កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

November 06, 2020 ព័ត៌មានពេលរាត្រី៖ ៦ វិច្ឆិកា ២០២០ - វិច្ឆិកា 06, 2020
ព័ត៌មានសំខាន់ៗអំពីកម្ពុជាមានដូចជា រដ្ឋមន្រ្តីមហាផ្ទៃបញ្ជាឲ្យអាជ្ញាធរពាក់ព័ន្ធបង្កើតហ្វេសប៊ុក ទទួលបណ្តឹងរបស់ពលរដ្ឋ។ សាច់ញាតិតវ៉ាសុំអន្តរាគមន៍ពីស្ថាប័នពាក់ព័ន្ធ ទាមទារឲ្យដោះលែងអតីតមន្ត្រីបក្សជំទាស់។ មនុស្សជាង២០០នាក់ទៀត ធ្វើតេស្តកូវីដ លទ្ធផលអវិជ្ជមាន ក្រោយប្រាស្រ័យទាក់ទងជាមួយរដ្ឋមន្រ្តីហុងគ្រី។ រីឯព័ត៌មានអន្តរជាតិវិញមានដូចជា តើអ្វីដែលធ្វើឲ្យសហរដ្ឋអាមេរិកមានការបែកបាក់គ្នា? មួយថ្ងៃក្រោយបោះឆ្នោត នៅតែគ្មានភាពច្បាស់លាស់ ខណៈពលរដ្ឋរង់ចាំលទ្ធផលបោះឆ្នោត។ រដ្ឋ Pennsylvania គឺជារដ្ឋសំខាន់ថ្មី ដែលមានលទ្ធផលឆ្នោតប្រកៀកប្រកិតគ្នាខ្លាំង។ ការបោះឆ្នោតប្រធានាធិបតីសហរដ្ឋអាមេរិកនៅតែមិនទាន់ដឹងលទ្ធផល។ យុទ្ធនាការបោះឆ្នោតរបស់លោក Trump ដាក់ពាក្យបណ្តឹងមួយទៀត ទោះមានការច្រានចោលខាងផ្លូវច្បាប់ក៏ដោយ។ ការភ័យខ្លាចកើនឡើងចំពោះសុវត្ថិភាពរបស់បុគ្គលិករាប់សន្លឹកឆ្នោតនៅក្នុងរដ្ឋដែលមានការប្រជែងគ្នាខ្លាំង និងព័ត៌មានអន្តរជាតិផ្សេងៗទៀត៕
1 hr
November 05, 2020 ព័ត៌មានពេលរាត្រី៖ ៥ វិច្ឆិកា ២០២០ - វិច្ឆិកា 05, 2020
ព័ត៌មានសំខាន់ៗអំពីកម្ពុជាមានដូចជា មនុស្សជាង៦០០នាក់ ធ្វើតេស្តកូវីដ លទ្ធផលអវិជ្ជមាន ក្រោយប្រាស្រ័យជាមួយរដ្ឋមន្រ្តីហុងគ្រី។ កម្ពុជាប្រាប់អ.ស.ប.ថាការចាប់ខ្លួនលោក រ៉ុង ឈុន ស្របតាមច្បាប់។ នៅក្នុងកម្មវិធី Hello VOA ថ្ងៃនេះ មានការពិភាក្សាអំពី «តើកម្ពុជាជាសមាជិកមិនអាចខ្វះបានរបស់អាស៊ាន?»