កម្មវិធីព័ត៌មានពេលរាត្រី - វីអូអេ podcast - Page 149

March 07, 2021 ព័ត៌មានពេលរាត្រី៖ ៧ មីនា ២០២១ - មីនា 07, 2021

នៅក្នុងភាគទី ៩ នៃកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ផ្តោតលើការពិភាក្សាអំពី «ឧស្សាហកម្មជំនាន់ទី ៤»។ រីឯព័ត៌មានអន្តរជាតិវិញមានដូចជា ច្បាប់ឆ្មាំសមុទ្រដ៏តឹងរ៉ឹងថ្មីមួយរបស់ចិន មានគោលដៅលើប្រទេសនៅអាស៊ីអាគ្នេយ៍ដែលគាំទ្រដោយអាមេរិក។ តើវ៉ាក់សាំងបង្ការជំងឺកូវីដ១៩ នឹងជួយចិនបង្កើនឥទ្ធិពលនៅតំបន់ Balkans ឬទេ? ឱកាសនិងបញ្ហាប្រឈមកើតមានស្របគ្នា ខណៈសេដ្ឋកិច្ចឌីជីថលកំពុងរីកចម្រើន៕

1 hr

March 06, 2021 ព័ត៌មានពេលរាត្រី៖ ៦ មីនា ២០២១ - មីនា 06, 2021

ព័ត៌មានសំខាន់ៗអំពីកម្ពុជាមានដូចជា អតីតមន្រ្តីបក្សប្រឆាំង៖ គណបក្សថ្មី«កែទម្រង់កម្ពុជា» មិនមែនជា «សួនលម្អប្រជាធិបតេយ្យ»។ ជំងឺកូវីដ១៩ រំខានសិស្សតាមបណ្តាខេត្ត ដែលមករៀនថ្នាក់ឧត្តមសិក្សានៅរាជធានីភ្នំពេញ។ ក្រុមគ្រួសារអ្នកជំងឺមហារីក ត្រូវការជំនួយផ្នែកហិរញ្ញវត្ថុនិងកម្លាំងចិត្តពីសហគមន៍។ រីឯព័ត៌មានអន្តរជាតិវិញមានដូចជា អ្នកការពារបរិស្ថាន បារម្ភពីការខូចខាតជាអចិន្ត្រៃយ៍ ដោយជញ្ជាំងនៅបណ្តោយព្រំដែនម៉ិកស៊ិក និងអាមេរិក។ ប្រទេសនូវែលសេឡង់គាំទ្រដល់គម្រោងប្រើប្រាស់ដ្រូន ដើម្បីតាមដានសត្វផ្សោតដ៏កម្រ។ ស្វាអ៊ូរ៉ង់អ៊ូតង់ឥណ្ឌូណេស៊ី ត្រូវបានដោះលែងទៅក្នុងព្រៃ។ តួអង្គភាពយន្ត Hotel Rwanda បង្ហាញខ្លួននៅតុលាការ ខណៈអ្នកគាំទ្ររិះគន់ថាជា «សវនាការបង្គ្រប់កិច្ច»៕

