កម្មវិធីព័ត៌មានពេលរាត្រី - វីអូអេ podcast - Page 144

April 26, 2021 ព័ត៌មានពេលរាត្រី៖ ២៦ មេសា ២០២១ - មេសា 26, 2021

ព័ត៌មានអំពីកម្ពុជាមានដូចជា រដ្ឋាភិបាលបញ្ចប់បម្រាមហាមឃាត់ធ្វើដំណើរឆ្លងខេត្ត ខណៈការឆ្លងកូវីដ១៩មិនទាន់ស្រាកស្រាន្ត។ ក្រុមសិទ្ធិមនុស្សថា គួរបើកតំបន់ខ្លះនៅភ្នំពេញ ដើម្បីកុំឲ្យប៉ះពាល់ធ្ងន់ធ្ងរដល់ការរកស៊ីរបស់ពលរដ្ឋ។ កម្ពុជារកឃើញអ្នកឆ្លងកូវីដ១៩ ថ្មី ជិត ៦០០ នាក់ទៀត នាំឲ្យករណីឆ្លងសរុបកើនដល់១ម៉ឺននាក់។ នៅក្នុងកម្មវិធី Hello VOA មានកិច្ចពិភាក្សាអំពី «ការគ្រប់គ្រងស្ថានការណ៍ ពេលបិទខ្ទប់ដោយសារជំងឺរាតត្បាត»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកចាប់ផ្តើមដកកងទ័ពបណ្ដើរៗនៅអាហ្វហ្គានីស្ថាន។ សកម្មជនមីយ៉ាន់ម៉ាអំពាវនាវឲ្យពលរដ្ឋកុំសហការជាមួយប្រព័ន្ធដឹកនាំរបស់យោធា។ នាយករដ្ឋមន្ត្រីឥណ្ឌាជំរុញពលរដ្ឋឲ្យចាក់វ៉ាក់សាំង ស្របពេលករណីឆ្លងជំងឺកូវីដ១៩ កើនឡើងខ្លាំង។ វ៉ាក់សាំងកូវីដ១៩ របស់ក្រុមហ៊ុន Moderna កំពុងត្រូវបានពិនិត្យវាយតម្លៃដោយអង្គការសុខភាពពិភពលោកដើម្បីប្រើក្នុងគ្រាបន្ទាន់។ តួកគីកោះហៅឯកអគ្គរដ្ឋទូតអាមេរិកទាក់ទិននឹងការប្រកាសទទួលស្គាល់របស់លោក Biden អំពីអំពើប្រល័យពូជសាសន៍អាមេនី។ អង្គការមនុស្សធម៌ធ្វើអន្តរាគមន៍ ខណៈអំពើហិង្សាបន្តកើតឡើងនៅមីយ៉ាន់ម៉ា។ ឧបករណ៍របស់ជនជាតិដើមអូស្ត្រាលីមានអាយុកាល ៣៥.០០០ ឆ្នាំ៕

1 hr

April 25, 2021 ព័ត៌មានពេលរាត្រី៖ ២៥ មេសា ២០២១ - មេសា 25, 2021

ព័ត៌មានសំខាន់ៗអំពីកម្ពុជាមានដូចជា ពលរដ្ឋមួយចំនួនបារម្ភកង្វះស្បៀងអាហារ ខណៈការបិទខ្ទប់ទីក្រុងភ្នំពេញកាន់តែតឹងរ៉ឹង។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី១២ នេះ មានកិច្ចពិភាក្សាអំពី «ទស្សនវិស័យនៃសេវារដ្ឋបាលសាធារណៈនៅកម្ពុជា»។ រីឯព័ត៌មានអន្តរជាតិវិញមានដូចជា ក្រុមអ្នកវិភាគយល់ឃើញថា រុស្ស៊ីមានមហិច្ឆតាពង្រីកឥទ្ធិពលខ្លួននៅតំបន់អាស៊ីអាគ្នេយ៍តាមរយៈយោធាមីយ៉ាន់ម៉ា។ សំណើហេដ្ឋារចនាសម្ព័ន្ធ២លានលានដុល្លាររបស់លោក Biden ប្រឈមការជំទាស់៕

