កម្មវិធីព័ត៌មានពេលរាត្រី - វីអូអេ podcast - Page 148

March 17, 2021 ព័ត៌មានពេលរាត្រី៖ ១៧ មីនា ២០២១ - មីនា 17, 2021

ព័ត៌មានអំពីកម្ពុជាមានដូចជា លោក ហ៊ុន សែន បញ្ជាឲ្យរៀបចំ «ផែនការមេ» ចាក់វ៉ាក់សាំងបង្ការកូវីដ១៩ និងជំរុញចាក់ឲ្យបានលឿន។ កម្ពុជាបន្តរកឃើញអ្នកឆ្លងថ្មី៧៥នាក់ទៀត ភាគច្រើនជាជនជាតិខ្មែរក្នុងព្រឹត្តិការណ៍ផ្ទុះឆ្លងសហគមន៍។ អង្គការសិទ្ធិមនុស្ស Human Rights Watch ស្នើ EU ដាក់ទណ្ឌកម្មឧត្តមសេនីយ៍ ១២ នាក់។ នៅក្នុងកម្មវិធីផតខាសថ៍ (podcast) «កម្ពុជាសម្លឹងទៅមុខ ឬ Envision Cambodia» ភាគទី១០ មានកិច្ចពិភាក្សាអំពី «សារៈសំខាន់នៃការអប់រំស្តីអំពីសុខភាពបន្តពូជ និងផ្លូវភេទដែលបើកចំហ និងស៊ីជម្រៅ»។ រីឯព័ត៌មានអន្តរជាតិវិញមានដូចជា ជនសង្ស័យបានត្រូវចាប់ខ្លួននៅក្នុងការបាញ់សម្លាប់មនុស្ស៨នាក់នៅក្នុងតំបន់ជាយក្រុង Atlanta សហរដ្ឋអាមេរិក។ មន្ត្រីកំពូលសហរដ្ឋអាមេរិកថ្លឹងថ្លែងពីជម្រើសក្នុងបញ្ហាកូរ៉េខាងជើង នៅក្នុងការពិភាក្សានៅទីក្រុងសេអ៊ូល និងព័ត៌មានអន្តរជាតិមួយចំនួនទៀត៕

1 hr

March 16, 2021 ព័ត៌មានពេលរាត្រី៖ ១៦ មីនា ២០២១ - មីនា 16, 2021

ព័ត៌មានអំពីកម្ពុជាមានដូចជា កម្ពុជារកឃើញអ្នកឆ្លង១០៥នាក់ទៀត ដែលជាចំនួនឆ្លងខ្ពស់ជាងគេក្នុង១ថ្ងៃតាំងពីផ្ទុះជំងឺកូវីដ១៩។ មន្រ្តីសុខាភិបាលថា ថវិកាសប្បុរសជនទុកសម្រាប់ទិញវ៉ាក់សាំងកូវីដ១៩ នៅពេលក្រោយ បន្ថែមលើវ៉ាក់សាំងជំនួយ។ រីឯព័ត៌មានអន្តរជាតិវិញមានដូចជា ជប៉ុននិងសហរដ្ឋអាមេរិកសម្តែងការព្រួយបារម្ភដូចគ្នាអំពីប្រទេសចិន នៅពេលរដ្ឋមន្ត្រីប្រទេសទាំងពីរជួបគ្នានៅទីក្រុងតូក្យូ។ នាយករដ្ឋមន្ត្រីជប៉ុនលោក Suga ចាក់វ៉ាក់សាំងបង្ការកូវីដ១៩ មុនជួបជាមួយលោក Biden នៅក្នុងសហរដ្ឋអាមេរិក។ ពិធីបុណ្យសពសកម្មជនមីយ៉ាន់ម៉ាដែលត្រូវគេសម្លាប់គ្រោងធ្វើ នៅពេលអំពើហិង្សារីកកាន់តែធំឡើង។ នាយករដ្ឋមន្ត្រីថៃចាក់វ៉ាក់សាំងរបស់ក្រុមហ៊ុន AstraZeneca ខណៈឥណ្ឌូណេស៊ីផ្អាកវ៉ាក់សាំងនេះសិន។ សហរដ្ឋអាមេរិកបន្ថយទំហំសមយុទ្ធយោធាជាមួយកូរ៉េខាងត្បូង។ អង្គការសិទ្ធិមនុស្សជំរុញឲ្យឥណ្ឌាបញ្ឈប់ផែនការបញ្ជូនជនភៀសខ្លួនរ៉ូហ៊ីងយ៉ាត្រឡប់ទៅមីយ៉ាន់ម៉ាវិញ និងព័ត៌មានសំខាន់ៗមួយចំនួនទៀត៕

