កម្មវិធីព័ត៌មានពេលរាត្រី - វីអូអេ podcast - Page 150

February 25, 2021 ព័ត៌មានពេលរាត្រី៖ ២៥ កុម្ភៈ ២០២១ - កុម្ភៈ 25, 2021

ព័ត៌មានសំខាន់ៗអំពីកម្ពុជាមានដូចជា អង្គការ Amnesty International៖ ព្រៃឡង់ស្ថិតក្នុងហានិភ័យធ្ងន់ធ្ងរ ខណៈមិនមានវត្តមានអ្នកល្បាតព្រៃសហគមន៍។ មនុស្សជិត ៦០ នាក់ទៀតឆ្លងកូវីដ១៩ ក្នុងចង្កោមឆ្លងសហគមន៍ទ្រង់ទ្រាយធំ។ នៅក្នុងកម្មវិធី Hello VOA ថ្ងៃនេះ មានការពិភាក្សាអំពី «រដ្ឋប្រហារនៅមីយ៉ាន់ម៉ារាំងស្ទះក្តីប្រាថ្នាពលករចង់វិលទៅស្រុក៖ តើកម្ពុជាអាចធ្វើអ្វីខុសពីគ្នា?។ រីឯព័ត៌មានអន្តរជាតិវិញមានដូចជា អង្គការក្រៅរដ្ឋាភិបាល ១៣៧ មកពីប្រទេស ៣១ ស្នើអង្គការសហប្រជាជាតិឲ្យហាមឃាត់ការលក់អាវុធដល់មីយ៉ាន់ម៉ា។ Facebook បិទគណនីទាំងអស់របស់យោធាមីយ៉ាន់ម៉ាក្រោមហេតុផលរដ្ឋប្រហារ។ លោក Biden លុបចោលបម្រាមរបស់លោក Trump ដែលរារាំងអ្នកដាក់ពាក្យសុំប័ណ្ណរស់នៅអចិន្ត្រៃយ៍ជាច្រើន។ លោក Biden បញ្ជាឲ្យពិនិត្យឡើងវិញដើម្បីពង្រឹងខ្សែសង្វាក់ផ្គត់ផ្គង់។ ប្រធានាធិបតីចិន លោក Xi Jinping អួតពី «អព្ភូតហេតុ» របស់ចិនក្នុងការដោះស្រាយភាពក្រីក្រ។ អូស្ត្រាលីអនុម័តច្បាប់ឲ្យក្រុមហ៊ុន Facebook និង Google បង់ប្រាក់ដើម្បីចែកចាយអត្ថបទព័ត៌មាន និងព័ត៌មានផ្សេងទៀត៕

