កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

August 08, 2020 ព័ត៌មានពេលរាត្រី - សីហា 08, 2020
ព័ត៌មានសំខាន់ៗអំពីកម្ពុជារួមមាន សេចក្តីព្រាងច្បាប់ហាមប្រាមការស្លៀកពាក់មិនសមរម្យត្រូវបានគេមើលឃើញថា ជាការគំរាមកំហែងសិទ្ធិសេរីភាពរបស់ស្ត្រី។ រីឯព័ត៌មានអន្តរជាតិវិញមានដូចជា វៀតណាមកំពុងប្រឈមនឹងការកើនឡើងនៃករណីឆ្លងជំងឺកូវីដ១៩សារជាថ្មី ក្រោយពីជិតលុបបំបាត់បានទាំងស្រុង។ លោកប្រធានាធិបតី ត្រាំ ឈរឈ្មោះបោះឆ្នោតនៅអាណត្តិទី ២ ក្រោយរួចផុតពីការចោទប្រកាន់ដកហូតតំណែង។ លោកអតីតអនុប្រធានាធិបតី Joe Biden ប៉ុនប៉ងជាលើកទីបី ដើម្បីឱ្យបានកាន់តំណែងជាប្រធានាធិបតីសហរដ្ឋអាមេរិក។ នាយករដ្ឋមន្រ្តីអេត្យូពី៖ ទំនប់វារីអគ្គិសនីធំជាងគេលើទន្លេនីលបំពេញគោលដៅចំណុះនៅដំណាក់កាលដំបូង និងបទវិចារណកថា៕
1 hr
August 07, 2020 ព័ត៌មានពេលរាត្រី - សីហា 07, 2020
ព័ត៌មានសំខាន់ៗអំពីកម្ពុជាមានដូចជា ទឹកទន្លេសាបកម្ពុជាធ្លាក់ចុះដល់កម្រិតមិនដែលមានពីមុនមក ខណៈមានការព្រួយបារម្ភអំពីទំនប់វារីអគ្គិសនី។ សេចក្តីព្រាងច្បាប់ហាមប្រាមការស្លៀកពាក់មិនសមរម្យត្រូវបានគេមើលឃើញថា ជាការគំរាមកំហែងសិទ្ធិសេរីភាពរបស់ស្ត្រី។ សហគមន៍ខ្មែរនៅរដ្ឋកាលីហ្វ័រញ៉ាបង្កើនយុទ្ធនាការជំរុញឲ្យពលរដ្ឋខ្មែរសញ្ជាតិអាមេរិកបំពេញជំរឿនឆ្នាំ ២០២០។ អ្នកគាំទ្រលោករ៉ុង ឈុនដែលជាមេដឹកនាំសហជីពស្វែងរកអន្តរាគមន៍ពីអង្គទូតនានា ក្រោមការឃ្លាំមើលយ៉ាងតឹងរ៉ឹងពីកម្លាំងសន្តិសុខ។ រីឯព័ត៌មានអន្តរជាតិវិញមានដូចជា ក្រុមអ្នកបោះឆ្នោតឯករាជ្យនៅសហរដ្ឋអាមេរិកចេញទៅបោះឆ្នោត ដោយផ្តោតលើបញ្ហាចម្បងក្នុងប្រទេស ជាជាងមនោគមវិជ្ជានយោបាយ។ ចំនួនករណីឆ្លងនិងស្លាប់កើនឡើងខ្ពស់បំផុតដែលមិនធ្លាប់មានពីមុននៅអូស្ត្រាលី។ លោកប្រធានាធិបតីត្រាំភ្ជាប់វ៉ាក់សាំងការពារជំងឺកូវីដ១៩ទៅនឹងពេលវេលានៃការបោះឆ្នោតនៅខែវិច្ឆិកា ។ ការប្រជែងរបស់រុស្ស៊ីដើម្បីផលិតវ៉ាក់សាំងកូវីដ១៩បង្កការព្រួយបារម្ភដល់បស្ចិមប្រទេសពីប្រសិទ្ធភាពនិងសុវត្ថិភាព។ ពលរដ្ឋលីបង់ដែលខឹងសម្បារ ស្តីបន្ទោសការផ្ទុះនោះលើអំពើពុករលួយនិងការរៀបចំចាត់ចែងមិនបានល្អរបស់វរជននយោបាយ។ ទឹកជំនន់ ការបាក់ដី បានបំផ្លាញផ្នែកភាគច្រើននៃប្រទេសស៊ូដង់ សម្លាប់មនុស្សយ៉ាងតិចណាស់ក៏១០នាក់ និងព័ត៌មានអន្តរជាតិផ្សេងៗទៀត៕
