កម្មវិធីព័ត៌មានពេលរាត្រី - វីអូអេ podcast - Page 145

April 16, 2021 ព័ត៌មានពេលរាត្រី៖ ១៦ មេសា ២០២១ - មេសា 16, 2021

ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន នឹងចូលរួមកិច្ចប្រជុំនៅឥណ្ឌូណេស៊ី ដែលទំនងពិភាក្សាអំពីស្ថានភាពនយោបាយនៅប្រទេសមីយ៉ាន់ម៉ា។ មនុស្ស ២នាក់ទៀតស្លាប់ដោយសារជំងឺកូវីដ១៩ ក្នុងនោះមានផលិតករភាពយន្តដ៏ល្បីម្នាក់។ រាជធានីភ្នំពេញប្រែស្ងប់ស្ងាត់ ខណៈបិទរាំងខ្ទប់បង្ការការឆ្លងជំងឺកូវីដ១៩។ សង្គមស៊ីវិល៖ នាយករដ្ឋមន្ត្រីមានឥទ្ធិពលលើសារព័ត៌មាន ក្រោយដកអាជ្ញាបណ្ណអ្នកកាសែតម្នាក់។ ជិត៣០ឆ្នាំក្រោយកិច្ចព្រមព្រៀងក្រុងប៉ារីស បញ្ហាអធិបតេយ្យជាតិខ្មែរនៅតែជាកង្វល់ដល់សកម្មជន។ រីឯព័ត៌មានអន្តរជាតិវិញមានដូចជា លោកប្រធានាធិបតី Biden ស្វាគមន៍លោក Suga នាយករដ្ឋមន្ត្រីជប៉ុនជាភ្ញៀវទី ១ និងជាសម្ព័ន្ធមិត្តសំខាន់។ អ្នកប្រឆាំងការគ្រប់គ្រងដោយយោធាមីយ៉ាន់ម៉ា ធ្វើកូដកម្មស្ងាត់ស្ងៀម។ អ.ស.ប.រក្សាបេសកកម្មនៅអាហ្វហ្គានីស្ថាន បន្ទាប់ពីសហរដ្ឋអាមេរិកនិងអូតង់ដកទ័ពចេញ។ ខ្មាន់កាំភ្លើងដែលបានបាញ់ប្រហារនៅទីក្រុង Indianapolis បានស្លាប់។ សំណើថវិការបស់លោក Biden នឹងផ្លាស់ប្តូរអាទិភាពនៃការចាយវាយរបស់សហរដ្ឋអាមេរិក។ ការប្រើប្រាស់ឱសថហួសកម្រិតដ៏គ្រោះថ្នាក់ដល់ជីវិត កំពុងកើនឡើងនៅសហរដ្ឋអាមេរិក៕

