កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

October 17, 2020 ព័ត៌មានពេលរាត្រី៖ ១៧ តុលា ២០២០ - តុលា 17, 2020
ព័ត៌មានសំខាន់ៗអំពីកម្ពុជាមានដូចជា អ្នកបោះឆ្នោតខ្មែរអាមេរិកាំង ការពារវិធីដោះស្រាយសេដ្ឋកិច្ចរបស់បេក្ខជនប្រធានាធិបតី។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ» ភាគទី ៥ មានការពិភាក្សាអំពីសមាហរណកម្មសេដ្ឋកិច្ច។ រីឯព័ត៌មានអន្តរជាតិវិញមានដូចជា ការសម្លាប់រង្គាល ៤៤ ឆ្នាំមុន នៅតែតាមលងជនជាតិថៃដែលរួចជីវិត។ ទីភ្នាក់ងារអវកាស NASA គ្រោងបញ្ជូនស្ត្រីទី១ ទៅភពព្រះចន្ទនៅឆ្នាំ ២០២៤៕
1 hr
October 16, 2020 ព័ត៌មានពេលរាត្រី៖ ១៦ តុលា ២០២០ - តុលា 16, 2020
ព័ត៌មានសំខាន់ៗអំពីកម្ពុជាមានដូចជា ស្ត្រីខ្មែរម្នាក់ត្រូវបានសង្គ្រោះ ក្នុងករណីរាយការណ៍ថាចាញ់បោកស្វាមីជនជាតិចិន។ នៅតំបន់ជន់លិច លោក ហ៊ុន សែន លើកពីចំណុចខ្លាំងនៃរដ្ឋាភិបាលរបស់លោក ខណៈរងការរិះគន់រឿងលុបបឹង។ ខ្មែរអាមេរិកាំងថា បញ្ហាអន្តោប្រវេសន៍ខុសច្បាប់នឹងត្រូវបន្តឹង បើលោក Trump ជាប់ឆ្នោត។ រីឯព័ត៌មានអន្តរជាតិវិញមានដូចជា លោក Trump និងលោក Biden ខ្វែងយោបល់គ្នាអំពីការទប់ទល់នឹងវីរុសកូរ៉ូណា។ មន្ត្រីសុខាភិបាលសាធារណៈ បានព្យាករណ៍ពីការកើនឡើងជំងឺកូវីដ១៩ក្នុងរដូវរងារ។ សហរដ្ឋអាមេរិកនិងក្រុមតាលីបង់ប្ដេជ្ញាតាមកិច្ចព្រមព្រៀងអាហ្វហ្គានីស្ថាន ដើម្បីកាត់បន្ថយអំពើហិង្សា។ មន្ត្រីជាន់ខ្ពស់អង្គការ IMF និយាយថា សេដ្ឋកិច្ចសាកលលោកមានភាពល្អប្រសើរជាងនៅក្នុងខែមិថុនា។ អ្នកជួលផ្ទះរាប់លាននាក់នៅសហរដ្ឋអាមេរិក កំពុងប្រឈមមុខនឹងការបណ្ដេញចេញ។ នៅអង្គការសហប្រជាជាតិ៖ ប្រទេស ៣៩ ថ្កោលទោសការរំលោភបំពានរបស់ចិនលើជនជាតិ Uighur និងព័ត៌មានអន្តរជាតិផ្សេងៗទៀត៕
1 hr
October 15, 2020 ព័ត៌មានពេលរាត្រី៖ ១៥ តុលា ២០២០ - តុលា 15, 2020
