កម្មវិធីព័ត៌មានពេលរាត្រី - វីអូអេ

កម្មវិធីព័ត៌មានពេលរាត្រី - វីអូអេ

By វីអូអេNews

Download on the App Store

Download on the App Store

Get it on Google Play

កម្មវិធីព័ត៌មានពេលរាត្រី - វីអូអេ episodes

September 07, 2020 ព័ត៌មានពេលរាត្រី - កញ្ញា 07, 2020
ព័ត៌មានអំពីកម្ពុជាមានដូចជា ការចុះពិនិត្យព្រំដែននៅត្បូងឃ្មុំ មិនទាន់ជម្រះមន្ទិលលើការបាត់បង់ដីដ៏ចម្រូងចម្រាសទេ។ នៅក្នុងកម្មវិធី Hello VOA មានកិច្ចពិភាក្សាអំពី «ការតាំងចិត្ត និងការតស៊ូនាំមកនូវភាពជោគជ័យ»។ ព័ត៌មានអន្តរជាតិវិញមានដូចជា ឥណ្ឌាក្លាយជាប្រទេសទី ២ នៅលើពិភពលោកដែលមានករណីឆ្លងជំងឺកូវីដ១៩ ច្រើនជាងគេបំផុត។ រដ្ឋមន្ត្រីក្រសួងយុត្តិធម៌អាមេរិកគាំទ្រគោលនយោបាយច្បាប់និងសណ្ដាប់ធ្នាប់របស់លោក Trump។ យុទ្ធនាការលោក Trump និងយុទ្ធនាការលោក Biden ឆ្លើយឆ្លងដាក់គ្នាអំពីស្ថានភាពសេដ្ឋកិច្ចសហរដ្ឋអាមេរិក។ មនុស្សរាប់រយនាក់ត្រូវបានចាប់ខ្លួនក្នុងការតវ៉ាប្រឆាំងការពន្យារពេលបោះឆ្នោតនៅហុងកុង។ ជម្លោះដ៏កម្ររវាងស៊ែប៊ីនិងរុស្ស៊ី ក្រោយពីស៊ែប៊ីមានកិច្ចព្រមព្រៀងជាមួយកូសូវ៉ូដែលគាំទ្រដោយសហរដ្ឋអាមេរិក។ ការកែទម្រង់និងការរាតត្បាតជាសាកលនៃជំងឺកូវីដ១៩ បានពន្យឺតឯកជននីយកម្មក្នុងប្រទេសវៀតណាម៕
1 hr
September 06, 2020 ព័ត៌មានពេលរាត្រី - កញ្ញា 06, 2020
ព័ត៌មានសំខាន់ៗអំពីកម្ពុជាមានដូចជា សកម្មជនខ្មែរនៅទីក្រុងឡុងប៊ិចចាប់ផ្តើមយុទ្ធនាការផ្សព្វផ្សាយការបោះឆ្នោត ខណៈជំងឺរាតត្បាតកូវីដ ១៩ នៅបន្តឆ្លង។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី៣ ជាមួយវាគ្មិនរបស់យើងគឺកញ្ញា យូ សុធារី អំពីប្រព័ន្ធគាំពារសង្គមរបស់កម្ពុជា។ រីឯព័ត៌មានអន្តរជាតិវិញមានដូចជា លោក Trump ប្រឈមនឹងការពិបាកជាច្រើននៅពេលបោះឆ្នោត ដោយសារវិធីដោះស្រាយបញ្ហាជំងឺកូវីដ ១៩ របស់លោក។ ក្រុងចិន ឬ Chinatown នៅទីក្រុងញូវយ៉កសហរដ្ឋអាមេរិក ចាប់ផ្តើមបើកដំណើរការឡើងវិញ៕
1 hr
September 05, 2020 ព័ត៌មានពេលរាត្រី - កញ្ញា 05, 2020
