កម្មវិធីព័ត៌មានពេលរាត្រី - វីអូអេ podcast - Page 154

January 15, 2021 ព័ត៌មានពេលរាត្រី៖ ១៥ មករា ២០២១ - មករា 15, 2021

ព័ត៌មានអំពីកម្ពុជាមានដូចជា ពលករខ្មែរមកពីថៃ១៥នាក់ទៀតឆ្លងជំងឺកូវីដ ខណៈរដ្ឋាភិបាលកម្ពុជាស្នើពលករឲ្យបន្តស្នាក់នៅទីនោះ។ ការវាយប្រហារវិមានសភាធ្វើឲ្យពលរដ្ឋកម្ពុជាមួយចំនួន សង្ស័យអំពីប្រជាធិបតេយ្យអាមេរិក។ ការចុះបញ្ជិកាសហជីពនិងបញ្ហាព្រំដែនគ្របដណ្តប់សវនាការកាត់ទោសលោក រ៉ុង ឈុន។ ព័ត៌មានអន្តរជាតិវិញមានដូចជា សមត្ថកិច្ចពង្រឹងសន្តិសុខសម្រាប់ពិធីស្បថចូលកាន់តំណែងរបស់លោក Biden។ លោក Biden ប្រកាសកញ្ចប់ជំនួយគ្រាវិបត្តិកូវីដ១៩ ដែលមានទឹកប្រាក់ ១.៩ លានលានដុល្លារ។ អាជ្ញាធរបង្កើនការការពារនៅជុំវិញវិមានសភាអាមេរិក នៅមុនពិធីចូលកាន់តំណែងរបស់លោក Biden នៅសប្តាហ៍ក្រោយ។ ក្រុមរដ្ឋអាជ្ញាពីរដ្ឋសភាដែលដឹកនាំការចោទប្រកាន់ដកប្រធានាធិបតីចេញពីតំណែងរៀបចំគម្រោងរឿងក្តីដ៏ល្អិតល្អន់ប្រឆាំងនឹងលោក Trump។ រដ្ឋបាលរបស់លោក Trump ចាត់វិធានការចុងក្រោយ មុនផុតអាណត្តិប្រឆាំងនឹងក្រុមហ៊ុនចិន។ ប្រព័ន្ធផ្សព្វផ្សាយព័ត៌មានក្នុងស្រុក៖ រយៈពេលជាប់ពន្ធនាគារកើនឡើងទ្វេដងនៅក្នុងករណីរំលោភសេពសន្ថវៈ និងបំពានផ្លូវភេទនៅម៉ាឡាវី។ ខណៈប្រឈមវិបត្តិសេដ្ឋកិច្ច កូរ៉េខាងជើងសារភាពពីបរាជ័យនិងភាពមិនប្រាកដប្រជាសម្រាប់ពេលអនាគត និងព័ត៌មានផ្សេងៗទៀត៕

