កម្មវិធី​ព័ត៌មាន​ពេលរាត្រី - វីអូអេ

ព័ត៌មានអំពីកម្ពុជាមានដូចជា លោកនាយករដ្ឋមន្ត្រី ហ៊ុន សែន ព្រលយថា រដ្ឋមន្រ្តីក្រសួងសេដ្ឋកិច្ចបច្ចុប្បន្នជាបេក្ខភាពនាយករដ្ឋមន្រ្តីម្នាក់។ តុលាការឧក្រិដ្ឋកម្មអន្តរជាតិឱ្យកម្ពុជារួចខ្លួនរឿងចាប់បញ្ជូនជនជាតិអ៊ុយហ្គ័របញ្ជូនទៅចិន។ សម្រាប់កម្មវិធីផតខាសថ៍ (podcast) «កម្ពុជាសម្លឹងទៅមុខ ឬEnvision Cambodia»សហការជាមួយវេទិកាអនាគតFuture Forum យើងមានភាគទី១ដែលស្តីអំពី «ការប្រែប្រួលអាកាសធាតុ»។ ព័ត៌មានអន្តរជាតិវិញមានដូចជា លោក Robert Reilly វិលមកកាន់តំណែងនាយកវីអូអេវិញ។ មេដឹកនាំគណបក្សសាធារណរដ្ឋនៃព្រឹទ្ធសភាអាមេរិកទទួលស្គាល់ជ័យជម្នះរបស់លោក Biden។ លោក Biden សន្យាធ្វើការជាមួយមេដឹកនាំគណបក្សសាធារណរដ្ឋនៃព្រឹទ្ធសភាលើបញ្ហាមួយចំនួន។ ក្រុមលោក Biden ថា ពិធីស្បថចូលកាន់តំណែងរបស់លោក Biden នឹងធ្វើឡើងដោយផ្ដោតលើសុវត្ថិភាពសុខភាពសាធារណៈ។ ខណៈដែលវ៉ាក់សាំងកូវីដ១៩ លើកទីមួយចាប់ផ្ដើមចែកចាយ ផ្នែកភាគច្រើននៃពិភពលោកនឹងត្រូវរង់ចាំ។ លោក Biden ជ្រើសរើសលោក Pete Buttigieg ឲ្យធ្វើជារដ្ឋមន្ត្រីក្រសួងគមនាគមន៍។ អង្គការ CPJ ថា អ្នកកាសែតក្នុងចំនួនដ៏ច្រើនមិនដែលមានពីមុន ត្រូវគេចាប់ដាក់ពន្ធនាគារនៅទូទាំងពិភពលោក។ អាជ្ញាធរថៃចាប់ខ្លួនមនុស្ស ៧ នាក់ពីបទជួញដូរជនចំណាកស្រុកឲ្យទៅធ្វើការលើនាវានេសាទ៕

ព័ត៌មានអំពីកម្ពុជាមានដូចជា លោកនាយករដ្ឋមន្ត្រី ហ៊ុន សែន ប្រកាសថា កម្ពុជាមិនយកវ៉ាក់សាំងការពារជំងឺកូវីដ ដែលមិនទទួលស្គាល់ដោយអង្គការសុខភាពពិភពលោកនោះទេ។ រដ្ឋាភិបាលប្រកាសបន្តផ្តល់ប្រាក់ឧបត្ថម្ភដល់ពលរដ្ឋ ខណៈជំរុញឲ្យបន្តបញ្ចូលអ្នកក្រីក្របន្ថែមទៀត។ ព័ត៌មានអន្តរជាតិវិញមានដូចជា លោក Bidenថា «លទ្ធិប្រជាធិបតេយ្យបានឈ្នះ» បន្ទាប់ពីអង្គបោះឆ្នោតសម្រេចជាផ្លូវការថាលោកជាប្រធានាធិបតីថ្មីរបស់សហរដ្ឋអាមេរិក។ រដ្ឋមន្ត្រីក្រសួងយុត្តិធម៌សហរដ្ឋអាមេរិកលោក William Barr