ព័ត៌មានសំខាន់ៗនៅថ្ងៃនេះមានដូចជា មហាសន្និបាតគណបក្សសាធារណរដ្ឋគូសបញ្ជាក់ច្បាប់និងសណ្តាប់ធ្នាប់ ប៉ុន្តែមើលស្រាលវិបត្តិជំងឺកូវីដ១៩។ លោក Trump និងលោក Biden បង្ហាញគោលនយោបាយការបរទេសខុសគ្នាស្រឡះ។ ការលក់កាំភ្លើងនៅសហរដ្ឋអាមេរិកកើនឡើងក្នុងអំឡុងពេលនៃការឆ្លងរាតត្បាតជំងឺកូវីដ១៩។ ទឹកជំនន់នៅក្នុងប្រទេសនិងការតានតឹងនៅបរទេសបង្កើនការព្រួយកង្វល់ពីសន្តិសុខម្ហូបអាហារក្នុងប្រទេសចិន។ សម្ព័ន្ធមិត្តអាមេរិកពង្រឹងសម្ព័ន្ធភាពដើម្បីទប់ទល់នឹងការពង្រីកការកាន់កាប់របស់ចិនក្នុងដែនសមុទ្រចិនខាងត្បូង។ ការសិក្សាស្រាវជ្រាវគាំទ្រទ្រឹស្តីថា មនុស្សខ្លះមានភាពស៊ាំនឹងមេរោគក្នុងខ្លួនដែលជួយប្រឆាំងនឹងជំងឺកូវីដ១៩។ បទសន្ទនា VOA អំពីការផលិតកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia»៕
1 hr
September 04, 2020 ព័ត៌មានពេលរាត្រី - កញ្ញា 04, 2020
ព័ត៌មានសំខាន់ៗអំពីកម្ពុជាមានដូចជា កម្ពុជានិងអាមេរិកប្តេជ្ញាពង្រឹងពាណិជ្ជកម្ម ខណៈមានការព្រួយបារម្ភអំពីប្រព័ន្ធអនុគ្រោះពន្ធ GSP ដ៏ចម្រូងចម្រាស។ ស្ត្រីម្នាក់ត្រូវបានចាប់បោកផ្ទប់នឹងថ្នល់ ខណៈក្រុមគ្រួសារសកម្មជនអតីតគណបក្សសង្គ្រោះជាតិបន្តតវ៉ា។ សកម្មជនខ្មែរនៅក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិកចាប់ផ្តើមយុទ្ធនាការផ្សព្វផ្សាយការបោះឆ្នោត ខណៈជំងឺរាតត្បាតកូវីដ ១៩ នៅបន្តឆ្លង។ លោក សុន ឆ័យ និងមន្ត្រីគណបក្សប្រឆាំងពីរនាក់ ទទួលបានសិទ្ធិធ្វើនយោបាយឡើងវិញ។ កិច្ចព្រមព្រៀងពាណិជ្ជកម្មសេរីកម្ពុជា-ចិន ពន្យារពេលចុះហត្ថលេខា ដោយសារជំងឺកូវីដ១៩។ រីឯព័ត៌មានអន្តរជាតិវិញមានដូចជា លោក Trump និងលោក Biden បង្ហាញគោលនយោបាយការបរទេសខុសគ្នាស្រឡះ។ អង្គការសហប្រជាជាតិថា វិបត្តិជំងឺកូវីដ ១៩ បង្កឲ្យមានវិបត្តិក្នុងវិស័យអប់រំជុំវិញពិភពលោក។ វ៉ាក់សាំងកូវីដ១៩ ចំនួនពីរប្រភេទដែលអាចនឹងមកដល់នៅខែវិច្ចិកា ប្រើប្រាស់បច្ចេកវិជ្ជាថ្មីប្រកបដោយក្តីសង្ឃឹម។ លោកប្រធានាធិបតី Trump ប្រាប់ពួកអ្នកបោះឆ្នោតតាមប្រៃសណីយ៍ឲ្យតាមមើលសន្លឹកឆ្នោតរបស់ពួកគេ។
ក្រសួងសន្តិសុខមាតុភូមិអាមេរិកាំងថា រុស្ស៊ីកំពុងព្យាយាមបំផ្លាញទំនុកចិត្តការបោះឆ្នោតតាមប្រៃសណីយ៍។ អង្គការយូនីសេហ្វ UNICEF ដឹកនាំកិច្ចផ្តួចផ្តើមសាកលដើម្បីទិញចែកចាយវ៉ាក់សាំងជំងឺកូវីដ១៩ និងព័ត៌មានអន្តរជាតិផ្សេងទៀត៕