។ រីឯព័ត៌មានអន្តរជាតិវិញ មានដូចជាការប្រកួតប្រជែងការបោះឆ្នោតកាន់កាប់សេតវិមានមានការប្រកៀកប្រកិតគ្នា។ កិច្ចការពារប្រឆាំងនឹងកាំជ្រួច ICBM របស់កូរ៉េខាងជើងជាការពិបាកនិងអស់សោហ៊ុយជាងមុន។ ការតវ៉ាធ្វើឡើងនៅតាមទីក្រុងជាច្រើនរបស់សហរដ្ឋអាមេរិក ស្របពេលលទ្ធផលបោះ ឆ្នោតប្រធានាធិបតីមិនទាន់ប្រកាស។ យុទ្ធនាការបោះឆ្នោតរបស់លោក Trump ដាក់ពាក្យបណ្ដឹងប្រឆាំងនឹងការបោះឆ្នោត។ ក្រុមហ៊ុនបណ្តាញសង្គមអនឡាញដាក់កំហិតលើមតិអំពីការបោះឆ្នោតនៅសហរដ្ឋអាមេរិក។ គូប្រជែងរបស់លោកស្រី Aung San Suu Kyi បង្កើនវោហារសាស្ត្រប្រឆាំងជាតិសាសន៍រ៉ូហ៊ីងយ៉ា៕
1 hr
November 04, 2020 ព័ត៌មានពេលរាត្រី៖ ៤ វិច្ឆិកា ២០២០ - វិច្ឆិកា 04, 2020
ព័ត៌មានអំពីកម្ពុជាមានដូចជា តុលាការក្រុងភ្នំពេញបង្កើនការកោះហៅអតីតមន្រ្តីគណបក្សសង្រ្គោះជាតិ។ ក្រោយចេញពីកម្ពុជា រដ្ឋមន្ត្រីការបរទេសហុងគ្រី តេស្ដវិជ្ជមានជំងឺកូវីដ១៩។ ព័ត៌មានអន្តរជាតិវិញមានដូចជា លោក Trump និងលោក Biden ទន្ទឹងរង់ចាំលទ្ធផលបោះឆ្នោតដ៏តឹងតែងសម្រាប់តំណែងប្រធានាធិបតីសហរដ្ឋអាមេរិក។ តើគណបក្សណានឹងត្រួតត្រាព្រឹទ្ធសភាសហរដ្ឋអាមេរិក? មនុស្ស ៨ នាក់ត្រូវបានចាប់ខ្លួននៅក្នុងទីក្រុង Seattle បន្ទាប់ពីធ្វើបាតុកម្មប្រឆាំងការរើសអើងជាតិសាសន៍ក្នុងយប់ថ្ងៃបោះឆ្នោត។ ការបោះឆ្នោតនៅសហរដ្ឋអាមេរិកបានប្រព្រឹត្តទៅយ៉ាងរលូន ទោះមានភាពអន្ទះអន្ទែងមុនការបោះឆ្នោតក៏ដោយ។ សភាសហរដ្ឋអាមេរិកប្រឈមនឹងការសម្រេចលើកញ្ចប់ថវិកាចំណាយដើម្បីបញ្ចៀសមិនឲ្យមានការបិទរដ្ឋាភិបាល។ សហរដ្ឋអាមេរិកចាកចេញជាផ្លូវការពីកិច្ចព្រមព្រៀងអាកាសធាតុទីក្រុងប៉ារីស។ ចិនថា សហរដ្ឋអាមេរិកឲ្យសញ្ញាខុសទៅតៃវ៉ាន់អំពីសក្ដានុពលនៃកិច្ចព្រមព្រៀងទិញលក់ដ្រូន។ យោធាកូរ៉េខាងត្បូងចាប់ខ្លូនបុរសកូរ៉េខាងជើងម្នាក់ដែលឆ្លងកាត់តំបន់គ្មានយោធា DMZ។ អង្គការសហប្រជាជាតិថា ច្បាប់រើសអើងរបស់មីយ៉ាន់ម៉ានាំឲ្យមានមន្ទិលលើសុចរិតភាពនៃការបោះឆ្នោត និងព័ត៌មានអន្តរជាតិសំខាន់ៗមួយចំនួនទៀត៕
1 hr
November 03, 2020 ព័ត៌មានពេលរាត្រី៖ ៣ វិច្ឆិកា ២០២០ - វិច្ឆិកា 03, 2020