ដែលជាសម្ព័ន្ធមិត្តប្ដូរផ្ដាច់ម្នាក់របស់លោកប្រធានាធិបតី Donald Trump បានលាលែងពីតំណែង។ តុលាការព្រហ្មទណ្ឌអន្តរជាតិច្រានចោលសំណើរបស់ជាតិសាសន៍អ៊ុយហ្គ័រដែលចង់ឲ្យស៊ើបអង្កេតលើប្រទេសចិន។ សមាជិកសភានៃគណបក្សទាំងពីរនៅសហរដ្ឋអាមេរិកបង្ហាញសំណើច្បាប់ជំនួយសម្រាប់វិបត្តិកូវីដ១៩។ ជំនួយម្ហូបអាហារបានកើនឡើងយ៉ាងខ្លាំង ចាប់តាំងពីការរាតត្បាតនៃជំងឺកូវីដ១៩ បានចាប់ផ្ដើមនៅសហរដ្ឋអាមេរិកកាលពី ១០ ខែមុនមក។ រដ្ឋសភាជាតិនៃប្រទេសកូរ៉េខាងត្បូងបានអនុម័តច្បាប់មួយដែលនឹងដាក់ទោសសកម្មជនទំាងឡាយណាដែលចែកចាយសម្ភារ:ឬខិត្តប័ណ្ណប្រឆំាងប្រទេសកូរ៉េខាងជើងឆ្លងព្រំដែន។ សកម្មជនគាំទ្រលទ្ធិប្រជាធិបតេយ្យហុងកុង ៣រូប ត្រូវបានកាត់ទោសឲ្យជាប់ពន្ធនាគារ។ អឺរ៉ុបសំដៅលើពួករំលោភសិទ្ធិមនុស្សដោយប្រើច្បាប់ «Magnitsky»។ ២៥ឆ្នាំ ក្រោយកិច្ចព្រមព្រៀងសន្តិភាពទីក្រុង Dayton៖ ជាផែនការស្វែងរកសន្តិភាព មិនមែនសម្រាប់អនាគតទេ។ ប្រធានទីភ្នាក់ងារស៊ើបការណ៍សម្ងាត់សហរដ្ឋអាមេរិកព្រមានថាចិនព្យាយាមធ្វើឧត្តមភាពសកល។ លោកប្រធានាធិបតី Trump បានធ្វើការលើកលែងនិងបន្ធូរបន្ថយទោសតិចជាងប្រធានាធិបតីមុនៗ៕

ព័ត៌មានអំពីកម្ពុជាមានដូចជា ចិនបង្ហើបឲ្យដឹងថាខ្លួនកំពុងទាក់ទងរដ្ឋាភិបាលកម្ពុជា ពាក់ព័ន្ធនឹងវ៉ាក់សាំងសម្រាប់បង្ការជំងឺកូវីដ១៩។ សហគ្រិនកសិកម្មម្នាក់ត្រូវឃុំខ្លួន ក្រោយបង្ហោះសារ«កាច់កុង»លោកនាយករដ្ឋមន្ត្រីរឿងជំងឺកូវីដ១៩។ នៅក្នុងកម្មវិធី Hello VOA មានកិច្ចពិភាក្សាអំពី «សារៈសំខាន់នៃការផ្សាយសេចក្តីសម្រេចរបស់តុលាការជាសាធារណៈ»។ ព័ត៌មានអន្តរជាតិវិញមានដូចជាសហរដ្ឋអាមេរិកចាប់ផ្ដើមដំណើរការចែកចាយវ៉ាក់សាំងបង្ការជំងឺកូវីដ១៩។ លោក Trump នៅបន្តជំទាស់ ស្របពេលអង្គបោះឆ្នោតត្រៀមសម្រេចចុងក្រោយលើជ័យជម្នះរបស់លោក Biden។ ក្រុមប្រឹក្សាសន្តិសុខជាតិសហរដ្ឋអាមេរិកស៊ើបអង្កេតករណីលួចចូលក្នុងប្រព័ន្ធកំព្យូទ័ររបស់រដ្ឋាភិបាលអាមេរិក។ គម្រោងដែលឧបត្ថម្ភដោយសហរដ្ឋអាមេរិក តាមដានកម្រិតទឹកនៃទំនប់នានានៅទន្លេមេគង្គ។ មនុស្សរាប់ម៉ឺននាក់តវ៉ាដើម្បីទម្លាក់រដ្ឋាភិបាលរបស់លោកនាយករដ្ឋមន្ត្រី Imran Khan នៅប៉ាគីស្ថាន។ ជនភៀសខ្លួនរ៉ូហ៊ីងយ៉ាខ្លះត្រូវគេផ្លាស់ទីលំនៅទៅកោះBhasan Char៕