1 hr
September 03, 2020 ព័ត៌មានពេលរាត្រី - កញ្ញា 03, 2020
នេះជាកម្មវិធីផ្សាយប្រចាំថ្ងៃតាមវិទ្យុ ជាភាសាខ្មែរ រយៈពេល ៦០ នាទី ដែលផ្តល់ព័ត៌មានអំពីប្រទេសកម្ពុជានិងពិភពលោក ក៏ដូចជាព័ត៌មានពិពណ៌នា ព័ត៌មានអត្ថាធិប្បាយ កម្មវិធីតន្ត្រី កម្មវិធីសំណួរនិងចម្លើយ កម្មវិធីហៅចូលតាមទូរស័ព្ទ «ហេឡូវីអូអេ» នៅម៉ោងប្រហែល៨:៥០យប់ និង បទវិចារណកថា ជូនដល់អ្នកស្តាប់ភាសាខ្មែរនៅទូទាំងប្រទេសកម្ពុជា។
1 hr
September 02, 2020 ព័ត៌មានពេលរាត្រី - កញ្ញា 02, 2020
ព័ត៌មានសំខាន់ៗអំពីកម្ពុជាមានដូចជា ឌុច ស្លាប់ជាមួយ«កេរដំណែលអសោច» លាងលុបមិនបាន។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ» ភាគទី ៣ នេះ មានការពិភាក្សាស៊ីជម្រៅជាមួយវាគ្មិនគឺកញ្ញា យូ សុធារី អំពី «ប្រព័ន្ធគាំពារសង្គម»នៅកម្ពុជា។ ស្ត្រីខ្មែរដែលជាអតីតជនភៀសខ្លួន ឈ្នះការបោះឆ្នោតបឋមក្លាយជាបេក្ខជនសមាជិកសភាខាងគណបក្សប្រជាធិបតេយ្យ ប្រចាំតំបន់ទី ១៧ នៃសង្កាត់ Middlesex រដ្ឋ Massachusetts សហរដ្ឋអាមេរិក។ សពអតីតប្រធានមន្ទីរស ២១សម័យខ្មែរក្រហម លោក ឌុច ត្រូវបូជា ដោយមិនបានធ្វើបុណ្យតាមប្រពៃណីខ្មែរ។ លោក កឹម សុខា អំពាវនាវជាថ្មីឲ្យតុលាការទម្លាក់ចោលការចោទប្រកាន់លើរូបលោក នៅថ្ងៃពុធទី០២ ខែកញ្ញានេះ។ រីឯព័ត៌មានអន្តរជាតិវិញមានដូចជា ការស្ទង់មតិបង្ហាញថា លោក Biden នាំមុខលោក Trump ទូទាំងប្រទេស តែមានលក្ខណៈប្រកៀកប្រកិតនៅរដ្ឋសំខាន់ៗ។ សហរដ្ឋអាមេរិកបដិសេធមិនចូលរួមក្នុងកិច្ចប្រឹងប្រែងជាសាកលលោកដើម្បីបង្កើតវ៉ាក់សាំងបង្ការជំងឺកូវីដ១៩៕
1 hr
September 01, 2020 ព័ត៌មានពេលរាត្រី - កញ្ញា 01, 2020
ព័ត៌មានសំខាន់ៗអំពីកម្ពុជាមានដូចជា អ្នកនាំពាក្យក្រសួងយុត្តិធម៌អះអាងថា ចេតនាបង្កើតបដិវត្តន៍ពណ៌នៅកម្ពុជា មិនទាន់បញ្ចប់នៅឡើយទេ។ បីឆ្នាំនៃការបង្ក្រាបនយោបាយ ក្រុមជំទាស់ខ្លះស្វះស្វែងរកច្រកចេញដើម្បីអាចចូលរួមការបោះឆ្នោត។ អ្នកគាំទ្រដាក់ញត្តិទៅទូតជប៉ុននិងអាល្លឺម៉ង់ឲ្យជួយអន្តរាគមន៍ដោះលែងលោក រ៉ុង ឈុន