ព័ត៌មានសំខាន់ៗអំពីកម្ពុជាមានដូចជា របាយការណ៍ Freedom House រកឃើញថា កម្ពុជារឹតត្បិតខ្លាំងលើសេរីភាពអ៊ីនធឺណិត គ្រាមានវិបត្តិជំងឺកូវីដ១៩។ នៅក្នុងកម្មវិធី Hello VOA ថ្ងៃនេះ មានការពិភាក្សាអំពី «ព័ត៌មានថ្មីៗនៃដំណើរការផលិតវ៉ាក់សាំងបង្ការជំងឺកូវីដ១៩»។ រីឯព័ត៌មានអន្តរជាតិវិញមានដូចជា របាយការណ៍ថ្មីបង្ហាញថាវិបត្តិកូវីដ១៩ពន្លឿនការធ្លាក់ចុះ១ទសវត្សនៃសេរីភាពតាមអ៊ីនធឺណិតក្នុងពិភពលោក។ នាយករដ្ឋមន្ត្រីថៃដាក់ប្រទេសក្នុងភាពអាសន្ន ក្រោយពីមានការតវ៉ាប្រឆាំងរដ្ឋាភិបាលដ៏ធំមួយ។ សវនាការសម្រេចលើការតែងតាំងបេក្ខជនចៅក្រមតុលាការកំពូលលោកស្រី Barrett ឈានដល់ថ្ងៃបញ្ចប់។ ចិនខឹងសម្បារនៅពេលសហរដ្ឋអាមេរិកតែងតាំងបេសកជនសិទ្ធិមនុស្សសម្រាប់ដែនដីទីបេតិ៍។ ហេតុអ្វីបានជាប្រេសិតផ្នែកគ្រប់គ្រងសព្វាវុធអាមេរិកទៅវៀតណាម ក្នុងដំណើរទស្សនកិច្ចដ៏ខ្លីទៅកាន់តំបន់អាស៊ី? និងព័ត៌មានអន្តរជាតិផ្សេងៗទៀត៕
1 hr
October 14, 2020 ព័ត៌មានពេលរាត្រី៖ ១៤ តុលា ២០២០ - តុលា 14, 2020
ព័ត៌មានអំពីកម្ពុជាមានដូចជា ពលរដ្ឋចាកចោលផ្ទះគេចពីជំនន់ស្ទឹងព្រែកត្នោតដែលលិចជាយខាងត្បូងក្រុងភ្នំពេញ។ សហជីពថា កម្មករចាប់ផ្តើមប្រមូលសំរាម ក្រោយក្រុមហ៊ុនស៊ីនទ្រីព្រមព្រៀងបើកប្រាក់អត្ថប្រយោជន៍នៅដើមឆ្នាំក្រោយ។ អង្គការសិទ្ធិមនុស្សធំៗថ្កោលទោសការផ្តល់រង្វាន់របស់ក្រសួងយុត្តិធម៌ថៃដល់ក្រុមហ៊ុនស្ករស Mitr Phol ដែលបំពានសិទ្ធិមនុស្សនៅកម្ពុជា។ ព័ត៌មានអន្តរជាតិវិញមានដូចជា លោក Biden និងលោក Trump បន្តឌឺដងដាក់គ្នាក្នុងរដ្ឋសំខាន់ៗមុនពេលបោះឆ្នោត។ ការអះអាងរបស់លោក Trump អំពីការលួចបន្លំសន្លឹកឆ្នោត អាចបណ្តាលឲ្យមានចម្រូងចម្រាសនៃការបោះឆ្នោតដោយប្រតិភូ។ បេក្ខជនចៅក្រមតុលាការកំពូលអាមេរិកអ្នកស្រី Barrett បដិសេធមិនឆ្លើយសំណួរទាក់ទិននឹងរឿងក្ដីសំខាន់ៗរបស់តុលាការកំពូល។ ចៅក្រមសហព័ន្ធនៅសហរដ្ឋអាមេរិករារាំងការពន្លឿនថ្ងៃផុតកំណត់ជំរឿនជាតិ។ ក្រុមបាតុករថៃប្រជែងគ្នាពីរក្រុម បង្ហាញកម្លាំងដាក់គ្នាក្នុងទីក្រុងបាងកក។ រាជវាំងម៉ាឡេស៊ីពន្យារពេលប្រជុំដោយសារការកើនឡើងនៃករណីឆ្លងជំងឺកូវីដ១៩ នៅក្នុងប្រទេស។ កាលពីពេលថ្មីៗនេះលោក Anwar ប្រឹងប្រែងបានកាន់តំណែងនាយករដ្ឋមន្ត្រីម៉ាឡេស៊ី។ ពលរដ្ឋតៃវ៉ាន់ភ័យព្រួយ ខណៈសកម្មភាពយន្តហោះចម្បាំងរបស់ចិនកើនឡើង៕