1 hr

April 15, 2021 ព័ត៌មានពេលរាត្រី៖ ១៥ មេសា ២០២១ - មេសា 15, 2021

ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន ថា វិធានការបិទខ្ទប់ក្រុងមិនប៉ះពាល់ស្បៀងអាហារនោះទេ។ ភរិយាអ្នកជំងឺកូវីដ១៩ រៀបរាប់ស្ថានភាពសុខភាពស្វាមីស្នាក់ក្នុងបន្ទប់ជួល ខណៈកម្ពុជាខ្វះកន្លែងសម្រាកព្យាបាល។ នៅក្នុងកម្មវិធី Hello VOA ស្តីពីសុខភាពនាថ្ងៃនេះ មានកិច្ចពិភាក្សាអំពី «ការឆ្លងជំងឺកូវីដ១៩ និងវិធានការការពារខ្លួន»។ រីឯព័ត៌មានអន្តរជាតិវិញមានដូចជា អ្នកស្រី Harris មានគម្រោងធ្វើទស្សនកិច្ចទៅកាន់ប្រទេសម៉ិកស៊ិកនិងក្វាតេម៉ាឡា។ កងកម្លាំងសន្តិសុខនៅមីយ៉ាន់ម៉ាចាប់ខ្លួនមេដឹកនាំតវ៉ាដ៏សំខាន់ម្នាក់។ អង្គការអូតង់ថា ខ្លួននឹងដកកងទ័ពចេញពីអាហ្វហ្គានីស្ថាន។ សហរដ្ឋអាមេរិកនឹងដាក់ទណ្ឌកម្មរុស្ស៊ីចំពោះការលួចចូលក្នុងប្រព័ន្ធកំព្យូទ័រ និងការជ្រៀតជ្រែកក្នុងការបោះឆ្នោត។ នាយករដ្ឋមន្ត្រីជប៉ុននឹងពិភាក្សាទល់មុខជាមួយលោក Biden នៅថ្ងៃសុក្រស្អែក។ បេសកជនសហរដ្ឋអាមេរិកថា ទំនាក់ទំនងសហរដ្ឋអាមេរិកជាមួយកោះតៃវ៉ាន់ «រឹងមាំជាងពេលណាៗទាំងអស់»។ ប៉ូលិសដែលបាញ់យុវជន Daunte Wright ប្រឈមការចោទប្រកាន់ពីបទមនុស្សឃាតដោយអចេតនា៕

1 hr

April 14, 2021 ព័ត៌មានពេលរាត្រី៖ ១៤ មេសា ២០២១ - មេសា 14, 2021

ព័ត៌មានអំពីកម្ពុជាមានដូចជា មនុស្ស១៧៧នាក់ទៀតឆ្លងកូវីដ១៩ក្នុងព្រឹត្តិការណ៍២០កុម្ភៈ ខណៈករណីស្លាប់កើនឡើងដល់៣៧នាក់។ តំណាងរដ្ឋាភិបាលថាក្រុមអ្នកជំនាញអង្គការសហប្រជាជាតិបង្អាក់បេសកកម្មប្រឆាំងកូវីដ១៩នៅកម្ពុជា។ អ្នកប្រើប្រាស់បណ្តាញសង្គម TikTok ត្រូវចាប់ខ្លួន រឿងរិះគន់ចំណាត់ការបង្ការជំងឺកូវីដ១៩។ ព្រះសង្ឃនិងពុទ្ធបរិស័ទខ្មែរនៅអាមេរិកប្រារព្ធពិធីបុណ្យចូលឆ្នាំខ្មែរ ទោះកូវីដឆ្លងរាតត្បាតខ្លាំង។ រីឯព័ត៌មានអន្តរជាតិវិញមានដូចជា លោក Biden មានគម្រោងដកកងទ័ពចេញពីអាហ្វហ្គានីស្ថាននៅថ្ងៃទី ១១ ខែកញ្ញា។ ក្រុមតាលីបង់ និងរដ្ឋាភិបាលអាហ្វហ្គានីស្ថាននឹងចូលរួមក្នុងការចរចាសន្តិភាពនៅតួកគី។ លោក Biden ព្រមានលោក Putin អំពីការស្ថាបនាកងទ័ពរុស្ស៊ីនៅជិតព្រំដែនអ៊ុយក្រែន។ លោក Biden បន្តគោលជំហរតឹងរ៉ឹងរបស់រដ្ឋបាលលោក Trump លើផ្នែកពាណិជ្ជកម្មចំពោះចិន។ ពួកមេដឹកនាំពិភពលោកសរសើរព្រះអង្គម្ចាស់ Philip ដែលចូលទិវង្គតកាលពីថ្ងៃទី៩ ខែមេសា ក្នុងព្រះជន្ម៩៩វស្សា និងព័ត៌មានអន្តរជាតិមួយចំនួនទៀត៕

