កម្មវិធីព័ត៌មានពេលរាត្រី - វីអូអេ podcast - Page 137

July 06, 2021 ព័ត៌មានពេលរាត្រី៖ ៦ កក្កដា ២០២១ - កក្កដា 06, 2021

ព័ត៌មានអំពីកម្ពុជាមានដូចជា រដ្ឋបាលខេត្តកោះកុងផ្តល់ដីជាង១ពាន់ហិកតាឱ្យក្រសួងការពារជាតិ រៀបចំ«តំបន់វិស្សមកាល»យោធា ខណៈពលរដ្ឋប្រឈមការបណ្តេញចេញ។ មនុស្ស៣១នាក់ទៀតស្លាប់ដោយសារជំងឺកូវីដ១៩ ខណៈអាជ្ញាធរកម្ពុជាបញ្ជាទិញក្តារមឈូសប្រមាណ៣ពាន់ពីប្រទេសថៃ។ អ្នកនិពន្ធជនជាតិអាមេរិកាំងលាតត្រដាងប្រវត្តិសាស្ត្រសម័យទំនើបរបស់ប្រាសាទអង្គរវត្ត។ រីឯព័ត៌មានអន្តរជាតិវិញមានដូចជា លោក Biden បន្តទទូចឲ្យពលរដ្ឋចាក់វ៉ាក់សំាងកូវីដ១៩។ មនុស្ស៩នាក់ត្រូវបានជាប់ខ្លួនពីបទរៀបចំផែនការដាក់គ្រាប់បែកនៅទីក្រុងហុងកុង។ មនុស្ស៤ស្លាប់ ហើយមនុស្ស២៤នាក់នៅបាត់ខ្លួនដោយសារការបាក់ដីនៅជប៉ុន។ យន្តហោះមួយគ្រឿងដឹកមនុស្ស២៨នាក់បានបាត់នៅប្រទេសរុស្ស៊ី។ សភាអ៊ីស្រាអែលរារាំងច្បាប់ដែលមិនឲ្យធានាប្តី ឬប្រពន្ធប៉ាឡេស្ទីន។ ចំនួនមនុស្សស្លាប់កើនឡើងនៅឯអគារខុនដូបាក់នៅរដ្ឋ Florida។ ឯកអគ្គរដ្ឋទូតចិនលាលែងពីតំណែងនៅរដ្ឋធានីវ៉ាស៊ីនតោន នៅពេលទំនាក់ទំនងរវាងប្រទេសទាំងពីរចុះទាប។ ចិនបង្កើតរូបិយប័ណ្ណឌីជីថលផ្ទាល់ខ្លួន។ អ្នកជំនាញថា គ្រោះរាំងស្ងួតធ្ងន់ធ្ងរនិងភ្លើងឆេះព្រៃបង្ហាញពីការប្រែប្រួលបរិស្ថាន៕