1 hr

February 24, 2021 ព័ត៌មានពេលរាត្រី៖ ២៤ កុម្ភៈ ២០២១ - កុម្ភៈ 24, 2021

ព័ត៌មានសំខាន់ៗអំពីកម្ពុជាមានដូចជា ចង្កោមឆ្លងកូវីដក្នុងសហគមន៍រាលដាលដល់ខេត្តខ្លះរួមទាំងក្រុងព្រះសីហនុ។ បាតុកម្មនៅទីក្រុងហុងកុង ត្រូវបានរំលេចត្រួសៗក្នុងសវនាការសំណុំរឿងក្បត់ជាតិរបស់បក្សប្រឆាំង។ ទស្សនៈខ្មែរអាមេរិកាំងចំពោះការមិនដាក់ទោសលោក ដូណាល់ ត្រាំ។ រីឯព័ត៌មានអន្តរជាតិវិញមានដូចជា ឥណ្ឌូណេស៊ីកំពុងចរចាដើម្បីដោះស្រាយវិបត្តិរដ្ឋប្រហារយោធានៅមីយ៉ាន់ម៉ា។ សហរដ្ឋអាមេរិកនិងកាណាដាបេ្ដជ្ញាសម្រេចឲ្យបាន «តុល្យភាពនៃការបញ្ចេញឧស្ម័នកាបូនត្រឹមឆ្នាំ ២០៥០»។ អង្គការ Human Rights Watch ថា ចិនធ្វើទុក្ខបុកម្នេញច្រើននិងដាក់ទោសយូរលើជាតិសាសន៍អ៊ុយហ្គ័រ។ សហរដ្ឋអាមេរិកស្វែងរកការគាំទ្រឲ្យបានចូលជាសមាជិករបស់ក្រុមប្រឹក្សាសិទ្ធិមនុស្សអង្គការសហប្រជាជាតិឡើងវិញ។ អតីតមន្ត្រីសន្តិសុខអាមេរិកថា ការបរាជ័យផ្នែកស៊ើបការណ៍ជាហេតុបង្កឲ្យមានការវាយប្រហារលើវិមានសភា។ ប្រទេសជាសម្ព័ន្ធមិត្តរបស់សហរដ្ឋអាមេរិកស្វាគមន៍ផែនការរបស់លោក Biden ក្នុងការប្រឈមរួមគ្នានឹងប្រទេសចិន។ សាលារៀនរងសម្ពាធឲ្យបើកដំណើរការ ខណៈគ្រូបង្រៀនត្រូវការចាក់វ៉ាក់សាំង និងព័ត៌មានផ្សេងៗទៀត៕

1 hr

February 23, 2021 ព័ត៌មានពេលរាត្រី៖ ២៣ កុម្ភៈ ២០២១ - កុម្ភៈ 23, 2021

ព័ត៌មានអំពីកម្ពុជាមានដូចជា កម្ពុជារកឃើញកូវីដបម្លែងថ្មីក្នុងចង្កោមឆ្លងសហគមន៍ទ្រង់ទ្រាយធំ។ ជនបរទេសនឹងត្រូវបណ្តេញចេញពីកម្ពុជា បើ«មិនសហការ»ក្នុងប្រតិបត្តិការប្រឆាំងជំងឺកូវីដ១៩។ អតីតមេឃុំបក្សសង្គ្រោះជាតិស្រណោះកិច្ចការមិនទាន់សម្រេចមុនបក្សត្រូវរំលាយ។ «រួមសុខរួមទុក្ខ» គឺជាពាក្យស្លោកក្នុងការប្រមូលផ្តុំគ្នានៅសាលាក្រុងឡូវែលប្រឆាំងរដ្ឋប្រហារនៅមីយ៉ាន់ម៉ា។ រីឯព័ត៌មានអន្តរជាតិវិញមានដូចជា សហរដ្ឋអាមេរិកដាក់ទណ្ឌកម្មលើមន្ត្រីយោធាមីយ៉ាន់ម៉ាពីរនាក់បន្ថែមទៀត។ មេដឹកនាំសកម្មជនមីយ៉ាន់ម៉ាប្ដេជ្ញាតតាំងនឹងរដ្ឋប្រហារយោធា។ លោក Biden ចូលរួមរំលែកទុក្ខអ្នកស្លាប់កន្លះលាននាក់ដោយសារជំងឺកូវីដ១៩ នៅសហរដ្ឋអាមេរិក។ តុលាការម៉ាឡេស៊ីផ្អាកការបញ្ជូនពលរដ្ឋមីយ៉ាន់ម៉ា ១.២០០ នាក់ចេញពីប្រទេស។ រដ្ឋសភាកាណាដាកំណត់ថា ទង្វើរបស់ចិនលើជាតិសាសន៍អ៊ុយហ្គ័រគឺជាអំពើប្រល័យពូជសាសន៍។ មេធាវីសិទ្ធិមនុស្សអង់គ្លេសត្រៀមខ្លួនក្លាយជាអគ្គរដ្ឋអាជ្ញាប្រចាំតុលាការឧក្រិដ្ឋកម្មអន្តរជាតិ។ ដោយលោក Alexei Navalny ជាប់ឃុំឃាំង គណបក្សប្រឆាំងរុស្ស៊ី ប្រឈមនឹងអនាគតមិនប្រាកដប្រជា៕

