កម្មវិធីព័ត៌មានពេលរាត្រី - វីអូអេ podcast - Page 146

April 06, 2021 ព័ត៌មានពេលរាត្រី៖ ៦ មេសា ២០២១ - មេសា 06, 2021

ព័ត៌មានអំពីកម្ពុជាមានដូចជា លោក ហ៊ុន សែន ថា កម្ពុជានឹងឈានដល់ដំណាក់កាលព្យាបាលអ្នកជំងឺកូវីដតាមផ្ទះ។ ក្រុមសិទ្ធិមនុស្សជំរុញឲ្យជួយអ្នកដែលមិនអាចបង់ប្រាក់កម្ចីទៅគ្រឹះស្ថានហិរញ្ញវត្ថុ។ រដ្ឋអាជ្ញាតុលាការព្រហ្មទណ្ឌអន្តរជាតិសន្យាពិនិត្យសំណុំរឿងកម្ពុជាមុនដំណាច់ខែមិថុនា។ រីឯព័ត៌មានអន្តរជាតិវិញមានដូចជា អ៊ីរ៉ង់និងសហរដ្ឋអាមេរិកនឹងចរចាដោយប្រយោលអំពីកិច្ចព្រមព្រៀងនុយក្លេអ៊ែរអ៊ីរ៉ង់នៅថ្ងៃអង្គារនេះ។ រុស្ស៊ីថា ការដាក់ទណ្ឌកម្មលើមីយ៉ាន់ម៉ាអាចបណ្តាលឲ្យមាន «សង្គ្រាមស៊ីវិលពេញទំហឹង»។ លោក Biden មានបំណងបង្កើនពន្ធប្រាក់ចំណូលរបស់ក្រុមហ៊ុន។ កូរ៉េខាងជើងថា ខ្លួនមិនចូលរួមការប្រកួតកីឡាអូឡាំពិកនៅឆ្នាំនេះដោយសារការរាតត្បាតជំងឺកូវីដ១៩។ អ្នកស្លាប់នៅឥណ្ឌូណេស៊ីនិងទីម័រខាងកើតដោយសារខ្យល់ព្យុះ Seroja កើនដល់ជាង ១៥០ នាក់។ ការប្រើប្រាស់ឱសថហួសកំណត់យ៉ាងមានគ្រោះថ្នាក់ដល់ជីវិតកើនឡើងនៅសហរដ្ឋអាមេរិក និងព័ត៌មានអន្តរជាតិមួយចំនួនទៀត៕

1 hr

April 05, 2021 ព័ត៌មានពេលរាត្រី៖ ៥ មេសា ២០២១ - មេសា 05, 2021

ព័ត៌មានអំពីកម្ពុជាមានដូចជា មនុស្សម្នាក់ទៀតស្លាប់ដោយសារកូវីដ១៩នៅកម្ពុជា ខណៈការឆ្លងនៅធ្ងន់ធ្ងរនៅឡើយ។ កម្ពុជា ថា អាមេរិកប្រកាន់យកតួនាទីគ្របដណ្តប់ជាការឆ្លើយតបនឹងរបាយការណ៍សិទ្ធិមនុស្ស។ អ្នកប្រើប្រាស់ Facebook កម្ពុជាជិត ៣ពាន់នាក់ស្ថិតក្នុងព្រឹត្តិការណ៍លេចធ្លាយទិន្នន័យ។ នៅក្នុងកម្មវិធី Hello VOA មានកិច្ចពិភាក្សាអំពី «នវានុវត្តន៍នៃសេដ្ឋកិច្ចឌីជីថលនៅអំឡុងកូវីដ១៩របស់សហគ្រិនស្រ្តីកម្ពុជា»។ រីឯព័ត៌មានអន្តរជាតិវិញមានដូចជា ប៊្រុយណេថា មេដឹកនាំអាស៊ាននឹងជួបពិភាក្សាគ្នាអំពីបញ្ហាមីយ៉ាន់ម៉ា។ មនុស្សស្លាប់ដោយសារជំនន់បាក់ដីនៅឥណ្ឌូនេស៊ីនិងទីម័រខាងកើតកើនដល់ជាង៩០ នាក់។ លោក Nguyen Xuan Phuc ស្បថចូលកាន់តំណែងជាប្រធានាធិបតីវៀតណាម។ ផលប៉ះពាល់បន្ទាប់ពីកាណាដាលុបចោលរដូវកាលជិះនាវាកម្សាន្តទៅរដ្ឋ Alaska រហូតដល់ឆ្នាំ ២០២២៕

