កម្មវិធីព័ត៌មានពេលរាត្រី - វីអូអេ podcast - Page 147

March 27, 2021 ព័ត៌មានពេលរាត្រី៖ ២៧ មីនា ២០២១ - មីនា 27, 2021

ព័ត៌មានសំខាន់ៗអំពីកម្ពុជាមានដូចជា រឿងក្រោយឆាកនៃការសម្តែងសៀក២៤ម៉ោងរបស់ហ្វារពន្លឺសិល្បៈ ដើម្បីបំបែកឯកទគ្គកម្មពិភពលោក។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១០ មានការពិភាក្សាអំពី «សារៈសំខាន់នៃការអប់រំស្តីអំពីសុខភាពបន្តពូជនិងផ្លូវភេទ ដែលបើកចំហនិងស៊ីជម្រៅ»។ រីឯព័ត៌មានអន្តរជាតិវិញមានដូចជា មនុស្សរាប់លាននាក់ប្រឈមនឹងភាពអត់ឃ្លានធ្ងន់ធ្ងរនៅប្រទេសសូម៉ាលី ដោយសារគ្រោះរាំងស្ងួតនៅតែបន្ត៕

1 hr

March 26, 2021 ព័ត៌មានពេលរាត្រី៖ ២៦ មីនា ២០២១ - មីនា 26, 2021

ព័ត៌មានសំខាន់ៗអំពីកម្ពុជាមានដូចជា ចិនសន្យាជួយសម្រួលកម្ពុជាទិញវ៉ាក់សាំងកូវីដ១៩ ខណៈផ្តល់ជំនួយវ៉ាក់សាំង ៧០ម៉ឺនដូសទៀត។ ធនាគារពិភពលោកថា កម្ពុជាត្រូវបង្កើនសមត្ថភាពគ្រប់គ្រងជំងឺកូវីដ ដើម្បីជំរុញការងើបឡើងវិញនៃសេដ្ឋកិច្ច។ ប៉ូលិសខ្មែរឃាត់ខ្លួនមនុស្ស១៤នាក់ ក្នុងករណីបន្លំជាគ្រូពេទ្យកូវីដ ដើម្បីចាប់ជំរិត។ មនុស្សម្នាក់ទៀតស្លាប់ដោយជំងឺកូវីដ១៩ ខណៈរកឃើញករណីឆ្លងថ្មីជិត១០០នាក់។ រីឯព័ត៌មានអន្តរជាតិវិញមានដូចជា បញ្ហាព្រំដែនជាប្រធានបទចម្បងនៃសន្និសីទសារព័ត៌មានដំបូងរបស់លោក Joe Biden។ ការតវ៉ាកាន់តែច្រើននៅប្រទេសមីយ៉ាន់ម៉ា ខណៈធនាគារពិភពលោកព្រមានពីសេដ្ឋកិច្ចធ្លាក់ចុះ។ ចិនធ្វើពហិការសម្លៀកបំពាក់ និងស្បែកជើងបរទេស ដោយសារបញ្ហានៅតំបន់ស៊ីនជាំង។ សហរដ្ឋអាមេរិកដាក់ទណ្ឌកម្មបន្ថែមទៀតលើរដ្ឋាភិបាលមីយ៉ាន់ម៉ា។ មនុស្សរាប់លាននាក់ប្រឈមនឹងភាពអត់ឃ្លានធ្ងន់ធ្ងរនៅប្រទេសសូម៉ាលី ដោយសារគ្រោះរាំងស្ងួតនៅតែបន្ត។ គណៈកម្មាធិការអូឡាំពិកអន្តរជាតិ ប្រកាសមិនអនុញ្ញាតឲ្យអ្នកទស្សនាមកពីបរទេសចូលមើលកីឡាអូឡាំពិកនៅទីក្រុងតូក្យូ។ ការចូលរួមរបស់ស្ត្រីក្នុងវិស័យនយោបាយកើនឡើងបន្តិចម្តងៗនៅទូទាំងពិភពលោក និងព័ត៌មានផ្សេងៗទៀត៕