ព័ត៌មាន​អំពី​កម្ពុជា​មាន​ដូចជា ក្រុម​អ្នកវិភាគ​រំពឹង​ថា​រដ្ឋបាល​ប្រធានាធិបតី​ថ្មី​នៅ​សហរដ្ឋ​អាមេរិក​នឹង​ជួយ​ជំរុញ​លទ្ធិ​ប្រជាធិបតេយ្យ​និង​សិទ្ធិ​មនុស្ស​នៅ​កម្ពុជា។ ទោះបី​មាន​ការ​ពង្រឹង​អនាម័យ​ក្នុង​រោងចក្រ កម្មករ​នៅតែ​ភ័យខ្លាច​ឆ្លង​ជំងឺ​កូវីដ១៩។ រីឯ​ព័ត៌មាន​អន្តរជាតិ​វិញ​មាន​ដូចជា គោល​នយោបាយ​របស់​លោក Biden សម្រាប់​ស្ត្រី។ ហ្វីលីពីន​សម្លឹង​ទៅរក​ការ​ផ្លាស់ប្តូរ​ជំហរ​រឿង​កិច្ច​ព្រមព្រៀង​យោធា​សហរដ្ឋ​អាមេរិក​ដែល​នឹង​ត្រូវ​លុបចោល។ វិធី​ដែល​កង​យោធា​សហរដ្ឋ​អាមេរិក​បង្កើត​អាហារ​សម្រន់​ដែល​ជនជាតិ​អាមេរិកាំង​ចូលចិត្ដ។ ក្រុម​ចម្រៀង​រ៉េប​សរសេរ​បទ​ថ្មី​អំពី​បាតុកម្ម​គាំទ្រ​លទ្ធិ​ប្រជាធិបតេយ្យ​នៅ​ប្រទេស​ថៃ។ អ្នក​ញៀន​គ្រឿង​ញៀន​នៅ​ក្រុង Kandahar ប្រទេស​អាហ្វហ្គានីស្ថាន ស្នើ​រដ្ឋាភិបាល​ឲ្យ​បង្កើន​កន្លែង​ព្យាបាល។ ហាង​លក់​តុក្កតា​បញ្ជា​ដោយ​ដៃ​តែមួយ​គត់​នៅ​រដ្ឋធានី​វ៉ាស៊ីនតោន​ប្រារព្ធ​ខួប ២៥ ឆ្នាំ​នៃ​ដំណើរការ​អាជីវកម្ម៕

ព័ត៌មាន​អំពី​កម្ពុជា​មាន​ដូចជា ខ្មែរ​អាមេរិកាំង​ខ្លះ​រារែក​ចាក់​វ៉ាក់សាំង​កូវីដ១៩ ទោះ​រដ្ឋាភិបាល​ចែក​ឲ្យ​ប្រើ​ពេល​ខាង​មុខ​ក្តី។ ភាគទី៤ នៃកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ស្តីអំពី «អត្តសញ្ញាណ​បុគ្គល​និង​អត្តសញ្ញាណជាតិ​កម្ពុជា»។ ព័ត៌មាន​អន្តរជាតិ​វិញ​មាន​ដូចជា លោក​ប្រធានាធិបតី Trump បាន​ធ្វើ​ការ​លើកលែង​និង​បន្ធូរ​បន្ថយ​ទោស​តិច​ជាង​ប្រធានាធិបតី​មុនៗ។ អង្គការ​សហប្រជាជាតិ៖ ការ​បញ្ជូន​ជនជាតិ​រ៉ូហ៊ីងយ៉ា​ទៅ​កោះដាច់​ស្រយ៉ាល​ត្រូវតែ​បញ្ឈប់។ កែវយឹត​អូស្រ្តាលី​រក​ឃើញ​កាឡាក់ស៊ី​ថ្មី​ចំនួន​១លាន៕

