កម្មវិធីព័ត៌មានពេលរាត្រី - វីអូអេ podcast - Page 155

January 05, 2021 ព័ត៌មានពេលរាត្រី៖ ៥ មករា ២០២១ - មករា 05, 2021

ព័ត៌មានអំពីកម្ពុជាមានដូចជា អាជ្ញាធរខេត្តតាមព្រំដែនថាពលករខ្មែរជាង៥ពាន់នាក់ចូលមកកម្ពុជា ខណៈមានការផ្ទុះជំងឺកូវីដនៅថៃ។ ចំណែកឯព័ត៌មានអន្តរជាតិវិញមានដូចជា ខ្មែរអាមេរិកាំងនឹងចេញទៅបោះឆ្នោតឲ្យមានតុល្យភាពអំណាចនៅព្រឹទ្ធសភា។ ការរាប់សន្លឹកឆ្នោតអង្គបោះឆ្នោតចុងក្រោយស្ថិតក្នុងដៃសភាសហរដ្ឋអាមេរិក។ អត្ថបទពន្យល់អំពីរបៀបដែលសភាសហរដ្ឋអាមេរិករាប់សន្លឹកឆ្នោតរបស់អង្គបោះឆ្នោត។ ការបោះឆ្នោតនៅរដ្ឋ Georgia នៅថ្ងៃអង្គារនេះ នឹងសម្រេចថាតើគណបក្សណានឹងគ្រប់គ្រងព្រឹទ្ធសភា។ អភិបាលរដ្ឋធានីវ៉ាស៊ីនតោនស្នើដាក់ពង្រាយទ័ពឆ្មាំការពារជាតិ មុនបាតុកម្មគាំទ្រលោក Trump គ្រោងធ្វើឡើង។ មន្ត្រីផ្នែកអង្ករថា វៀតណាមទិញអង្ករពីឥណ្ឌាជាលើកដំបូងក្នុងរយៈពេលរាប់ទសវត្សរ៍ចុងក្រោយនេះ។ មេបញ្ជាការអាមេរិកថា គ្មានសញ្ញាដែលថាកូរ៉េខាងជើងត្រៀមសាកល្បងអាវុធ មុនពេលលោក Biden ស្បថចូលកាន់តំណែងទេ។ ចក្រភពអង់គ្លេសបិទសកម្មភាពសង្គមជាថ្មីដោយសារជំងឺកូវីដ១៩។ សហរដ្ឋអាមេរិកដាក់បម្រាមលើការនាំចូលផលិតប្រេងដូងម៉ាឡេស៊ី។ អ្នកកាសែតប្រជាជនដែលរាយការណ៍ពីជំងឺកូវីដ១៩ នៅក្នុងប្រទេសចិនត្រូវបានកាត់ទោសឱ្យជាប់ពន្ធនាគារ៤ឆ្នាំ៕

1 hr

January 04, 2021 ព័ត៌មានពេលរាត្រី៖ ៤ មករា ២០២១ - មករា 04, 2021

ព័ត៌មានអំពីកម្ពុជាមានដូចជា មាតុភូមិនិវត្តន៍របស់លោកស្រី មូរ សុខហួរ ជួបឧបសគ្គដោយពុំទាន់បានទិដ្ឋាការប្រភេទ K។ កម្ពុជាផ្តល់ម៉ាស២លាន និងបរិក្ខារវេជ្ជសាស្រ្តផ្សេងទៀតដល់ប្រទេសនេប៉ាល់។ នៅក្នុងកម្មវិធី Hello VOA មានកិច្ចពិភាក្សាអំពី៖«ការប្រឈមរបស់ស្រ្តីក្នុងភាពជាអ្នកដឹកនាំក្នុងវិស័យសិល្បៈ»។ ចំណែកឯព័ត៌មានអន្តរជាតិវិញមានដូចជា សមាជិករដ្ឋសភានិងព្រឹទ្ធសភារាប់សិបនាក់ខាងគណបក្សសាធារណរដ្ឋចូលរួមប្រឆាំងជ័យជម្នះរបស់លោក Biden។ អតីតរដ្ឋមន្ត្រីការពារជាតិអាមេរិក ១០ រូប ព្រមានកុំឲ្យយកយោធាទៅពាក់ព័ន្ធនៅក្នុងការអះអាងអំពីការបន្លំការបោះឆ្នោត។ លោក Trump ជំរុញមន្ត្រីរដ្ឋ Georgia ឲ្យប្រែក្រឡាស់លទ្ធផលបោះឆ្នោតនៅក្នុងរដ្ឋនោះ។ តំបន់ជនបទនៃក្រុង Atlanta ដែលកើនឡើងភាពចម្រុះជាតិសាសន៍អាចសម្រេចការត្រួតត្រាព្រឹទ្ធសភាអាមេរិក៕