1 hr

April 13, 2021 ព័ត៌មានពេលរាត្រី៖ ១៣ មេសា ២០២១ - មេសា 13, 2021

ព័ត៌មានអំពីកម្ពុជាមានដូចជា អាជ្ញាធរភ្នំពេញបន្តហាមឃាត់ការធ្វើដំណើរពេលយប់១៤ថ្ងៃបន្ថែមទៀត ដើម្បីទប់ស្កាត់ជំងឺកូវីដ១៩។ អតីតមន្ត្រីបក្សប្រឆាំង លោក ថាច់ សេដ្ឋា ទទួលសិទ្ធិធ្វើនយោបាយឡើងវិញ ខណៈប្រឈមបណ្តឹងតុលាការ។ រីឯព័ត៌មានអន្តរជាតិវិញមានដូចជា ក្រុមអ្នកជំនាញថា អន្តរជាតិត្រូវដោះស្រាយរដ្ឋប្រហារនៅមីយ៉ាន់ម៉ាតាមវិធីតុលាការព្រហ្មទណ្ឌអន្តជាតិ ទណ្ឌកម្ម មហាសន្និបាតអ.ស.ប.។ លោក Blinken ធ្វើទស្សនកិច្ចទៅអឺរ៉ុបដើម្បីពិភាក្សាជាមួយសម្ព័ន្ធមិត្តអំពីបញ្ហាអ៊ុយក្រែននិងអាហ្វហ្គានីស្ថាន។ ក្រុមសកម្មជនមីយ៉ាន់ម៉ាលុបចោលពិធីចូលឆ្នាំថ្មីនិងធ្វើការតវ៉ាប្រឆាំងនឹងយោធាដោយស្ងៀមស្ងាត់។ រុស្ស៊ីនិងអ៊ីរ៉ង់រួមគ្នាប្រឆាំងបស្ចិមប្រទេសរឿងកិច្ចព្រមព្រៀងនុយក្លេអ៊ែរអ៊ីរ៉ង់។ វេជ្ជបណ្ឌិតជំងឺបេះដូងថា លោក Floyd មិនមែនស្លាប់ដោយសារជំងឺបេះដូងឬការប្រើថ្នាំញៀនលើសកម្រិតនោះទេ។ ខណៈជនជាតិអាមេរិកកាន់តែច្រើនបានចាក់វ៉ាក់សាំង លោក Biden បង្កើនកិច្ចប្រឹងប្រែងផ្តល់វ៉ាក់សាំងឲ្យបរទេស និងព័ត៌មានអន្តរជាតិមួយចំនួនទៀត៕

1 hr

April 12, 2021 ព័ត៌មានពេលរាត្រី៖ ១២ មេសា ២០២១ - មេសា 12, 2021

ព័ត៌មានអំពីកម្ពុជាមានដូចជា លោក ហ៊ុន សែន ហៅការអំពាវនាវរបស់លោក សម រង្ស៊ី ថា«មានគោលបំណងឲ្យពលរដ្ឋទៅដណ្តើមវ៉ាក់សាំង»។ លោក ហ៊ុន សែន ស្នើអាមេរិកលុបចោលបំណុល ខណៈអ្នកវិភាគថាភាពលម្អៀងទៅចិននៅតែជាបញ្ហា។ ចិនបដិសេធក្ដីសង្ស័យថាខ្លួនរាយ«អន្ទាក់បំណុល»ដាក់កម្ពុជា។ មនុស្ស២៧៧នាក់រកឃើញឆ្លងកូវីដនៅកម្ពុជា ខណៈករណីស្លាប់កើនឡើងដល់៣០នាក់។ នៅក្នុងកម្មវិធី Hello VOA មានកិច្ចពិភាក្សាអំពី «ផលប៉ះពាល់នៃគម្រោងអភិវឌ្ឍន៍តំបន់ឆ្នេរទៅលើសហគមន៍នេសាទនៅកម្ពុជា»។ រីឯព័ត៌មានអន្តរជាតិវិញមានដូចជា រដ្ឋមន្ត្រីការពារជាតិសហរដ្ឋអាមេរិកបញ្ជាក់ឡើងវិញអំពីសម្ព័ន្ធភាពជាមួយអ៊ីស្រាអែល។ អ៊ីរ៉ង់បន្ទោសអ៊ីស្រាអែលរឿងឧបទ្ទវហេតុនៅរោងចក្រនុយក្លេអ៊ែរ Natanz និងបានសន្យាសងសឹក។ ក្រោយរងការរិះគន់ វិបសាយ VICE បានដកចេញនូវរូបថតជនរងគ្រោះរបបខ្មែរក្រហមដែលខ្លួនកែបន្ថែមស្នាមញញឹម។ លោក Blinken រិះគន់ចិនថាបានឆ្លើយតបយឺតយ៉ាវចំពោះការផ្ទុះឡើងនូវជំងឺកូវីដ១៩៕