1 hr

April 24, 2021 ព័ត៌មានពេលរាត្រី៖ ២៤ មេសា ២០២១ - មេសា 24, 2021

ព័ត៌មានសំខាន់ៗអំពីកម្ពុជាមានដូចជា បក្សប្រឆាំងប្រឈមនឹងជម្រើសលំបាក មុនការបោះឆ្នោតមកដល់។ ដីបឹងតាមោក ១៧ ហិកតាទៀត ត្រូវកាត់ចេញសម្រាប់ស្ថាប័នរដ្ឋ នាំឲ្យមានការព្រួយបារម្ភបន្ថែម។ រីឯព័ត៌មានអន្តរជាតិវិញមានដូចជា ក្រុមអ្នកជំនាញថា អន្តរជាតិត្រូវដោះស្រាយរដ្ឋប្រហារនៅភូមាតាមវិធីតុលាការព្រហ្មទណ្ឌអន្តជាតិ ទណ្ឌកម្ម និងមហាសន្និបាត អ.ស.ប.។ លោក Biden ប្រើអំណាចនីតិប្រតិបត្តិដើម្បីទប់ទល់នឹងអំពើហិង្សាដោយការប្រើកាំភ្លើង។ របាយការណ៍អំពីតួនាទីរបស់បារាំងនៅក្នុងអំពើប្រល័យពូជសាសន៍នៅរវ៉ាន់ដា មិនបានបញ្ចប់អតីតកាលដ៏ខ្មៅងងឹតទេ។ តុលាការស៊ីមបាវ៉េចាប់ខ្លួនសកម្មជនប្រឆាំងពីបទញុះញង់។ សំណើថវិការបស់លោក Biden នឹងផ្លាស់ប្តូរអាទិភាពនៃការចាយវាយរបស់សហរដ្ឋអាមេរិក។ ការព្រួយបារម្ភពីសន្តិសុខនៅវិមានសភាអាមេរិកកើនឡើង ក្រោយមានការវាយប្រហារជាលើកទី ២៕

1 hr

April 23, 2021 ព័ត៌មានពេលរាត្រី៖ ២៣ មេសា ២០២១ - មេសា 23, 2021

ព័ត៌មានសំខាន់ៗអំពីកម្ពុជាមានដូចជា វៀតណាមនឹងផ្តល់ឧបករណ៍ជំនួយដង្ហើម ៨០០ គ្រឿងដល់កម្ពុជា ខណៈអ្នកជំងឺកូវីដ១៩ កើនដល់ជាង៥ពាន់នាក់។ លោក ហ៊ុន សែន ធ្វើដំណើរទៅឥណ្ឌូណេស៊ី ដើម្បីចូលរួមពិភាក្សាបញ្ហានយោបាយមីយ៉ាន់ម៉ា។ មនុស្សជាង៦៥០នាក់ទៀតឆ្លងជំងឺកូវីដ១៩ នៅកម្ពុជា ខណៈអ្នកស្លាប់កើនឡើងដល់ ៦១នាក់។ អាជីវករផ្សារអូរឫស្សីរំពឹងផ្សារបើកវិញឆាប់ៗ តែនៅបារម្ភពីការឆ្លងជំងឺកូវីដ១៩។ រីឯព័ត៌មានអន្តរជាតិវិញមានដូចជា មេដឹកនាំអាស៊ាននឹងជួបប្រជុំកំពូលពិសេសជាមួយឧត្តមសេនីយ៍ធ្វើរដ្ឋប្រហារនៅភូមា។ លោក Biden សន្យាកាត់បន្ថយការប្រើឥន្ធនៈហ្វូស៊ីលឲ្យបានឆាប់រហ័សដោយសហរដ្ឋអាមេរិក។ ព្រឹទ្ធសភាអាមេរិកអនុម័តដោយសំឡេងលើសលប់នូវសេចក្តីព្រាងច្បាប់ឧក្រិដ្ឋកម្មស្អប់ខ្ពើមប្រឆាំងជនជាតិអាស៊ី។ មន្ទីរពេទ្យឥណ្ឌាត្រូវការខ្យល់អុកស៊ីសែនយ៉ាងខ្លាំង ខណៈអគ្គិភ័យបានសម្លាប់អ្នកជំងឺកូវីដ១៩ ចំនួន ១៣ នាក់។ ជនជាតិអាស៊ីជាប់ឈ្មោះចូលប្រកួតពានរង្វាន់ Oscar យ៉ាងច្រើនជាលើកទីមួយក្នុងប្រវត្តិសាស្ត្រ និងព័ត៌មានអន្តរជាតិផ្សេងទៀត៕