1 hr

January 03, 2021 ព័ត៌មានពេលរាត្រី៖ ៣ មករា ២០២១ - មករា 03, 2021

ព័ត៌មានសំខាន់ៗអំពីកម្ពុជាមានដូចជា អ្នកជំនាញថា វិស័យកសិកម្មនៅតែល្អប្រសើរ ទោះកម្ពុជារងឥទ្ធិពលកូវីដ១៩។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ៣ មានការពិភាក្សាអំពី កិច្ចគាំពារសង្គមនៅកម្ពុជា។ រីឯព័ត៌មានអន្តរជាតិវិញមានដូចជា វេទិកាសេដ្ឋកិច្ចពិភពលោកថា ប្រទេសនានាដែលមានជំនាញឌីជីថលជឿនលឿននិងមានប្រព័ន្ធសុវត្ថិភាពសង្គម សម្របបានប្រសើរក្នុងអំឡុងជំងឺរាតត្បាត។ ឡាវប្តេជ្ញាបន្តដំណើរទៅមុខជាមួយទំនប់ ៤ ទៀតលើទន្លេមេគង្គ ចំពេលមានគ្រោះរាំងស្ងួត៕

1 hr

January 02, 2021 ព័ត៌មានពេលរាត្រី៖ ២ មករា ២០២១ - មករា 02, 2021

ព័ត៌មានសំខាន់ៗអំពីកម្ពុជាមានដូចជា ក្រុមគ្រួសារអ្នកជំងឺមហារីកត្រូវការជំនួយផ្នែកហិរញ្ញវត្ថុនិងកម្លាំងចិត្តពីសហគមន៍។ ពលរដ្ឋខ្មែរអាមេរិកាំងខ្លះថា នឹងចាក់វ៉ាក់សាំងបង្ការជំងឺកូវីដ១៩ ដោយមិនខ្លាចប្រតិកម្មថ្នាំទេ។ រីឯព័ត៌មានអន្តរជាតិវិញមានដូចជា ចិនប្រកាសផែនការដើម្បីអនុញ្ញាតឲ្យអន្តរជាតិអាចប្រើប្រាស់អង់តែនអង្កេតផ្កាយដ៏ធំរបស់ខ្លួន។ រដ្ឋកាលីហ្វ័រញ៉ា ទទួលបានវ៉ាក់សាំងបង្ការជំងឺកូវីដ១៩ ជាង២លានដូស។ ក្រុមហ៊ុនរុករកប្រេងរបស់ចិន នឹងបន្តរុករកនៅក្នុងសមុទ្រចិនខាងត្បូង ទោះមានការដាក់ទណ្ឌកម្មពីអាមេរិកក៏ដោយ។ កាតប៉ុស្តិ៍ស្តាល់ពីក្រុងវូហាន៖ មួយឆ្នាំក្រោយមក ពលរដ្ឋចិនរំឭករឿងរ៉ាវអំឡុងពេលបិទទីក្រុង និងក្តីសង្ឃឹមសម្រាប់ឆ្នាំ២០២១៕