1 hr

April 11, 2021 ព័ត៌មានពេលរាត្រី៖ ១១ មេសា ២០២១ - មេសា 11, 2021

ព័ត៌មានសំខាន់ៗអំពីកម្ពុជាមានដូចជា សង្គមស៊ីវិលជំរុញឲ្យផ្តល់ទំនុកចិត្តលើវ៉ាក់សាំង ខណៈនាយករដ្ឋមន្រ្តីព្រមានមន្រ្តីរាជការថាមិនចាក់វ៉ាក់សាំងអាចបាត់បង់ការងារ។ របាយការណ៍៖ កម្ពុជាបាត់បង់គម្របព្រៃឈើកន្លះលានហិកតាក្នុងរយៈពេលជាង១០ឆ្នាំ។ នៅក្នុងកម្មវិធីផតខាសថ៍ (Podcast) «កម្ពុជាសម្លឹងទៅមុខ ឬ Envision Cambodia» ភាគទី ១១ មានកិច្ចពិភាក្សាអំពី «អនាគតទន្លេមេគង្គក្រោមកិច្ចសហប្រតិបត្តិការអនុតំបន់ទន្លេមេគង្គ»។ រីឯព័ត៌មានអន្តរជាតិវិញ មានដូចជា សភាសហរដ្ឋអាមេរិកពិនិត្យឡើងវិញលើអំណាចធ្វើសង្គ្រាមរបស់ប្រធានាធិបតី៕

1 hr

April 10, 2021 ព័ត៌មានពេលរាត្រី៖ ១០ មេសា ២០២១ - មេសា 10, 2021

ព័ត៌មានសំខាន់ៗអំពីកម្ពុជាមានដូចជា ភ្នំពេញក្នុងទំនាក់ទំនងអនាគតជាមួយមេដឹកនាំថ្មីនៅហាណូយ។ ការចាក់វ៉ាក់សាំងកូវីដ១៩ ស៊ីណូវ៉ាក់នៅកម្ពុជា៖ ក្រុមអាទិភាព លក្ខខណ្ឌសុខភាព និងកន្លែងចែកចាយ។ រីឯព័ត៌មានអន្តរជាតិវិញមានដូចជា វិទ្យាស្ថានស្រាវជ្រាវគោលនយោបាយចិន៖ អាមេរិកមានសកម្មភាពយោធាខ្លាំងកាលពីឆ្នាំមុននៅតំបន់សមុទ្រមានជម្លោះដើម្បីដាក់សម្ពាធលើចិន។ ធនាគារពិភពលោក និងធនាគារអភិវឌ្ឍន៍អាស៊ីបង្កកមូលនិធិដែលត្រូវផ្តល់ទៅមីយ៉ាន់ម៉ាដើម្បីបញ្ចៀសកុំឱ្យធ្លាក់ដល់ដៃរដ្ឋាភិបាលយោធា។ វ៉ាក់សាំងចិនដែលត្រូវបានបញ្ជូនទៅប្រទេសកំពុងអភិវឌ្ឍន៍អាចធ្វើឱ្យមានការព្រួយបារម្ភ។ សកម្មជនបរិស្ថានអ៊ូហ្គាន់ដាប្រមូលផ្តុំសិស្សសាលាដើម្បីឲ្យពួកគេយល់ពីតម្លៃព្រៃឈើ។ អ.ស.ប ថាបន្ទុកបំណុលធ្ងន់ធ្ងរធ្វើឲ្យបណ្តាប្រទេសកំពុងអភិវឌ្ឍន៍ជាប់គាំងនៅក្នុងភាពក្រីក្រ៕