ព័ត៌មានអំពីកម្ពុជាមានដូចជា អ្នកជំនួញចិនស្តុកស្តម្ភដែលធ្លាប់ជួបជាមួយមន្រ្តីជាន់ខ្ពស់កម្ពុជារងទណ្ឌកម្មសហរដ្ឋអាមេរិក។ ប៉ូលិសកម្ពុជាថាមានការបន្លំបង្កើតក្រុមTelegram យកឈ្មោះអគ្គស្នងការនគរបាលជាតិមកប្រើ។ របាយការណ៍ថ្មីបង្ហាញថាជិតមួយភាគបីនៃករណីរំលោភសេពសន្ថវៈនៅកម្ពុជា ពាក់ព័ន្ធនឹងសាច់ញាតិជនរងគ្រោះ។ ព័ត៌មានអន្តរជាតិវិញមានដូចជា គណៈកម្មាធិការពិសេសមួយរបស់សហរដ្ឋអាមេរិកផ្តល់ការគាំទ្រចំពោះការប្រើប្រាស់វ៉ាក់សាំងកូវីដ១៩ដំបូងបង្អស់។ វៀតណាមនិងចក្រភពអង់គ្លេស ជិតបញ្ចប់កិច្ចព្រមព្រៀងពាណិជ្ជកម្មបន្ទាប់ពីការចាកចេញរបស់អង់គ្លេសពីសហភាពអឺរ៉ុប។ សហរដ្ឋអាមេរិកនិងសម្ព័ន្ធមិត្ត គ្រោងពិភាក្សាបញ្ហាសិទ្ធិមនុស្សក្នុងប្រទេសកូរ៉េខាងជើងនៅក្រុមប្រឹក្សាសន្តិសុខអង្គការសហប្រជាជាតិ។ អង្គការស្បៀងអាហារពិភពលោកព្រមានពីការរាតត្បាតនៃការអត់ឃ្លាន ពេលទទួលរង្វាន់ណូបែលសន្តិភាព។ ជនភៀសខ្លួនរ៉ូហ៊ីងហ្កាខ្លះត្រូវគេផ្លាស់ទីលំនៅទៅកោះBhasan Char។ សមាជិកសភាសហរដ្ឋអាមេរិក បញ្ចប់ឆ្នាំប្រវត្តិសាស្ត្រដែលរួមមានការប្តឹងដកតំណែងប្រធានាធិបតី និងការរាតត្បាតជំងឺ។ នាយករដ្ឋមន្ត្រីថៃត្រូវបានរកឃើញថាមិនមានទោស ខណៈដែលក្រុមអ្នកតវ៉ាថ្កោលទោសលើប្រព័ន្ធយុត្តិធម៌របស់ប្រទេសនេះ។ លោក Joe Biden ជ្រើសរើសរដ្ឋមន្ត្រីការបរទេសថ្មី ដែលគាំទ្រសម្ព័ន្ធភាពអន្តរជាតិខ្លាំង។ ប្រធានស៊ើបការណ៍សម្ងាត់សហរដ្ឋអាមេរិកចេញពីតំណែងព្រមានថាចិនព្យាយាមធ្វើឧត្តមភាពសកល៕

ព័ត៌មានអំពីកម្ពុជាមានដូចជា អ្នកមានចំណូលទាបនៅរាជធានីភ្នំពេញថ្លឹងថ្លែងរវាង បញ្ហាក្រពះនិងការឆ្លងជំងឺកូវីដ១៩។ ពលរដ្ឋខ្មែរអាមេរិកាំងខ្លះរារែកចាក់វ៉ាក់សាំងកូវីដ១៩ ទោះរដ្ឋាភិបាលចែកឲ្យប្រើនាពេលខាងមុខក្តី។ នៅក្នុងកម្មវិធី Hello VOA មានកិច្ចពិភាក្សាអំពី«ការលុបបំបាត់អំពើពុករលួយក្នុងវិស័យយុត្តិធម៌នៅកម្ពុជាក្នុងគ្រាមានជំងឺកូវីដ១៩។»។ ព័ត៌មានអន្តរជាតិវិញមានដូចជា