និងសកម្មជនផ្សេងទៀត។ រីឯព័ត៌មានអន្តរជាតិវិញមានដូចជា ហេតុការណ៍ចុងក្រោយបង្អស់ដែលប៉ូលិសបាញ់ពលរដ្ឋស្បែកខ្មៅធ្វើឲ្យមានការអំពាវនាវជាថ្មីឲ្យមានកំណែទម្រង់ស្ថាប័នប៉ូលិសនៅសហរដ្ឋអាមេរិក។ អ្នកតាមដានស្ថានការណ៍ថា សេដ្ឋកិច្ចវៀតណាមនៅតែមានសង្ឃឹម ទោះមានករណីឆ្លងជំងឺកូវីដ១៩ កើនឡើងក្តី។ ប្រធានអង្គការសុខភាពពិភពលោក WHO ថា ពិភពលោកមិនអាចព្រងើយដោយចាត់ទុកជំងឺរាតត្បាតកូវីដ១៩ថាចប់បានទេ។ ឥណ្ឌាចោទថា ទ័ពចិនប៉ុនប៉ងទន្រ្ទានចូលព្រំដែនហិមាល័យកាលពីសប្តាហ៍មុន តែចិនច្រានចោលការចោទប្រកាន់នេះ។ ប្រធានាធិបតីវ៉េណេហ្ស៊ុយអេឡាលើកលែងទោសអ្នកតំណាងរាស្ត្រនិងសហការីមេដឹកនាំបក្សប្រឆាំងជាង ១០០នាក់។ ភាគីធំបង្អស់នៃគណបក្សកាន់អំណាចនៅជប៉ុនគាំទ្រលោក Yoshihide Suga រដ្ឋមន្ត្រីទីស្តីការគណៈរដ្ឋមន្ត្រីជាបេក្ខជននាយករដ្ឋមន្ត្រី។ បូលិសថៃចាប់ខ្លួនមេដឹកនាំនិស្សិត កញ្ញា Jutatip Sirikhan ជុំវិញការតវ៉ាប្រឆាំងរដ្ឋាភិបាល និងព័ត៌មានអន្តរជាតិផ្សេងៗទៀត៕
1 hr
August 31, 2020 ព័ត៌មានពេលរាត្រី - សីហា 31, 2020
ព័ត៌មានអំពីកម្ពុជាមានដូចជា អ្នកឃ្លាំមើលថា ការព្រលយធ្វើនយោបាយរបស់អតីតសមាជិកបក្សជំទាស់ នឹងមិនមែនជាគន្លឹះសម្រាប់សា្តរប្រជាធិបតេយ្យកម្ពុជាទេ។ បាតុករកម្ពុជាបន្តតវ៉ាដាក់ញត្តិនៅស្ថានទូតអូស្ត្រាលីដើម្បីទាមទារឲ្យដោះលែងលោករ៉ុង ឈុន។ នៅក្នុងកម្មវិធី Hello VOA មានកិច្ចពិភាក្សាអំពី «សារនយោបាយសំខាន់ពីបេក្ខជនប្រធានាធិបតីអាមេរិកនិងមហាសន្និបាតនៃគណបក្សសាធារណរដ្ឋ និងគណបក្សប្រជាធិបតេយ្យ»។
ព័ត៌មានអន្តរជាតិវិញមានដូចជា អភិបាលរដ្ឋ Oregon ទទូចឲ្យបញ្ចប់«វដ្តនៃអំពើហិង្សា»នៅទីក្រុង Portland និងរិះគន់ក្រុមប្រដាប់អាវុធគាំទ្រលោកប្រធានាធិបតី ដូណាល់ ត្រាំ។ បាតុកម្មបន្តកើតឡើងនៅទីក្រុង Minsk ប្រទេសបេឡារុស ខណៈលោក Putinប្រធានាធិបតីរុស្ស៊ីជូនពរខួបកំណើតលោក Lukashenko។ ឥណ្ឌាបង្កើតកំណត់ត្រាពិភពលោកថ្មីដោយឆ្លងវីរុសកូរ៉ូណាជាង ៧៨.០០០ នាក់ក្នុងរយៈពេល២៤ ម៉ោងកាលពីថ្ងៃអាទិត្យ។ លោក Yoshihide Suga រដ្ឋមន្ត្រីទីស្តីគណៈរដ្ឋមន្ត្រីនឹងស្វះស្វែងរកការគាំទ្រដើម្បីជំនួសលោក Shinzo Abe សម្រាប់មុខតំណែងនាយករដ្ឋមន្ត្រីបន្ទាប់របស់ជប៉ុន។ ប៉ូលិសអ៊ីស្រាអែលបានបង្ហាញប្រព័ន្ធឡាហ្ស៊ែរថ្មីមួយដែលនឹងប្រើដើម្បីស្ទាក់ចាប់ប៉ោងប៉ោងដាក់ជាតិផ្ទុះឲ្យហើរតាមខ្យល់ដែលបង្ហោះចេញពីតំបន់ Gaza Strip និងព័ត៌មានសំខាន់ៗមួយចំនួនទៀត៕