ព័ត៌មានអំពីកម្ពុជាមានដូចជា អ្នកតាមដាននយោបាយអាមេរិក មើលឃើញពីឥទ្ធិពលនៃការបោះឆ្នោតអាមេរិកមកលើកម្ពុជា។ អ្នកឃ្លាំមើល៖ លទ្ធភាពនៃការកែលម្អដំណើរការប្រជាធិបតេយ្យកម្ពុជា អាស្រ័យលើមេដឹកនាំសហរដ្ឋអាមេរិក។ ព័ត៌មានអន្តរជាតិវិញមានដូចជា បទសន្ទនារវាងអ្នកយកព័ត៌មាន VOA ខ្មែរ អំពីស្ថានភាពបោះឆ្នោតជ្រើសរើសប្រធានាធិបតីសហរដ្ឋអាមេរិកថ្មីនៅតាមការិយាល័យបោះឆ្នោត។ មន្ត្រីពង្រឹងច្បាប់ធានាអះអាងចំពោះអ្នកបោះឆ្នោតថា ការបោះឆ្នោតមានសុវត្ថិភាពនិងសន្តិសុខល្អ។ ពិភពលោកតាមដានដោយច្រាសច្រាលមើលការបោះឆ្នោតប្រធានាធិបតីសហរដ្ឋអាមេរិក។ Twitter នឹងដាក់សញ្ញាព្រមាននៅពីមុខសារណាដែលអះអាងពីលទ្ធផលនៃការបោះឆ្នោតមុនលទ្ធផលផ្លូវការត្រូវបានផ្សព្វផ្សាយ។ ពលរដ្ឋអាមេរិកាំងបោះឆ្នោតនៅថ្ងៃអង្គារនេះដើម្បីសម្រេចថាតើលោក Trump ឬលោក Biden នឹងក្លាយជាប្រធានាធិបតីអាណត្តិថ្មី។ លោក Biden និងលោក Trump ផ្ញើសារនយោបាយចុងក្រោយទៅកាន់អ្នកបោះឆ្នោតមិនទាន់សម្រេចចិត្ត។ លោក Trump អះអាងថា ការពន្យារពេលរាប់សន្លឹកឆ្នោតនៅរដ្ឋ Pennsylvania អាចបង្កឲ្យមានអំពើហិង្សា។ តើគណបក្សណាអាចគ្រប់គ្រងព្រឹទ្ធសភាសហរដ្ឋអាមេរិកបន្ទាប់ពីការបោះឆ្នោតនៅថ្ងៃអង្គារនេះ?
1 hr
November 02, 2020 ព័ត៌មានពេលរាត្រី៖ ២ វិច្ឆិកា ២០២០ - វិច្ឆិកា 02, 2020
ព័ត៌មានអំពីកម្ពុជាមានដូចជា មន្រ្តីកម្ពុជាសង្ឃឹមថាទំនាក់ទំនងកម្ពុជានិងអាមេរិកមិនផ្លាស់ប្តូរ ទោះក្រោមការដឹកនាំរបស់ប្រធានាធិបតីណាក៏ដោយ។ ក្រុមសិទ្ធិមនុស្សស្នើរដ្ឋាភិបាលកម្ពុជាទម្លាក់ចោលបទឧក្រិដ្ឋប្រឆាំងអ្នកសារព័ត៌មាន។ ពលរដ្ឋខ្មែរមួយចំនួនបង្ហាញទស្សនៈចម្រុះអំពីបេក្ខជនប្រកួតយកដំណែងប្រធានាធិបតីនៅអាមេរិក។ នៅក្នុងកម្មវិធី Hello VOA មានកិច្ចពិភាក្សាអំពី«ស្រ្តីក្នុងវិស័យកិច្ចការទំនាក់ទំនងអន្តរជាតិ»។ ព័ត៌មានអន្តរជាតិវិញមានដូចជា កាលពីថ្ងៃអាទិត្យ លោក Trump និងលោក