1 hr
August 06, 2020 ព័ត៌មានពេលរាត្រី - សីហា 06, 2020
ព័ត៌មានសំខាន់ៗអំពីកម្ពុជាមានដូចជា មន្ត្រីកម្ពុជាថា កសិករត្រូវពង្រឹងគុណភាពនិងសុវត្ថិភាពកសិផល ទើបអាចនាំចេញទៅចិន។ ព្រះសង្ឃ៨អង្គត្រូវបានអនុញ្ញាតឲ្យនិមន្តត្រឡប់ទៅខេត្តបាត់ដំបងវិញ តែត្រូវបានរឹតត្បិតការប្រាស្រ័យទាក់ទង។ នៅក្នុងកម្មវិធី Hello VOA ថ្ងៃនេះ មានការពិភាក្សាអំពី «ដល់ពេលអាស៊ីអាគ្នេយ៍ត្រូវជ្រើសរវាងអាមេរិកនិងចិន»។ រីឯព័ត៌មានអន្តរជាតិវិញមានដូចជា អង្គការសហប្រជាជាតិបញ្ជូនអ្នកជំនាញមួយក្រុមទៅអាហ្វ្រិក និងកូរ៉េខាងត្បូង ដើម្បីជួយទប់ទល់ការឆ្លងរាលដាលនៃជំងឺកូវីដ១៩។ ទីភ្នាក់ងារសារព័ត៌មាន AP រាយការណ៍ថា ការធ្វើតេស្តរកជំងឺកូវីដ១៩ប្រចាំថ្ងៃនៅសហរដ្ឋអាមេរិកបានថយចុះ។ ប្រទេសលីបង់ប្រកាសស្ថានភាពអាសន្នពីរថ្ងៃ ក្រោយការផ្ទុះដ៏ខ្លាំងក្លាមួយនៅទីក្រុងកំពង់ផែបេរូត។ ជប៉ុនប្រារព្ធខួប ៧៥ឆ្នាំ នៃសោកនាដកម្មទម្លាក់គ្រាប់បែកបរមាណូដោយសហរដ្ឋអាមេរិកលើទីក្រុង Hiroshima។ លោក Biden ទទួលការតែងតាំងជាបេក្ខជនប្រធានាធិបតីខាងគណបក្សប្រជាធិបតេយ្យតាមអនឡាញពីរដ្ឋ Daleware និងព័ត៌មានអន្តរជាតិផ្សេងទៀត៕
1 hr
August 05, 2020 ព័ត៌មានពេលរាត្រី - សីហា 05, 2020
ព័ត៌មានអំពីកម្ពុជាមានដូចជា មន្រ្តីថា ច្បាប់សណ្តាប់ធ្នាប់សាធារណៈហាមឃាត់ស្លៀកពាក់ខើចលើខើចក្រោមបង្ហាញកេរភេទ ខណៈមានការរិះគន់រឹតបន្តឹងសិទ្ធិស្រ្តី។ កងសន្តិសុខ បំបែកក្រុមអ្នកតវ៉ាប្រឆាំងការចាប់ខ្លួនលោក រ៉ុង ឈុន និងបណ្តាលឲ្យយុវតីពីរនាក់ រងរបួស។ កម្មវិធីផតខាសថ៍ (podcast) «កម្ពុជាសម្លឹងទៅមុខ» ភាគទី១ ស្តីអំពី «ការប្រែប្រួលអាកាសធាតុ»។