1 hr
August 30, 2020 ព័ត៌មានពេលរាត្រី - សីហា 30, 2020
ព័ត៌មានសំខាន់ៗអំពីកម្ពុជាមានដូចជា មន្ត្រីកម្ពុជាថា សេចក្តីព្រាងច្បាប់ស្តីពីសិទ្ធិទទួលព័ត៌មាននឹងត្រូវអនុម័តកាន់តែឆាប់តាមតែអាចធ្វើទៅបាន។ នៅក្នុងបទសម្ភាសន៍ «កម្ពុជាច្នៃប្រឌិត» មានការពិភាក្សាជាមួយ អ្នកនិពន្ធតន្ត្រីល្បី បណ្ឌិត អ៊ុង ជិនណារី ជំរុញឲ្យសិល្បករស្តាប់អារម្មណ៍ក្នុងខ្លួន (ភាគ៣)។ រីឯព័ត៌មានអន្តរជាតិវិញមានដូចជា សម្ព័ន្ធមិត្តអាមេរិកពង្រឹងសម្ព័ន្ធភាពដើម្បីទប់ទល់នឹងការពង្រីកឥទ្ធិពលរបស់ចិនក្នុងដែនសមុទ្រ។ វិភាគ៖ ហេតុអ្វីបានជាកប៉ាល់ចិន ធ្វើដំណើរទៅតំបន់ថ្មប៉ប្រះទឹកមួយនៅក្បែរច្រាំងសមុទ្រម៉ាឡេស៊ីដោយគ្មានការអញ្ជើញ។ ការសិក្សាស្រាវជ្រាវគាំទ្រទ្រឹស្តីថា មនុស្សខ្លះមានភាពស៊ាំនឹងមេរោគក្នុងខ្លួនប្រឆាំងនឹងជំងឺកូវីដ១៩។ សមាជិកព្រឹទ្ធសភាសំខាន់ៗថា នយោបាយអាមេរិកចំពោះប្រទេសវ៉េណេស៊ុយអេឡាទទួលបរាជ័យ៕
1 hr
August 29, 2020 ព័ត៌មានពេលរាត្រី - សីហា 29, 2020
ព័ត៌មានសំខាន់ៗអំពីកម្ពុជាមានដូចជា អ្នកវិភាគថា សហរដ្ឋអាមេរិកនិងកម្ពុជាគួរដោះស្រាយបញ្ហាបំណុលឲ្យចប់ ដើម្បីស្តារទំនាក់ទំនងទ្វេភាគីឡើងវិញ។ នៅក្នុងកម្មវិធី «កម្ពុជាច្នៃប្រឌិត» មានបទសម្ភាសន៍ជាមួយអ្នកនិពន្ធតន្ត្រីល្បី បណ្ឌិត អ៊ុង ជិនណារី ជំរុញឲ្យសិល្បករស្តាប់អារម្មណ៍ក្នុងខ្លួន (ភាគ២)។ រីឯព័ត៌មានអន្តរជាតិវិញមានដូចជា ការខ្វែងគំនិតគ្នាក្នុងចំណោមក្រុមអ្នកគាំទ្រលទ្ធិប្រជាធិបតេយ្យនៅក្នុងក្រុងហុងកុងជុំវិញការប្តេជ្ញា ចិត្តធ្វើពហិការ ក្នុងការបន្តអាណត្តិរបស់ក្រុមប្រឹក្សានីតិបញ្ញត្តិ។ ដើម្បីប្រជែងនឹងប្រទេសក្រៅ កូរ៉េខាងជើងធ្វើទំនើបកម្មការឃោសនារបស់ខ្លួន។ ឥណ្ឌូណេស៊ីសហការជាមួយក្រុមហ៊ុនឱសថចិន ដើម្បីផលិតវ៉ាក់សាំងកូវីដ១៩៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…