1 hr

July 05, 2021 ព័ត៌មានពេលរាត្រី៖ ៥ កក្កដា ២០២១ - កក្កដា 05, 2021

ព័ត៌មានអំពីកម្ពុជាមានដូចជា អាជ្ញាធរស្ទាក់ស្ទើរក្នុងការបញ្ចេញព័ត៌មាននៃការចាក់ថ្មចូលទឹកទន្លេក្នុងភូមិសាស្រ្តអរិយក្សត្រ ខណៈពលរដ្ឋបារម្ភពីការបណ្តេញចេញ។ ការសម្រេចរបស់លោក ហ៊ុន សែន ឲ្យចិញ្ចឹមសត្វតោក្នុងផ្ទះរងទាំងការរិះគន់និងការសាទរ។ នៅក្នុងកម្មវិធី Hello VOA មានកិច្ចពិភាក្សាអំពី «ការយកឈ្នះលើរបាំងសង្គមដើម្បីពង្រឹងសមត្ថភាពយេនឌ័រ»។ រីឯព័ត៌មានអន្តរជាតិវិញមានដូចជា លោក Biden បើកសេតវិមានទទួលភ្ញៀវថ្ងៃបុណ្យឯករាជ្យជាតិថ្ងៃទី៤ ខែកក្កដា។ មនុស្សជាង១០០បាត់ខ្លួនបន្ទាប់ពីការបាក់ដីដ៏ធំនៅទីក្រុងរមណីយដ្ឋានជាប់មាត់សមុទ្រនៅជប៉ុន។ អ្នកជំងឺកូវីដ៦៣នាក់ស្លាប់ដោយសារខ្វះអុកស៊ីហ្សែននៅមន្ទីរពេទ្យប្រទេសឥណ្ឌូណេស៊ី។ យន្តហោះយោធាហ្វីលីពីនធ្លាក់ស្លាប់៥០នាក់ និងរបួស៤៩នាក់។ ប៉ាគីស្ថានចោទថាឥណ្ឌាបានធ្វើផែនការដាក់គ្រាប់បែក ប៉ុន្តែឥណ្ឌាមិនទាន់ឆ្លើយតប៕

1 hr

July 04, 2021 ព័ត៌មានពេលរាត្រី៖ ៤ កក្កដា ២០២១ - កក្កដា 04, 2021

ព័ត៌មានអំពីកម្ពុជាមានដូចជា អ្នកការពារសិទ្ធិមនុស្សថា ករណីសកម្មជនគួរត្រូវជម្រះឲ្យបានឆាប់ ខណៈក្រសួងយុត្តិធម៌បញ្ចប់សំណុំរឿងកកស្ទះ។ កសិករដាំបន្លែខ្លះមានសង្ឃឹមឡើងវិញក្រោយការបិទខ្ទប់ធូរស្រាល ខណៈអនាគតទីផ្សារផលិតផលនៅតែមិននឹងនរ។ រីឯព័ត៌មានអន្តរជាតិវិញមានដូចជា មន្ត្រីនិងអ្នកផលិតវ៉ាក់សាំងសង្ឃឹមថា វ៉ាក់សាំងទាំងនោះនឹងរួចរាល់ទាន់ពេលវេលាដើម្បីពន្លឿនការចាក់វ៉ាក់សាំងដែលផ្ដោតសំខាន់ទៅលើវីរុសបំប្លែងថ្មីនៅត្រឹមឆ្នាំក្រោយ។ លោក Biden យោងដល់ទិន្នន័យចាស់នៅពេលលោកចាប់ផ្ដើមអនុវត្តយុទ្ធនាការប្រឆាំងឧក្រិដ្ឋកម្ម។ ប្រទេសម៉ាឡាវីចាប់ផ្តើមយុទ្ធនាការលុបបំបាត់ជំងឺគ្រុនចាញ់ឲ្យអស់ត្រឹមឆ្នាំ២០៣០។ រុស្ស៊ីនិងមេដឹកនាំយោធានៅមីយ៉ាន់ម៉ាប្តេជ្ញាពង្រឹងទំនាក់ទំនងអំឡុងពេលកិច្ចប្រជុំនៅក្រុងមូស្គូ។ អ.ស.បព្រមានថា គ្រោះរាំងស្ងួតបណ្តាលមកពីបម្រែបម្រួលអាកាសធាតុកំពុងគំរាមកំហែងការអភិវឌ្ឍ៕