1 hr

March 15, 2021 ព័ត៌មានពេលរាត្រី៖ ១៥ មីនា ២០២១ - មីនា 15, 2021

ព័ត៌មានអំពីកម្ពុជាមានដូចជា ក្រសួងសុខាភិបាលអំពាវនាវឲ្យពលរដ្ឋចូលរួមទាំងអស់គ្នា ដើម្បីកាត់ផ្តាច់ការឆ្លងកូវីដ១៩ ក្នុងរយៈពេល២សប្តាហ៍។ កម្ពុជាព្យាយាមកាត់បន្ថយការពឹងផ្អែកលើប្រាក់ដុល្លារដោយជំនួសនឹងរូបិយបណ្ណឌីជីថល។ នៅក្នុងកម្មវិធី Hello VOA មានកិច្ចពិភាក្សាអំពី ««តើហេតុអ្វីបានជាភាពយន្តឯកសារមានសារៈសំខាន់?»។ រីឯព័ត៌មានអន្តរជាតិវិញមានដូចជា មេដឹកនាំយោធាមីយ៉ាន់ម៉ា បញ្ជាឲ្យប្រើច្បាប់អាជ្ញាសឹក មួយថ្ងៃក្រោយការស្លាប់ដ៏ច្រើននិងការវាយប្រហារលើរោងចក្ររបស់ជនជាតិចិន។ បញ្ហាចិននិងកូរ៉េខាងជើងលេចធ្លោ ខណៈរដ្ឋមន្ត្រីការបរទេសនិងការពារជាតិអាមេរិកទៅធ្វើទស្សនកិច្ចនៅអាស៊ី។ ក្រុមហ៊ុន AstraZeneca ថា៖ មិនមានភស្តុតាងថា វ៉ាក់សាំងខ្លួនបណ្តាលឲ្យមានការកកឈាមក្នុងសរសៃទេ ខណៈថៃគ្រោងនឹងចាក់វ៉ាក់សាំងនេះនៅថ្ងៃអង្គារ។ លោក Fauci ថា សហរដ្ឋអាមេរិកនឹងវិលទៅរកភាពប្រក្រតីឡើងវិញនៅពេលឆាប់ៗ ប៉ុន្តែបានព្រមានពីការបន្ធូរបន្ថយវិធានការរឹតត្បិតជំងឺកូវីដ១៩លឿនពេក។ សហរដ្ឋអាមេរិកជំរុញប្រទេសប៉ារ៉ាហ្គាយឲ្យធ្វើការជាមួយកោះតៃវ៉ាន់នៅពេលដែលមានការតវ៉ាទាក់ទិនវិបត្តិជំងឺកូវីដ១៩។ ភោជនីយដ្ឋានតូចៗបន្តប្រឈមហានិភ័យ ទោះបីរដ្ឋញូវយ៉កឲ្យបើកអាជីវកម្ម២៥%។ គ្រឿងញៀនបន្តហូរចូលអាស៊ីអាគ្នេយ៍ ទោះមេគ្រឿងញៀន Tse Chi Lop ត្រូវបានចាប់ខ្លួន៕