1 hr

April 09, 2021 ព័ត៌មានពេលរាត្រី៖ ៩ មេសា ២០២១ - មេសា 09, 2021

ព័ត៌មានសំខាន់ៗអំពីកម្ពុជាមានដូចជា ភ្នំពេញក្នុងទំនាក់ទំនងអនាគតជាមួយមេដឹកនាំថ្មីនៅហាណូយ។ កម្ពុជារកឃើញ ៥៧៦ករណីឆ្លងថ្មីនៃជំងឺកូវីដក្នុងមួយថ្ងៃ។ ស្នងការរងប៉ូលិសខេត្តកំពតត្រូវបានចាប់ខ្លួនបញ្ជូនទៅតុលាការពីបទសង្ស័យថាជួញដូរគ្រឿងញៀន។ សហគមន៍ខ្មែរនៅសហរដ្ឋអាមេរិកបង្កើនការប្រុងប្រយ័ត្នក្រោយការកើនឡើងនៃការរើសអើងពូជសាសន៍អាស៊ី។ រីឯព័ត៌មានអន្តរជាតិវិញមានដូចជា ជននិរទេសខ្លួនមីយ៉ាន់ម៉ាកំពុងស្វែងរកជម្រកក្នុងរដ្ឋ Kayin។ អ្នកជំនាញផ្តល់សក្ខីកម្មថា កម្លាំងរបស់លោក Chauvin សង្កត់លើលោក Floyd បង្កគ្រោះថ្នាក់ដល់ជីវិត។ វេជ្ជបណ្ឌិតផ្តល់សក្ខីកម្មថា លោក George Floyd បានស្លាប់ដោយសារខ្វះអុកស៊ីសែន។ សំណើហេដ្ឋារចនាសម្ព័ន្ធ ២លានលានដុល្លាររបស់លោក Biden ប្រឈមការជំទាស់។ ប្រេសិតអ.ស.ប.ពិភាក្សាអំពីវិធានការការទូតចំពោះប្រទេសមីយ៉ាន់ម៉ា។ ក្រុងតូក្យូរឹតបន្តឹងវិធានការទប់ស្កាត់មេរោគរយៈពេលជិត ១០០ថ្ងៃ មុនកម្មវិធីកីឡាអូឡាំពិក។ សហរដ្ឋអាមេរិកចូលរួមក្រុមប្រទេសការពារអាកាសធាតុនិងសន្តិសុខ។ មេដឹកនាំសិង្ហបុរីនាពេលអនាគតបានដកខ្លួន ដោយលើកឡើងពីអាយុចាស់៕