លោក Biden គ្រោងតែងតាំងលោកស្រី Katherin Tai ជាបេសកជនពាណិជ្ជកម្មកំពូលរបស់សហរដ្ឋអាមេរិក។ លោក Trump ប្តេជ្ញាបន្តការប្រយុទ្ធជំទាស់នឹងលទ្ធផលបោះឆ្នោតប្រធានាធិបតី។ សហរដ្ឋអាមេរិកជិតឈានដល់ការអនុញ្ញាតឲ្យប្រើវ៉ាក់សាំងបង្ការជំងឺកូវីដ១៩។ ចក្រភពអង់គ្លេសចុះហត្ថលេខាលើកិច្ចព្រមព្រៀងពាណិជ្ជកម្មសេរីជាមួយសិង្ហបុរី។ អង្គការសហប្រជាជាតិថា សិទ្ធិមនុស្សត្រូវតែជាគ្រឹះនៃការងើបឡើងវិញពីវិបត្តិជំងឺកូវីដ១៩៕

ព័ត៌មានអំពីកម្ពុជាមានដូចជា មនុស្ស៥នាក់ត្រូវឃុំខ្លួន ក្រោយហេតុការណ៍ពុលស្រា«ស»នៅខេត្តកំពង់ឆ្នាំង។ ក្រុមអ្នកវិភាគរំពឹងថារដ្ឋបាលប្រធានាធិបតីថ្មីនៅអាមេរិកនឹងជួយជំរុញលទ្ធិប្រជាធិបតេយ្យនិងសិទ្ធិមនុស្សនៅកម្ពុជា។ មនុស្ស៤នាក់ទៀតឆ្លងជំងឺកូវីដ១៩ ក្នុងករណីឆ្លងក្នុងសហគមន៍នៅកម្ពុជា។ នៅក្នុងកម្មវិធី Hello VOA ពិសេស មានកិច្ចពិភាក្សាអំពី«ក្រោកឈរដើម្បីសិទ្ធិមនុស្ស៖ តើកម្ពុជានឹងដើរដល់ចំណុចណាក្នុងការការពារសិទ្ធិមនុស្សនៅឆ្នាំ២០២១»? ព័ត៌មានអន្តរជាតិវិញមានដូចជា លោក Biden នឹងតែងតាំងអ្នកស្រី Marcia Fudge ឲ្យធ្វើជារដ្ឋមន្ត្រីក្រសួងអភិវឌ្ឍន៍លំនៅដ្ឋាននិងទីក្រុង។ លោក Trump និងលោក Biden ប្ដេជ្ញាផ្ដល់វ៉ាក់សំាងដល់ពលរដ្ឋអាមេរិកាំងរាប់លាននាក់ឲ្យបានលឿន។ អ្នករំលោភសិទ្ធិមនុស្សនឹងប្រឈមនឹងការបង្កកទ្រព្យសម្បត្តិ និងការហាមឃាត់ការធ្វើដំណើរចូល ទឹកដីអឺរ៉ុប ក្រោមច្បាប់ Magnitsky Act ដែលអនុម័តដោយសហភាពអឺរ៉ុប។ កូរ៉េខាងជើងខឹងសម្បានឹងកូរ៉េខាងត្បូងដែលនិយាយអំពីវិធានការរបស់កូរ៉េខាងជើងចំពោះជំងឺកូវីដ១៩។ ការអំពាវនាវឲ្យប៉ូលិសទទួលខុសត្រូវមុខច្បាប់បានកើនឡើងនៅទីក្រុងហុងកុង។ របៀបវារៈរបស់លោក Biden សម្រាប់ស្ត្រី៕

