កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

February 04, 2021 ព័ត៌មានពេលរាត្រី៖ ៤ កុម្ភៈ ២០២១ - កុម្ភៈ 04, 2021
ព័ត៌មានអំពីកម្ពុជាមានដូចជា ការសិក្សាថ្មីបង្ហាញថា ការអភិវឌ្ឍតំបន់ឆ្នេរ«គំរាមកំហែង»បរិស្ថាននិងសហគមន៍នេសាទ។ ចិនគ្រោងនាំជំនួយវ៉ាក់សាំងកូវីដ១៩មកដល់ភ្នំពេញដំបូង៦០ម៉ឺនដូសនៅថ្ងៃអាទិត្យ។ នៅក្នុងកម្មវិធី Hello VOA មានកិច្ចពិភាក្សាអំពី «ឥទ្ធិពលនៃរដ្ឋប្រហារមីយ៉ាន់ម៉ានៅកម្រិតតំបន់និងសកលលោក»។ រីឯព័ត៌មានអន្តរជាតិវិញមានដូចជា អគ្គលេខាធិការអង្គការសហប្រជាជាតិថា រដ្ឋប្រហារ«ដែលមិនអាចទទួលយកបាន»នៅមីយ៉ាន់ម៉ា ត្រូវតែបរាជ័យ។ ក្រុមហ៊ុនអ៊ីនធឺណិតនៅមីយ៉ាន់ម៉ាបិទហ្វេសប៊ុក បន្ទាប់ពីមានបញ្ជាពីរដ្ឋាភិបាល។ លោក Biden នៅតែប្តេជ្ញាផ្តល់ថវិកាជំនួយចំនួន ១.៤០០ ដុល្លារដល់ពលរដ្ឋម្នាក់ៗ។ នាវាចម្បាំងអាមេរិកដំបូងឆ្លងកាត់ច្រកសមុទ្រតៃវ៉ាន់ ចាប់តំាងពីលោក Biden ចូលកាន់តំណែងមក។ ចក្រភពអង់គ្លេសចាប់ផ្តើមសិក្សាដើម្បីពិនិត្យមើលថាតើវ៉ាក់សាំងបង្ការជំងឺកូវីដ១៩ផ្សេងគ្នា អាចប្រើរួមគ្នាបានឬក៏យ៉ាងណា។ លោក Moon និងលោកBiden យល់ព្រមធ្វើការជាមួយគ្នាទៅលើយុទ្ធសាស្ត្ររួមចំពោះកូរ៉េខាងជើង។ ប្រទេសកាណាដាកំណត់ក្រុម Proud Boys ជាអង្គភាពភេរវកម្ម។ ក្រុមអ្នកស្រាវជ្រាវនៃអង្គការ WHO ធ្វើទស្សនកិច្ចនៅមន្ទីរពិសោធន៍វីរុសក្នុងក្រុង Wuhan៕
1 hr
February 03, 2021 ព័ត៌មានពេលរាត្រី៖ ៣ កុម្ភៈ ២០២១ - កុម្ភៈ 03, 2021
ព័ត៌មានសំខាន់ៗអំពីកម្ពុជាមានដូចជា កម្ពុជាផ្អាកសមយុទ្ធរួម «នាគមាស» ជាមួយចិននៅឆ្នាំ ២០២១។ រីឯព័ត៌មានអន្តរជាតិវិញមានដូចជា អ្នកនិពន្ធសៀវភៅថ្មី៖ ឥទ្ធិពលរបស់សហរដ្ឋអាមេរិកខ្លាំងក្លាជាងចិននៅក្នុងតំបន់អាស៊ីអាគ្នេយ៍។ សហរដ្ឋអាមេរិកប្រកាសថា ការដណ្ដើមគ្រប់គ្រងអំណាចនៅមីយ៉ាន់ម៉ាគឺជារដ្ឋប្រហារយោធា។ មេដឹកនាំប្រទេសលោកខាងលិចថ្កោលទោសរដ្ឋប្រហារយោធានៅមីយ៉ាន់ម៉ា។ ព្រឹទ្ធសភាអាមេរិកថ្លឹងថ្លែងតួនាទីរបស់លោក Trump ក្នុងកុបកម្មនៅវិមានសភា។ អ្នកវិភាគលើកឡើងថា ការដណ្តើមអំណាចរបស់ក្រុមយោធាក្នុងប្រទេសមីយ៉ាន់ម៉ា នឹងប៉ះពាល់ដល់លទ្ធិប្រជាធិបតេយ្យ និងសេដ្ឋកិច្ច។ សកម្មជនហុងកុងប្រឈមនឹងសម្ពាធពេលដែលអាជ្ញាធរចិនទាក់ទងសាច់ញាតិរបស់ពួកគេនៅចិនដីគោក។ ចិនច្រានចោលការលើកឡើងដែលថា ខ្លួនបានគាំទ្ររដ្ឋប្រហារនៅមីយ៉ាន់ម៉ា។ បាតុករមីយ៉ាន់ម៉ារាប់ពាន់នាក់នៅជប៉ុនតវ៉ាប្រឆាំងរដ្ឋប្រហារនៅមីយ៉ាន់ម៉ា។ លោក Biden ចុះហត្ថលេខាលើបទបញ្ជាថ្មីច្រានចោលគោលនយោបាយអន្តោប្រវេសន៍របស់លោក Trump និងព័ត៌មានផ្សេងៗទៀត៕
1 hr
February 02, 2021 ព័ត៌មានពេលរាត្រី៖ ២ កុម្ភៈ ២០២១ - កុម្ភៈ 02, 2021
ព័ត៌មានអំពីកម្ពុជាមានដូចជា មន្ត្រីកម្ពុជារកវិធីឆ្លើយតបនឹងការតវ៉ារបស់វៀតណាមរឿងហាមនាំចូលត្រី។ ខ្មែរ-អាមេរិកាំងថា អវត្តមានលោក Trump ពេលលោក Biden ស្បថចូលកាន់តំណែងប៉ះពាល់កិត្តិយសអាមេរិក។ រីឯព័ត៌មានអន្តរជាតិវិញមានដូចជា វៀតណាមចាប់សកម្មជនបរិស្ថានដាក់គុក៧ឆ្នាំចំពោះការបង្ហោះសារនៅលើហ្វេសប៊ុក។ សមាជិកសភាអាមេរិកពិចារណាកញ្ចប់ថវិកាវិបត្តិកូវីដ ខណៈពលរដ្ឋរង់ចាំចាក់វ៉ាក់សាំង។ អូស្ត្រាលីព្រមានពីភាពអសកម្មលើការប្រែប្រួលអាកាសធាតុ។ លោក Biden ប្ដេជ្ញា «ចាត់វិធានការសមស្រប» បន្ទាប់ពីយោធាដណ្ដើមគ្រប់គ្រងអំណាចនៅមីយ៉ាន់ម៉ា។ គណបក្ស NLD នៅមីយ៉ាន់ម៉ា ទាមទារឲ្យយោធាដោះលែងអ្នកស្រី Aung San Suu Kyi និងថ្នាក់ដឹកនាំផ្សេងទៀត។ អ្នកវិភាគថា អស្ថិរភាពនយោបាយនៅមីយ៉ាន់ម៉ាអាចប៉ះពាល់ដល់ពាណិជ្ជកម្មរបស់សហរដ្ឋអាមេរិក។ សភាសហរដ្ឋអាមេរិកព្យាករណ៍ថា សេដ្ឋកិច្ចប្រទេសនឹងត្រឡប់ទៅរកប្រក្រតីភាពវិញចាប់ពីពាក់កណ្តាលឆ្នាំនេះទៅ៕
1 hr
February 01, 2021 ព័ត៌មានពេលរាត្រី៖ ១ កុម្ភៈ ២០២១ - កុម្ភៈ 01, 2021
ព័ត៌មានអំពីកម្ពុជាមានដូចជា វត្ថុបុរាណជាង១០០នឹងត្រូវបញ្ជូនមកកម្ពុជាវិញ ក្រោយត្រូវកាន់កាប់ដោយអ្នកជំនាញដែលត្រូវចោទប្រកាន់ថាបានលួចវត្ថុបុរាណខ្មែរ។ នៅក្នុងកម្មវិធី Hello VOA មានកិច្ចពិភាក្សាអំពី «ភាពជោគជ័យរបស់ស្ត្រីខ្មែរក្នុងបរិបទវប្បធម៌ផ្សេងគ្នា»។ រីឯព័ត៌មានអន្តរជាតិវិញមានដូចជា មេដឹកនាំមីយ៉ាន់ម៉ាលោកស្រី Aung San Suu Kyi និងថ្នាក់ដឹកនាំផ្សេងទៀតត្រូវយោធាឃុំខ្លួន។ លោក Biden គ្រោងជួបពិភាក្សាជាមួយសមាជិកព្រឹទ្ធសភាខាងគណបក្សសាធារណរដ្ឋអំពីជំនួយវិបត្តិកូវីដ១៩។ ចក្រភពអង់គ្លេសអនុញ្ញាតឲ្យពលរដ្ឋហុងកុងសុំសិទ្ធិរស់នៅនិងធ្វើការបាន។ មនុស្សរាប់ពាន់នាក់ត្រូវបានឃុំខ្លួននៅក្នុងការតវ៉ាឲ្យដោះលែងលោក Navalny។ យុវជនទុយនេស៊ីធ្វើកុបកម្មនិងលួចឥវ៉ាន់ពីអាជីវកម្មក្នុងខួប១០ឆ្នាំនៃការលាលែងអតីតប្រធានាធិបតី៕