ព័ត៌មានអន្តរជាតិវិញមានដូចជា សេតវិមាននិងគណបក្សប្រជាធិបតេយ្យ មានគោលបំណងឲ្យមានកិច្ចព្រមព្រៀងជំនួយក្នុងគ្រាមានជំងឺកូវីដ១៩នៅចុងសប្តាហ៍នេះ។ ការផ្ទុះយ៉ាងខ្លាំងមួយនៅរដ្ឋធានីបេរូត បង្កឲ្យមនុស្សស្លាប់អស់យ៉ាងតិចណាស់១០០ នាក់និងរងរបួសរាប់ពាន់នាក់។ រដ្ឋមន្រ្តីការបរទេសសហរដ្ឋអាមេរិកលោក Pompeo សន្យាការពារពួកសកម្មជនក្រុងហុងកុងដែលស្វះស្វែងសុំសិទ្ធិជ្រកកោននៅបរទេស។ ប៉ូលិសម៉ាឡេស៊ីបានវាយឆ្មក់ការិយាល័យរបស់ទូរទស្សន៍ Al Jazeera និងរឹបអូសយកកុំព្យូទ័រ។ ខ្យល់ព្យុះ Isaias បានសម្លាប់មនុស្សអស់ ៦ នាក់នៅតំបន់ឆ្នេរសមុទ្រភាគខាងកើតសហរដ្ឋអាមេរិក៕
1 hr
August 04, 2020 ព័ត៌មានពេលរាត្រី - សីហា 04, 2020
ព័ត៌មានអំពីកម្ពុជាមានដូចជា រដ្ឋាភិបាលព្រមានប្រើវិធានការច្បាប់ប្រឆាំងការតវ៉ា ដែលដាក់សម្ពាធលើតុលាការក្នុងករណីលោក រ៉ុង ឈុន។ អ្នកនាំពាក្យរដ្ឋាភិបាល៖ ចលនាមហាជនមិនអាចដោះស្រាយបញ្ហាព្រំដែនកម្ពុជាវៀតណាមបានទេ។ អ្នកនេសាទខ្សត់ត្រី ខណៈរដូវទឹកទន្លេសាបហូរបញ្ច្រាសចូលបឹងទន្លេសាបយឺតជាងធម្មតា។
ព័ត៌មានអន្តរជាតិវិញមានដូចជា សេតវិមាននិងគណបក្សប្រជាធិបតេយ្យ និយាយថាមានការជឿនលឿនខ្លះឆ្ពោះទៅកាន់កិច្ចព្រមព្រៀងជំនួយសម្រាប់គ្រាមានវីរុសកូរ៉ូណា។ លោកប្រធានាធិបតីត្រាំ ចាត់វិធានការកម្រិតចំនួនអ្នកធ្វើការសញ្ជាតិបរទេសក្នុងទីភ្នាក់ងាររដ្ឋាភិបាលសហព័ន្ធ។ លោកប្រធានាធិបតី ត្រាំរិះគន់ទីប្រឹក្សាសេតវិមានទទួលបន្ទុកវីរុសកូរ៉ូណា។ ក្រុមអ្នកបោះឆ្នោតនៅរដ្ឋចំនួន ៥ កំពុងបោះឆ្នោតបឋម។ ទីផ្សារហ៊ុននៅអាស៊ីកើនខ្លាំងផ្នែកផលិតកម្ម។ លោក ត្រាំ ទុកពេល ៤៥ ថ្ងៃឲ្យក្រុមហ៊ុនMicrosoft សម្រេចដោះស្រាយបញ្ហាក្រុមហ៊ុន TikTok របស់ចិន។ ប្រធានអង្គការសុខភាពពិភពលោកជំរុញឲ្យបណ្តាប្រទេស និងបុគ្គលខិតខំឲ្យអស់ពីសមត្ថភាពដើម្បីប្រយុទ្ធប្រឆាំងការរាលដាលនៃជំងឺកូវីដ១៩។ អ្នកនាំពាក្យក្រុមតាលីបង់ថា លោករដ្ឋមន្រ្តីការបរទេសអាមេរិក Pompeo និងអ្នកចរចាក្រុមតាលីបង់ពិភាក្សាដំណើរការសន្តិភាពអាហ្វហ្គានីស្ថាន និងព័ត៌មានអន្តរជាតិសំខាន់ៗមួយចំនួនទៀត៕
1 hr
August 03, 2020 ព័ត៌មានពេលរាត្រី - សីហា 03, 2020
ព័ត៌មានអំពីកម្ពុជាមានដូចជា ក្រុមអង្គការសង្គមស៊ីវិលទាមទារឲ្យដោះលែងលោក រ៉ុង ឈុន ខណៈពលរដ្ឋបន្តតវ៉ា។ អាជ្ញាធរព្រមានចាត់វិធានការប្រឆាំងនឹងការប្រមូលផ្តុំនៅមុខតុលាការ ដោយមិនជូនដំណឹង។ កម្មវិធី Hello VOA មានកិច្ចពិភាក្សាអំពី «ស្រ្តីនិងភាពជាអ្នកដឹកនាំ៖ ការពង្រឹងសិទ្ធិអំណាចដល់ស្រ្តីក្នុងភាពជាអ្នកដឹកនាំ»។