1 hr

February 22, 2021 ព័ត៌មានពេលរាត្រី៖ ២២ កុម្ភៈ ២០២១ - កុម្ភៈ 22, 2021

ព័ត៌មានអំពីកម្ពុជាមានដូចជា កម្ពុជារងគ្រោះឆ្លងកូវីដ១៩ចូលសហគមន៍ទ្រង់ទ្រាយធំក្នុងចំណោមជនជាតិចិន ដោយមិនទាន់ដឹងប្រភព។ គណបក្សថ្មីនិងចាស់ត្រៀមប្រកួតនៅថ្នាក់ឃុំសង្កាត់ក្នុងបរិយាកាសនយោបាយរឹតត្បិត។ កម្មវិធី Hello VOA មានកិច្ចពិភាក្សាអំពី «ដំណាក់កាលថ្មីនៃគោលនយោបាយភូមិ ឃុំ-សង្កាត់មានសុវត្ថិភាព និងបញ្ហាប្រឈមនៅមូលដ្ឋាន»។ រីឯព័ត៌មានអន្តរជាតិវិញមានដូចជា បាតុកម្មប្រឆាំងរដ្ឋប្រហារនៅបន្តធ្វើនៅមីយ៉ាន់ម៉ានៅថ្ងៃចន្ទនេះ ទោះមានការគំរាមពីយោធាក៏ដោយ។ ចិនអំពាវនាវឲ្យចាប់ផ្ដើមឡើងវិញនូវទំនាក់ទំនងរវាងខ្លួននិងសហរដ្ឋអាមេរិក។ សហរដ្ឋអាមេរិកចាប់ផ្តើមចរចារឿងចំណាប់ខ្មាំងជាមួយអ៊ីរ៉ង់។ សេតវិមានសង្ឃឹមថា សាលារៀនរដ្ឋភាគច្រើននឹងបើកឡើងនៅខែមេសា។ សមាជិករដ្ឋសភាអាមេរិករិះគន់អំពើហិង្សាប្រឆាំងជាតិសាសន៍អាស៊ីនៅក្នុងសហរដ្ឋអាមេរិក៕

1 hr

February 21, 2021 ព័ត៌មានពេលរាត្រី៖ ២១ កុម្ភៈ ២០២១ - កុម្ភៈ 21, 2021

ព័ត៌មានសំខាន់ៗអំពីកម្ពុជាមានដូចជា អ្នកតាមដានស្នើឲ្យដោះស្រាយបញ្ហានៅថ្នាក់ឃុំសង្កាត់ ដោយមានការចូលរួមពហុបក្ស។ ក្នុងបន្ទប់សវនាការ សកម្មជនបដិសេធចម្លើយ«បង្ខំ»ឱ្យសារភាពជាមួយនគរបាល។ រីឯព័ត៌មានអន្តរជាតិវិញមានដូចជា ប្រទេសមួយមានឈ្មោះពីរ៖ ភូមា ឬមីយ៉ាន់ម៉ា?។ សហរដ្ឋអាមេរិកអាចឈប់ប្រើពាក្យ«ជនបរទេស»នាពេលខាងមុខ។ អ្នកជំនាញថា ចិនកំពុងជួយយោធាមីយ៉ាន់ម៉ាបង្កើតជញ្ជាំងការពារតាមប្រព័ន្ធអ៊ីនធឺណិត។ ការលុបចោល«បំរាមធ្វើដំណើរ»ក្រោមរដ្ឋបានរបស់លោក Trump ត្រូវការពេលដើម្បីអនុវត្ត។ អ្នកកាសែតស៊ីមបាវ៉េដែលធ្លាប់ត្រូវបានចាប់ខ្លួនច្រើនដង ងាកទៅតវ៉ាតាមរយៈតន្ត្រី។ ពួកអ្នកស្រុកនិងពួកជនបរទេសនៅភូមា សម្តែងការស្រងាកចិត្តនឹងរដ្ឋប្រហារ៕