1 hr

July 03, 2021 ព័ត៌មានពេលរាត្រី៖ ៣ កក្កដា ២០២១ - កក្កដា 03, 2021

ព័ត៌មានអំពីកម្ពុជាមានដូចជា របាយការណ៍ថា វត្តមានក្រុមហ៊ុនសន្តិសុខឯកជនចិនកំពុងរីកដុះដាលនៅអាស៊ីអាគ្នេយ៍ ដែលក្នុងនោះមានកម្ពុជាផងដែរ។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ១៦ មានកិច្ចពិភាក្សាអំពី«ឥទ្ធិពលនៃលំហូរធំៗក្នុងពិភពលោកមកលើកម្ពុជា»។ រីឯព័ត៌មានអន្តរជាតិវិញមានដូចជា អ.ស.ប.ថា ប្រជាជនផ្លាស់ទីដោយបង្ខំដោយសារសង្គ្រាមកើនឡើងទោះបីជាមានជំងឺរាតត្បាត។ ខណៈសេដ្ឋកិច្ចធ្លាក់ចុះ កសិករនៅលីបង់ងាកទៅដាំកញ្ឆា។ អូស្ត្រាលីបង្ហាញពីផែនការដ៏មហិច្ឆតាហាមឃាត់ការប្រើប្រាស់ប្លាស្ទិក និងកែវកាហ្វេដែលប្រើតែមួយលើក៕

1 hr

July 02, 2021 ព័ត៌មានពេលរាត្រី៖ ២ កក្កដា ២០២១ - កក្កដា 02, 2021

ព័ត៌មានអំពីកម្ពុជាមានដូចជា កម្ពុជារាយការណ៍អ្នកស្លាប់ដោយកូវីដចំនួន៣២នាក់ ជាតួលេខខ្ពស់ជាងគេ ខណៈលោក ហ៊ុន សែន បញ្ជាឲ្យប្រមូលទិញក្តារមឈូស។ រដ្ឋមន្រ្តីការបរទេសកម្ពុជាការពារចំណាត់ការរដ្ឋាភិបាលក្នុងជំនួបដំបូងជាមួយប្រេសិតសិទ្ធិមនុស្សអង្គការសហប្រជាជាតិ។ កម្ពុជាបន្តជាប់ក្នុងបញ្ជីឃ្លាំមើលការជួញដូរមនុស្សរបស់អាមេរិក៣ឆ្នាំជាប់គ្នា។ កម្ពុជាគាំទ្រការចាក់វ៉ាក់សាំង ខណៈករណីឆ្លងថ្មីកើនឡើងខ្លាំង។ និស្សិតទាហានកម្ពុជា៦រូបត្រូវអាមេរិកបញ្ចប់ការសិក្សាមុនកំណត់ដោយសារទំនាក់ទំនងធ្លាក់ចុះរវាងប្រទេសទាំងពីរ។ រីឯព័ត៌មានអន្តរជាតិវិញមានដូចជា សហរដ្ឋអាមេរិកហៅការស្ថាបនាអាវុធនុយក្លែអ៊ែររបស់ចិនជា«ការព្រួយកង្វល់»មួយ។ កិច្ចព្រមព្រៀងពន្ធដារសាកលគាំទ្រដោយប្រទេសចំនួន១៣០។ អាមេរិកប្រគល់មូលដ្ឋានអាកាស Bagram ឲ្យអាហ្វហ្គានីស្ថានវិញ។ ក្រសួងយុត្តិធម៌ឲ្យផ្អាកការកាត់ទោសប្រហារជីវិតនិងពិនិត្យនីតិវិធីឡើងវិញ។ តុលាការមីយ៉ាន់ម៉ាពន្យារការឃុំខ្លួនអ្នកកាសែតអាមេរិក។ ចលនាគាំទ្រលទ្ធិប្រជាធិបតេយ្យនៅថៃវិលត្រឡប់មកវិញដើម្បី«ជំរុញបន្ថែម»នូវកំណែទម្រង់ស្ថាប័នព្រះមហាក្សត្រ។ លោក Biden យោងដល់ទិន្នន័យចាស់នៅពេលលោកចាប់ផ្ដើមអនុវត្តយុទ្ធនាការប្រឆាំងឧក្រិដ្ឋកម្ម។ ជនភៀសខ្លួនរាប់លាននាក់ប្រឈមនឹងភាពអត់ឃ្លានខណៈម្ចាស់ជំនួយក្រៀមស្វិត៕