1 hr

March 14, 2021 ព័ត៌មានពេលរាត្រី៖ ១៤ មីនា ២០២១ - មីនា 14, 2021

ព័ត៌មានសំខាន់ៗអំពីកម្ពុជាមានដូចជា បុគ្គលិកសុខាភិបាលស្ត្រីខ្មែរអាមេរិកាំង ប្រយុទ្ធនឹងកូវីដ១៩ និងរក្សាភារកិច្ចមើលថែគ្រួសារ។ កម្ពុជាមានអ្នកជាប់ឃុំច្រើនជាងទណ្ឌិតនិងខ្ពស់ជាងប្រទេសជិតខាង បើទោះជាពន្ធនាគារខ្វះខាតធនធាន។ អាមេរិកបារម្ភការបន្តកាប់បំផ្លាញព្រៃឡង់ ខណៈកម្ពុជាថា ខ្លួនបានការពារដោយទទួលខុសត្រូវ។ រីឯព័ត៌មានអន្តរជាតិវិញមានដូចជា លោកប្រធានាធិបតី Biden ប្រកាសពីការផ្លាស់ប្តូរដោយងាកទៅរកសកម្មភាពការទូតក្នុងប្រទេសយេម៉ែន។ កងយោធាសហរដ្ឋអាមេរិកប្រុងប្រៀបធ្វើសមយុទ្ធធំក្នុងទ្វីបអាហ្វ្រិក។ ក្រុមបក្សប្រជាធិបតេយ្យចង់ឱ្យលោក Biden លះបង់អំណាចផ្តាច់មុខ ក្នុងការសម្រេចវាយប្រហារនុយក្លេអ៊ែរ៕

1 hr

March 13, 2021 ព័ត៌មានពេលរាត្រី៖ ១៣ មីនា ២០២១ - មីនា 13, 2021

ព័ត៌មានសំខាន់ៗមានដូចជា ក្រុមឯកអគ្គរដ្ឋទូតថា ការពង្រឹងអភិបាលកិច្ចទន្លេមេគង្គជារឿងចាំបាច់។ នៅក្នុងភាគទី ៩ នៃកម្មវិធីផតខាសថ៍ (podcast) «កម្ពុជាសម្លឹងទៅមុខ ឬ Envision Cambodia» មានការពិភាក្សាអំពី «ឧស្សាហកម្មជំនាន់ទី ៤»។ ការប្រគល់ពានរង្វាន់ប្រចាំឆ្នាំដល់ស្ត្រីក្លាហាន។ ភោជនីយដ្ឋានតូចៗបន្តប្រឈមហានិភ័យ ទោះបីរដ្ឋញូវយ៉កឲ្យបើកអាជីវកម្ម ២៥%ក្តី៕

1 hr

March 12, 2021 ព័ត៌មានពេលរាត្រី៖ ១២ មីនា ២០២១ - មីនា 12, 2021

ព័ត៌មានសំខាន់ៗអំពីកម្ពុជាមានដូចជា កម្ពុជារកឃើញករណីឆ្លងកូវីដ ៦០នាក់ថែមទៀត ជាង៤០នាក់ជាជនជាតិខ្មែរ។ សភាអឺរ៉ុបអំពាវនាវឲ្យមានការផ្សះផ្សាជាតិនៅកម្ពុជា ខណៈមិនមានដំណោះស្រាយនយោបាយ។ ការបំបៅកូនរបស់ប៉ូលិសទទួលការកោតសរសើរ រិះគន់ និងព្រមាន។ បទសម្ភាសន៍ VOA៖ លោក សម រង្ស៊ី ជឿថាលោក បៃដិន អឺរ៉ុបនិងអង្គការសហប្រជាជាតិ នឹងជួយដោះស្រាយនយោបាយកម្ពុជា។ លោក ប៉ុក ថន អ្នកកែទម្រង់ប្រព័ន្ធអប់រំកម្ពុជានិងមេដឹកនាំសហគមន៍ខ្មែរអាមេរិកាំងដ៏ឆ្នើម ទទួលមរណភាពដោយជំងឺកូវីដ១៩។ រីឯព័ត៌មានអន្តរជាតិវិញមានដូចជា បន្ទាប់ពីបានទប់ស្កាត់ជំងឺកូវីដ១៩ តំបន់អាស៊ីបូព៌ាមានភាពយឺតយ៉ាវខាងវ៉ាក់សាំង។ ប្រទេសថៃផ្អាកការចាក់វ៉ាក់សាំង AstraZeneca ដោយសារការព្រួយកង្វល់ពីផលប៉ះពាល់។ លោក Biden បញ្ជាឲ្យរដ្ឋនានា មានវ៉ាក់សាំងសម្រាប់ពលរដ្ឋអាមេរិកាំងពេញវ័យទាំងអស់នៅត្រឹមថ្ងៃទី ១ ខែឧសភា។ ការតវ៉ាប្រឆាំងមានកាន់តែច្រើនឡើង នៅក្នុងប្រទេសមីយ៉ាន់ម៉ា ខណៈដែលកូរ៉េខាងត្បូងបានផ្អាកការផ្លាស់ប្តូរខាងវិស័យការពារប្រទេស៕