1 hr

February 20, 2021 ព័ត៌មានពេលរាត្រី៖ ២០ កុម្ភៈ ២០២១ - កុម្ភៈ 20, 2021

ព័ត៌មានសំខាន់ៗអំពីកម្ពុជាមានដូចជា អ្នកវិភាគថា រឿងក្តីមេដឹកនាំបក្សប្រឆាំង ប្រៀបដូចជា«ការចាប់ជំរិតនយោបាយ»។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» មានការពិភាក្សាអំពី «សមភាពយេនឌ័រនិងសុខភាពបន្តពូជ»។ រីឯព័ត៌មានអន្តរជាតិវិញមានដូចជា ប្រធានាធិបតីម៉ិកស៊ិកគាំទ្រការសម្រេចរបស់លោក Biden ក្នុងការបញ្ឈប់ការសាងសង់ជញ្ជាំងព្រំដែន។ អ្នកដឹកនាំភាពយន្តស្រីផ្តល់នូវទស្សនវិស័យប្លែកៗអំពីតួអង្គស្ត្រី៕

1 hr

February 19, 2021 ព័ត៌មានពេលរាត្រី៖ ១៩ កុម្ភៈ ២០២១ - កុម្ភៈ 19, 2021

ព័ត៌មានសំខាន់ៗអំពីកម្ពុជាមានដូចជា ក្រុមសិទ្ធិមនុស្សថា រដ្ឋាភិបាលកាន់តែមានអំណាចច្រើនគ្រប់គ្រងអ៊ិនធឺណិត ក្រោយបង្កើតអនុក្រឹត្យចម្រូងចម្រាសមួយ។ បាតុកម្មនៅទីក្រុងហុងកុងត្រូវបានរំលេចត្រួសៗ ក្នុងសវនាការសំណុំរឿងក្បត់ជាតិរបស់បក្សប្រឆាំង។ ក្រុមសិទ្ធិមនុស្សថា ការបង្កកសវនាការលោក កឹម សុខា អាចធ្វើឲ្យខាតបង់សេដ្ឋកិច្ច ទោះចំណេញនយោបាយ។ ក្រុមមន្រ្តីព្រមានថា អ្នកចែករំលែកព័ត៌មាន«ក្លែងក្លាយ»អំពីការស្លាប់ដោយចាក់វ៉ាក់សាំង ត្រូវជាប់ពន្ធនាគារ។ រីឯព័ត៌មានអន្តរជាតិវិញមានដូចជា យុវនារីមីយ៉ាន់ម៉ាម្នាក់ដែលត្រូវប៉ូលិសបាញ់ក្នុងពេលបាតុកម្ម បានស្លាប់ហើយ។ លោក Biden សន្យាផ្តល់ប្រាក់៤ពាន់លានដុល្លារដល់កម្មវិធីវ៉ាក់សាំង COVAX នៅឯជំនួប G7 នៅថ្ងៃសុក្រនេះ។ ស្រ្តីនិងជនជាតិអាហ្វ្រិកដំបូងត្រូវបានជ្រើសតាំងជាប្រធានអង្គការពាណិជ្ជកម្មពិភពលោក។ អ្នកតំណាងពាណិជ្ជកម្មរបស់លោក Biden ត្រូវគេរំពឹងថា នឹងតតាំងជាមួយប្រទេសចិន។ សហរដ្ឋអាមេរិកថា ខ្លួនប្រុងប្រៀបហើយដើម្បីចរចាជាមួយអ៊ីរ៉ង់អំពីកិច្ចព្រមព្រៀងនុយក្លែអ៊ែរ។ យានរុករក Perseverance របស់ NASA បានចុះចតលើភពព្រះអង្គារដោយជោគជ័យ និងព័ត៌មានផ្សេងៗទៀត៕