1 hr

July 01, 2021 ព័ត៌មានពេលរាត្រី៖ ១ កក្កដា ២០២១ - កក្កដា 01, 2021

ព័ត៌មានអំពីកម្ពុជាមានដូចជា ក្រសួងបរិស្ថានថា អាជ្ញាធរខេត្តដកហូតដីអភិរក្សមកវិញនិងស្នើអាជ្ញាធរឃុំបញ្ឈប់បញ្ជាក់លិខិតស្នាមទទួលស្គាល់។ ខ្លឹមសារកិច្ចព្រមព្រៀងទីក្រុងប៉ារីសគ្របដណ្តប់សវនាការលើជនជាប់ចោទពាក់ព័ន្ធការតវ៉ាមុខស្ថានទូតចិន។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី «អាមេរិកនិងអាស៊ីអាគ្នេយ៍នាដើមអាណត្តិលោក Joe Biden»។ រីឯព័ត៌មានអន្តរជាតិវិញមានដូចជា រដ្ឋសភាសហរដ្ឋអាមេរិកចាប់ផ្តើមស៊ើបអង្កេតការវាយប្រហារថ្ងៃទី៦ ខែមករាលើវិមានសភា។ សហរដ្ឋអាមេរិកសន្យាបង្កើនល្បឿនដំណើរការទិដ្ឋាការដល់ពលរដ្ឋអាហ្វហ្គានីស្ថានដែលបានជួយទាហានអាមេរិកាំង។ លោក Khanថា ប៉ាគីស្ថានមិនអាចកា្លយជាដៃគូសហរដ្ឋអាមេរិកនៅក្នុងសង្គ្រាមម្តងទៀតទេ។ លោក ហ៊ុន សែន ថាការចាក់វ៉ាក់សាំងបង្ការជំងឺកូវីដ១៩ ជាមរតកនយោបាយរបស់លោក។ អតីតរដ្ឋមន្រ្តីការពារជាតិអាមេរិកលោក Donald Rumsfeld បានទទួលមរណភាពអាយុ ៨៨ ឆ្នាំ។ ខួប១០០ឆ្នាំរបស់គណបក្សកុម្មុយនឹស្តចិន៖ សេចក្តីសង្ឃឹមនិងការរកាំចិត្ត។ ពលរដ្ឋហុងកុងនៅអាមេរិកឆ្លុះបញ្ចាំងពីការផ្លាស់ប្តូរកោះនេះចាប់តាំងពីឆ្នាំ១៩៩៧៕