1 hr

April 04, 2021 ព័ត៌មានពេលរាត្រី៖ ៤ មេសា ២០២១ - មេសា 04, 2021

ព័ត៌មានសំខាន់ៗអំពីកម្ពុជាមានដូចជា សហគមន៍ខ្មែរនៅសហរដ្ឋអាមេរិកបង្កើនការប្រុងប្រយ័ត្ន ក្រោយការកើនឡើងនៃការរើសអើងពូជសាសន៍អាស៊ី។ កូនស្រីអ្នកជំងឺស្លាប់ដោយជំងឺកូវីដ១៩ រៀបរាប់ក្រោយឪពុកស្លាប់ ដោយមិនដឹងថា ឪពុកមានវីរុសកូវីដក្នុងខ្លួន។ រីឯព័ត៌មានអន្តរជាតិវិញមានដូចជា ស៊ូដង់ខាងត្បូងចាប់ខ្លួនមនុស្ស ៦នាក់ ដែលត្រូវបានសង្ស័យពីការកាប់ឈើខុសច្បាប់។ វត្តមាននាវានេសាទចិន ២២០គ្រឿង ធ្វើឲ្យទំនាក់ទំនងចិននិងហ្វីលីពីនដែលទើបប្រសើរឡើងនោះ ចុះដុនដាបវិញ។ សកម្មជនបរិស្ថានថា ជីវិតនៅលើភពផែនដីពឹងផ្អែកលើការស្តារព្រៃឈើនៅទូទាំងពិភពលោក។ វចនានុក្រមបារាំងថ្មីមានបញ្ចូលពាក្យដែលអ្នកនិយាយភាសាបារាំងនៅលើពិភពលោកប្រើ។ អ្នកត្បាញកប្បាសក្នុងប្រទេសម៉ាលី ជួយដំឡើងតម្លៃដល់«មាសស»នេះ៕

1 hr

April 03, 2021 ព័ត៌មានពេលរាត្រី៖ ៣ មេសា ២០២១ - មេសា 03, 2021

ព័ត៌មានសំខាន់ៗអំពីកម្ពុជាមានដូចជា រដ្ឋអាជ្ញាតុលាការព្រហ្មទណ្ឌអន្តរជាតិសន្យាពិនិត្យសំណុំរឿងកម្ពុជា មុនដំណាច់ខែមិថុនា។ យុទ្ធនាការបញ្ចប់និទណ្ឌភាពនៅកម្ពុជាដំណើរការទៅមុខ ទោះជួបឧបសគ្គខ្លះ។ វត្តអារាមទូងស្គរនិងគង ដើម្បីដាស់តឿនអំពីជំងឺកូវីដ១៩។ រីឯព័ត៌មានអន្តរជាតិវិញមានដូចជា អ្នកវិទ្យាសាស្ត្រយល់ថា ការតាមរកប្រភពវីរុសជំងឺកូវីដ១៩ គួរបញ្ចូលតំបន់អាស៊ីអាគ្នេយ៍ផងដែរ។ រដ្ឋាភិបាលចិនវាយប្រហារក្រុមហ៊ុនម៉ាកផលិតផលសម្លៀកបំពាក់ និងស្បែកជើង ពាក់ព័ន្ធនឹងបញ្ហាតំបន់ Xinjiang។ សភាសហរដ្ឋអាមេរិកពិនិត្យឡើងវិញលើអំណាចធ្វើសង្គ្រាមរបស់ប្រធានាធិបតី៕