1 hr

January 01, 2021 ព័ត៌មានពេលរាត្រី៖ ១ មករា ២០២១ - មករា 01, 2021

ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន បញ្ជាឲ្យត្រួតពិនិត្យពលករឆ្លងពីថៃឲ្យបានហ្មត់ចត់បំផុត ខណៈពួកគេ១៤នាក់ឆ្លងកូវីដ១៩។ ពលរដ្ឋកម្ពុជាមួយចំនួនរង់ចាំវ៉ាក់សាំងបង្ការជំងឺកូវីដ១៩ ប៉ុន្តែបារម្ភពីប្រភពនិងប្រសិទ្ធភាព។ ជនជាតិដើមភាគតិចចោទក្រុមហ៊ុនHAGLបន្តឈូសឆាយដី ដើម្បីដាំស្វាយនាំទៅចិន។ រីឯព័ត៌មានអន្តរជាតិវិញមានដូចជា ប្រទេសវៀតណាមនិងអង់គ្លេសចុះហត្ថលេខាលើកិច្ចព្រមព្រៀងពាណិជ្ជកម្មសេរី ដែលចូលជាធរមាននៅថ្ងៃទី៣១ ខែធ្នូ។ ឡាវប្តេជ្ញាបន្តដំណើរទៅមុខជាមួយទំនប់ ៤ ទៀតលើទន្លេមេគង្គ ចំពេលមានគ្រោះរាំងស្ងួត។ តើចិនអាចពឹងផ្អែកលើខ្លួនឯងក្នុងការបង្កើតបន្ទះអេឡិចត្រូនិកឬទេ? អ្នកតាក់តែងច្បាប់ថ្កោលទោសក្រុមហ៊ុនរុករករ៉ែដ៏ធំមួយ ចំពោះការបំផ្លិចបំផ្លាញកន្លែងពិសិដ្ឋរបស់ជនជាតិដើមនៅអូស្ត្រាលី។ អបិយជំនឿត្រូវបានគេបន្ទោសថាជាមូលហេតុនៃការកើនឡើងករណីរំលោភសេពសន្ថវៈនៅក្នុងប្រទេសម៉ាឡាវី៕

1 hr

December 31, 2020 ព័ត៌មានពេលរាត្រី៖ ៣១ ធ្នូ ២០២០ - ធ្នូ 31, 2020

ព័ត៌មានសំខាន់ៗអំពីកម្ពុជាមានដូចជា មន្រ្តីគ.ជ.ប.ថា ស្ថាប័នមិនមានសមត្ថកិច្ចស៊ើបអង្កេតការចល័តទាហានមកចុះឈ្មោះបោះឆ្នោតទេ។ មាតុភូមិនិវត្តន៍របស់មន្ត្រីគណបក្សសង្គ្រោះជាតិ ដើម្បីការពារខ្លួននៅតុលាការប្រឈមឧបសគ្គនយោបាយ ខណៈពេលវេលាកាន់តែខើច។ សកម្មជននិងអ្នករិះគន់ប្រឈមការវាយប្រហាររាងកាយក្នុងការបង្រ្កាបនយោបាយឆ្នាំ ២០២០។ រីឯព័ត៌មានអន្តរជាតិវិញមានដូចជា ភោជនីយដ្ឋានរាប់ពាន់នៅសហរដ្ឋអាមេរិកបិទទ្វារនៅពេលដែលវ៉ាក់សាំងបង្ការជំងឺកូវីដ ១៩ មកដល់។ រដ្ឋ California រកឃើញករណីទី២ នៃជំងឺកូវីដ១៩ វិវត្តិន៍ថ្មី។ សំណើច្បាប់ដំឡើងប្រាក់ឧបត្ថម្ភកូវីដ១៩ ដល់ពលរដ្ឋម្នាក់ៗជាប់គាំងនៅព្រឹទ្ធសភាសហរដ្ឋអាមេរិក។ ប្រទេសចិនអនុម័តជាលើកដំបូងឲ្យប្រើវ៉ាក់សំាងកូវីដ១៩ ផលិតនៅក្នុងប្រទេស។ សមាជិកព្រឹទ្ធសភាគណបក្សសាធារណរដ្ឋម្នាក់ នឹងប្រឆាំងជ័យជម្នះអង្គបោះឆ្នោតរបស់លោក Biden។ សហរដ្ឋអាមេរិក ហាមឃាត់ការនាំចូលផលិតផលដូងប្រេងមកពីប្រទេសម៉ាឡេស៊ី។ ផ្សារភាគហ៊ុនអាស៊ីភាគច្រើនឡើងថ្លៃ នៅក្នុងការលក់ដូរថ្ងៃចុងក្រោយនៃឆ្នាំ២០២០នេះ និងព័ត៌មានអន្តរជាតិផ្សេងៗទៀត៕