1 hr

January 14, 2021 ព័ត៌មានពេលរាត្រី៖ ១៤ មករា ២០២១ - មករា 14, 2021

ព័ត៌មានអំពីកម្ពុជាមានដូចជា គម្រប់ខួបកាន់អំណាច៣៦ឆ្នាំ លោក ហ៊ុន សែន សំឡឹង«ជម្រើសច្រកចេញ»។ ក្នុងសវនាការសំណុំរឿង«ក្បត់ជាតិ» សកម្មជនបក្សប្រឆាំងត្រូវសួរនាំអំពី«សន្ដិភាព»និង«ហ្វេសប៊ុក»។ នៅក្នុងកម្មវិធី Hello VOA ថ្ងៃនេះ មានកិច្ចពិភាក្សាអំពី «ការគ្រប់គ្រងចំណូលប្រេងដោយតម្លាភាពនៅកម្ពុជា»។ ព័ត៌មានអន្តរជាតិវិញមានដូចជា រដ្ឋមន្ត្រីការបរទេសអាមេរិកជំរុញឲ្យបន្តគោលនយោបាយរបស់លោក Trump ចំពោះប្រទេសចិន។ រដ្ឋសភាអាមេរិក ប្តឹងទម្លាក់លោក Trump ចេញពីតំណែងពីបទញុះញង់ឲ្យមានកុបកម្មនៅវិមានសភា។ ប៉ូលិសក្រុងហុងកុង ចាប់ខ្លួនមនុស្ស១១នាក់ដែលបានជួយពួកសកម្មជនគាំទ្រលទ្ធិប្រជាធិបតេយ្យឲ្យគេចខ្លួន។ ក្រុមអ្នកស្រាវជ្រាវប្រចាំអង្គការសុខភាពពិភពលោកបានទៅដល់ទីក្រុងវូហានប្រទេសចិន ដើម្បីស៊ើបអង្កេតប្រភពនៃជំងឺកូវីដ១៩។ រដ្ឋធានីវ៉ាស៊ីនតោនបង្កើនការការពារសន្តិសុខ មុនពិធីស្បថចូលកាន់តំណែងប្រធានាធិបតីថ្មីចូលមកដល់។ កំពុងតក់ស្លុតនឹងជំងឺកូវីដ១៩ ស្រាប់តែកសិករចិញ្ចឹមបក្សីនៅអាស៊ីប្រយុទ្ធនឹងការផ្ទុះឡើងនៃជំងឺផ្ដាសាយបក្សី និងព័ត៌មានផ្សេងៗទៀត៕

1 hr

January 13, 2021 ព័ត៌មានពេលរាត្រី៖ ១៣ មករា ២០២១ - មករា 13, 2021

ព័ត៌មានអំពីកម្ពុជាមានដូចជា អាជ្ញាធរថា ផ្តាសាយបក្សី(H5N1)នៅខេត្តបាត់ដំបងសង្ស័យឆ្លងពីសត្វស្លាបងាប់នៅកន្លែងចិញ្ចឹមមាន់ទា។ តុលាការឲ្យស៊ើបអង្កេតបន្ថែមក្នុងករណីបាក់រលំអគារក្នុងខេត្តកែប ដែលសម្លាប់មនុស្ស៣៦នាក់កាលពីឆ្នាំមុន។ អ្នកនយោបាយប្រឆាំងតស៊ូការទូតដើម្បីបង្កើតបក្សឡើងវិញ តែនៅមិនទាន់មានភាពប្រាកដនិយម។ ពលករខ្មែរ៦នាក់ទៀតដែលត្រឡប់មកពីថៃវិញ ឆ្លងជំងឺកូវីដ១៩។ ព័ត៌មានអន្តរជាតិមានដូចជា មន្ត្រីឥណ្ឌូណេស៊ីរកឃើញប្រអប់ខ្មៅរបស់យន្តហោះដែលធ្លាក់កាលពីថ្ងៃសៅរ៍។ ឥណ្ឌូណេស៊ី បានចាប់ផ្តើមយុទ្ធនាការចាក់វ៉ាក់សាំងនៅពេលដែលការស្លាប់ដោយជំងឺកូវីដ១៩កើនដល់កម្រិតមិនធ្លាប់មាន។ សមាជិកសភាមួយចំនួនតូចខាងគណបក្សសាធារណរដ្ឋថា ពួកគេ នឹងបោះឆ្នោតប្តឹងទម្លាក់លោកTrump ចេញពីតំណែង។ ក្រសួងការបរទេសអាមេរិកលុបចោលដំណើរទស្សនកិច្ចរបស់ប្រេសិតអង្គការសហប្រជាជាតិទៅកាន់កោះតៃវ៉ាន់។ សហរដ្ឋអាមេរិកព្រមានថាអ៊ីរ៉ង់កំពុងជំរុញលទ្ធភាពនៃការកកើតឡើងវិញក្រុមអាល់កៃដា។ រដ្ឋអាជ្ញាអាមេរិក កំណត់អត្តសញ្ញាណកុបករជាង១៧០នាក់ដែលវាយសង្គ្រប់វិមានសភាដែលអាចជាប់បទចោទប្រកាន់ព្រហ្មទណ្ឌ។ សហរដ្ឋអាមេរិកផ្លាស់ប្តូរយុទ្ធសាស្ត្រចាក់វ៉ាក់សាំងកូវីដ១៩ និងព័ត៌មានអន្តរជាតិសំខាន់ៗមួយចំនួនទៀត៕