1 hr

March 25, 2021 ព័ត៌មានពេលរាត្រី៖ ២៥ មីនា ២០២១ - មីនា 25, 2021

ព័ត៌មានសំខាន់ៗអំពីកម្ពុជាមានដូចជា មនុស្ស ២ នាក់ទៀតបានស្លាប់ដោយសារជំងឺកូវីដ១៩ នៅកម្ពុជា។ សហរដ្ឋអាមេរិកការពារគម្រោងព្រៃឡង់បៃតងនិងប្តេជ្ញាបង្កើនការផ្សារភ្ជាប់ជាមួយសហគមន៍ល្បាតព្រៃ។ អង្គការសហប្រជាជាតិតែងតាំងបញ្ញវន្តថៃជើងចាស់ ឱ្យឃ្លាំមើលសិទ្ធិមនុស្សនៅកម្ពុជា។ នៅក្នុងកម្មវិធី Hello VOA ថ្ងៃនេះ មានការពិភាក្សាអំពី «ការប្រឈមក្នុងការងារសង្គមនិងហិរញ្ញវត្ថុនៃពលករកម្ពុជានៅកូរ៉េខាងត្បូង ក្នុងអំឡុងជំងឺរាតត្បាត»។ រីឯព័ត៌មានអន្តរជាតិវិញមានដូចជា ក្រុមហ៊ុន AstraZeneca ផ្សព្វផ្សាយព័ត៌មានថ្មីអំពីប្រសិទ្ធភាពវ៉ាក់សាំងកូវីដ១៩ របស់ខ្លួន។ កម្លាំងសន្តិសុខមីយ៉ាន់ម៉ាបាញ់ប្រហារលើក្រុមបាតុករនៅក្នុងរដ្ឋ Karen។ ហុងកុងប្រាប់រដ្ឋាភិបាលបរទេស ឲ្យឈប់ទទួលស្គាល់លិខិតឆ្លងដែនពិសេសរបស់ចក្រភពអង់គ្លេស។ ការដាក់ពាក្យសុំប្រាក់ជំនួយពេលគ្មានការងារធ្វើនៅសហរដ្ឋអាមេរិកបានកើនឡើងកាលពីសប្តាហ៍ទី ២ នៃខែមីនា។ នៅកូរ៉េខាងត្បូង កម្មវិធីប្រាក់ចំណូលមូលដ្ឋានទទួលបានការគាំទ្រក្នុងពេលមានការរាតត្បាតជំងឺកូវីដ១៩។ កូរ៉េខាងជើងបាញ់សាកល្បងមីស៊ីលពីរគ្រាប់ និងព័ត៌មានផ្សេងៗទៀត៕

1 hr

March 24, 2021 ព័ត៌មានពេលរាត្រី៖ ២៤ មីនា ២០២១ - មីនា 24, 2021

ព័ត៌មានអំពីកម្ពុជាមានដូចជា ក្រសួងសុខាភិបាលកំណត់ឲ្យពាក់ម៉ាស់ក្នុងរាជធានីភ្នំពេញនិងខេត្តចំនួន៤។ បណ្តាញសហគមន៍ព្រៃឡង់រិះគន់ទីភ្នាក់ងារអាមេរិក USAID និងបារម្ភពីការបន្តបាត់បង់ព្រៃ។ ក្រោយប្រតិកម្មពីម្ចាស់ជំនួយ រដ្ឋាភិបាលទម្លាក់ចោលគម្រោងអភិវឌ្ឍន៍ក្បែរតំបន់អង្គរ។ អ្នកវិភាគកិច្ចការតំបន់ថាលោក Biden នឹង កៀរគរសម្ព័ន្ធមិត្តខ្លាំងឡើងក្នុងរឿងរដ្ឋប្រហារនៅមីយ៉ាន់ម៉ា។ រីឯព័ត៌មានអន្តរជាតិវិញមានដូចជា លោក Biden អំពាវនាវឲ្យហាមឃាត់អាវុធស្វ័យប្រវត្តិ នៅក្រោយហេតុការណ៍បាញ់ប្រហារនៅរដ្ឋ Colorado។ មីយ៉ាន់ម៉ាដោះលែងបាតុករប្រឆាំងរដ្ឋប្រហារជាង ៦០០ នាក់។ កូរ៉េខាងជើងបាញ់សាកល្បងមីស៊ីលលើកដំបូងនៅឆ្នាំ ២០២១ នេះ។ មន្ត្រីអាមេរិកនៅម៉ិកស៊ិកប្រាប់ជនចំណាកស្រុកថា ព្រំដែនសហរដ្ឋអាមេរិកបានបិទហើយ។ ឥណ្ឌារាយការណ៍ពីការរកឃើញវីរុសកូវីដ១៩ ប្រភេទថ្មីបំផុតខុសពីប្រភេទមុនៗ។ អ្នកសរសេរblog ម្នាក់នៅសិង្ហបុរីត្រូវតុលាការបញ្ជាឲ្យសងជំងឺចិត្តនាយករដ្ឋមន្ត្រីជិត ១ សែនដុល្លារ ពីបទបរិហារកេរ្តិ៍ និងព័ត៌មានអន្តរជាតិសំខាន់ៗមួយចំនួនទៀត៕