1 hr

February 18, 2021 ព័ត៌មានពេលរាត្រី៖ ១៨ កុម្ភៈ ២០២១ - កុម្ភៈ 18, 2021

ព័ត៌មានសំខាន់ៗអំពីកម្ពុជាមានដូចជា រដ្ឋាភិបាលដាក់វិធានការពិន័យអ្នកគេចវេះពីការធ្វើចត្តាឡីស័ក។ យូណេស្កូបារម្ភថាគម្រោងណាហ្គាអាចប៉ះពាល់គុណតម្លៃឧទ្យានអង្គរ។ នៅក្នុងកម្មវិធី Hello VOA មានការពិភាក្សាអំពី «វ៉ាក់សាំងកូវីដ១៩៖ តើមានប្រសិទ្ធភាពទេ? តើមានសុវត្ថិភាពទេ?»។ រីឯព័ត៌មានអន្តរជាតិវិញមានដូចជា ប៉ូលិសមីយ៉ាន់ម៉ាបង្ក្រាបការធ្វើកូដកម្មរបស់កម្មករផ្លូវដែក។ ប្រេសិតសិទ្ធិមនុស្ស អ.ស.ប. ថា យុវជនមីយ៉ាន់ម៉ានឹងមិនត្រឡប់ទៅរបបនយោបាយចាស់វិញទេ។ ក្រុមហ៊ុន Facebook រាំងខ្ទប់មិនឱ្យពលរដ្ឋអូស្ត្រាលីអាចមើល ឬចែកចាយខ្លឹមសារព័ត៌មានបាន។ តុលាការម៉ាឡេស៊ីបញ្ជាឲ្យបន្តការកាត់ក្ដីលើភរិយាអតីតនាយករដ្ឋមន្ត្រី Najib ពីបទអំពើពុករលួយ។ ចក្រភពអង់គ្លេសអនុម័តការធ្វើតេស្តដំបូងដល់អ្នកឆ្លងជំងឺ ដើម្បីសិក្សាពីផលប៉ះពាល់នៃជំងឺកូវីដ១៩។ ពលរដ្ឋនៅរដ្ឋ Texas ត្រូវប្រឈមនឹងបញ្ហាគ្មានអគ្គិសនី គ្មានទឹក ដោយសារព្យុះព្រិលរដូវរងា និងព័ត៌មានអន្តរជាតិផ្សេងៗទៀត៕

1 hr

February 17, 2021 ព័ត៌មានពេលរាត្រី៖ ១៧ កុម្ភៈ ២០២១ - កុម្ភៈ 17, 2021

ព័ត៌មានអំពីកម្ពុជាមានដូចជា រដ្ឋាភិបាលអនុម័តអនុក្រឹត្យច្រកទ្វារអ៊ិនធឺណិតជាតិ ខណៈមានការព្រួយបារម្ភអំពីការរឹតត្បិត។ បទសម្ភាសន៍ VOA៖ សម្លឹងទៅមុខឆ្នាំ២០៤០ គរុកោសល្យនិងហេដ្ឋារចនាសម្ព័ន្ធក្នុងវិស័យអប់រំកម្ពុជា។ រីឯព័ត៌មានអន្តរជាតិវិញមានដូចជា ក្រុមប្រឆាំងនឹងរដ្ឋប្រហារមីយ៉ាន់ម៉ាធ្វើបាតុកម្មដ៏ធំដើម្បីច្រានចោលការអះអាងរបស់យោធា។ លោក Biden បញ្ជាក់ឡើងវិញនូវគោលដៅបើកសាលាបឋមសិក្សាឡើងវិញ។ លោក Biden ថា ចិនប្រឈមផលវិបាកលើសិទ្ធិមនុស្ស ខណៈដែលនាវាសហរដ្ឋអាមេរិកបើកក្នុងសមុទ្រចិនខាងត្បូង។ ប្រទេសជប៉ុនចាប់ផ្តើមយុទ្ធនាការចាក់វ៉ាក់សាំងបង្ការជំងឺកូវីដ១៩ ខណៈមានការព្រួយបារម្ភអំពីការប្រកួតកីឡាអូឡាំពិក។ មនុស្សយ៉ាងហោចណាស់ ២០ នាក់ស្លាប់ និងរាប់លាននាក់ត្រូវរងអាកាសធាតុត្រជាក់ខ្លាំងដោយគ្មានអគ្គិសនីនៅអាមេរិក។ ក្រុមហ៊ុន Moderna នឹងផ្គត់ផ្គង់វ៉ាក់សាំងលើកទីពីរចំនួន ១០០ លានដូសនៅត្រឹមខែឧសភាដល់អាមេរិក។ លិខិតឆ្លងដែនអ្នកចាក់វ៉ាក់សាំងជិតសម្រេចបាននៅអឺរ៉ុប ប៉ុន្តែមានការប្រឆាំងជំទាស់ និងព័ត៌មានអន្តរជាតិមួយចំនួនទៀត៕