Biden បានបន្តប្រឹងឃោសនានៅរដ្ឋដែលមានការប្រជែងខ្លាំង។ FBI ស៊ើបអង្កេតការប្រឈមរបស់ក្រុមរថយន្តគាំទ្រលោក Trump ជាមួយរថយន្តឃោសនាបោះឆ្នោតរបស់លោក Biden នៅរដ្ឋ Texas។ នៅថ្ងៃឃោសនាបញ្ចប់ លោក Trump ផ្ដោតលើរដ្ឋ ៤ រីឯលោក Biden ផ្ដោតលើរដ្ឋ Pennsylvania និង Ohio។ ព្រះមហាក្សត្រថៃបង្ហើបពីការសម្រុះសម្រួលជាមួយក្រុមបាតុករ។ អ្នកស្លាប់ដោយសារព្យុះ Goni នៅប្រទេសហ្វីលីពីន កើនដល់ ១៦ នាក់៕
1 hr
November 01, 2020 ព័ត៌មានពេលរាត្រី៖ ១ វិច្ឆិកា ២០២០ - វិច្ឆិកា 01, 2020
ព័ត៌មានអំពីកម្ពុជាមានដូចជា ខ្មែរអាមេរិកាំងបង្ហាញជំហរផ្សេងគ្នាលើគោលនយោបាយរបស់លោក Donald Trump ជាមួយប្រទេសផ្តាច់ការ។ អង្គការក្រៅរដ្ឋាភិបាលបន្តធ្វើហូលពិតាន ទោះតម្រូវការទីផ្សារផលិតផលនេះតូចខ្លាំង។ ព័ត៌មានអន្តរជាតិវិញមានដូចជា កាលពីថ្ងៃសៅរ៍ លោក Trump ឃោសនាបោះឆ្នោតនៅរដ្ឋ Pennsylvania រីឯលោក Biden នៅរដ្ឋ Michigan។ រដ្ឋមួយចំនួនអាចសម្រេចលទ្ធផលនៃការបោះឆ្នោតឆ្នាំ ២០២០ នៅសហរដ្ឋអាមេរិក។ ក្រុមអ្នកឃោសនាឱ្យលោក Trump ព្រមានថាលោក Biden នឹងធ្វើឱ្យប្រជាធិបតេយ្យអាមេរិកាំងអន្តរាយ។ បងស្រីរបស់សកម្មជនថៃបាត់ខ្លួនលោក Wanchalearm នឹងទៅប្រទេសកម្ពុជា ដើម្បីត្រៀមចូលរួមសវនាការអំពីករណីបាត់ខ្លួននេះ។ ប្រទេសវៀតណាមចង់ក្លាយទៅជាប្រទេសមានប្រាក់ចំណូលមធ្យមដ៏មាំទាំនៅត្រឹមឆ្នាំ ២០២៥។ គ្រោះរញ្ជួយដីបានធ្វើឲ្យមនុស្សយ៉ាងតិច ៣៩ នាក់ស្លាប់នៅតួកគី និងកោះមួយចំនួននៅក្រិក។ មនុស្សចំនួន ៤ នាក់បានស្លាប់នៅហ្វីលីពីន ដោយសារតែព្យុះទីហ្វុង Goni។ អ្នកតំណាងរាស្ត្រទីក្រុងហុងកុងមួយចំនួនត្រូវបានចាប់ខ្លួនចំពោះការបង្អាក់ដល់ដំណើរការរដ្ឋសភា។ អ្នកវាយប្រហារម្នាក់ទៅលើអាចារ្យគ្រិស្តនិកាយOrthodox សញ្ជាតិក្រិកនៅទីក្រុងលីយ៉ុង ត្រូវបានចាប់ខ្លួន៕
1 hr
October 31, 2020 ព័ត៌មានពេលរាត្រី៖ ៣១ តុលា ២០២០ - តុលា 31, 2020