1 hr

June 30, 2021 ព័ត៌មានពេលរាត្រី៖ ៣០ មិថុនា ២០២១ - មិថុនា 30, 2021

ព័ត៌មានអំពីកម្ពុជាមានដូចជា កម្ពុជាមានមនុស្សស្លាប់២៧នាក់ ក្នុងមួយថ្ងៃជាតួលេខខ្ពស់ជាងចាប់តាំងពីផ្ទុះជំងឺកូវីដ១៩។ តុលាការខេត្តមណ្ឌលគិរី ឃុំខ្លួនមន្រ្តីយោធានិងនគរបាលព្រំដែន៩នាក់ ចោទពីបទសមគំនិតកាប់ឈើទៅវៀតណាម។ អ្នកការពារសិទ្ធិមនុស្សថា ករណីសកម្មជនគួរត្រូវជម្រះឲ្យបានឆាប់ ខណៈក្រសួងយុត្តិធម៌បញ្ចប់សំណុំរឿងកកស្ទះ។ កម្មវិធីព័ត៌មានអវកាសខែនេះ ស្តីពី «ថ្ងៃដែលព្រះអាទិត្យរះយូរបំផុត ការស្រូបទាញថាមពលនៅអវកាស និងផែនដីអាចមានគេឃ្លាំមើល»។ រីឯព័ត៌មានអន្តរជាតិវិញមានដូចជា លោក Biden និងអភិបាលរដ្ឋឆ្នេរខាងលិចគ្រោងនឹងពិភាក្សាគ្នាអំពីការឆ្លើយតបនឹងភ្លើងឆេះព្រៃ។ ហេតុអ្វីកងទ័ពរំដោះប្រជាជនចិននៅតែដាក់បដាគំរាមកំហែងធ្វើសង្រ្គាមជាមួយតៃវ៉ាន់? វ៉ាក់សាំងស៊ីណូវ៉ាក់មិនគ្រប់គ្រាន់ ប៉ុន្តែជម្រើសផ្សេងទៀតមានកំណត់។ ចំនួនអ្នកស្លាប់នៅក្នុងអាគារបាក់នៅរដ្ឋ Florida បានកើនឡើងដល់១២នាក់។ ចលនាគាំទ្រលទ្ធិប្រជាធិបតេយ្យនៅថៃវិលត្រឡប់មកវិញដើម្បី«ជំរុញបន្ថែម»នូវកំណែទម្រង់ស្ថាប័នព្រះមហាក្សត្រ។ ពលរដ្ឋហុងកុងនៅអាមេរិកឆ្លុះបញ្ចាំងពីការផ្លាស់ប្តូរកោះនេះចាប់តាំងពីឆ្នាំ១៩៩៧ និងព័ត៌មានដទៃទៀត៕

1 hr

June 29, 2021 ព័ត៌មានពេលរាត្រី៖ ២៩ មិថុនា ២០២១ - មិថុនា 29, 2021

ព័ត៌មានអំពីកម្ពុជាមានដូចជា កម្ពុជារកឃើញវីរុសកូវីដ១៩បំប្លែងថ្មី Delta ដែលបង្កការព្រួយបារម្ភនៃការឆ្លងធ្ងន់ធ្ងរបន្ថែមទៀត។ ការទាមទាររបស់ក្រុមសិទ្ធិមនុស្សឲ្យដោះលែងសកម្មជនបរិស្ថាន រងការរិះគន់ពីរដ្ឋាភិបាល។ របាយការណ៍៖ កង្វះខាតការងារនិងបំណុលកើនឡើងក្នុងពេលវិបត្តិជំងឺកូវីដ១៩ នាំឲ្យពលករចំណាកស្រុករស់ទាំងត្រដរ។ រីឯព័ត៌មានអន្តរជាតិវិញមានដូចជា ជំនួបរវាងលោក Biden ជាមួយប្រធានាធិបតីអ៊ីស្រាអែលនិយាយច្រើនអំពីអ៊ីរ៉ង់។ សហរដ្ឋអាមេរិក និងទីក្រុងហុងកុងប្រកាសរឹតបន្តឹងការធ្វើដំណើរ ខណៈវីរុសបំប្លែងថ្មីប្រភេទដែលតាឆ្លងរាលដាល។ រដ្ឋាភិបាលអេត្យូពីប្រកាសបទឈប់បាញ់ជាឯកតោភាគីនៅតំបន់ Tigray។ រដ្ឋមន្ត្រីប្រទេស G20 ពិភាក្សាអំពីកូវីដ១៩ ការប្រែប្រួលអាកាសធាតុ និងការអភិវឌ្ឍនៅអាហ្វ្រិក។ សភាសហរដ្ឋអាមេរិកនឹងបោះឆ្នោតលើសេចក្តីព្រាងច្បាប់ស៊ើបអង្កេតលើការបះបោរកាលពីថ្ងៃទី ៦ ខែមករា។ សហរដ្ឋអាមេរិកតបតនឹងការវាយប្រហារដោយរ៉ុក្កែតនៅប្រទេសស៊ីរី។ អ្នកយកព័ត៌មានរៀបរាប់ថាការធ្វើជាអ្នកកាសែតនៅមីយ៉ាន់ម៉ា គឺជាការទទួលយកគ្រោះថ្នាក់៕