1 hr

February 16, 2021 ព័ត៌មានពេលរាត្រី៖ ១៦ កុម្ភៈ ២០២១ - កុម្ភៈ 16, 2021

ព័ត៌មានអំពីកម្ពុជាមានដូចជា កម្ពុជាការពារចំណាត់ការលើសកម្មជនចំពោះ«សកម្មភាពញុះញង់» ដោយប្រៀបធៀបនឹងករណីលោក ដូណាល់ ត្រាំ។ ទឹកទន្លេមេគង្គធ្លាក់ចុះដល់កម្រិត«ព្រួយបារម្ភ» ខណៈមានការអំពាវនាវឲ្យចិនផ្តល់ទិន្នន័យទំនប់វារីអគ្គិសនី។ ស្នងការខេត្តបាត់ដំបង៖ អធិការស្រុកកំរៀងប្រឈមមុខតុលាការ ក្រោយផ្ទុះករណីពលករឆ្លងដែនពីថៃមិនធ្វើចត្តាឡីស័ក។ វេជ្ជបណ្ឌិតខ្មែរអាមេរិកាំងទី១ បានស្លាប់ក្នុងការប្រយុទ្ធនឹងវីរុសកូរ៉ូណា។ រីឯព័ត៌មានអន្តរជាតិវិញមានដូចជា បាតុករមីយ៉ាន់ម៉ាឃាំងផ្លូវរថភ្លើង ខណៈអង្គការសហប្រជាជាតិព្រមានប្រឆាំងការបង្រ្កាបរបស់ប៉ូលិស។ ពួកអ្នកស្រុកនិងពួកជនបរទេសនៅភូមាសម្តែងការស្រងាកចិត្តនឹងរដ្ឋប្រហារ។ អាមេរិកដាក់ទណ្ឌកម្មលើរដ្ឋប្រហារនៅមីយ៉ាន់ម៉ា។ អង្គការសុខភាពពិភពលោក (WHO) អនុញ្ញាតឲ្យប្រើប្រាស់ក្នុងគ្រាអាសន្ននូវវ៉ាក់សំាងរបស់ក្រុមហ៊ុន AstraZeneca ចំនួន ២។ អ្នកស្រី Pelosi ថា គណ:កម្មការឯករាជ្យមួយនឹងស៊ើបអង្កេតករណីកុបកម្មនៅវិមានសភាអាមេរិក។ សហរដ្ឋអាមេរិកអាចឈប់ប្រើពាក្យ«ជនបរទេស»នាពេលខាងមុខ។ ការវាយប្រហារដោយរ៉ុក្កែតនៅក្នុងប្រទេសអ៊ីរ៉ាក់បានសម្លាប់បុគ្គលិកជាប់កិច្ចសន្យាម្នាក់របស់កងកម្លាំងសម្ព័ន្ធមិត្ត៕

1 hr