ព័ត៌មានសំខាន់ៗអំពីកម្ពុជាមានដូចជា ប្រទេសកម្ពុជា រំពឹងថានឹងបោសសម្អាតគ្រាប់មីនអស់ត្រឹមឆ្នាំ២០២៥។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ៦ មានការពិភាក្សាអំពីអនាគតនៃគោលនយោបាយសារពើពន្ធ។ អង្គការសិទ្ធិមនុស្សថា អ្នកជាប់ឃុំនៅកូរ៉េខាងជើងតែងតែរងទារុណកម្ម។ មន្ត្រីយោធាចូលនិវត្តន៍តៃវ៉ាន់ ត្រូវបានឃុំខ្លួនពីបទផ្តល់ព័ត៌មានសម្ងាត់ទៅឱ្យចិន។ ក្រុមអ្នកកាសែតអាហ្វ្រិកព្យាយាមធ្វើវិភាគនិងពន្យល់ដោយលម្អិតអំពីការបោះឆ្នោតអាមេរិក៕
1 hr
October 30, 2020 ព័ត៌មានពេលរាត្រី៖ ៣០ តុលា ២០២០ - តុលា 30, 2020
ព័ត៌មានសំខាន់ៗអំពីកម្ពុជាមានដូចជា រដ្ឋាភិបាលស្នើលើកលែងនិងបន្ធូរបន្ថយទោសទណ្ឌិតជិត ៧០០នាក់ ច្រើនជាងរាល់ឆ្នាំ។ មន្ត្រីជាន់ខ្ពស់កម្ពុជាប្រតិកម្មនឹងសំណើឱ្យដកកម្ពុជាចេញពីអាស៊ានថាជា«គំនិតបង្កហេតុ»។ រីឯព័ត៌មានអន្តរជាតិវិញមានដូចជា យុទ្ធនាការឃោសនាបោះឆ្នោតប្រើប្រាស់ទូរទស្សន៍និងបណ្តាញព័ត៌មានសង្គម។ គោលនយោបាយតឹងរ៉ឹងរបស់លោក Trump ចំពោះប្រទេសចិននិងគុយបា អាចទាក់ទាញអ្នកបោះឆ្នោតនៅរដ្ឋសំខាន់ៗ។ ដោយជាប់ទាក់ទិននឹងការបោះឆ្នោតអាមេរិកាំង អ៊ុយក្រែនសង្ឃឹមថានឹងមានការគាំទ្រយោធាពីសហរដ្ឋអាមេរិកថែមទៀត។ អ្នកជួយសង្គ្រោះក្នុងប្រទេសវៀតណាមស្វែងរកអ្នកបាត់ខ្លួនរាប់សិបនាក់បន្ទាប់ពីការបាក់ដីកប់ផ្ទះ។ រដ្ឋមន្ត្រីការបរទេសសហរដ្ឋអាមេរិកលោក Mike Pompeo បញ្ចប់ទស្សនកិច្ច៥ប្រទេសនៅអាស៊ីក្នុងប្រទេសវៀតណាម ជាមួយសារប្រឆាំងនឹងចិន។ ការបោះឆ្នោតមុនថ្ងៃកំណត់បានចាប់ផ្តើមនៅក្នុងប្រទេសមីយ៉ាន់ម៉ា និងព័ត៌មានអន្តរជាតិផ្សេងៗទៀត៕
1 hr
October 29, 2020 ព័ត៌មានពេលរាត្រី៖ ២៩ តុលា ២០២០ - តុលា 29, 2020