1 hr

March 05, 2021 ព័ត៌មានពេលរាត្រី៖ ៥ មីនា ២០២១ - មីនា 05, 2021

ព័ត៌មានសំខាន់ៗអំពីកម្ពុជាមានដូចជា កម្ពុជារកឃើញករណីឆ្លងកូវីដ ២៣ ករណីទៀត ដែលរាលដាលដល់ខេត្តកោះកុង។ អង្គការសារព័ត៌មាន CPJ ថា កម្ពុជា «ប្រតិកម្មជ្រុល» ក្នុងការបណ្តេញអ្នកកាសែតចិនចំពោះអត្ថបទ«លក់វ៉ាក់សាំង»។ រដ្ឋសភាអនុម័តសេចក្តីព្រាងច្បាប់វិធានការប្រឆាំងកូវីដ ដែលកំណត់ទោសទណ្ឌធ្ងន់ធ្ងរ។ អង្គការហ្វារពន្លឺសិល្បៈកំពុងហាត់ត្រៀមសម្រាប់ការប្រកួតបំបែកឯតទគ្គកម្មពិភពលោករបស់ Guinness។ រីឯព័ត៌មានអន្តរជាតិវិញមានដូចជា អ្នកការទូតមីយ៉ាន់ម៉ាកាន់តែច្រើនប្រឆាំងនឹងយោធា បន្ទាប់ពីការបង្ក្រាបដោយហិង្សា។ ចិនកាន់តែរឹតបន្តឹងការគ្រប់គ្រងក្រុងហុងកុង និងកំណត់គោលដៅចំណូលជាតិ GDP នៅពេលដែលការប្រជុំសភាចាប់ផ្តើម។ ព្រឹទ្ធសភាអាមេរិកពិចារណាសេចក្តីព្រាងច្បាប់ជំនួយគ្រាវិបត្តិកូវីដតម្លៃ ១.៩លានលានដុល្លាររបស់គណបក្សប្រជាធិបតេយ្យ។ ពលរដ្ឋនូវែលសេឡង់ប្រវេប្រវាឡើងតំបន់ដីខ្ពស់ នៅពេលមានការរំជួយដីដែលបណ្តាលឲ្យមានរលកស៊ូណាមិ។ សង្គ្រាមធ្វើឱ្យចំណាកស្រុកក្នុងតំបន់មជ្ឈិមបូព៌ា និងអាហ្វ្រិកខាងជើងកើនឡើងដល់កំណត់ត្រាថ្មី។ ធនាគារនៅមីយ៉ាន់ម៉ាត្រូវបានបិទ ខណៈការតវ៉ាប្រឆាំងនឹងរដ្ឋប្រហារ និងចលាចលហិរញ្ញវត្ថុកំពុងកើតមាន។ ឧត្តមស្នងការសិទ្ធិមនុស្សថា ការកើនឡើងនៃការបំពានសិទ្ធិមនុស្សជាសាកល កំពុងធ្វើឱ្យសេរីភាពជាមូលដ្ឋានធ្លាក់ចុះ និងព័ត៌មានផ្សេងៗទៀត៕

1 hr

March 04, 2021 ព័ត៌មានពេលរាត្រី៖ ៤ មីនា ២០២១ - មីនា 04, 2021

ព័ត៌មានអំពីកម្ពុជាមានដូចជា មន្រ្តីសុខាភិបាលថា បុរសម្នាក់នៅសៀមរាបស្លាប់ដោយសារជំងឺបេះដូង មិនមែនដោយសារវ៉ាក់សាំងទេ។ លោក ហ៊ុន សែន ឲ្យបិទការធ្វើដំណើររបស់ពលរដ្ឋពីក្រុងព្រះសីហនុទៅតំបន់ផ្សេង។ លោក ហ៊ុន សែន ថាលោកគ្រោងកាន់តំណែងរហូត«ឈប់ចង់ធ្វើ»។ លោក ហ៊ុន សែន បន្តការពារវ៉ាក់សាំងចិន ខណៈចាក់វ៉ាក់សាំង AstraZenecaទទួលស្គាល់ដោយអង្គការសុខភាពពិភពលោក WHO។ នៅក្នុងកម្មវិធី Hello VOA មានកិច្ចពិភាក្សាអំពី «អន្តរាគមន៍អាស៊ានក្នុងវិបត្តិមីយ៉ាន់ម៉ា៖ ឱកាស និងឧបសគ្គ»។ រីឯព័ត៌មានអន្តរជាតិវិញមានដូចជា ប៉ូលិសមីយ៉ាន់ម៉ាបំបែកការតវ៉ាប្រឆាំងម្តងទៀត មួយថ្ងៃបន្ទាប់ពីអង្គការសហប្រជាជាតិថា មនុស្ស៣៨នាក់បានត្រូវគេសម្លាប់កាលពីថ្ងៃពុធ។ ប៉ូលិសវិមានសភាសហរដ្ឋអាមេរិកព្រមានពីការគំរាមកំហែងនៅថ្ងៃព្រហស្បតិ៍។ កូរ៉េខាងត្បូងស៊ើបអង្កេតការស្លាប់មនុស្ស ២ នាក់ដែលបានចាក់វ៉ាក់សាំងបង្ការកូវីដ១៩របស់ក្រុមហ៊ុន AstraZeneca។ ជំងឺកូវីដ១៩វិវត្តថ្មីនៅប្រទេសប្រេស៊ីលអាចធ្វើឲ្យវ៉ាក់សាំងលែងមានប្រសិទ្ធភាព។ ភរិយាប្រធានាធិបតី Biden និងរដ្ឋមន្ត្រីអប់រំអាមេរិកចុះមូលដ្ឋានដើម្បីជំរុញការបើកសាលារៀនឡើងវិញ៕