1 hr

April 22, 2021 ព័ត៌មានពេលរាត្រី៖ ២២ មេសា ២០២១ - មេសា 22, 2021

ព័ត៌មានសំខាន់ៗអំពីកម្ពុជាមានដូចជា រដ្ឋមន្ត្រីមហាផ្ទៃឲ្យបញ្ឈប់ការប្រើហិង្សា ខណៈកម្លាំងមួយចំនួនប្រើរំពាត់វាយពលរដ្ឋ។ មនុស្សជិត ៤៥០ នាក់ទៀតឆ្លងជំងឺកូវីដ១៩ ខណៈករណីស្លាប់មានជិត៦០នាក់។ នៅក្នុងកម្មវិធី Hello VOA ស្តីពីចំណាកស្រុក មានការពិភាក្សាអំពី «បញ្ហាប្រឈមសម្រាប់ពលករចំណាកស្រុកខ្មែរនៅប្រទេសថៃខណៈការឆ្លងកូវីដ១៩កើនឡើង»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកដាក់ទណ្ឌកម្មលើសហគ្រាសពីរបន្ថែមទៀតរបស់មីយ៉ាន់ម៉ា។ លោក Biden ជឿថា សហរដ្ឋអាមេរិកអាចផ្គត់ផ្គង់វ៉ាក់សាំងកូវីដ១៩ ទៅបរទេសបាន។ អ្នកជំនាញអង្គការសហប្រជាជាតិថា ជីវិតលោក Navalny កំពុងជួប «គ្រោះថ្នាក់ខ្លាំង»។ លោក Biden ត្រូវគេរំពឹងថាត្រៀមប្រកាសថាការសម្លាប់រង្គាលជនជាតិអាមេនីក្នុងសម័យសង្គ្រាមលោកលើកទីមួយ ជាអំពើប្រល័យពូជសាសន៍។ អាស៊ាននឹងពិភាក្សាពីវិបត្តិនៅមីយ៉ាន់ម៉ាក្នុងកិច្ចប្រជុំកំពូលនៅរដ្ឋធានីហ្សាការតា។ ទំនប់វារីអគ្គិសនីទន្លេមេគង្គបង្កផលវិបាកដល់អ្នកភូមិជនជាតិថៃ។ រលកឆ្លងរាលដាលវីរុសកូរ៉ូណាលើកទី ៣ បង្ខំឱ្យអឺរ៉ុបបិទសកម្មភាពសង្គមម្តងទៀត ខណៈអង់គ្លេសបើកដំណើរឡើងវិញ។ មានការអបអរសាទរនិងការធូរចិត្តនៅក្រុង Minneapolis បន្ទាប់ពីចេញសាលក្រមពិរុទ្ធលោក Chauvin៕

1 hr

April 21, 2021 ព័ត៌មានពេលរាត្រី៖ ២១ មេសា ២០២១ - មេសា 21, 2021

ព័ត៌មានអំពីកម្ពុជាមានដូចជា សមត្ថកិច្ចបញ្ជូនមនុស្ស៦នាក់ទៀតទៅតុលាការ រឿងផឹកស៊ីជុំគ្នាបំពានវិធានការបិទខ្ទប់រាជធានីភ្នំពេញ។ របាយការណ៍៖ រដ្ឋាភិបាលកម្ពុជាយកវិបត្តិជំងឺកូវីដ១៩ មកគាបសង្កត់ប្រព័ន្ធផ្សព្វផ្សាយនិងរឹតត្បិតការរិះគន់។ មនុស្ស៥នាក់ទៀតស្លាប់ដោយសារកូវីដ១៩ ខណៈជាង៣០០នាក់ទៀតបានឆ្លងជំងឺនេះ។ នៅក្នុងកម្មវិធីផតខាសថ៍ (podcast) «កម្ពុជាសម្លឹងទៅមុខ ឬ Envision Cambodia» មានកិច្ចពិភាក្សាអំពី «ទស្សនវិស័យនៃសេវារដ្ឋបាលសាធារណៈនៅកម្ពុជា»។ រីឯព័ត៌មានអន្តរជាតិវិញមានដូចជា ទំនប់វារីអគ្គិសនីទន្លេមេគង្គបង្កផលវិបាកដល់អ្នកភូមិជនជាតិថៃ។ លោក Biden និងអ្នកស្រី Harris ថ្លែងទៅកាន់ប្រជាជាតិ បន្ទាប់ពីសាលក្រមទាក់ទិននឹងការស្លាប់របស់លោក Floyd ត្រូវបានប្រកាស។ លោក Xi Jinping នឹងចូលរួមក្នុងកិច្ចប្រជុំស្ដីពីការប្រែប្រួលអាកាសធាតុ ដែលរៀបចំដោយលោក Biden។ សហភាពអឺរ៉ុបមានគោលដៅកាត់បន្ថយការបញ្ចេញឧស្ម័នទៅក្នុងបរិយាកាសឲ្យបាន ៥៥% នៅត្រឹមឆ្នាំ ២០៣០។ បេសកជនអង្គការសហប្រជាជាតិថា ការបង្ក្រាបរបស់យោធាមីយ៉ាន់ម៉ាធ្វើឲ្យមនុស្សជិត ២៥០.០០០ នាក់ផ្លាស់ទីជម្រក៕