ព័ត៌មានសំខាន់ៗអំពីកម្ពុជាមានដូចជា មន្ត្រីរដ្ឋាភិបាលចេញមុខដោះស្រាយវិវាទ នាំឲ្យសង្គមស៊ិវិលមន្ទិលពីឯករាជភាពតុលាការ។ នៅក្នុងកម្មវិធី Hello VOA ថ្ងៃនេះមានការពិភាក្សាអំពី «យុទ្ធនាការស្វែងរកការគាំទ្ររបស់បេក្ខជនប្រធានាធិតីអាមេរិក មុនពេលបោះឆ្នោតថ្ងៃទី៣ ខែវិច្ឆិកា»។ រីឯព័ត៌មានអន្តរជាតិមានដូចជា ក្រុមអ្នកជំនាញថា ជំងឺកូវី១៩អាច«គ្រប់គ្រងបាន» នៅអូស្ត្រាលី។ លោក Trump ថា លោកនាំមុខនៅរដ្ឋសំខាន់ៗដែលការស្ទង់មតិភាគច្រើនបង្ហាញថា លោកស្ថិតនៅពីក្រោយលោក Biden។ ក្រុមហ៊ុន Facebook និង Twitter ស្នើសភាអាមេរិកឲ្យរក្សាទុកច្បាប់ការពារការត្រួតពិនិត្យលើខ្លឹមសារនៃការបញ្ចេញមតិរបស់អ្នកប្រើប្រាស់។ អ្នកស្រី Aung San Suu Kyi បានបោះឆ្នោតមុនថ្ងៃបោះឆ្នោត។ FBI ចាប់ខ្លួនមនុស្ស ៥នាក់ពាក់ព័ន្ធនឹង«ប្រតិបត្តិការប្រមាញ់កញ្ជ្រោង» របស់រដ្ឋាភិបាលចិន៕
1 hr
October 28, 2020 ព័ត៌មានពេលរាត្រី៖ ២៨ តុលា ២០២០ - តុលា 28, 2020
ព័ត៌មានអំពីកម្ពុជាមានដូចជា ខ្មែរអាមេរិកាំងបង្ហាញជំហរផ្សេងគ្នាលើគោលនយោបាយរបស់ប្រធានាធិបតីសហរដ្ឋអាមេរិកលោក Donald Trump ជាមួយប្រទេសផ្តាច់ការ។ គ្រួសារចាត់ទុកការចោទប្រកាន់«អយុត្តិធម៌» ក្នុងករណីសកម្មជនបក្សប្រឆាំងត្រូវចាប់ខ្លួនមិនឲ្យតវ៉ាមុខស្ថានទូតចិន។ អ្នកជំនាញស្នើចិនបង្ហាញទិន្នន័យទន្លេមេគង្គបន្ថែមទៀត។ ព័ត៌មានអន្តរជាតិវិញមានដូចជា កាលពីថ្ងៃអង្គារ បេក្ខជនប្រធានាធិបតីសហរដ្ឋអាមេរិកលោក Trump និងលោក Biden ប្រឹងបន្តឃោសនាបោះឆ្នោតនៅតាមរដ្ឋដែលមានការប្រជែងខ្លាំង។ អង្គការសុខភាពពិភពលោកថា រយៈពេល ៧ ថ្ងៃគិតត្រឹមថ្ងៃអង្គារ មានករណីឆ្លងថ្មីនៃជំងឺកូវីដ១៩ ជិត ៣ លានករណី។ មនុស្ស ២ នាក់ស្លាប់ ២៦ នាក់ទៀតបាត់ខ្លួន នៅពេលព្យុះទីហ្វុង Molave បោកបក់ចំប្រទេសវៀតណាម។ រដ្ឋមន្ត្រីការបរទេសអាមេរិកថា ចិនជា «អ្នកកេងប្រយោជន៍» ពីប្រទេសស្រីលង្កា។ ព្រះមហាក្សត្រម៉ាឡេស៊ីជំរុញឲ្យសភាអនុម័តច្បាប់ថវិកាជាតិឆ្នាំ ២០២១៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…