More shows like កម្មវិធីព័ត៌មានពេលរាត្រី - វីអូអេ

香港電台：古今風雲人物 by RTHK.HK

香港電台：古今風雲人物

100 Listeners

ឯកសារប្រវត្តិសាស្ត្រខ្មែរ by សេរីភាពខ្មែរ

ឯកសារប្រវត្តិសាស្ត្រខ្មែរ

14 Listeners

កម្មវិធីវិទ្យុពេលព្រឹក - វីអូអេ by វីអូអេ

កម្មវិធីវិទ្យុពេលព្រឹក - វីអូអេ

12 Listeners

Kou Sopheap's Podcast by Kou Sopheap

Kou Sopheap's Podcast

108 Listeners

វិភាគរឿងសាមកុក by Hout Sengkea

វិភាគរឿងសាមកុក

3 Listeners

SRMN by SRMN

SRMN

19 Listeners

ទស្សនៈខ្ញុំគេ by ហួត សេងគៀ

ទស្សនៈខ្ញុំគេ

9 Listeners

កម្ពុជាសម្លឹងទៅមុខ - Envision Cambodia - វីអូអេ by វីអូអេ

កម្ពុជាសម្លឹងទៅមុខ - Envision Cambodia - វីអូអេ

2 Listeners

Lover by រតនា ណុប

Lover

0 Listeners

Rean Ruos Podcast by Monyputhy Ly

Rean Ruos Podcast

7 Listeners

នាទីសុខភាពនិងអនាម័យ by RFI ខេមរភាសា / Khmer

នាទីសុខភាពនិងអនាម័យ

0 Listeners

រឿងភាគនិទានវិទ្យុ Radio Drama by អគ្គនាយកដ្ឋានវិទ្យុជាតិកម្ពុជា RNK

រឿងភាគនិទានវិទ្យុ Radio Drama

0 Listeners

总有那么一首歌|可以触动你的心 by _叶蓁蓁

总有那么一首歌|可以触动你的心

13 Listeners

កម្មវិធីព័ត៌មានប្រចាំថ្ងៃ - ឌឹ ខេមបូឌា ដេលី by The Cambodia Daily Khmer

កម្មវិធីព័ត៌មានប្រចាំថ្ងៃ - ឌឹ ខេមបូឌា ដេលី

0 Listeners

南柯一梦 by 锦李

南柯一梦

0 Listeners

2025神级翻唱音乐|全网播放过亿|热门音乐 by 年少春衫_薄

2025神级翻唱音乐|全网播放过亿|热门音乐

5 Listeners