1 hr

March 11, 2021 ព័ត៌មានពេលរាត្រី៖ ១១ មីនា ២០២១ - មីនា 11, 2021

ព័ត៌មានសំខាន់ៗអំពីកម្ពុជាមានដូចជា ព្រឹទ្ធសភាការពារច្បាប់ស្តីពីវិធានការប្រឆាំងកូវីដ១៩ ខណៈអនុម័តដោយ«ឥតកែប្រែ»។ ចំនួនអ្នកចាក់វ៉ាក់សាំងកើនជាង២០ម៉ឺននាក់ ខណៈករណីឆ្លងកូវីដបន្តកើនឡើងគួរឲ្យព្រួយបារម្ភ។ ក្រសួងសុខាភិបាលថា អ្នកជំងឺកូវីដម្នាក់ស្លាប់ ខណៈស្ថានភាពមនុស្សមួយចំនួនទៀតមិនសូវល្អ។ នៅក្នុងកម្មវិធី Hello VOA ស្តីអំពីការប្រឆាំងអំពើពុករលួយ មានការពិភាក្សាអំពី «ផលប៉ះពាល់នៃការយកលុយក្រៅផ្លូវការទៅលើសុខភាពសាធារណៈក្នុងគ្រាកូវីដ១៩។ រីឯព័ត៌មានអន្តរជាតិវិញមានដូចជា សហរដ្ឋអាមេរិកនឹងផ្តល់ជំនួយអន្តរជាតិដែលមានប្រាក់ ១១ពាន់លានដុល្លារ នៅក្នុងសេចក្តីព្រាងច្បាប់សង្គ្រោះពីកូវីដដែលរដ្ឋសភាទើបអនុម័ត។ យោធាមីយ៉ាន់ម៉ាចោទអ្នកស្រី Aung San Suu Kyi ពីការទទួលសំណូក ខណៈយោធាត្រូវរងការចោទថាប្រើយុទ្ធសាស្ត្រសង្គ្រាមប្រឆាំងបាតុករ។ ជប៉ុនប្រារព្ធខួបលើកទី១០នៃគ្រោះរញ្ជួយដី រលកយក្សស៊ូណាមីនិងនុយក្លែអ៊ែដ៏ប្រល័យ។ សមាជិកសភាចិនគាំទ្រការរឹតបន្តឹងការគ្រប់គ្រងលើទីក្រុងហុងកុង។ មន្ត្រីកំពូលអាមេរិកនិងចិននឹងជួបគ្នានៅសប្ដាហ៍ក្រោយក្នុងរដ្ឋ Alaska។ ការប្រគល់ពានរង្វាន់ប្រចាំឆ្នាំដល់ស្ត្រីក្លាហាន។ រយៈពេលមួយឆ្នាំ សហរដ្ឋអាមេរិកព្យាយាមទប់ស្កាត់ជំងឺរាតត្បាត និងព័ត៌មានផ្សេងៗទៀត៕