1 hr

March 23, 2021 ព័ត៌មានពេលរាត្រី៖ ២៣ មីនា ២០២១ - មីនា 23, 2021

ព័ត៌មានអំពីកម្ពុជាមានដូចជា រដ្ឋាភិបាលស្នើអ្នកអភិវឌ្ឍន៍អចលនទ្រព្យឲ្យបន្ធូរបន្ថយការបង់រំលស់ប្រចាំខែ។ អ្នកជំងឺទី៥ស្លាប់ដោយសារកូវីដ១៩នៅកម្ពុជា ខណៈការឆ្លងក្នុងសហគមន៍បន្តកើនឡើង។ វេជ្ជបណ្ឌិតខ្មែរអាមេរិកាំងស្លាប់ដោយសារកូវីដ១៩ ក្នុងអំឡុងពេលវ៉ាក់សាំងចេញលើកដំបូង។ ផែនការចាក់វ៉ាក់សាំងកូវីដ១៩ នៅកម្ពុជា៖ ក្រុមអាទិភាព លក្ខខណ្ឌសុខភាព និងកន្លែងចែកចាយ។ រីឯព័ត៌មានអន្តរជាតិវិញមានដូចជា លោក Blinken សន្យាលើកស្ទួយអង្គការអូតង់និងសហការលើបញ្ហាអាហ្វហ្គានីស្ថាន។ សហរដ្ឋអាមេរិកបញ្ជូនមន្ត្រីអន្តោប្រវេសន៍ទៅម៉ិកស៊ិកនិងក្វាតេម៉ាឡាដើម្បីពិភាក្សារឿងជនចំណាកស្រុក។ សហរដ្ឋអាមេរិកដាក់ទណ្ឌកម្មបន្ថែមលើរបបយោធាមីយ៉ាន់ម៉ា។ ឧក្រិដ្ឋកម្មពាក់ព័ន្ធការស្អប់ពលរដ្ឋអាមេរិកាំងដើមកំណើតអាស៊ីកើន ១៥០% ក្នុងទីក្រុងធំៗនៅសហរដ្ឋអាមេរិក។ រុស្ស៊ី និងចិនជំរុញក្រុមប្រឹក្សាសន្តិសុខអង្គការសហប្រជាជាតិឲ្យជួបប្រជុំដើម្បីដោះស្រាយការកើនឡើងភាពតានតឹងនយោបាយពិភពលោក។ មនុស្ស ១០ នាក់ស្លាប់ក្នុងហេតុការណ៍បាញ់ប្រហារនៅហាងលក់គ្រឿងទេសមួយកន្លែងនៅសហរដ្ឋអាមេរិក និងព័ត៌មានអន្តរជាតិមួយចំនួនទៀត៕

1 hr

March 22, 2021 ព័ត៌មានពេលរាត្រី៖ ២២ មីនា ២០២១ - មីនា 22, 2021

ព័ត៌មានអំពីកម្ពុជាមានដូចជា អ្នកជំងឺម្នាក់ទៀតស្លាប់ដោយសារជំងឺកូវីដ១៩ ខណៈការឆ្លងក្នុងសហគមន៍នៅតែធ្ងន់ធ្ងរ។ ក្នុងទិវាព្រៃឈើអន្តរជាតិ រដ្ឋាភិបាលនិងប្រជាសហគមន៍ខ្វែងគំនិតគ្នារឿងល្បាតព្រៃឡង់។ ក្រសួងធម្មការស្នើតុលាការចាត់វិធានការផ្លូវច្បាប់លើលោក ផែង វណ្ណៈ ទោះមានការសុំទោសរួចហើយ។ នៅក្នុងកម្មវិធី Hello VOA មានកិច្ចពិភាក្សាអំពី «ការឆ្លើយតបរបស់ពិភពលោកចំពោះការវិវត្តនយោបាយ និងជំងឺរាតត្បាតនៅអាស៊ាន»។ រីឯព័ត៌មានអន្តរជាតិវិញមានដូចជា បាតុករមីយ៉ាន់ម៉ា៨នាក់ទៀតត្រូវបានរាយការណ៍ថា ត្រូវបានសម្លាប់ដោយកងកម្លាំងយោធា។ រដ្ឋមន្ត្រីការពារជាតិសហរដ្ឋអាមេរិកបំពេញទស្សនកិច្ចនៅអាហ្វហ្គានីស្ថាន។ រដ្ឋមន្ត្រីក្រសួងសន្តិសុខមាតុភូមិសហរដ្ឋអាមេរិកថា «ព្រំដែនមានសន្តិសុខល្អ»។ រដ្ឋមន្ត្រីការបរទេសអាមេរិកធ្វើទស្សនកិច្ចទៅអឺរ៉ុបដើម្បីលើកស្ទួយសម្ព័ន្ធភាព។ វ៉ាក់សាំងកូវីដ១៩ របស់ក្រុមហ៊ុន AstraZeneca មានសុវត្ថិភាព និងមានប្រសិទ្ធភាព ៧៩%៕