1 hr

June 28, 2021 ព័ត៌មានពេលរាត្រី៖ ២៨ មិថុនា ២០២១ - មិថុនា 28, 2021

ព័ត៌មានអំពីកម្ពុជាមានដូចជា លោក កឹម សុខា បញ្ជាក់ជាថ្មីថាលោកមិនក្បត់ជាតិ ខណៈសវនាការលើរូបលោកនៅបន្តពន្យារពេល។ របាយការណ៍របស់អង្គការសិទ្ធិមនុស្សបង្ហាញថា បំណុលវ័ណ្ឌកក្លាយជាហានិភ័យថ្មីនៅសហគមន៍រងគ្រោះដោយជម្លោះដីធ្លី។ ប្រធានាធិបតីចិនអះអាងបន្តការគាំទ្រដល់កម្ពុជា ខណៈអបអរសាទរខួប៧០ឆ្នាំរបស់គណបក្សប្រជាជនកម្ពុជា។ នៅក្នុងកម្មវិធី Hello VOA មានកិច្ចពិភាក្សាអំពី «ការប្រកួតប្រជែងរវាងមហាអំណាចអាមេរិក និងចិនតាមរយៈគម្រោងអភិវឌ្ឍន៍ពិភពលោក៖ ផលប្រយោជន៍ និងបញ្ហាប្រឈម»។ រីឯព័ត៌មានអន្តរជាតិវិញមានដូចជា លោក Biden គ្រោងជួបនឹងសម្ដេចប៉ាប និងពិភាក្សាជាមួយសម្ព័ន្ធមិត្តដើម្បីកម្ចាត់ក្រុមភេរវកម្មរដ្ឋឥស្លាម។ កិច្ចប្រឹងប្រែងរបស់ម៉ាឡេស៊ីធ្វើទំនើបកម្មទ័ពអាកាសបង្ហាញពីការភ័យខ្លាចប្រទេសចិន។ របាយការណ៍បង្ហាញថា អំពើហិង្សានៅមីយ៉ាន់ម៉ាកើនឡើងតាមកំណើនក្រុមការពារខ្លួន។ អតីតបុគ្គលិកកាសែត Apple Daily ត្រូវបានចាប់ខ្លួននៅអាកាសយានដ្ឋានហុងកុង។ ការវាយប្រហាររបស់អាមេរិកនៅជិតព្រំដែនស៊ីរី-អ៊ីរ៉ាក់បានសម្លាប់កងជីវពល៥នាក់៕

1 hr

June 27, 2021 ព័ត៌មានពេលរាត្រី៖ ២៧ មិថុនា ២០២១ - មិថុនា 27, 2021

ព័ត៌មានអំពីកម្ពុជាមានដូចជា សកម្មជនបរិស្ថានវ័យក្មេងនៃក្រុមមាតាធម្មជាតិត្រូវក្រសួងមហាផ្ទៃចោទប្រកាន់ថាចង់ផ្តួលរំលំរដ្ឋាភិបាល។ ប្រធានគ.ជ.បថ្មីថាលោកនឹងអនុវត្តតាមច្បាប់ក្រោយរដ្ឋសភាយល់ព្រមឲ្យធ្វើជាប្រធានស្ថាប័នរៀបចំការបោះឆ្នោត។ រីឯព័ត៌មានអន្តរជាតិវិញមានដូចជា នៅអ.ស.ប បណ្តាប្រទេសសមាជិកថ្កោលទោសរបបយោធា មីយ៉ាន់ម៉ា។ ជនភៀសខ្លួនស៊ីរីនៅសូម៉ាលីរួមចំណែកផ្នែកវប្បធម៌ និងសេដ្ឋកិច្ចដល់ប្រទេសនេះ៕

1 hr