្ថែមដើម្បីធ្វើឲ្យពិភពលោកគ្មានជំងឺគ្រុនចាញ់។ វិបត្តិនៅលីបង់បង្កើតឱ្យមានគំនិតច្នៃប្រតិដ្ឋសម្រាប់ផ្គត់ផ្គង់ខ្លួនឯង៕

1 hr

April 30, 2021 ព័ត៌មានពេលរាត្រី៖ ៣០ មេសា ២០២១ - មេសា 30, 2021

ព័ត៌មានអំពីកម្ពុជាមានដូចជា ពលរដ្ឋខ្លះនៅតំបន់ក្រហមតវ៉ាសុំស្បៀង ចំពេលមានការព្រមានពី«វិបត្តិមនុស្សធម៌»។ តំបន់ក្រហមនឹង«តឹងតែងជាងមុន» រីឯពលរដ្ឋបន្តអំពាវនាវសុំស្បៀងអាហារ។ កម្ពុជារកឃើញករណីឆ្លងជំងឺកូវីដ ៧៦១នាក់បន្ថែមទៀត។ រីឯព័ត៌មានអន្តរជាតិវិញមានដូចជា មនុស្សជាច្រើននាក់ជាន់គ្នាស្លាប់នៅក្នុងពិធីបុណ្យសាសនាមួយក្នុងប្រទេសអ៊ីស្រាអែល។ ការឆ្លងជំងឺកូវីដ១៩ ក្នុងប្រទេសឥណ្ឌាកើនឡើងជិត ៤សែនករណី ក្នុងមួយថ្ងៃ។ អ្នកភូមិមីយ៉ាន់ម៉ារាប់ពាន់នាក់ត្រៀមខ្លួនរត់គេចពីអំពើហិង្សាទៅកាន់ប្រទេសថៃ។ ស្ថានទូតអាមេរិកប្រចាំទីក្រុងមូស្គូនឹងកាត់បន្ថយសេវាកុងស៊ុល។ លោក Biden ការពាររដ្ឋាភិបាលនិងលទ្ធិប្រជាធិបតេយ្យក្នុងសុន្ទរកថាទៅកាន់សភា និងព័ត៌មានផ្សេងៗទៀត៕

1 hr

April 29, 2021 ព័ត៌មានពេលរាត្រី៖ ២៩ មេសា ២០២១ - មេសា 29, 2021

ព័ត៌មានអំពីកម្ពុជាមានដូចជា មនុស្ស៥៧ម៉ឺននាក់នៅ«តំបន់ក្រហម» នឹងត្រូវចាក់វ៉ាក់សាំង«កាតព្វកិច្ច»ដោយយោធា។ សង្គមស៊ីវិលស្នើរដ្ឋាភិបាលគិតគូរឡើងវិញរឿងបង្ហាញអត្តសញ្ញាណអ្នកជំងឺកូវីដ១៩។ រាជធានីភ្នំពេញត្រៀមពន្យារពេលរាំងខ្ទប់ ដើម្បីបន្ថយការឆ្លងវីរុសកូរ៉ូណា។ កម្ពុជារកឃើញករណីឆ្លងកូវីដ១៩ ថ្មីចំនួន៨៨០នាក់ ដែលជាកំណត់ត្រាឆ្លងខ្ពស់បំផុតក្នុងមួយថ្ងៃ។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «អ.ស.ប.និងកម្ពុជាត្រូវការដំណោះស្រាយចំពោះសំណុំរឿងសេសសល់ខ្មែរក្រហមក្នុងតុលាការ»។ រីឯព័ត៌មានអន្តរជាតិវិញមានដូចជា លោក Biden ប្រាប់សភាថា អាមេរិកត្រៀមខ្លួនជាស្រេចហើយ។ លោក Scott សមាជិកព្រឹទ្ធសភានិយាយថា លោក Biden មិនអាចបង្រួបបង្រួមប្រទេសបានទេ។ ភ្នាក់ងារអាមេរិកបានចូលឆែកផ្ទះនិងការិយាល័យមេធាវីលោក Trump នៅក្រុងញូវយ៉ក៕