1 hr
October 13, 2020 ព័ត៌មានពេលរាត្រី៖ ១៣ តុលា ២០២០ - តុលា 13, 2020
ព័ត៌មានអំពីកម្ពុជាមានដូចជា សហរដ្ឋអាមេរិកនឹងបើកការិយាល័យ FBI នៅប្រទេសកម្ពុជា។ មន្ត្រី៖ កម្ពុជាជួបជំនន់ធំមិនធ្លាប់មាននាជិតមួយទសវត្សរ៍ចុងក្រោយ។ សហជីព៖ ភាគីពាក់ព័ន្ធស្វះស្វែងបន្តចរចាដើម្បីបញ្ចប់វិវាទការងាររបស់កម្មករក្រុមហ៊ុនស៊ីនទ្រី។ ចិនថា កម្ពុជាគាំទ្រគំនិតផ្តួចផ្តើមសកលស្តីពីសន្តិសុខទិន្នន័យដែលចម្រូងចម្រាសជាមួយអាមេរិក។ ព័ត៌មានអន្តរជាតិវិញមានដូចជា ព្រឹទ្ធសភាគ្រោងចោទសួរអ្នកស្រី Barrett បេក្ខជនចៅក្រមតុលាការកំពូលដែលតែងតាំងដោយលោក Trump នៅថ្ងៃអង្គារនេះ។ លោក Trump និងលោក Biden ឌឺដងពាក្យសម្ដីដាក់គ្នានៅក្នុងរដ្ឋដែលមានការប្រជែងខ្លាំង។ វេជ្ជបណ្ឌិតថា លោក Trump ធ្វើតេស្តឃើញថាលែងមានជំងឺកូវីដ១៩ ហើយ។ ពលរដ្ឋអាមេរិកាំងជាច្រើនទៅបោះឆ្នោតមុនថ្ងៃបោះឆ្នោតទី៣ ខែវិច្ឆិកា។ ការសម្លាប់រង្គាល ៤៤ឆ្នាំមុននៅតាមលងជនជាតិថៃដែលរួចជីវិត។ អតីតប្រធានាធិបតីសហរដ្ឋអាមេរិកលោក Jimmy Carter មានអាយុ ៩៦ ឆ្នាំហើយ។ វត្តមាននាវានេសាទត្រីចិន៣០០គ្រឿងនៅក្នុងសមុទ្រអាមេរិកខាងត្បូងនាំឲ្យមានកង្វល់សន្តិសុខម្ហូបអាហារ៕
1 hr
October 12, 2020 ព័ត៌មានពេលរាត្រី៖ ១២ តុលា ២០២០ - តុលា 12, 2020
ព័ត៌មានអំពីកម្ពុជាមានដូចជា ចិនចុះកិច្ចព្រមព្រៀងពាណិជ្ជកម្មសេរីជាមួយកម្ពុជាផ្ដល់ជំនួយ«ប្រញាប់»១៤០លានដុល្លារ។ ពលរដ្ឋនៅភ្នំពេញត្អូញត្អែរអំពីការជន់លិចផ្ទះដោយសារភ្លៀងខ្លាំង ប្រព័ន្ធលូកកស្ទះ និងការលុបបឹង។ នៅក្នុងកម្មវិធី Hello VOA មានកិច្ចពិភាក្សាអំពី «ផលប៉ះពាល់នៃទណ្ឌកម្មរបស់សហរដ្ឋអាមេរិកលើក្រុមហ៊ុនចិននៅកម្ពុជា»។ ព័ត៌មានអន្តរជាតិវិញមានដូចជា លោក Trump ថា លោក «បានឈ្នះវីរុសចិនដ៏សាហាវនេះហើយ‍»។ មនុស្សយ៉ាងហោចណាស់ក៏១៨នាក់បានស្លាប់នៅក្នុងហេតុការណ៍បុកគ្នារវាងរថយន្តដឹកអ្នកដំណើរនិងរទេះភ្លើងនៅក្នុងប្រទេសថៃ។ ចិនធ្វើសមយុទ្ធលុកលុយខាងយោធា នៅពេលមានការតានតឹងជាមួយកោះតៃវ៉ាន់។ ការតវ៉ាប្រឆាំងច្បាប់ការងារថ្មីនៅឥណ្ឌូណេស៊ីបានចូលដល់សប្តាហ៍ទី២ហើយ។ ប្រទេស Azerbaijan រាយការណ៍ថា មានការបាញ់ផ្តក់ដោយកងទ័ព Armenia។ ការសិក្សារកឃើញថា វីរុសដែលបណ្តាលឲ្យកើតជំងឺកូវីដ១៩ អាចនៅរស់លើផ្ទៃរបស់វត្ថុនានារហូតដល់មួយខែ៕
1 hr
October 11, 2020 ព័ត៌មានពេលរាត្រី៖ ១១ តុលា ២០២០ - តុលា 11, 2020
ព័ត៌មានសំខាន់ៗអំពីកម្ពុជាមានដូចជា បទសម្ភាសន៍ VOA ជាមួយអ្នកនិពន្ធលោក Sebastian Strangio៖ សៀវភៅ «នៅក្រោមស្រមោលនាគ» បង្ហាញពីការពង្រីកអំណាចចិននៅអាស៊ាន។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ» ភាគទី ៥ មានការពិភាក្សាអំពី «សមាហរណកម្មសេដ្ឋកិច្ចកម្ពុជា»។ រីឯព័ត៌មានអន្តរជាតិវិញមានដូចជា អ្នកសង្កេតការណ៍ថា ការបដិសេធរបស់ចិនអំពីខ្សែបន្ទាត់កណ្តាលមិនផ្លូវការនៅច្រកសមុទ្រតៃវ៉ាន់ ធ្វើឲ្យមានការតានតឹងដែលមិនគួរកើតមានឡើង៕
1 hr
October 10, 2020 ព័ត៌មានពេលរាត្រី៖ ១០ តុលា ២០២០ - តុលា 10, 2020
ព័ត៌មានសំខាន់ៗអំពីកម្ពុជាមាន បទសម្ភាសន៍ VOA ជាមួយអ្នកនិពន្ធលោក Sebastian Strangio៖ សៀវភៅ «នៅក្រោមស្រមោលនាគ» បង្ហាញពីការពង្រីកអំណាចចិននៅអាស៊ាន។ រីឯព័ត៌មានអន្តរជាតិវិញមានដូចជា ទ្វីបអាស៊ីនាំមុខគេខាងការរំលោភបំពានសេរីភាពសារព័ត៌មានជុំវិញការរាយការណ៍ពីជំងឺកូវីដ១៩។ ព្រំដែនអង់គ្លេសអឺរ៉ុប នឹងច្របូកច្របល់និងខ្វះអាហារ បើគ្មានកិច្ចព្រមព្រៀងពាណិជ្ជកម្ម។ នៅក្រុងតូក្យូ រដ្ឋមន្រ្តីការបរទេសអាមេរិកកោតសរសើរវេទិកា Quad ជាមធ្យោបាយមួយ«ទប់ទល់»នឹងចិន។ ក្រុមអ្នកជំនាញព្រមានអំពីប្រទេសចិនប្រើវ៉ាក់សាំងកូវីដ១៩ក្នុងករណីអាសន្ន៕
1 hr
October 09, 2020 ព័ត៌មានពេលរាត្រី៖ ៩ តុលា ២០២០ - តុលា 09, 2020