1 hr

April 02, 2021 ព័ត៌មានពេលរាត្រី៖ ២ មេសា ២០២១ - មេសា 02, 2021

ព័ត៌មានសំខាន់ៗអំពីកម្ពុជាមានដូចជា របាយការណ៍ថា កម្ពុជាបាត់បង់គម្របព្រៃឈើកន្លះលានហិកតាក្នុងរយៈពេល ១០ ឆ្នាំ។ ទណ្ឌិតជាង ៥០០ នាក់ ត្រូវស្នើសុំឲ្យបន្ធូរបន្ថយនិងលើកលែងទោស នៅពេលចូលឆ្នាំខ្មែរខាងមុខ។ មនុស្សជិត ៧០ នាក់ទៀតបានឆ្លងជំងឺកូវីដ១៩ និងអ្នកជំងឺ២នាក់ទៀតបានស្លាប់ ខណៈអាជ្ញាធរដាក់បម្រាមគោចរនៅភ្នំពេញ។ រីឯព័ត៌មានអន្តរជាតិវិញមានដូចជា មនុស្ស៣៦នាក់បានស្លាប់ និងច្រើននាក់ទៀតបានរងរបួសក្នុងគ្រោះថ្នាក់រថភ្លើងនៅកោះតៃវ៉ាន់។ ក្រុមប្រឹក្សាសន្តិសុខអង្គការសហប្រជាជាតិ អំពាវនាវឲ្យដោះលែងអ្នកជាប់ឃុំនៅមីយ៉ាន់ម៉ានិងបញ្ចប់អំពើហិង្សា។ ប្រទេសកូរ៉េខាងជើងជារឿងសំខាន់ជាងគេ ក្នុងរបៀបវារៈប្រជុំរវាងសហរដ្ឋអាមេរិក ជប៉ុន និងកូរ៉េខាងត្បូង។ វត្តមាននាវានេសាទចិន ២២០គ្រឿង ធ្វើឲ្យទំនាក់ទំនងចិននិងហ្វីលីពីនដែលទើបប្រសើរឡើងនោះ ចុះដុនដាបវិញ។ អ្នកវិទ្យាសាស្ត្រយល់ថា ការតាមរកប្រភពវីរុសជំងឺកូវីដ១៩ គួរបញ្ចូលតំបន់អាស៊ីអាគ្នេយ៍ផងដែរ។ ការឆ្លើយតបរបស់រដ្ឋាភិបាលចំពោះការរាតត្បាតជំងឺកូវីដ១៩ ប៉ះពាល់ដល់បញ្ហាសេរីភាពពលរដ្ឋជាមូលដ្ឋាន។ សហភាពអឺរ៉ុបដកថយចេញពីសង្រ្គាមវ៉ាក់សាំង៕