1 hr
January 31, 2021 ព័ត៌មានពេលរាត្រី៖ ៣១ មករា ២០២១ - មករា 31, 2021
ព័ត៌មានសំខាន់ៗអំពីកម្ពុជាមានដូចជា មន្ត្រីឧទ្យានុរក្សខ្លះប្រថុយគ្រោះថ្នាក់ការពារធនធានធម្មជាតិដែលនៅសេសសល់។ នៅសៀមរាប បំណុលនិងកង្វះការងាររួតរឹតអ្នករស់នឹងទេសចរណ៍។ រីឯព័ត៌មានអន្តរជាតិវិញមានដូចជា អង្គការ WHOថា ការចែកចាយវ៉ាក់សាំងប្រកបដោយសមធម៌ គឺស្ថិតក្នុង«ហានិភ័យធ្ងន់ធ្ងរ»។ ប្រទេសចិនបង្កើនការហោះចូលក្នុងដែនអាកាសតៃវ៉ាន់។ អណ្តូងរ៉ែក្នុងរដ្ឋ California សហរដ្ឋអាមេរិក ក្លាយជាផ្នែកសំខាន់មួយនៃការជំរុញឱ្យមានឡើងវិញនូវការចម្រាញ់រ៉ែកម្រហៅ Rare Earth ក្នុងសហរដ្ឋអាមេរិក។ ហ្ស៊កដានីជាប្រទេសដំបូងមួយដែលផ្តល់វ៉ាក់សាំងទៅឱ្យជនភៀសខ្លួនដែលទទួលស្គាល់ដោយអ.ស.ប.នៅក្នុងប្រទេសខ្លួន។ ប្រទេសហ្កាណាសង់ជញ្ជាំងច្រាំងថ្មការពារចម្រោះទឹក តាមបណ្តោយឆ្នេរសមុទ្ររបស់ខ្លួន៕
1 hr
January 30, 2021 ព័ត៌មានពេលរាត្រី៖ ៣០ មករា ២០២១ - មករា 30, 2021
ព័ត៌មានសំខាន់ៗអំពីកម្ពុជាមានដូចជា កម្ពុជាគ្រោងបោះលក់មូលបត្របំណុលរដ្ឋក្នុងស្រុក ជាជម្រើសផ្សេងពីការខ្ចីបុលបរទេស។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» មានកិច្ចពិភាក្សាអំពី«អនាគតនៃគោលនយោបាយសារពើពន្ធ»។ រីឯព័ត៌មានអន្តរជាតិវិញមានដូចជា ក្រសួងហិរញ្ញវត្ថុសហរដ្ឋអាមេរិកនៅក្រោមរដ្ឋបាលថ្មីនឹងស៊ើបអង្កេតលើការសម្អាតប្រាក់ចិន៕
1 hr
January 29, 2021 ព័ត៌មានពេលរាត្រី៖ ២៩ មករា ២០២១ - មករា 29, 2021
ព័ត៌មានសំខាន់ៗអំពីកម្ពុជាមានដូចជា នៅសៀមរាប បំណុលនិងកង្វះការងារ រួតរឹតអ្នករស់នឹងទេសចរណ៍។ កម្ពុជាស្នើសុំការ«គោរពគ្នា»ក្នុងលិខិតផ្ញើជូនរដ្ឋមន្ត្រីការបរទេសថ្មីរបស់អាមេរិក។ ខ្មែរអាមេរិកាំងមានសុទិដ្ឋិនិយមនឹងគោលនយោបាយផ្សះផ្សាជាតិនិងស្តារសេដ្ឋកិច្ចរបស់លោក Joe Biden។ រីឯព័ត៌មានអន្តរជាតិវិញមានដូចជា ជំងឺកូវីដ១៩ វិវត្តថ្មីពីអាហ្រ្វិកខាងត្បូងត្រូវបានរកឃើញនៅសហរដ្ឋអាមេរិក ខណៈអង់គ្លេសបិទជើងហោះហើរដើម្បីទប់ទល់វីរុសថ្មីនេះ។ ការផ្ទុះរាតត្បាតនៃជំងឺកូវីដ១៩ នៅវៀតណាមបានទៅដល់ទីក្រុងហាណូយ ស្របពេល ៩ ករណីថ្មីត្រូវបានគេរកឃើញ។ ក្រុមការងាររបស់ WHO ដែលចុះស៊ើបអង្កេតប្រភពនៃជំងឺកូវីដ១៩ នៅទីក្រុង Wuhan ជួបជាមួយអ្នកវិទ្យាសាស្ត្រចិន។ ប្រធានាធិបតីសហរដ្ឋអាមេរិកលោក Joe Biden បានចុះហត្ថលេខាលើបទបញ្ជាប្រធានាធិបតីចំនួនពីរ ដើម្បីពង្រីកការថែទាំសុខភាព។ ចិនជិតនាំមុខអាមេរិកជាអ្នកផ្គត់ផ្គង់ថាមពលនុយក្លេអ៊ែរឈានមុខគេ។ អ្នកបោះឆ្នោតឱ្យលោក Trump ខ្វែងគំនិតគ្នាអំពីអនាគតនៃគណបក្សសាធារណរដ្ឋ និងព័ត៌មានផ្សេងៗទៀត៕
1 hr
January 28, 2021 ព័ត៌មានពេលរាត្រី៖ ២៨ មករា ២០២១ - មករា 28, 2021
ព័ត៌មានសំខាន់ៗអំពីកម្ពុជាមានដូចជា ស្ថាប័នឃ្លាំមើលថា កម្ពុជានៅតែពុករលួយជាងគេនៅអាស៊ាន តែឡើងពិន្ទុបន្ដិច។ កម្ពុជាគ្រោងបោះលក់មូលបត្របំណុលរដ្ឋក្នុងស្រុក ជាជម្រើសផ្សេងពីការខ្ចីបុលបរទេស។ នៅក្នុងកម្មវិធី Hello VOA ថ្ងៃនេះ មានការពិភាក្សាអំពី «បញ្ហាប្រឈមរបស់ពលករខ្មែរ ខណៈកូវីដ១៩កើនឡើងនៅថៃ»។ រីឯព័ត៌មានអន្តរជាតិវិញមានដូចជា វៀតណាមមានការផ្ទុះរាតត្បាតកូវីដ១៩ លើកដំបូងក្នុងរយៈពេលជិត២ខែ ដោយរកឃើញ៨៣ករណីថ្មី។ មន្ត្រីសន្តិសុខអាមេរិកព្រមានពីការគំរាមកំហែងខ្លាំងពីភេរវកម្មក្នុងស្រុក។ រដ្ឋមន្ត្រីការបរទេស Blinken ថា សហរដ្ឋអាមេរិកនឹងគាំទ្របណ្តាប្រទេសអាស៊ីអាគ្នេយ៍ទប់ទល់នឹងការដាក់គំនាបរបស់ចិន។ លោក Bidenចេញបទបញ្ជាថ្មីសំដៅដោះស្រាយបញ្ហាការប្រែប្រួលអាកាសធាតុ។ រដ្ឋបាលលោក Biden ព្យាករណ៍ថា ការស្លាប់ដោយសារជំងឺកូវីដ១៩ នៅសហរដ្ឋអាមេរិកអាចកើនដល់កន្លះលាននាក់ក្នុងខែកុម្ភ:។ រដ្ឋមន្ត្រីការបរទេសថ្មីរបស់សហរដ្ឋអាមេរិកបេ្តជ្ញាធ្វើកិច្ចសហប្រតិបត្តិការដើម្បីដោះស្រាយបញ្ហាប្រឈមនានារបស់សាកល។ យោធាមីយ៉ាន់ម៉ាមិនបដិសេធថាអាចមានរដ្ឋប្រហារជុំវិញការចោទប្រកាន់ថា មានការបន្លំសន្លឹកឆ្នោត៕
1 hr
January 27, 2021 ព័ត៌មានពេលរាត្រី៖ ២៧ មករា ២០២១ - មករា 27, 2021