1 hr

April 20, 2021 ព័ត៌មានពេលរាត្រី៖ ២០ មេសា ២០២១ - មេសា 20, 2021

ព័ត៌មានអំពីកម្ពុជាមានដូចជា ពលរដ្ឋមួយចំនួនបារម្ភកង្វះស្បៀងអាហារ ខណៈការបិទខ្ទប់ទីក្រុងភ្នំពេញកាន់តែតឹងរ៉ឹង។ ភូមិសង្កាត់មួយចំនួនត្រូវកំណត់ជា«តំបន់ក្រហម»នៃការរាំងខ្ទប់រាជធានីភ្នំពេញ។ ចៅក្រមកម្ពុជានិងអ.ស.ប.ខ្វែងគំនិតគ្នាអំពីការតម្កល់ ឬបញ្ជូនសំណុំរឿងលោក មាស មុត ទៅកាត់ទោស។ រីឯព័ត៌មានអន្តរជាតិវិញមានដូចជា គណៈវិនិច្ឆ័យអាមេរិកចាប់ផ្តើមពិគ្រោះការកាត់ទោសមន្ត្រីប៉ូលិសដែលត្រូវបានចោទប្រកាន់ពីបទសម្លាប់លោក George Floyd។ ចិនគឺជាប្រធានបទចម្បងនៅក្នុងជំនួបរវាងលោក Biden និងលោក Suga។ មន្ត្រីបស្ចិមប្រទេសនិយាយថា ចារបុរសរុស្ស៊ីបង្កើនកិច្ចប្រឹងប្រែងដើម្បីទទួលបានព័ត៌មានសម្ងាត់របស់អង្គការអូតង់។ សហរដ្ឋអាមេរិកបញ្ជាក់ឡើងនូវការចាត់ទុកបញ្ហាអាកាសធាតុជាអាទិភាពមួយនៃគោលនយោបាយការបរទេសរបស់ខ្លួន។ អាស៊ាននឹងពិភាក្សាអំពីវិបត្តិនៅមីយ៉ាន់ម៉ានៅថ្ងៃសៅរ៍ខាងមុខ។ សហរដ្ឋអាមេរិកថា រុស្ស៊ីបង្កើនកងទ័ពនៅតាមបណ្តោយព្រំដែនអ៊ុយក្រែនច្រើនជាងកាលពីឆ្នាំ ២០១៤។ មន្ត្រីអ៊ីរ៉ង់ថា ការចរចានុយក្លេអ៊ែរអ៊ីរ៉ង់មានការវិវឌ្ឍទៅមុខ៕

1 hr

April 19, 2021 ព័ត៌មានពេលរាត្រី៖ ១៩ មេសា ២០២១ - មេសា 19, 2021

ព័ត៌មានអំពីកម្ពុជាមានដូចជា មនុស្សជាង ៦០០នាក់ ត្រូវបានរកឃើញឆ្លងកូវីដ១៩ ខណៈក្រសួងសុខាភិបាលធ្វើតេស្តរហ័ស។ មនុស្សយ៉ាងតិច ៥នាក់ ត្រូវចោទប្រកាន់បំពានវិធានការរាំងខ្ទប់ទីក្រុង ខណៈលោក ហ៊ុន សែន ឲ្យកាត់ទោសភ្លាមៗ។ អតីតមន្ត្រីសង្គ្រោះជាតិ ៧រូបបន្ថែមទៀត ទទួលបានសិទ្ធិធ្វើនយោបាយឡើងវិញ។ នៅក្នុងកម្មវិធី Hello VOA មានកិច្ចពិភាក្សាអំពី «ការជួយជំរុញឲ្យការអនុវត្តគោលដៅអភិវឌ្ឍន៍ប្រកបដោយចីរភាពនៅកម្ពុជាសម្រេចបានលឿន»។ រីឯព័ត៌មានអន្តរជាតិវិញមានដូចជា ចិន និងសហរដ្ឋអាមេរិកសន្យាចាត់វិធានការបន្ទាន់ដើម្បីដោះស្រាយវិបត្តិអាកាសធាតុ។ គណបក្សប្រឆាំងរុស្ស៊ីអំពាវនាវឲ្យមានការតវ៉ា នៅពេលសុខភាពលោក Navalny កាន់តែយ៉ាប់យ៉ឺន។ នាយករដ្ឋមន្ត្រីជប៉ុននឹងធ្វើទស្សនកិច្ចទៅឥណ្ឌានិងហ្វីលីពីនដើម្បីពង្រឹងទំនាក់ទំនងក្នុងតំបន់។ អូស្ត្រាលីនិងនូវែលសេឡង់បើក «ច្រកធ្វើដំណើរពិសេស» ដោយមិនតម្រូវឲ្យអ្នកធ្វើដំណើរធ្វើចត្តាឡីស័ក។ ការព្រួយបារម្ភពីសន្តិសុខនៅវិមានសភាអាមេរិកកើនឡើង ក្រោយមានការវាយប្រហារជាលើកទី ២។ សាក្សីជំនាញជាច្រើនថា លោក Derek Chauvin បានប្រើកម្លាំងហួសប្រមាណ៕