1 hr

January 12, 2021 ព័ត៌មានពេលរាត្រី៖ ១២ មករា ២០២១ - មករា 12, 2021

ព័ត៌មានអំពីកម្ពុជាមានដូចជា ការនិវត្តមកកម្ពុជារបស់លោកស្រី មូរ សុខហួរ មានសញ្ញាមិនជាក់លាក់។ តុលាការភ្នំពេញថាសវនាការលោក កឹម សុខា មិនមែនជាអាទិភាព ដោយសារលោកនៅក្រៅឃុំ។ តុលាការខេត្តព្រះសីហនុឃុំខ្លួនតំណាងសហគមន៍ដីធ្លីម្នាក់ ខណៈអ្នកផ្សេងទៀតភ័យខ្លាចការចាប់ខ្លួន។ អតីតស្រ្តីជនភៀសខ្លួនខ្មែរទី១ស្បថចូលកាន់តំណែងតំណាងរាស្ត្រថ្នាក់រដ្ឋនៅរដ្ឋម៉ាស្សាឈូសេត។ ព័ត៌មានអន្តរជាតិមានដូចជា រដ្ឋមន្ត្រីការបរទេសអាមេរិកលោក Pompeo បំពេញទស្សនកិច្ចនៅការិយាល័យ VOA និងបានសរសើរ VOA។ រដ្ឋសភាសហរដ្ឋអាមេរិកចាត់វិធានការដើម្បីព្យាយាមដកលោកប្រធានាធិបតី Trump ពីតំណែង។ សន្តិសុខត្រូវបានរឹតបន្តឹង ខណ:ដែលអភិបាលរដ្ឋធានី Washington មិនលើកទឹកចិត្តឲ្យពលរដ្ឋចូលរួមពិធីស្បថចូលកាន់តំណែងលោក Biden។ ជិត៣ភាគ៤នៃអ្នកបោះឆ្នោតអាមេរិកជឿថា លទ្ធិប្រជាធិបតេយ្យអាមេរិកកំពុងរងការគំរាមកំហែង។ អង្គការសុខភាពពិភពលោក (WHO) ថាខ្លួនមិនមែនចង់ទម្លាក់កំហុសទេ ស្របពេលដែលខ្លួនទៅស៊ើបអង្កេតប្រភពនៃជំងឺកូវីដ១៩នៅប្រទេសចិន។ មហាក្សត្រម៉ាឡេស៊ីប្រកាសដាក់ប្រទេសក្នុងគ្រាអាសន្ននៅពេលការឆ្លងកូវីដ១៩ កើនឡើងខ្លាំង និងព័ត៌មានសំខាន់ៗមួយចំនួនទៀត៕