ព័ត៌មានសំខាន់ៗអំពីកម្ពុជាមានដូចជា មន្ត្រីកម្ពុជាសន្យាពន្លឿនការចាក់វ៉ាក់សាំងកូវីដ១៩ ដែលត្រូវការ២០លានដូស។ មន្ត្រីឧទ្យានុរក្សខ្លះប្រថុយគ្រោះថ្នាក់ការពារធនធានធម្មជាតិដែលនៅសេសសល់។ សិស្សរៀនចប់ទី១២ ចង់បានការតម្រង់ទិស ដើម្បីពួកគេអាចជ្រើសរើសជំនាញសិក្សាត្រឹមត្រូវ។ រីឯព័ត៌មានអន្តរជាតិវិញមានដូចជា ការឆ្លងជំងឺកូវីដ១៩ បានកើនដល់ជាង១០០លានករណីនៅទូទាំងសាកលលោក ខណៈប្រទេសនានាព្យាយាមដោះស្រាយបញ្ហាការខ្វះខាតវ៉ាក់សាំង។ លោក Biden ថា សហរដ្ឋអាមេរិកទិញវ៉ាក់សាំងបង្ការកូវីដ១៩ ជាង២រយលានដូសទៀត។ លោក Biden និងលោក Putin ពិភាក្សាតាមទូរស័ព្ទលើកទី១។ ការកាត់ទោសចោទប្រកាន់លោក Trump នឹងដំណើរការ បើទោះបីមានការជំទាស់យ៉ាងខ្លាំងពីគណបក្សសាធារណរដ្ឋក៏ដោយ។ សីតុណ្ហភាពសាកលកើនឡើងជាងមុន ដោយបង្កើនល្បឿនការប្រែប្រួលអាកាសធាតុ និងព័ត៌មានផ្សេងៗទៀត៕
1 hr
January 26, 2021 ព័ត៌មានពេលរាត្រី៖ ២៦ មករា ២០២១ - មករា 26, 2021
ព័ត៌មានសំខាន់ៗអំពីកម្ពុជាមានដូចជា ពលករកម្ពុជានៅថៃប្រឈមហានិភ័យកូវីដនិងចំណូលធ្លាក់ចុះ។ រដ្ឋាភិបាលកម្ពុជាកំណត់ចំនួនភ្ញៀវមិនឱ្យលើស៥នាក់ក្នុងមួយតុក្នុងពិធីមង្គលការ។ បទសម្ភាសន៍ VOA ជាមួយលោកវេជ្ជបណ្ឌិត តាំង តេកហុង «ការពាក់ម៉ាស់និងការរក្សាគម្លាតពីគ្នា ត្រូវបន្តក្រោយការចាក់វ៉ាក់សាំងកូវីដ១៩»។ រីឯព័ត៌មានអន្តរជាតិវិញមានដូចជា លោក Biden បញ្ជាឱ្យសហរដ្ឋអាមេរិកចូលរួមជាថ្មីក្នុងកិច្ចព្រមព្រៀងក្រុងប៉ារីសស្តីពីអាកាសធាតុនិងក្នុងអង្គការ WHO វិញ។ អង្គការ WHO៖ ការចែកចាយវ៉ាក់សាំងប្រកបដោយសមធម៌ គឺស្ថិតក្នុង«ហានិភ័យធ្ងន់ធ្ងរ»។ ក្រុមហ៊ុន Moderna បានឲ្យដឹងថា វ៉ាក់សាំងរបស់ខ្លួនមានប្រសិទ្ធភាពលើជំងឺកូវីដ១៩វិវត្តថ្មី។ រដ្ឋសភាអាមេរិកបញ្ជូនបទចោទប្រកាន់ដកហូតអតីតប្រធានាធិបតី Trump ទៅកាន់ព្រឹទ្ធសភា។ អគ្គលេខាធិការ UN៖ ការចាក់វ៉ាក់សំាងជំងឺកូវីដ១៩ ត្រូវធ្វើឲ្យបានលឿនទំាងក្នុងប្រទេសអ្នកមាននិងប្រទេសអ្នកក្រ។ សេតវិមានបានឲ្យដឹងថា សហរដ្ឋអាមេរិកស្វែងរក «វិធីសាស្ត្រថ្តី» ក្នុងទំនាក់ទំនងជាមួយចិន៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…