1 hr

March 03, 2021 ព័ត៌មានពេលរាត្រី៖ ៣ មីនា ២០២១ - មីនា 03, 2021

ព័ត៌មានអំពីកម្ពុជាមានដូចជា កម្ពុជារួមជាមួយអាស៊ានបារម្ភអំពីស្ថានភាពនៅមីយ៉ាន់ម៉ា និងជំរុញឲ្យមាន«ដំណោះស្រាយដោយសន្តិវិធី»។ មនុស្ស ៣៤ នាក់ទៀតឆ្លងជំងឺកូវីដ១៩ ក្នុងនោះមានខ្មែរ ៩ នាក់ក្នុងខេត្តព្រះសីហនុ។ នៅក្នុងកម្មវិធី «កម្ពុជាសម្លឹងទៅមុខ ឬ Envision Cambodia» មានកិច្ចពិភាក្សាអំពី «ឧស្សាហកម្មជំនាន់ទី ៤»។ រីឯព័ត៌មានអន្តរជាតិវិញមានដូចជា ការតវ៉ាប្រឆាំងរដ្ឋប្រហារមួយថ្ងៃទៀតនៅក្នុងប្រទេសមីយ៉ាន់ម៉ាបានបញ្ចប់ដោយការបង្ហូរឈាម ក្រោយការខំប្រឹងប្រែងខាងការទូតរបស់អាស៊ានបានជាប់គាំង។ សហរដ្ឋអាមេរិកដាក់ទណ្ឌកម្មលើជនជាតិរុស្ស៊ីចំពោះតួនាទីនៅក្នុងការវាយប្រហារលើលោក Navalny។ នាយក FBI ថា៖ មិនមានភស្តុតាងបញ្ជាក់ថា ក្រុមសកម្មជនឆ្វេងនិយមបានវាយប្រហារវិមានសភាសហរដ្ឋអាមេរិកទេ។ សកម្មជនថៃម្នាក់ដែលរងការចោទប្រកាន់ពីការដុតព្រះឆាយាលក្ខណ៍របស់ព្រះមហាក្សត្រត្រូវបានចាប់ខ្លួន៕

1 hr

March 02, 2021 ព័ត៌មានពេលរាត្រី៖ ២ មីនា ២០២១ - មីនា 02, 2021

ព័ត៌មានសំខាន់ៗអំពីកម្ពុជាមានដូចជា មនុស្ស២៤នាក់ទៀតភាគច្រើនក្នុងខេត្តព្រះសីហនុ បានឆ្លងជំងឺកូវីដ១៩។ ថ្នាក់ដឹកនាំបក្សជំទាស់ហៅការកាត់ទោសជាប់ពន្ធនាគារជាង២០ឆ្នាំម្នាក់ថាជា «ការប៉ុនប៉ងផ្តាច់ជីវិតនយោបាយ»។ បុរស៤នាក់នៅភ្នំពេញត្រូវបាញ់សម្លាប់ ក្នុងផែនការចាប់ជម្រិតដែលប៉ូលិសដឹងមុន។ សហរដ្ឋអាមេរិកសម្តែងនូវក្តីកង្វល់អំពីការត្រួតត្រាលើប្រព័ន្ធអ៊ីនធឺណិតនៅកម្ពុជា។ រីឯព័ត៌មានអន្តរជាតិវិញមានដូចជា ប៉ូលិសមីយ៉ាន់ម៉ាប្រើគ្រាប់បែកធ្វើឲ្យងងីងងើលើបាតុករ ខណៈរដ្ឋមន្ត្រីអាស៊ានគ្រោងប្រជុំជាមួយយោធាមីយ៉ាន់ម៉ា។ ការឆ្លងកូវីដ១៩ កើនឡើងវិញទូទាំងសាកលលោកជាលើកដំបូង ក្នុងរយៈពេល ៧ សប្តាហ៍។ សវនាការរបស់តុលាការកាត់ទោសសកម្មជនក្រុងហុងកុង ៤៧ នាក់ ត្រូវបានពន្យារពេល ខណៈបាតុករបានប្រមូលផ្តុំគ្នានៅខាងក្រៅ។ សមាជិកសភាអាមេរិកពិនិត្យលើអំណាចរបស់ក្រុមហ៊ុនបច្ចេកវិទ្យាធំៗ។ ប្រធានអង្គការពាណិជ្ជកម្មពិភពលោកថ្មីថា គ្មានពេលវេលាសម្រាប់ធ្វើអ្វីៗដូចមុនទេ។ កូវីដ១៩ សម្លាប់ពលរដ្ឋអាមេរិកាំងជាងកន្លះលាននាក់ ប៉ុន្តែការចាក់វ៉ាក់សាំងកំពុងកើនឡើង និងព័ត៌មានផ្សេងៗទៀត៕