1 hr

March 10, 2021 ព័ត៌មានពេលរាត្រី៖ ១០ មីនា ២០២១ - មីនា 10, 2021

ព័ត៌មានអំពីកម្ពុជាមានដូចជា កម្ពុជារកឃើញករណីឆ្លងកូវីដ ៦៤ នាក់ថែមទៀត ប្រមាណ ៤០ នាក់ជាជនជាតិខ្មែរ។ អាជ្ញាធរកំពុងរៀបចំកន្លែងបូជាសពអ្នកស្លាប់ដោយជំងឺកូវីដ១៩ តាមបញ្ជានាយករដ្ឋមន្រ្តី។ បុគ្គលិកសុខាភិបាលស្ត្រីខ្មែរអាមេរិកាំងប្រយុទ្ធនឹងកូវីដ១៩ និងរក្សាភារកិច្ចមើលថែគ្រួសារ។ អាមេរិកបារម្ភការបន្តកាប់បំផ្លាញព្រៃឡង់ ខណៈកម្ពុជាថាខ្លួនបានការពារដោយទទួលខុសត្រូវ។ ពលរដ្ឋមិននឹកស្មានថា កូវីដ១៩ ឆ្លងជាថ្មីក្នុងសហគមន៍បន្ទាប់ពីកម្ពុជាមានវ៉ាក់សាំង។ រីឯព័ត៌មានអន្តរជាតិវិញមានដូចជា កងកម្លាំងមីយ៉ាន់ម៉ាឡោមព័ទ្ធកម្មកររថភ្លើងដែលធ្វើកូដកម្ម ខណៈអង្គការសហប្រជាជាតិមិនបានថ្កោលទោសរដ្ឋប្រហារនោះ។ សភាតំណាងរាស្ត្រអាមេរិកនឹងបោះឆ្នោតនៅថ្ងៃពុធនេះ ដើម្បីអនុម័តច្បាប់ជំនួយគ្រាវិបត្តិកូវីដ១៩។ ព្រះរាជវង្សានុវង្សចក្រភពអង់គ្លេសថា បញ្ហារើសអើងជាតិសាសន៍នឹងត្រូវដោះស្រាយ «ជាលក្ខណៈឯកជន»។ មេបញ្ជាការអាមេរិកថា ចិនកំពុងពន្លឿនផែនការយកឈ្នះអាមេរិកលើឆាកអន្តរជាតិ។ ក្រសួងការពារជាតិអាមេរិកយល់ព្រមបន្តវត្តមានកងទ័ពឆ្មាំជាតិនៅវិមានសភាក្នុងរដ្ឋធានីវ៉ាស៊ីនតោន។ អង្គការវេទិកាសេដ្ឋកិច្ចពិភពលោកបង្កើនអត្រាព្យាករណ៍កំណើនសេដ្ឋកិច្ចឆ្នាំ២០២១ ដោយសារកិច្ចប្រឹងប្រែងស្ដារឡើងវិញពីវិបត្តិកូវីដ១៩ និងព័ត៌មានអន្តរជាតិសំខាន់ៗមួយចំនួនទៀត៕