1 hr

April 28, 2021 ព័ត៌មានពេលរាត្រី៖ ២៨ មេសា ២០២១ - មេសា 28, 2021

ព័ត៌មានអំពីកម្ពុជាមានដូចជា តុលាការបង្គាប់ឲ្យចាប់ខ្លួន លោក សម រង្ស៊ី ចោទថាបំពានវិធានការបង្ការជំងឺកូវីដ១៩។ លោក ហ៊ុន សែន បញ្ជាឲ្យពេទ្យកងទ័ពចាក់វ៉ាក់សាំងដល់ពលរដ្ឋក្នុង«តំបន់ក្រហម»។ មន្រ្តីក្រសួងការងារថា កម្មករប្រមាណ ១.៧០០ នាក់ ត្រូវបានរកឃើញឆ្លងជំងឺកូវីដ១៩ ចាប់តាំងពីផ្ទុះឆ្លងព្រឹត្តិការណ៍ ២០ កុម្ភៈ។ ក្រុមសិទ្ធិមនុស្សអន្តរជាតិថា សេចក្តីព្រាងច្បាប់ថ្មីស្តីពីសិទ្ធិជនពិការមិនស្របបទដ្ឋានអន្តរជាតិ។ ពលរដ្ឋ«តំបន់ក្រហម»ប្រឈមទាំងកង្វះស្បៀងនិងបញ្ហាផ្លូវចិត្ត ក្រោមវិធានការបិទខ្ទប់សកម្មភាពសេដ្ឋកិច្ចនិងសង្គមទាំងស្រុង។ រីឯព័ត៌មានអន្តរជាតិវិញមានដូចជា អង្គការផ្តល់ជំនួយបារម្ភពីរលកជំងឺកូវីដ១៩ លើកទី ៣ នៅប្រទេសមីយ៉ាន់ម៉ានៅក្រោយរដ្ឋប្រហារ។ របាយការណ៍អំពីតួនាទីរបស់បារាំងនៅក្នុងអំពើប្រល័យពូជសាសន៍នៅរវ៉ាន់ដា មិនបានបញ្ចប់អតីតកាលដ៏ខ្មៅងងឹតទេ។ លោក Biden នឹងថ្លែងសុន្ទរកថាទៅកាន់សភាទាំងពីរថ្នាក់នៅយប់ថ្ងៃពុធនេះ។ មជ្ឈមណ្ឌល CDC ថា អ្នកចាក់វ៉ាក់សាំងកូវីដ១៩ អាចមិនពាក់ម៉ាស់បាននៅពេលជួបជុំមនុស្សមិនសូវច្រើននៅខាងក្រៅ។ រដ្ឋាភិបាលឯកភាពជាតិមីយ៉ាន់ម៉ាប្រាប់អាស៊ានថា ខ្លួននឹងមិនចរចាទេ បើអ្នកទោសនយោបាយទាំងអស់មិនត្រូវបានដោះលែង៕

1 hr

April 27, 2021 ព័ត៌មានពេលរាត្រី៖ ២៧ មេសា ២០២១ - មេសា 27, 2021

ព័ត៌មានអំពីកម្ពុជាមានដូចជា ពលរដ្ឋបារម្ភខ្លាំងពីសន្តិសុខស្បៀងនិងបំណុល ខណៈការបិទខ្ទប់ក្រុងបន្តមួយសប្តាហ៍ទៀត។ លោក ហ៊ុន សែន ចង់ឃើញការបែងចែកវ៉ាក់សាំងកូវីដ១៩ដោយសមធម៌ ខណៈកម្ពុជាចាក់វ៉ាក់សាំងបានច្រើនជាងប្រទេសអាស៊ាន។ កម្ពុជារកឃើញមនុស្សជាង ៥០០ នាក់ទៀតឆ្លងកូវីដ១៩ ខណៈករណីស្លាប់កើនឡើងដល់ ៨២ នាក់។ រីឯព័ត៌មានអន្តរជាតិវិញមានដូចជា អាស៊ានកែប្រែពាក្យពេចន៍លើសេចក្តីថ្លែងការណ៍ពាក់ព័ន្ធនឹងការដោះលែងអ្នកទោសនយោបាយមីយ៉ាន់ម៉ា។ នាវាមុជទឹករបស់ឥណ្ឌូណេស៊ីត្រូវរកឃើញបាក់ជា ៣ ផ្នែក និងស្លាប់នាវិក ៥៣ នាក់។ «មានយុត្តិធម៌»គឺជាប្រតិកម្មពិភពលោកចំពោះការកាត់ទោសលោក Derek Chauvin ជាឃាតករសម្លាប់លោក George Floyd។ សហរដ្ឋអាមេរិកនឹងបញ្ជូនខ្យល់អុកស៊ីសែនទៅកាន់ប្រទេសឥណ្ឌា។ ក្រុមឧទ្ទាមមីយ៉ាន់ម៉ាអះអាងថាបានដណ្ដើមកាន់កាប់មូលដ្ឋានយោធាមួយកន្លែងនៅជិតព្រំដែនថៃ។ សហរដ្ឋអាមេរិកប្ដេជ្ញាជួយប្រទេសនៅទ្វីបអាមេរិកកណ្តាលដើម្បីដោះស្រាយបញ្ហាចំណាកស្រុក។ សហរដ្ឋអាមេរិកដាក់សម្ពាធបន្តលើប្រទេសអេត្យូពីឲ្យបញ្ចប់ជម្លោះនៅតំបន់ Tigray និងព័ត៌មានអន្តរជាតិមួយចំនួនទៀត៕

1 hr