1 hr

April 01, 2021 ព័ត៌មានពេលរាត្រី៖ ១ មេសា ២០២១ - មេសា 01, 2021

ព័ត៌មានសំខាន់ៗអំពីកម្ពុជាមានដូចជា អាជ្ញាធរភ្នំពេញហាមឃាត់ការធ្វើដំណើរពេលយប់ ១៤ថ្ងៃ បើគ្មានភារកិច្ចចាំបាច់ ដើម្បីទប់ស្កាត់ជំងឺកូវីដ១៩។ កម្ពុជានិងចិនប្រកាសចំណងទាក់ទងកាន់តែរឹងមាំ ក្រោយទទួលវ៉ាក់សាំងកូវីដ១៩។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «វិបត្តិនៅមីយ៉ាន់ម៉ាជាវិញ្ញាសាប្តូរផ្តាច់សម្រាប់កម្ពុជានិងអាស៊ាន»។ រីឯព័ត៌មានអន្តរជាតិវិញមានដូចជា លោក Biden បង្ហាញគម្រោងបង្កើតការងារនិងហេដ្ឋារចនាសម្ព័ន្ធសហរដ្ឋអាមេរិក ដែលមានទឹកប្រាក់ ២ លានលានដុល្លារ។ បេសកជនអង្គការសហប្រជាជាតិថា «ស្ថានការណ៍បង្ហូរឈាម» និង«សង្គ្រាមស៊ីវិល» អាចកើតឡើងនៅមីយ៉ាន់ម៉ា។ ចិនចង់ឲ្យមាន «ដំណើការអន្តរកាលបែបប្រជាធិបតេយ្យ» នៅមីយ៉ាន់ម៉ា ដោយមិនមានការដាក់ទណ្ឌកម្ម។ សកម្មជនប្រជាធិបតេយ្យហុងកុង ៧ នាក់ ត្រូវផ្ដន្ទាទោសទាក់ទិននឹងការតវ៉ាកាលពីឆ្នាំ ២០១៩។ រដ្ឋាភិបាលស៊ីវិលថ្មីត្រូវបានបង្កើតឡើងនៅមីយ៉ាន់ម៉ា ដើម្បីប្រឆាំងនឹងរបបយោធា។ វៀតណាមទទួលបានកញ្ចប់វ៉ាក់សំាងកូវីដ១៩ ដំបូងក្រោមគម្រោង COVAX របស់អង្គការសុខភាពពិភពលោក។ ហ្វីលីពីនទាមទារឲ្យចិនដកនាវាចេញពីកោះចំនួន ៦ និងព័ត៌មានផ្សេងទៀត៕

1 hr

March 31, 2021 ព័ត៌មានពេលរាត្រី៖ ៣១ មីនា ២០២១ - មីនា 31, 2021

ព័ត៌មានអំពីកម្ពុជាមានដូចជា របាយការណ៍ក្រសួងការបរទេសអាមេរិក៖ កម្ពុជារំលោភសិទ្ធិពលរដ្ឋធ្ងន់ធ្ងរ។ ក្រសួងសុខាភិបាលអំពាវនាវឲ្យពលរដ្ឋចាក់វ៉ាក់សាំងស៊ីណូវ៉ាក់ចាប់ពីថ្ងៃទី១ ខែមេសា។ សហគមន៍ខ្មែរនៅសហរដ្ឋអាមេរិកបង្កើនការប្រុងប្រយ័ត្ន ក្រោយការកើនឡើងនៃការរើសអើងពូជសាសន៍អាស៊ី។ តុលាការបើកសវនាការលើយុវជនសកម្មជនបរិស្ថាន។ រីឯព័ត៌មានអន្តរជាតិវិញមានដូចជា វីដេអូរន្ធត់ទាក់ទាញអារម្មណ៍ក្នុងសវនាការថ្ងៃទី១នៃការកាត់ក្តីលោក Chauvin។ សហរដ្ឋអាមេរិកបញ្ជាឲ្យបុគ្គលិកមិនចាំបាច់ចាកចេញពីមីយ៉ាន់ម៉ា ស្របពេលការបង្ក្រាបរបស់យោធាលើបាតុកម្មនៅបន្ត។ UN ថា ភាពវឹកវរនៅមីយ៉ាន់ម៉ាធ្វើឲ្យជំនួញគ្រឿងញៀនកើនឡើងក្នុងតំបន់ទន្លេមេគង្គ។ សហរដ្ឋអាមេរិកនិងប្រទេស ១៣ ផ្សេងទៀត បារម្ភអំពីរបាយការណ៍របស់អង្គការសុខភាពពិភពលោកអំពីប្រភពជំងឺកូវីដ១៩ ។ អាល្លឺម៉ង់រឹតត្បិតការប្រើវ៉ាក់សាំងកូវីដ១៩ របស់ក្រុមហ៊ុន AstraZeneca ដោយសារក្ដីបារម្ភរឿងកំណកឈាម។ សហរដ្ឋអាមេរិកថា ការរំលោភសិទ្ធិមនុស្សកើតឡើងច្រើននៅជុំវិញពិភពលោកក្នុងឆ្នាំ ២០២០។ សេតវិមានចាត់វិធានការបន្ថែមដើម្បីដោះស្រាយអំពើហិង្សាប្រឆាំងជាតិសាសន៍អាស៊ី និងព័ត៌មានអន្តរជាតិមួយចំនួនទៀត៕