1 hr

December 30, 2020 ព័ត៌មានពេលរាត្រី៖ ៣០ ធ្នូ ២០២០ - ធ្នូ 30, 2020

ព័ត៌មានអំពីកម្ពុជាមានដូចជា ភាពចម្រូងចម្រាសនៃការចុះឈ្មោះអ្នកបោះឆ្នោត នាំឲ្យសង្ស័យពីការកេងចំណេញសំឡេងឆ្នោត។ នៅក្នុងកម្មវិធី «កម្ពុជាសម្លឹងទៅមុខ ឬ Envision Cambodia» មានកិច្ចពិភាក្សាអំពី «កិច្ចគាំពារសង្គមនៅកម្ពុជា»។ រីឯព័ត៌មានអន្តរជាតិវិញមានដូចជា លោក Joe Biden ថា លោកនឹងផ្ដោតកាន់តែខ្លាំងក្នុងការប្រយុទ្ធប្រឆាំងនឹងជំងឺកូវីដ១៩ តាមរយ:ការបង្កើនអត្រានៃការចាក់វ៉ាក់សំាង។ ចក្រភពអង់គ្លេសអនុញ្ញាតឲ្យប្រើវ៉ាក់សាំងបង្ការកូវីដ១៩ទី២របស់ក្រុមហ៊ុន AstraZeneca ដែលមានភាពងាយស្រួលរក្សាទុកជាង។ ប្រទេសសិង្ហបុរី ចាប់ផ្តើមចាក់វ៉ាក់សាំងបង្ការជំងឺកូវីដ១៩ ដែលកត់សម្គាល់«នូវទំព័រប្រវត្តិ សាស្ត្រថ្មី»ក្នុងការប្រយុទ្ធវីរុស។ វេទិកាសេដ្ឋកិច្ចពិភពលោក៖ ប្រទេសនានាដែលមានជំនាញឌីជីថលជឿនលឿននិងមានប្រព័ន្ធសុវត្ថិភាពសង្គម សម្របបានប្រសើរក្នុងអំឡុងជំងឺរាតត្បាត។ សកម្មជនក្រុងហុងកុង១០នាក់បានត្រូវកាត់ទោសឲ្យជាប់ពន្ធនាគារចំពោះការប៉ុនប៉ងរត់ គេចខ្លួនចេញពីក្រុងហុងកុង។ កូរ៉េខាងជើងត្រៀមធ្វើសមាជសំខាន់របស់បក្ស អំឡុងពេលមានបញ្ហាប្រឈមខ្លាំង។ សហរដ្ឋអាមេរិក «ត្រៀមខ្លួនរួចរាល់» ដើម្បីកាត់ទោសអ្នកនៅពីក្រោយឃាតកម្មលោក Daniel Pearl៕

1 hr

December 29, 2020 ព័ត៌មានពេលរាត្រី៖ ៣០ ធ្នូ ២០២០ - ធ្នូ 29, 2020

ព័ត៌មានអំពីកម្ពុជាមានដូចជា សកម្មជនបក្សប្រឆាំង២នាក់ទៀតត្រូវបានចាប់ខ្លួន ខណៈគម្រោងវិលត្រឡប់របស់ថ្នាក់ដឹកនាំជិតមកដល់។ អ្នកជំនាញថា វិស័យកសិកម្មនៅតែល្អប្រសើរ ទោះកម្ពុជារងឥទ្ធិពលកូវីដ១៩។ ប្រជានេសាទត្អូញត្អែរត្រីបឹងទន្លេសាបធ្លាក់ចុះ ខណៈរដូវត្រីប្រហុកមកដល់។ លោក ហ៊ុន សែន ថា កម្ពុជាទទួលបានតំណក់ប្រេងដំបូង ហើយគ្រោងយកថវិកាពីប្រេងជួយវិស័យអប់រំនិងសុខាភិបាល។ ព័ត៌មានអន្តរជាតិមានដូចជា អង្គការសុខភាពពិភពលោកអំពាវនាវឲ្យមានការបង្កើនការកំណត់ទិន្នន័យហ្ស៊ែននៃវីរុស បន្ទាប់មានលេចជំងឺកូវីដ១៩ វិវត្តថ្មី។ មានការសាកល្បងវ៉ាក់សំាងកូវីដ១៩កាន់តែច្រើនប្រភេទ ខណ:សហរដ្ឋអាមេរិកបង្កើនកិច្ចប្រឹងប្រែងចាក់វ៉ាក់សាំង។ រដ្ឋសភាអាមេរិកអនុម័តកញ្ចប់ថវិកាសង្រ្គោះសេដ្ឋកិច្ចច្រើនជាងមុន និងបោះឆ្នោតជម្នះការធ្វើវ៉េតូលើថវិកាការពារជាតិរបស់លោក Trump។ លោក Biden ថា ក្រុមអ្នកជំនួយការលោក Trump រាំងស្ទះដល់ក្រុមការងារផ្ទេរតំណែងរបស់លោក។ ក្រុមហ៊ុនថៃចូលរួមជាមួយក្រុមហ៊ុន AstraZeneca ផលិតវ៉ាក់សាំងកូវីដ១៩ សម្រាប់អាស៊ីអាគ្នេយ៍ និងព័ត៌មានសំខាន់ៗមួយចំនួនទៀត៕