ព័ត៌មានសំខាន់ៗអំពីកម្ពុជាមានដូចជា តុលាការខេត្តកោះកុងចោទប្រកាន់ពលរដ្ឋ ១០ នាក់ ពីបទ«ញុះញង់បង្កភាពវឹកវរក្នុងសង្គម» ក្រោយការបន្តការតវ៉ារឿងដីធ្លី។ ចិននិងកម្ពុជាគ្រោងនឹងចុះហត្ថលេខាលើកិច្ចព្រមព្រៀងពាណិជ្ជកម្មសេរីនៅចុងសប្តាហ៍។ រីឯព័ត៌មានអន្តរជាតិវិញមានដូចជា ទ្វីបអាស៊ីនាំមុខគេខាងការរំលោភបំពានសេរីភាពសារព័ត៌មានជុំវិញការរាយការណ៍ពីជំងឺកូវីដ១៩។ ជម្លោះលើកម្មវិធី TikTok ជាប្រផ្នូលអ្វីមួយសម្រាប់វិស័យបច្ចេកវិទ្យា។ អ្នកជំនាញព្រមានអំពីប្រទេសចិនប្រញាប់ប្រញាល់ប្រើវ៉ាក់សាំងកូវីដ១៩ ក្នុងករណីអាសន្ន។ ចិនស្រាប់តែចង់ពិភាក្សាក្រមប្រតិបត្តិសមុទ្រចិនខាងត្បូង ដែលមានជម្លោះ។ អង្គការកម្មវិធីកម្មវិធីស្បៀងអាហារពិភពលោក ទទួលរង្វាន់ណូបែលសន្តិភាពឆ្នាំ ២០២០។ លោក Trump ថ្លែងថា លោកនឹងមិនចូលរួមការជជែកដេញដោលតាមអនឡាញ ខណៈលោក Biden រៀបផែនការថ្មី។ ឥណ្ឌូណេស៊ីមានករណីឆ្លងវីរុសកូរ៉ូណាថ្មី ៤០៩៤ ករណី និងមនុស្ស៩៧នាក់ទៀតបានស្លាប់៕
1 hr
October 08, 2020 ព័ត៌មានពេលរាត្រី៖ ៨ តុលា ២០២០ - តុលា 08, 2020
ព័ត៌មានសំខាន់ៗអំពីកម្ពុជាមានដូចជា ដី ៦០០ ហិកតានៅខេត្តព្រះសីហនុ ត្រូវកាត់ឲ្យក្រុមហ៊ុនគ្រួសារឧកញ៉ា លី យ៉ុងផាត់ ខណៈរដ្ឋមន្ត្រីកសិកម្មថា «ទុកអត់ប្រយោជន៍»។ លោក ហ៊ុន សែន កោតសរសើរក្រុមហ៊ុនឯកជនមិនបិទដំណើរការ គ្រាមានវិបត្តិកូវីដ១៩។ នៅក្នុងកម្មវិធី Hello VOA នារាត្រីនេះ មានការពិភាក្សាអំពី «ការអនុវត្តច្បាប់សម្រាប់សហគ្រិនភាពស្អាតស្អំនៅកម្ពុជា ក្នុងគ្រាកូវីដ១៩»។ រីឯព័ត៌មានអន្តរជាតិវិញមានដូចជា ដំណើរការនៃវិសោធនកម្មទី ២៥ នៃរដ្ឋធម្មនុញ្ញសហរដ្ឋអាមេរិក។ អនុប្រធានាធិបតី អាមេរិកលោក Pence និងអ្នកស្រី Harris ប្រកែកគ្នាអំពីកង្វល់នៃជំងឺកូវីដ១៩។ យុទ្ធនាការរបស់លោក Trump កំពុងគិតពីយុទ្ធសាស្ត្រថ្មី ខណៈលោកមានជំងឺកូវីដ១៩។ សហរដ្ឋអាមេរិកទប់ទល់ឥទ្ធិពលរបស់ចិនតាមរយ:ការផ្ដល់ជំនួយឲ្យប្រទេសចំនួនប្រាំ ក្នុងតំបន់អាស៊ីអាគ្នេយ៍។ លោក Trump ប្រកាសថា ការឆ្លងជំងឺកូវីដ១៩ ជា «ពរពីព្រះជាម្ចាស់»៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…