1 hr

April 08, 2021 ព័ត៌មានពេលរាត្រី៖ ៨ មេសា ២០២១ - មេសា 08, 2021

ព័ត៌មានសំខាន់ៗអំពីកម្ពុជាមានដូចជា កម្មករជិត៥០នាក់នៅភ្នំពេញត្រូវបានរកឃើញឆ្លងកូវីដ១៩ ដែលបង្កជាក្តីបារម្ភពីការផ្ទុះឆ្លងនៅតាមរោងចក្រ។ មនុស្ស២នាក់ទៀតស្លាប់ដោយសារជំងឺកូវីដ១៩ ខណៈមានអ្នកឆ្លងថ្មីជាង១០០នាក់ទៀត។ ការចាក់វ៉ាក់សាំងកូវីដ១៩ ស៊ីណូវ៉ាក់នៅកម្ពុជា៖ ក្រុមអាទិភាព លក្ខខណ្ឌសុខភាព និងកន្លែងចែកចាយ។ កិច្ចសន្ទនារវាងអ្នកយកព័ត៌មានឲ្យ VOA អំពីការឆ្លងរាលដាលនៃវីរុសកូរ៉ូណាក្នុងរោងចក្រកាត់ដេរនិងនៅរាជធានីភ្នំពេញ។ នៅក្នុងកម្មវិធី Hello VOA ថ្ងៃនេះ មានការពិភាក្សាអំពី «ផលនៃអំពើពុករលួយទៅលើការឆ្លងជំងឺកូវីដ១៩ក្នុងសហគមន៍នៅកម្ពុជា»។ រីឯព័ត៌មានអន្តរជាតិវិញមានដូចជា លោក Biden នៅរក្សាជំហរពាណិជ្ជកម្មតឹងរ៉ឹងរបស់លោក Trump ចំពោះប្រទេសចិន។ លោក Biden នឹងប្រកាសអំពីវិធានការថ្មីដើម្បីដោះស្រាយអំពើហិង្សាដោយកាំភ្លើង។ និយតករអឺរ៉ុបចាត់ទុកបញ្ហាកំណកឈាមថាជាផលប៉ះពាល់ដ៏កម្របំផុតនៃការចាក់វ៉ាក់សាំងកូវីដ១៩ របស់ក្រុមហ៊ុន AstraZeneca។ សហរដ្ឋអាមេរិកនិងអ៊ីរ៉ាក់ចាប់ផ្ដើមពិភាក្សាអំពីការដកកងទ័ពអាមេរិកចេញពីអ៊ីរ៉ាក់ និងព័ត៌មានផ្សេងៗទៀត៕

1 hr

April 07, 2021 ព័ត៌មានពេលរាត្រី៖ ៧ មេសា ២០២១ - មេសា 07, 2021

ព័ត៌មានសំខាន់ៗអំពីកម្ពុជាមានដូចជា អាជីវករនៅភ្នំពេញបារម្ភកាន់តែខ្លាំងអំពីការឆ្លងជំងឺកូវីដ១៩ ខណៈរដ្ឋាភិបាលរឹតបន្តឹងការធ្វើដំណើរឆ្លងខេត្ត។ តំណាងមីក្រូហិរញ្ញវត្ថុនិងធនាគារថា អ្នកជំងឺកូវីដនិងអ្នកធ្វើចត្តាឡីស័កនឹងទទួលបានការអនុគ្រោះបង់សងកម្ចី។ កិច្ចសន្ទនារវាងអ្នកយកព័ត៌មានឲ្យ VOA អំពីស្ថានភាពនៅរាជធានីភ្នំពេញ មួយសប្តាហ៍នៃបម្រាមគោចរ។ នៅក្នុងកម្មវិធីផតខាសថ៍ (Podcast) «កម្ពុជាសម្លឹងទៅមុខ ឬ Envision Cambodia» ភាគទី ១១ មានកិច្ចពិភាក្សាអំពី «អនាគតទន្លេមេគង្គក្រោមកិច្ចសហប្រតិបត្តិការអនុតំបន់ទន្លេមេគង្គ»។ រីឯព័ត៌មានអន្តរជាតិវិញ មានដូចជា លោក Joe Biden ថា ពលរដ្ឋអាមេរិកាំងគ្រប់រូបអាយុពី ១៨ ឆ្នាំឡើងនឹងអាចចាក់វ៉ាក់សាំងកូវីដ១៩ នៅត្រឹមថ្ងៃទី ១៩ ខែមេសា។ យោធាមីយ៉ាន់ម៉ាសម្លាប់បាតុករ ៧ នាក់នៅថ្ងៃពុធនេះ ខណៈរោងចក្ររបស់ចិនមួយកន្លែងត្រូវបានដុតបំផ្លាញ។ អង្គការ IMF ថា សេដ្ឋកិច្ចសាកលលោកងើបពីវិបត្តិជំងឺកូវីដ១៩ លឿនជាងការរំពឹងទុក។ ចិនកាត់ទោសប្រហារជីវិតអតីតមន្ត្រីតំបន់ Xinjiang ពីរនាក់ពីបទផ្ដាច់ខ្លួន និងព័ត៌មានអន្តរជាតិផ្សេងៗទៀត៕

1 hr