1 hr

January 11, 2021 ព័ត៌មានពេលរាត្រី៖ ១១ មករា ២០២១ - មករា 11, 2021

ព័ត៌មានអំពីកម្ពុជាមានដូចជា បវេសនកាលថ្មីចាប់ផ្ដើម ខណៈទិន្នន័យបឋមបង្ហាញថាសិស្សធ្លាក់ចុះជិត២ម៉ឺននាក់។ អ្នកចិញ្ចឹមត្រីនៅខេត្តព្រៃវែងសង្ឃឹមតម្លៃត្រីកើនឡើង ក្រោយការផ្អាកនាំចូលត្រីពីវៀតណាម។ នៅក្នុងកម្មវិធី Hello VOA មានកិច្ចពិភាក្សាអំពី «ស្ថានភាពបច្ចុប្បន្ននៃសេរីភាពសារព័ត៌មាននិងសិទ្ធិទទួលបានព័ត៌មាននៅកម្ពុជា»។ ព័ត៌មានអន្តរជាតិមានដូចជា ក្រុមគណបក្សប្រជាធិបតេយ្យក្នុងរដ្ឋសភាសហរដ្ឋអាមេរិកជំរុញឲ្យប្តឹងទម្លាក់លោកប្រធានាធិបតី Trump ចេញពីតំណែង។ ប្រធានប៉ូលិសវិមានសភាអាមេរិកដែលចាកចេញពីតំណែងថា ពួកមន្ត្រីបានច្រានចោលគម្រោងសម្រាប់ការត្រៀមជួយរបស់ឆ្មាំការពារជាតិ។ លោក Schumerព្រមានពីលទ្ធភាពនៃអំពើហិង្សាជុំវិញពិធីស្បថចូលកាន់តំណែងរបស់លោក Biden។ ជំងឺកូវីដ១៩ វិវត្តថ្មីរបស់ចក្រភពអង់គ្លេស ប្រទេសអាហ្វ្រិកខាងត្បូងបានរាលដាលជុំវិញពិភពលោក។ ក្រសួងការបរទេសសហរដ្ឋអាមេរិកបញ្ចប់ការរឹតត្បិតការទាក់ទងជាមួយមន្ត្រីកោះតៃវ៉ាន់។ កងទ័ពជើងទឹកឥណ្ឌូណេស៊ីរកឃើញប្រអប់ខ្មៅដែលផ្ទុកទិន្នន័យអំពីហោះហើររបស់យន្តហោះដែលធ្លាក់ក្នុងសមុទ្រជ្វា។ បញ្ហាប្រឈមដ៏ធំបំផុតរបស់លោក Biden គឺធ្វើឲ្យគណបក្សប្រជាធិបតេយ្យរួបរួមគ្នា។ ប្រទេសថៃប្រឈមនឹងវិបត្តិទ្វេក្នុងឆ្នាំ២០២០ គឺជំងឺរាតត្បាតនិងបញ្ហានយោបាយ៕

1 hr

January 10, 2021 ព័ត៌មានពេលរាត្រី៖ ១០ មករា ២០២១ - មករា 10, 2021

ព័ត៌មានសំខាន់ៗអំពីកម្ពុជាមានដូចជា មួយឆ្នាំក្រោយបាក់អគារនៅខេត្តកែប កម្មកររងគ្រោះមិនទាន់បានសំណងតាមផ្លូវច្បាប់។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» មានកិច្ចពិភាក្សាអំពី «ការទូតសេដ្ឋកិច្ច»។ រីឯព័ត៌មានអន្តរជាតិវិញមានដូចជា ការសិក្សាថ្មី៖ ព្រៃអាម៉ាហ្សូនចំនួន ៨% ត្រូវបានកាប់បំផ្លាញចាប់តាំងពីឆ្នាំ២០០០មក។ ប៉ាគីស្ថានសម្រេចចិត្តមិនប្រើប្រាស់ថាមពលចេញពីធ្យូងថ្ម។ ខណៈពាណិជ្ជកម្មធ្លាក់ចុះ តួកគីស្វះស្វែងស្តារទំនាក់ទំនងក្នុងតំបន់ឡើងវិញ៕

1 hr

January 09, 2021 ព័ត៌មានពេលរាត្រី៖ ៩ មករា ២០២១ - មករា 09, 2021

ព័ត៌មានសំខាន់ៗអំពីកម្ពុជាមានដូចជា អ្នកជំនាញថា កម្ពុជាក្លាយជាគោលដៅរបស់ក្រុមលួចទិន្នន័យតាមកុំព្យូទ័រ (Hacker) ចំពេលភូមិសាស្ត្រនយោបាយប្រែប្រួល។ ភរិយាសកម្មជនបក្សប្រឆាំងចាត់ទុកការចាប់ខ្លួនស្វាមីថា «អយុត្តិធម៌» ខណៈថ្នាក់ដឹកនាំប្រកាសវិលចូលស្រុក។ រីឯព័ត៌មានអន្តរជាតិវិញមានដូចជា ការឲ្យតម្លៃរបស់លោក Biden ចំពោះសមាគមអាស៊ានអាចផ្លាស់ប្តូរគោលនយោបាយរបស់សហរដ្ឋអាមេរិកចំពោះតំបន់អាស៊ី។ អភិបាលរដ្ឋនានានៅសហរដ្ឋអាមេរិកធ្វើការពន្លឿនការចែកចាយវ៉ាក់សាំងបង្ការជំងឺកូវីដ១៩។ បញ្ហាប្រឈមដ៏ធំបំផុតរបស់លោក Biden គឺការធ្វើឲ្យគណបក្សប្រជាធិបតេយ្យរួបរួមគ្នា។ ប៉ាគីស្ថានអនុម័តច្បាប់ថ្មីដើម្បីធានាឲ្យមានការកាត់ទោសភ្លាមៗនិងធ្ងន់ធ្ងរចំពោះជនល្មើសសេពសន្ថន្ធវៈ។ ប្រទេសឡាវប្តេជ្ញាបន្តដើរទៅមុខដើម្បីសង់ទំនប់បន្ថែមទៀតនៅលើទន្លេមេគង្គ ក្នុងពេលដែលមានគ្រោះរាំងស្ងួត៕