1 hr

March 01, 2021 ព័ត៌មានពេលរាត្រី៖ ១ មីនា ២០២១ - មីនា 01, 2021

ព័ត៌មានអំពីកម្ពុជាមានដូចជា ក្រុមជនខិលខូចបង្កើតព័ត៌មានលក់វ៉ាក់សាំងកូវីដនៅកម្ពុជា។ មនុស្ស២នាក់ត្រូវបានឃុំខ្លួន ក្រោយរិះគន់រដ្ឋាភិបាលអំពីការប្រើវ៉ាក់សាំងកូវីដចិន។ កម្ពុជានឹងទទួលបានវ៉ាក់សាំងកូវីដ១៩ របស់ក្រុមហ៊ុន AstraZeneca ជាង ៣ សែនដូសនៅដើមខែមីនា។ កម្មវិធី Hello VOA មានកិច្ចពិភាក្សាអំពី «ដំណើរជីវិតជម្នះគ្រប់ឧបសគ្គរបស់ស្រ្តីជាអ្នកដឹកនាំម្នាក់»។ រីឯព័ត៌មានអន្តរជាតិវិញមានដូចជា តុលាការមីយ៉ាន់ម៉ាចោទប្រកាន់បន្ថែមលើអ្នកស្រី Aung San Suu Kyi មួយថ្ងៃក្រោយមនុស្សយ៉ាងតិច១៨នាក់បានស្លាប់ក្នុងការបង្ក្រាបថ្ងៃអាទិត្យ។ មជ្ឈមណ្ឌលទប់ស្កាត់ជំងឺឆ្លង CDC របស់អាមេរិក អនុញ្ញាតឲ្យប្រើវ៉ាក់សាំងកូវីដ១៩ របស់ក្រុមហ៊ុន Johnson & Johnson។ លោក Netanyahu ចោទប្រកាន់អ៊ីរ៉ង់ពីការវាយប្រហារកប៉ាល់ដឹកទំនិញរបស់អ៊ីស្រាអែល។ លោកTrump វាយប្រហារលោក Biden និងបង្ហើបពីលទ្ធភាពឈរឈ្មោះសម្រាប់តំណែងប្រធានាធិបតីអាមេរិកនៅឆ្នាំ២០២៤។ តួអង្គភាពយន្ត Hotel Rwanda បង្ហាញខ្លួននៅតុលាការ ខណៈអ្នកគាំទ្ររិះគន់ថាជា «សវនាការបង្គ្រប់កិច្ច»។ ទីភ្នាក់ងារអ.ស.ប ថា ការវាយប្រហារដោយក្រុមឧទ្ទាម Houthi នៅភាគខាងជើងយេម៉ែនអាចបង្កជាវិបត្តិមនុស្សធម៌៕

1 hr

February 28, 2021 ព័ត៌មានពេលរាត្រី៖ ២៨ កុម្ភៈ ២០២១ - កុម្ភៈ 28, 2021

ព័ត៌មានសំខាន់ៗអំពីកម្ពុជាមានដូចជា អតីតមេឃុំនៃបក្សសង្គ្រោះជាតិស្រណោះកិច្ចការមិនទាន់សម្រេច មុនបក្សត្រូវរំលាយ។ ក្រុមមន្ត្រីប្តឹងឲ្យដកថ្នាក់ដឹកនាំមន្ទីររៀបចំដែនដីខេត្តប៉ៃលិន។ រីឯព័ត៌មានអន្តរជាតិវិញមានដូចជា កីឡាអូឡាំពិកក្រុងតូក្យូដែលត្រូវចំណាយច្រើន ជំរុញការទាមទារកាន់តែខ្លាំងឲ្យមានកំណែទម្រង់ព្រឹត្តិការណ៍នេះ។ សាលារៀននៅសហរដ្ឋអាមេរិករងសម្ពាធឲ្យបើកដំណើរការ ខណៈគ្រូបង្រៀនត្រូវការចាក់វ៉ាក់សាំង។ ប្រទេសជាសម្ព័ន្ធមិត្តរបស់សហរដ្ឋអាមេរិកស្វាគមន៍ផែនការរបស់លោក Biden ក្នុងការប្រឈមរួមគ្នានឹងប្រទេសចិន។ អង្គការសហប្រជាជាតិថា ឧក្រិដ្ឋកម្មប្រឆាំងមនុស្សជាតិនៅកូរ៉េខាងជើងនៅតែបន្តកើតឡើង។ ការកាត់ទោសលោក Trump ធ្វើឲ្យមានការយកចិត្តទុកដាក់ជាថ្មីលើភេរវកម្មក្នុងស្រុក៕