1 hr

March 21, 2021 ព័ត៌មានពេលរាត្រី៖ ២១ មីនា ២០២១ - មីនា 21, 2021

ព័ត៌មានសំខាន់ៗអំពីកម្ពុជាមានដូចជា កម្ពុជាព្យាយាមកាត់បន្ថយការពឹងផ្អែកលើប្រាក់ដុល្លារដោយជំនួសនឹងរូបិយបណ្ណឌីជីថល។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១០ មានកិច្ចពិភាក្សាអំពី «សារៈសំខាន់នៃការអប់រំអំពីសុខភាពបន្តពូជនិងសុខភាពផ្លូវភេទដែលបើកចំហនិងស៊ីជម្រៅ»។ រីឯព័ត៌មានអន្តរជាតិវិញមានដូចជា ៦៣ឆ្នាំក្រោយមក ចិនចាប់ផ្តើមគិតឡើងវិញពីបទបញ្ញត្តិកំណត់កន្លែងស្នាក់នៅដ៏តឹងរ៉ឹង។ ជំងឺកូវីដ១៩ និងភាពតានតឹងនយោបាយ បង្កើនការរើសអើងប្រឆាំងចិនក្នុងប្រទេសអូស្ត្រាលី។ នូវែលសេឡង់ គាំទ្រដល់គម្រោងប្រើប្រាស់ដ្រូន ដើម្បីតាមដានសត្វផ្សោតដ៏កម្រ៕

1 hr

March 20, 2021 ព័ត៌មានពេលរាត្រី៖ ២០ មីនា ២០២១ - មីនា 20, 2021

ព័ត៌មានសំខាន់ៗអំពីកម្ពុជាមានដូចជា «បន្ទាន់និងប្រុងប្រយ័ត្នខ្ពស់» ជាគោលការណ៍របស់ក្រុមគ្រូពេទ្យជួរមុខប្រយុទ្ធនឹងកូវីដ១៩។ ឯកអគ្គរដ្ឋទូត៖ ការពង្រឹងអភិបាលកិច្ចទន្លេមេគង្គជារឿងចាំបាច់។ រីឯព័ត៌មានអន្តរជាតិវិញមានដូចជា អង្គការសិទ្ធិមនុស្សជំរុញឲ្យឥណ្ឌាបញ្ឈប់ផែនការបញ្ជូនជនភៀសខ្លួនរ៉ូហ៊ីងយ៉ា ត្រឡប់ទៅមីយ៉ាន់ម៉ាវិញ។ សហរដ្ឋអាមេរិកចូលរួមឡើងវិញក្នុងកិច្ចព្រមព្រៀងទីក្រុងប៉ារីសស្តីពីការប្រែប្រួលអាកាសធាតុ។ បុរសក្នុងទីក្រុង Detroit ត្រូវបានគេដោះលែងពីពន្ធនាគារ ដោយមានការជួយពីក្រុមនិស្សិតជាអ្នកយកព័ត៌មាន។ មជ្ឈមណ្ឌល Carter តាមដានការគំរាមកំហែងតាមអនឡាញក្នុងប្រទេសអេត្យូពី៕