ព័ត៌មានអំពីកម្ពុជាមានដូចជា អង្គការសុខភាពពិភពលោកថា កម្ពុជាប្រហែលជាបានវ៉ាក់សាំងកូវីដដំបូងនៅខែមីនា។ តុលាការភ្នំពេញសាកសួរបងស្រីរបស់សកម្មជនថៃដែលបាត់ខ្លួន ដោយអ្នកស្រីទទូចឲ្យស្វែងរកប្អូនប្រុស។ គណៈកម្មាធិការជាតិរៀបចំការបោះឆ្នោត ប្តឹងអ្នកនយោបាយមួយរូបពីបទញុះញង់ពាក់ព័ន្ធនឹងការចុះឈ្មោះបោះឆ្នោត។ ព័ត៌មានអន្តរជាតិវិញមានដូចជា លោក Biden ប្រកាសឈ្មោះមន្ត្រីសុខាភិបាលកំពូលៗរបស់លោក។ សេតវិមាននឹងរៀបចំកិច្ចប្រជុំនៅថ្ងៃអង្គារនេះដើម្បីបង្កើនទំនុកចិត្តសាធារណៈលើវ៉ាក់សាំងកូវីដ១៩។ សហរដ្ឋអាមេរិកដាក់ទណ្ឌកម្មចិន និងលក់អាវុធឲ្យតៃវ៉ាន់។ រដ្ឋសភាសហរដ្ឋអាមេរិកអនុម័តផ្ដល់សិទ្ធិរស់នៅបណ្ដោះអាសន្នដល់ពលរដ្ឋហុងកុង។ លោកវេជ្ជបណ្ឌិត Fauci ព្រមានពី «ការកើនឡើងលើការកើនឡើង» នៃជំងឺកូវីដ១៩។ ក្រុមចម្រៀងរ៉េបសរសេរបទថ្មីពីបាតុកម្មគាំទ្រលទ្ធិប្រជាធិបតេយ្យនៅថៃ។ កសិករឥណ្ឌាប៉ះទង្គិចជាមួយប៉ូលិស នៅពេលដែលពួកគេធ្វើបាតុកម្មប្រឆាំងនឹងច្បាប់ថ្មី។ ក្រុមអ្នកវិទ្យាសាស្ត្រ«ភ្ញាក់ផ្អើលខ្លាំង»នឹងក្រុមមនុស្សដែលសង្ស័យអំពីវិទ្យាសាស្ត្រនៅពេលមានការរាតត្បាតជំងឺកូវីដ១៩៕

ព័ត៌មានអំពីកម្ពុជាមានដូចជា លោក ហ៊ុន សែន ថាមិនចង់ដាក់ប្រទេសក្នុងគ្រាអាសន្ន ទោះការឆ្លងក្នុងសហគមន៍បន្តកើនឡើងក៏ដោយ។ ទោះបីជាមានការពង្រឹងអនាម័យក្នុងរោងចក្រក៏ដោយ ក៏កម្មករនៅតែភ័យខ្លាចជំងឺកូវីដ១៩។ នៅក្នុងកម្មវិធី Hello VOA មានកិច្ចពិភាក្សាអំពី «ស្រ្តីមានសិទ្ធិនិងតួនាទីដូចបុរសក្នុងភាពជាអ្នកដឹកនាំ»។ ព័ត៌មានអន្តរជាតិវិញមានដូចជា លោក Biden ជ្រើសតាំងអគ្គរដ្ឋអាជ្ញារដ្ឋ California ឲ្យដឹកនាំក្រសួងសុខាភិបាល។ ចិនស្នើឲ្យមានការចរចាជាថ្មីជាមួយរដ្ឋបាលដឹកនាំថ្មីរបស់សហរដ្ឋអាមេរិក។ ចក្រភពអង់គ្លេសនឹងក្លាយជាប្រទេសទីមួយដែលប្រើវ៉ាក់សាំងកូវីដ១៩ របស់ក្រុមហ៊ុន Pfizer។ អ្នកជំនាញសុខាភិបាលសហរដ្ឋអាមេរិកថា ពលរដ្ឋអាមេរិកាំងត្រូវតែការពារខ្លួនពីជំងឺកូវីដ១៩។ មន្ត្រីរដ្ឋ Georgia ច្រានចោលការអះអាងរបស់លោក Trump អំពីការលួចបន្លំការបោះឆ្នោត។ ប្រធានអង្គការអូតង់ថា សម្ព័ន្ធមិត្តនឹងសាងសង់មជ្ឈមណ្ឌលអវកាសនៅមូលដ្ឋានទ័ពអាកាសនៅប្រទេសអាល្លឺម៉ង់៕