1 hr

April 18, 2021 ព័ត៌មានពេលរាត្រី៖ ១៨ មេសា ២០២១ - មេសា 18, 2021

ព័ត៌មានសំខាន់ៗអំពីកម្ពុជាមានដូចជា ជិត៣០ឆ្នាំក្រោយកិច្ចព្រមព្រៀងទីក្រុងប៉ារីស បញ្ហាអធិបតេយ្យជាតិខ្មែរនៅតែជាកង្វល់ដល់សកម្មជន។ រដ្ឋាភិបាលនិងមន្ត្រីអង្គការសហប្រជាជាតិខ្វែងគំនិតគ្នាលើវិធានការប្រឆាំងជំងឺកូវីដ១៩។ រីឯព័ត៌មានអន្តរជាតិវិញមានដូចជា ក្រុមអ្នកជំនាញ៖អន្តរជាតិត្រូវដោះស្រាយរដ្ឋប្រហារនៅភូមាតាមវិធីតុលាការព្រហ្មទណ្ឌអន្តជាតិ ទណ្ឌកម្ម និងមហាសន្និបាតអ.ស.ប.។ បុគ្គលិកសុខាភិបាលអាស៊ីនៅសហរដ្ឋអាមេរិក ប្រឈមនឹងការគំរាមផ្សេងទៀតក្រៅពីជំងឺកូវីដ១៩។ អ្នកអភិរក្សកេនយ៉ាវ័យក្មេងមានគំនិតច្នៃប្រឌិត ដើម្បីសង្គ្រោះសត្វបក្សី។ ឧក្រិដ្ឋកម្មពាក់ព័ន្ធការស្អប់ពលរដ្ឋអាមេរិកាំងដើមកំណើតអាស៊ីកើនឡើង ១៥០% ក្នុងទីក្រុងធំៗនៅសហរដ្ឋអាមេរិក៕

1 hr

April 17, 2021 ព័ត៌មានពេលរាត្រី៖ ១៧ មេសា ២០២១ - មេសា 17, 2021

ព័ត៌មានសំខាន់ៗអំពីកម្ពុជាមានដូចជា របាយការណ៍ថ្មីបង្ហាញថា គម្របព្រៃឈើសហគមន៍មួយកន្លែងក្នុងខេត្តក្រចេះបាត់បង់ជិតពាក់កណ្តាល។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១១ នេះ មានកិច្ចពិភាក្សាអំពី «អនាគតទន្លេមេគង្គក្រោមកិច្ចសហប្រតិបត្តិការអនុតំបន់ទន្លេមេគង្គ»។ រីឯព័ត៌មានអន្តរជាតិវិញមានដូចជា ហេតុផលដែលលោក Biden បញ្ជូននាវាចម្បាំងអាមេរិកទៅកាន់តំបន់សមុទ្រចិនខាងត្បូង ដូចលោក Trump ធ្វើក្នុងពេលកន្លងមក។ ខណៈករណីរើសអើងកើនឡើង ជនជាតិអាមេរិកាំងដើមកំណើតអាស៊ីនៅតែស្ទាក់ស្ទើររាយការណ៍អំពីបញ្ហានេះ។ ព្រះអង្គម្ចាស់ Philip នៃចក្រភពអង់គ្លេស សោយទិវង្គត៕

1 hr