1 hr

February 27, 2021 ព័ត៌មានពេលរាត្រី៖ ២៧ កុម្ភៈ ២០២១ - កុម្ភៈ 27, 2021

ព័ត៌មានសំខាន់ៗអំពីកម្ពុជាមានដូចជា ក្រុមមន្ត្រីប្តឹងឲ្យដកថ្នាក់ដឹកនាំមន្ទីររៀបចំដែនដីខេត្តប៉ៃលិន។ អតីតមេឃុំនៃបក្សសង្គ្រោះជាតិស្រណោះកិច្ចការមិនទាន់សម្រេច មុនបក្សត្រូវរំលាយ។ រីឯព័ត៌មានអន្តរជាតិវិញមានដូចជា មេធាវីសិទ្ធិមនុស្សអង់គ្លេសត្រៀមខ្លួនក្លាយជាអគ្គរដ្ឋអាជ្ញាប្រចាំតុលាការឧក្រិដ្ឋកម្មអន្តរជាតិ។ សង្គ្រាមធ្វើឱ្យមានចំណាកស្រុកក្នុងតំបន់មជ្ឈិមបូព៌ា និងអាហ្វ្រិកខាងជើងឡើងដល់កំណត់ត្រាថ្មី។ មេដឹកនាំបក្សប្រឆាំងនៅអ៊ូហ្គាន់ដា ដាក់ញ្ញត្តិទៅកាន់ការិយាល័យសិទ្ធិមនុស្សអ.ស.ប ជុំវិញការរំលោភបំពានផ្សេងៗ។ ប្រធានាធីបតីម៉ិកស៊ិកគាំទ្រការសម្រេចរបស់លោក Biden ក្នុងការបញ្ឈប់ការសាងសង់ជញ្ជាំងព្រំដែន។ រដ្ឋបាលលោក Biden ស្វះស្វែងឱ្យមានស្ថិរភាពក្នុងប្រទេសអ៊ីរ៉ាក់ ដែលគ្មានពួករដ្ឋឥស្លាម។ របាយការណ៍ អ.ស.ប. បង្ហាញថា មានឧក្រិដ្ឋកម្មសង្គ្រាមតទៅទៀតក្នុងប្រទេសស៊ីរី៕

1 hr

February 26, 2021 ព័ត៌មានពេលរាត្រី៖ ២៦ កុម្ភៈ ២០២១ - កុម្ភៈ 26, 2021

ព័ត៌មានសំខាន់ៗអំពីកម្ពូជាមានដូចជា កម្ពុជានិងចិនរួមគ្នាបញ្ចៀសការរើសអើងជនជាតិចិន ខណៈករណីឆ្លងកូវីដកាន់តែច្រើន។ មនុស្ស ៤០ នាក់ទៀត ឆ្លងជំងឺកូវីដ១៩ ក្នុងចង្កោមឆ្លងសហគមន៍ទ្រង់ទ្រាយធំ។ រដ្ឋាភិបាលតំបន់អាស៊ីអាគ្នេយ៍ បង្ក្រាបសេរីភាពសារព័ត៌មានបន្ថែម ក្នុងអំឡុងការរាលដាលជំងឺកូវីដ១៩។ អ្នកតាមដានស្នើឲ្យដោះស្រាយបញ្ហានៅថ្នាក់ឃុំសង្កាត់ ដោយមានការចូលរួមពហុបក្ស។ រីឯព័ត៌មានអន្តរជាតិវិញមានដូចជា ឯកសារពន្ធដាររបស់លោក Trump ត្រូវបានប្រគល់ឲ្យរដ្ឋអាជ្ញារដ្ឋញូវយ៉ក។ លោក Mitt Romney ថា លោក Trump នឹងទទួលបានការតែងតាំងពីបក្សសាធារណរដ្ឋ បើលោកឈរឈ្មោះជាប្រធានាធិបតីនៅឆ្នាំ ២០២៤។ ប្រធានប៉ូលិសថា ការវាយប្រហារនៅវិមានសភា មានទំហំធំធេងជាងអ្វីដែលមន្ត្រីស៊ើបការណ៍សម្ងាត់បានព្រមានទុកជាមុន។ រដ្ឋបាលលោក Biden ស្វះស្វែងឱ្យមានស្ថិរភាពក្នុងប្រទេសអ៊ីរ៉ាក់ ដែលគ្មានពួករដ្ឋឥស្លាម និងព័ត៌មានផ្សេងៗទៀត៕

1 hr