1 hr

March 19, 2021 ព័ត៌មានពេលរាត្រី៖ ១៩ មីនា ២០២១ - មីនា 19, 2021

ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន ថា ពលរដ្ឋនៅភ្នំពេញត្រៀមទទួលវ៉ាក់សាំង AstraZeneca នៅសល់ ខណៈវ៉ាក់សាំង ១,៥ លានដូសមកដល់នៅសប្តាហ៍ក្រោយ។ អ្នកជំងឺម្នាក់ទៀតនៅកម្ពុជាស្លាប់ដោយសារជំងឺកូវីដ១៩។ ក្រសួងព័ត៌មានដកអាជ្ញាបណ្ណព័ត៌មានរបស់លោក ផែង វណ្ណៈ ដែលវាយប្រហាររឿងវាយលោកនេននឹងរំពាត់។ រីឯព័ត៌មានអន្តរជាតិវិញមានដូចជា អ្នកការទូតកំពូលអាមេរិកនិងចិនប៉ះទង្គិចពាក្យសម្តីគ្នាជាសាធារណៈ នៅឯកិច្ចប្រជុំលើកដំបូងក្រោមរដ្ឋបាលលោក Biden។ សហរដ្ឋអាមេរិកនឹងផ្តល់វ៉ាក់សាំងបង្ការជំងឺកូវីដ១៩ ដល់ប្រទេសជិតខាង។ ខ្មាន់កាំភ្លើងថា ការបាញ់ប្រហារមិនមានចេតនាខាងជាតិសាសន៍ទេ ខណៈប្រធានាធិបតីនិងអនុប្រធានាធិបតី នឹងធ្វើដំណើរទៅក្រុង Atlanta។ ប្រធានាធិបតីឥណ្ឌូណេស៊ីជំរុញឲ្យបញ្ឈប់អំពើហិង្សានៅមីយ៉ាន់ម៉ា និងចង់ឲ្យអាស៊ានពិភាក្សាបញ្ហានេះ។ ក្រុមប្រទេសបួនទប់ទល់នយោបាយវ៉ាក់សាំងការទូតរបស់ចិន។ ឧក្រិដ្ឋកម្មពាក់ព័ន្ធការស្អប់ពលរដ្ឋអាមេរិកាំងដើមកំណើតអាស៊ីកើន ១៥០% ក្នុងទីក្រុងធំៗនៅសហរដ្ឋអាមេរិក។ អង្គការសហប្រជាជាតិថា ការសម្លាប់ក្រុមបាតុករដោយយោធាមីយ៉ាន់ម៉ាកំពុងកើនឡើង និងព័ត៌មានផ្សេងៗទៀត៕

1 hr

March 18, 2021 ព័ត៌មានពេលរាត្រី៖ ១៨ មីនា ២០២១ - មីនា 18, 2021

ព័ត៌មានសំខាន់ៗអំពីកម្ពុជាមានដូចជា កម្ពុជារកឃើញអ្នកឆ្លងថ្មី ៣៥ នាក់ទៀត ក្នុងព្រឹត្តិការណ៍ឆ្លងក្នុងសហគមន៍។ រដ្ឋមន្ត្រីការពារជាតិឲ្យបង្កើនការប្រុងប្រយ័ត្ន ខណៈរកឃើញមន្ត្រីយោធាខ្លះចាក់វ៉ាក់សាំងហើយ នៅតែឆ្លងជំងឺកូវីដ១៩។ រដ្ឋសភាកម្ពុជាជំរុញសភាអឺរ៉ុបវាយតម្លៃស្ថានភាពដោយផ្អែកលើការពិត។ ចាងហ្វាងសារព័ត៌មានដែលរងការវាយដំ ជំរុញសមត្ថកិច្ចចាប់ជនដៃដល់ឲ្យបាន។ នៅក្នុងកម្មវិធី Hello VOA ស្តីពីសុខភាព មានកិច្ចពិភាក្សាអំពី «តើត្រូវធ្វើយ៉ាងណា ពេលមានលទ្ធផលតេស្តវិជ្ជមានកូវីដ១៩។ រីឯព័ត៌មានអន្តរជាតិវិញមានដូចជា ប្រទេសមីយ៉ាន់ម៉ាកាន់តែប្រឈមនឹងភាពឯកោ ខណៈក្រុមយោធាបន្តរឹតបន្តឹងការក្តោបអំណាច។ សហភាពអឺរ៉ុបនឹងចេញផ្សាយលទ្ធផលស៊ើបអង្កេតរបស់ខ្លួន ជុំវិញវ៉ាក់សាំងបង្ការជំងឺកូវីដ១៩ របស់ក្រុមហ៊ុន AstraZeneca។ បុរសម្នាក់មកពីរដ្ឋ Texas ត្រូវបានចាប់ខ្លួនពីបទមានអាវុធ នៅជិតគេហដ្ឋានអនុប្រធានាធិបតីអាមេរិក។ បុរសនៅរដ្ឋ Georgia សហរដ្ឋអាមេរិករងការចោទប្រកាន់ចំនួន ៨ ពីឃាតកម្ម។ លោក Blinken ជំរុញឱ្យចិនបញ្ចុះបញ្ចូលកូរ៉េខាងជើងឱ្យបញ្ឈប់កម្មវិធីនុយក្លេអ៊ែររបស់ខ្លួន និងព័ត៌មានផ្សេងៗទៀត៕

1 hr