1 hr

January 08, 2021 ព័ត៌មានពេលរាត្រី៖ ៨ មករា ២០២១ - មករា 08, 2021

ព័ត៌មានសំខាន់ៗអំពីកម្ពុជាមានដូចជា របាយការណ៍ថៃបង្ហាញថា ពលរដ្ឋខ្មែរឆ្លងជំងឺកូវីដ១៩នៅថៃ កើនដល់ ១៥៣នាក់។ អ្នកជំនាញថា កម្ពុជាក្លាយជាគោលដៅរបស់ក្រុមចូលលួចទិន្នន័យតាមកុំព្យូទ័រ (Hacker) ចំពេលភូមិសាស្ត្រនយោបាយប្រែប្រួល។ សមាគមរោងចក្រកាត់ដេរជំរុញសភាអាមេរិកឲ្យពន្លឿនការផ្តល់សពុលភាពប្រព័ន្ធអនុគ្រោះពន្ធ GSP។ រីឯព័ត៌មានអន្តរជាតិវិញមានដូចជា ក្រោយបាតុករសម្រុកចូលវិមានសភា រដ្ឋសភាបន្តបញ្ជាក់ជ័យជម្នះលោក Biden។ មេដឹកនាំកំពូលៗខាងគណបក្សប្រជាធិបតេយ្យនៅសភាអំពាវនាវឲ្យដកលោក Trump ចេញពីតំណែង។ រដ្ឋមន្ត្រីក្រសួងគមនាគមន៍និងរដ្ឋមន្ត្រីក្រសួងអប់រំលាចេញពីតំណែង ដោយសារអំពើហិង្សានៅវិមានសភាដែលបញ្ឆេះឡើងដោយលោក Trump។ រដ្ឋអាជ្ញាសហរដ្ឋអាមេរិកត្រៀមចេញបទចោទប្រកាន់ប្រឆាំងពួកកុបករវាយប្រហារវិមានសភា។ ចិនថា សហរដ្ឋអាមេរិកនឹងទទួល «ផលវិបាកធ្ងន់ធ្ងរ» បើឯកអគ្គរដ្ឋទូតអាមេរិកប្រចាំអង្គការសហប្រជាជាតិ ទៅកោះតៃវ៉ាន់។ ឆ្នាំថ្មី បទចោទប្រកាន់ថ្មី ខណៈបាតុករថៃប្រឈមនឹងការចោទប្រកាន់ពីបទប្រមាថរាជវង្ស។ គណបក្សប្រជាធិបតេយ្យគ្រប់គ្រងសភាអាមេរិក ដោយសារឈ្នះការបោះឆ្នោតព្រឹទ្ធសភានៅរដ្ឋចរចា និងព័ត៌មានផ្សេងៗទៀត៕