1 hr

March 09, 2021 ព័ត៌មានពេលរាត្រី៖ ៩ មីនា ២០២១ - មីនា 09, 2021

ព័ត៌មានអំពីកម្ពុជាមានដូចជា កម្ពុជារកឃើញការឆ្លងជំងឺកូវីដចំនួន ៤៩ ករណីបន្ថែមទៀត នាំឲ្យព្រួយបារម្ភផលប៉ះពាល់សេដ្ឋកិច្ច។ រដ្ឋាភិបាលអំពាវនាវឲ្យផ្អាកសកម្មភាពសាធារណៈ ខណៈការឆ្លងជំងឺកូវីដ១៩ មិនធូរស្រាល។ បណ្ដាឯកអគ្គរដ្ឋទូតថា ការពង្រឹងអភិបាលកិច្ចទន្លេមេគង្គជារឿងចាំបាច់។ កម្ពុជាមានអ្នកជាប់ឃុំច្រើនជាងទណ្ឌិតនិងខ្ពស់ជាងប្រទេសជិតខាង បើទោះជាពន្ធនាគារខ្វះខាតធនធាន។ រីឯព័ត៌មានអន្តរជាតិវិញមានដូចជា បាតុករមីយ៉ាន់ម៉ាអាចចាកចេញពីសង្កាត់មួយនៃក្រុងរ៉ង់ហ្គូនបន្ទាប់ពីត្រូវបានឡោមព័ទ្ធនៅទីនោះ។ CDC អាមេរិកបន្ធូរបន្ថយការរឹតត្បិតចំពោះពលរដ្ឋដែលចាក់វ៉ាក់សាំងកូវីដ១៩រួចហើយ។ ចិនចាប់ផ្តើមចេញលិខិតបញ្ជាក់ការចាក់វ៉ាក់សាំងកូវីដ៩ សម្រាប់ការធ្វើដំណើរឆ្លងដែន។ សហរដ្ឋអាមេរិកថា ខ្លួនរក្សាជម្រើសទាំងអស់ដើម្បីពិភាក្សាអំពីបេសកកម្មយោធានៅអាហ្វហ្គានីស្ថាន។ របាយការណ៍ថា អ្នកកាសែតស្រ្តីរងការគំរាមកំហែងពីការរើសអើងផ្លូវភេទនៅទូទាំងពិភពលោក និងព័ត៌មានអន្តរជាតិមួយចំនួនទៀត៕

1 hr

March 08, 2021 ព័ត៌មានពេលរាត្រី៖ ៨ មីនា ២០២១ - មីនា 08, 2021

ព័ត៌មានអំពីកម្ពុជាមានដូចជា លោក ហ៊ុន សែន បញ្ជាឲ្យដូរមណ្ឌលព្យាបាលជំងឺកូវីដនៅព្រែកព្នៅ ក្រោយមានមនុស្សម្នាក់ស្លាប់។ «បន្ទាន់និងប្រយ័ត្នខ្ពស់» ជាគោលការណ៍របស់ក្រុមគ្រូពេទ្យជួរមុខប្រយុទ្ធនឹងជំងឺកូវីដ១៩។ កម្ពុជារកឃើញករណីឆ្លងជំងឺកូវីដ ២៤ នាក់ថែមទៀតដែលរាលដាលដល់ខេត្តផ្សេងទៀត។ នៅក្នុងកម្មវិធី Hello VOA មានកិច្ចពិភាក្សាអំពី «ការចែកចាយវ៉ាក់សាំងកូវីដ១៩ ដោយសមធម៌ក្នុងប្រទេសកំពុងអភិវឌ្ឍ»។ រីឯព័ត៌មានអន្តរជាតិវិញមានដូចជា សម្តេចប៉ាប Francis ដែលបំពេញព្រះរាជទស្សនកិច្ចនៅអ៊ីរ៉ាក់ អំពាវនាវឱ្យមានការអត់ឱនគ្នាខាងសាសនានិងភាតរភាព។ សម្តេចប៉ាប Francis បានចាកចេញពីប្រទេសអ៊ីរ៉ាក់ក្រោយដំណើរទស្សនកិច្ចជាប្រវត្តិសាស្ត្រ រយៈពេល៤ថ្ងៃ។ សហជីពមីយ៉ានម៉ាចាប់ផ្តើមធ្វើកូដកម្មនៅក្នុងការតវ៉ាប្រឆាំងនឹងការគ្រប់គ្រងយោធា។ ទិវានារីអន្តរជាតិឆ្នាំនេះកត់សម្គាល់នូវការលំបាកកើនឡើងសម្រាប់ស្ត្រី។ ប្រធានាធិបតីសហរដ្ឋអាមេរិកលោក Joe Biden បញ្ជាឲ្យមានសិទ្ធិបោះឆ្នោតស្មើគ្នានៅក្នុងសហរដ្ឋអាមេរិក៕

1 hr