1 hr

March 30, 2021 ព័ត៌មានពេលរាត្រី៖ ៣០ មីនា ២០២១ - មីនា 30, 2021

ព័ត៌មានអំពីកម្ពុជាមានដូចជា អ្នកជំនាញស្នើឲ្យពិចារណាលទ្ធភាពបិទសកម្មភាពសេដ្ឋកិច្ចក្នុងទីក្រុង ខណៈចំនួនអ្នកឆ្លងកូវីដបន្តកើនឡើង។ អតីតអ្នកភូមិបុរីកីឡាបង្ហាញទស្សនៈជុំវិញការស្លាប់របស់លោកស្រី ស៊ុយ សុផាន ដែលពួកគេមានជម្លោះដីធ្លីជាមួយ។ វត្តអារាមទូងស្គរ និងគងដើម្បីដាស់តឿនអំពីជំងឺកូវីដ១៩។ រឿងក្រោយឆាកនៃការសម្តែងសៀក២៤ម៉ោងរបស់អង្គការ Phare ដើម្បីបំបែកឯតទគ្គកម្មពិភពលោក។ រីឯព័ត៌មានអន្តរជាតិវិញមានដូចជា លោក Biden ថា ពលរដ្ឋអាមេរិកាំងពេញវ័យ ៩០% នឹងអាចចាក់វ៉ាក់សាំងកូវីដ១៩ នៅត្រឹមថ្ងៃទី ១៩ ខែមេសា។ មនុស្សស្លាប់ដោយសារការបង្ក្រាបនៅមីយ៉ាន់ម៉ាកើនដល់ជាង ៥០០ នាក់ ស្របពេលក្រុមឧទ្ទាមព្រមានសងសឹក។ អង្គការសហប្រជាជាតិថា កុមារចំណាកស្រុកឆ្លងកាត់ព្រៃ Darien Gap សំដៅមកសហរដ្ឋអាមេរិក កើនឡើងខ្លាំង។ សហរដ្ឋអាមេរិកថា ពលរដ្ឋស៊ីរីដែលត្រូវការជំនួយខ្លាំងត្រូវតែទទួលបានជំនួយ។ វៀតណាមកាត់ទោសអ្នកប្រើ Facebook ម្នាក់ឲ្យជាប់ពន្ធនាគារ ១០ ឆ្នាំ ពីបទប្រឆាំងរដ្ឋអំណាច។ សហរដ្ឋអាមេរិកដាក់ទណ្ឌកម្មបន្ថែមទៀតលើរដ្ឋាភិបាលមីយ៉ាន់ម៉ា។ ការបង្រ្កាបនយោបាយនៅតួកគីនាំឲ្យមានការព្រួយបារម្ភកាន់តែខ្លាំងពីសហគមន៍អន្តរជាតិ៕