1 hr

January 07, 2021 ព័ត៌មានពេលរាត្រី៖ ៧ មករា ២០២១ - មករា 07, 2021

ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំងប្រតិកម្មនឹងអំពើហិង្សាពេលរាប់សន្លឹកឆ្នោតនៅសភា និងលទ្ធផលឆ្នោតព្រឹទ្ធសភាក្នុងរដ្ឋ Georgia។ នៅក្នុងកម្មវិធី Hello VOA មានការពិភាក្សាអំពី«វិញ្ញាសាសម្រាប់អាស៊ានក្នុងល្បែងយុទ្ធសាស្ត្រមហាអំណាច»។ រីឯព័ត៌មានអន្តរជាតិវិញមានដូចជា សភាទាំងពីរថ្នាក់របស់សហរដ្ឋអាមេរិកប្រកាសជាផ្លូវការថាលោក Biden ឈ្នះការបោះ ឆ្នោត។ សភាសហរដ្ឋអាមេរិកបានបញ្ចប់ការរាប់សន្លឹកឆ្នោត និងបញ្ជាក់ពីជ័យជម្នះរបស់លោកJoe Bidenជាប្រធានាធិបតីទី៤៦ របស់សហរដ្ឋអាមេរិកនិងលោកស្រី Kamala Harris ជាអនុប្រធានាធិបតី។ លោក Biden ជំរុញលោក Trump ឲ្យថ្កោលទោសអំពើហិង្សានៅវិមានសភា។ មេដឹកនាំនានាលើពិភពលោកថ្កោលទោសកុបកម្មគាំទ្រលោក Trump នៅវិមានសភាសហរដ្ឋអាមេរិក។ គណបក្សប្រជាធិបតេយ្យឈ្នះការបោះឆ្នោតជ្រើសរើសសមាជិកព្រឹទ្ធសភា ២ រូបនៅរដ្ឋ Georgia៕

1 hr

January 06, 2021 ព័ត៌មានពេលរាត្រី៖ ៦ មករា ២០២១ - មករា 06, 2021

ព័ត៌មានសំខាន់ៗអំពីកម្ពុជាមានដូចជា របាយការណ៍ថៃបានឲ្យដឹងថា ពលរដ្ឋខ្មែរ១០៥នាក់នៅថៃ ឆ្លងជំងឺកូវីដ១៩ គិតត្រឹមល្ងាចថ្ងៃពុធនេះ។ សមាគមរោងចក្រកាត់ដេរជំរុញសភាអាមេរិកពន្លឿនការផ្តល់សុពលភាពប្រព័ន្ធអនុគ្រោះ GSP។ ខ្មែរ-អាមេរិកាំងខ្លះថា ទោះជំទាស់ពេលរាប់សន្លឹកឆ្នោត លោក Trumpនឹងមិនអាចបន្តកាន់តំណែងទេ។ នៅក្នុងកម្មវិធីផតខាសថ៍ (podcast) របស់ VOA «កម្ពុជាសម្លឹងទៅមុខ ឬ Envision Cambodia» ភាគទី២ មានការពិភាក្សាអំពី «ការទូតសេដ្ឋកិច្ច»។ ចំណែកព័ត៌មានអន្តរជាតិវិញមានដូចជា គណបក្សប្រជាធិបតេយ្យនាំមុខគណបក្សសាធារណរដ្ឋ នៅក្នុងការបោះឆ្នោតជ្រើសរើសសមាជិកព្រឹទ្ធសភា ២ រូបនៅរដ្ឋ Georgia។ ក្រុមអ្នកគាំទ្រលោក Trump ធ្វើបាតុកម្មនៅរដ្ឋធានីវ៉ាស៊ីនតោន នៅពេលដែលសភាប្រកាសពីជ័យជម្នះរបស់លោក Biden នៅថ្ងៃពុធនេះ។ សហរដ្ឋអាមេរិកបានដាក់ទណ្ឌកម្មលើអង្គភាពមួយចំនួននិងបុគ្គលម្នាក់ ដែលពាក់ព័ន្ធក្នុងវិស័យដែកថែបរបស់ប្រទេសអ៊ីរ៉ង់។ មេដឹកនាំកូរ៉េខាងជើងទទួលស្គាល់ភាពបរាជ័យផ្នែកសេដ្ឋកិច្ច។ ចិនថា ខ្លួននឹងឆ្លើយតបចំពោះជំនួបគ្រោងទុកផ្នែកការពារជាតិរវាងសហរដ្ឋអាមេរិកនិងតៃវ៉ាន់ និងព័ត៌មានផ្សេងៗទៀត៕

1 hr