1 hr

December 28, 2020 ព័ត៌មានពេលរាត្រី៖ ២៨ ធ្នូ ២០២០ - ធ្នូ 28, 2020

ព័ត៌មានអំពីកម្ពុជាមានដូចជា ផែនការបង្កើតបក្សថ្មីរបស់អតីតតំណាងរាស្ត្របក្សសង្គ្រោះជាតិ ប្រឈមការរិះគន់និងភាពមិនច្បាស់លាស់។ នៅក្នុងកម្មវិធី Hello VOA មានកិច្ចពិភាក្សាអំពី «បច្ចុប្បន្នភាពដំណោះស្រាយសំណុំរឿងកកស្ទះ និងពន្ធនាគារកកកុញ»។ រីឯព័ត៌មានអន្តរជាតិវិញមានដូចជា លោក Trump ចុះហត្ថលេខាលើសំណើច្បាប់ថវិកាសម្រាប់ជំនួយកូវីដ១៩ និងការចំណាយរបស់រដ្ឋាភិបាល។ វ៉ាក់សាំងកូវីដ១៩ របស់ក្រុមហ៊ុន AstraZeneca ត្រូវគេរំពឹងថានឹងទទួលបានការអនុញ្ញាតឲ្យប្រើនៅសប្ដាហ៍នេះ។ អ្នកកាសែតចិនម្នាក់ជាប់ពន្ធនាគារ ៤ ឆ្នាំ ចំពោះការរាយការណ៍អំពីការផ្ទុះឡើងដំបូងៗនៃជំងឺកូវីដ១៩ នៅទីក្រុង Wuhan។ សហរដ្ឋអាមេរិកជំរុញចិនឲ្យដោះលែងពលរដ្ឋហុងកុង ១២ នាក់ ដែលអាជ្ញាធរចិនចាប់ខ្លួននៅពេលកំពុងរត់គេចទៅតៃវ៉ាន់។ អាជ្ញាធរថា ជនសង្ស័យនៅក្នុងការផ្ទុះនៅរដ្ឋ Tennessee បានស្លាប់នៅកន្លែងកើតហេតុ៕

1 hr

December 27, 2020 ព័ត៌មានពេលរាត្រី៖ ២៧ ធ្នូ ២០២០ - ធ្នូ 27, 2020

ព័ត៌មានអំពីកម្ពុជាមានដូចជា បទសម្ភាសន៍ VOA ជាមួយនឹងឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាអំពី «សហរដ្ឋអាមេរិកក្រោមរដ្ឋការថ្មី និងប្រជាធិបតេយ្យនៅកម្ពុជា»។ កម្ពុជាឆ្នាំ ២០២០ កត់សម្គាល់ដោយទណ្ឌកម្មអន្តរជាតិ និងការបន្ដយាយីលើអ្នករិះគន់រដ្ឋាភិបាល។ រីឯព័ត៌មានអន្តរជាតិវិញមានដូចជា ក្រុមវាគ្មិនពិភាក្សាអំពីគោលនយោបាយថ្មីក្រោមរដ្ឋបាលលោក Biden ចំពោះតំបន់អាស៊ី។ ជាតិសាសន៍អាស៊ីមានបញ្ហាតានតឹងផ្លូវចិត្តទាក់ទិននឹងជំងឺកូវីដ១៩។ អង្គការសហប្រជាជាតិថា ជំងឺកូវីដ១៩ ធ្វើឲ្យប្រទេសអភិវឌ្ឍន៍តិចតួចបំផុតកាន់តែលំបាក។ កែវយឹតអូស្រ្តាលីរកឃើញកាឡាក់ស៊ីថ្មីចំនួន ១ លាន៕

1 hr