1 hr

March 29, 2021 ព័ត៌មានពេលរាត្រី៖ ២៩ មីនា ២០២១ - មីនា 29, 2021

ព័ត៌មានអំពីកម្ពុជាមានដូចជា គ្រួសារសកម្មជនថៃ Wanchalearm Satsaksit ថា មុនបាត់ខ្លួន សកម្មជនថៃ«កាន់លិខិតឆ្លងដែនខ្មែរ»។ របាយការណ៍ថ្មីបានឲ្យដឹងថា អ្នកសារព័ត៌មានខ្មែរជាង៧០នាក់ ត្រូវយាយីក្នុងឆ្នាំ២០២០។ កូនស្រីអ្នកជំងឺស្លាប់ដោយជំងឺកូវីដ១៩ រៀបរាប់ក្រោយឪពុកស្លាប់ ដោយមិនដឹងថាឪពុកមានជំងឺកូវីដ១៩ក្នុងខ្លួន។ នៅក្នុងកម្មវិធី Hello VOA មានកិច្ចពិភាក្សាអំពី «យុទ្ធនាការអន្តរជាតិបង្ហាញពីនិទណ្ឌភាព និងភាពអយុត្តិធម៌នៅកម្ពុជា»។ រីឯព័ត៌មានអន្តរជាតិវិញមានដូចជា លោក Biden ហៅការបង្ក្រាបរបស់យោធាមីយ៉ាន់ម៉ាថា «សាហាវហួសហេតុបំផុត»។ អង្គការសុខភាពពិភពលោកថា វីរុសកូវីដ១៩ ទំនងឆ្លងពីសត្វប្រជៀវទៅមនុស្សតាមរយៈសត្វមួយប្រភេទទៀត។ កូរ៉េខាងជើងចោទក្រុមប្រឹក្សាសន្តិសុខអង្គការសហប្រជាជាតិថា «អនុវត្តស្តង់ដារពីរ» លើរឿងសាកល្បងមីស៊ីលរបស់ខ្លួន។ លោក Guterres ថា អង្គការសហប្រជាជាតិកំពុងចរចាជាមួយចិនអំពីលទ្ធភាពចូលទៅតំបន់ Xinjiang។ នៅកូរ៉េខាងត្បូង កម្មវិធីប្រាក់ចំណូលមូលដ្ឋានទទួលបានការគាំទ្រក្នុងពេលមានការរាតត្បាតជំងឺកូវីដ១៩៕

1 hr

March 28, 2021 ព័ត៌មានពេលរាត្រី៖ ២៨ មីនា ២០២១ - មីនា 28, 2021

ព័ត៌មានសំខាន់ៗអំពីកម្ពុជាមានដូចជា វេជ្ជបណ្ឌិតខ្មែរអាមេរិកាំងស្លាប់ដោយសារកូវីដ១៩ ក្នុងអំឡុងពេលវ៉ាក់សាំងចេញលើកដំបូង។ មរណភាពកូវីដ«ដំបូង»នៅកម្ពុជា៖ គ្រួសាររំឭកវេលាចុងក្រោយនិងការចងចាំ។ រីឯព័ត៌មានអន្តរជាតិវិញមានដូចជា ការចូលរួមរបស់ស្ត្រីក្នុងវិស័យនយោបាយកើនឡើងបន្តិចម្តងៗនៅទូទាំងពិភពលោក។ ការដាក់ពាក្យសុំប្រាក់ជំនួយពេលគ្មានការងារធ្វើនៅសហរដ្ឋអាមេរិកបានកើនឡើងកាលពីសប្តាហ៍ទី ២ នៃខែមីនា។ នៅកូរ៉េខាងត្បូង កម្មវិធីប្រាក់ចំណូលមូលដ្ឋានទទួលបានការគាំទ្រក្នុងពេលមានការរាតត្បាតជំងឺកូវីដ១៩។ រដ្ឋអូស្ត្រាលីនឹងស៊ើបអង្កេតពីផលប៉ះពាល់នៃការធ្វើអាណានិគមលើជនជាតិដើម។ ទ្វេគ្រោះរបស់ប្រទេសតូច៖ ប្រទេសអៀរឡង់ពិនិត្យមើលជាថ្មីនូវទំនាក់ទំនងជាមួយប្រទេសចិន។ កង្វះខាតបន្ទះអេឡិចត្រូនិក Semiconductor ក្នុងពិភពលោក ធ្វើឱ្យតៃវ៉ាន់មានអំណាចចរចាបន្ថែមជាមួយនឹងអាមេរិក៕

1 hr