ព័ត៌មានអន្តរជាតិវិញមានដូចជា អ្នកជំនាញជំងឺកូវីដ១៩ នៅសេតវិមានថា ការរាលដាលនៃវីរុសបានទៅដល់តំបន់ទីជនបទនិងទីប្រជុំជន។ សេតវិមាន និងគណបក្សប្រជាធិបតេយ្យនៅតែខ្វែងគំនិតគ្នាអំពីកញ្ចប់ថវិកាជំនួយថ្មីសម្រាប់វិបត្តិជំងឺកូវីដ១៩។ ប្រទេសអូស្រ្តាលី បញ្ជាឲ្យបិទពាណិជ្ជកម្មក្រុង Melbourne រយៈពេល៦សប្តាហ៍ ខណៈមានការផ្ទុះឡើងនូវជំងឺកូវីដ១៩។ សកម្មជនអាមេរិកម្នាក់ដែលរងការចោទប្រកាន់ពីបទរំលោភច្បាប់សន្តិសុខជាតិក្រុងហុងកុងអះអាងថា លោក នឹងមិនដកថយទេ។ លោក Trump ប្រកាសដាក់ភាពអាសន្នលើរដ្ឋ North Carolina នៅពេលខ្យល់ព្យុះ Isaias ជិតមកដល់។ ការវាយប្រហារដ៏ប្រល័យនៅពន្ធនាគារដោយក្រុមរដ្ឋឥស្លាម បានសម្លាប់មនុស្ស២១នាក់ក្នុងប្រទេសអាហ្វហ្គានីស្ថាន៕
1 hr
August 02, 2020 ព័ត៌មានពេលរាត្រី - សីហា 02, 2020
ព័ត៌មានសំខាន់ៗមានដូចជា នៅកម្ពុជា កសិដ្ឋានធំៗកាប់ដើមកៅស៊ូដើម្បីដាំដើមចេក និងដំណាំផ្សេងៗសម្រាប់ទីផ្សារប្រទេសចិន។ ការធ្វើដំណើរតាមយន្តហោះកើនច្រើនជាងមុន ទោះបីជាអ្នកដំណើរព្រួយបារម្ភអំពីវីរុសកូរ៉ូណាក៏ដោយ។ ប្រជាពលរដ្ឋកាណាដាច្រើនលើសលប់គាំទ្រការបិទព្រំដែនជាមួយសហរដ្ឋអាមេរិកតទៅទៀត ដើម្បីបង្ការការឆ្លងវីរុសកូរ៉ូណា។ សហរដ្ឋអាមេរិកដាក់បម្រាមលើការនាំចូលពីក្រុមហ៊ុនផលិតស្រោមដៃកៅស៊ូធំជាងគេបង្អស់ នៅចំពេលមានការកើនឡើងនៃករណីឆ្លងវីរុសកូរ៉ូណា។ សហរដ្ឋអាមេរិកពិចារណាជាថ្មីអំពីកិច្ចព្រមព្រៀងពង្រឹងពាណិជ្ជកម្មនៅក្នុងក្រុមហ៊ុនចិន។ ចំនួនពលរដ្ឋក្នុងពិភពលោក អាចអាចធ្លាក់ចុះនៅក្រោយពាក់កណ្តាលសតវត្សរ៍នេះ៕
1 hr
August 01, 2020 ព័ត៌មានពេលរាត្រី - សីហា 01, 2020
នេះជាកម្មវិធីផ្សាយប្រចាំថ្ងៃតាមវិទ្យុ ជាភាសាខ្មែរ រយៈពេល ៦០ នាទី ដែលផ្តល់ព័ត៌មានអំពីប្រទេសកម្ពុជានិងពិភពលោក ក៏ដូចជាព័ត៌មានពិពណ៌នា ព័ត៌មានអត្ថាធិប្បាយ កម្មវិធីតន្ត្រី និងបទវិចារណកថា ជូនដល់អ្នកស្តាប់ភាសាខ្មែរនៅទូទាំងប្រទេសកម្ពុជា។
1 hr
July 31, 2020 ព័ត៌មានពេលរាត្រី - កក្កដា 31, 2020
នេះជាកម្មវិធីផ្សាយប្រចាំថ្ងៃតាមវិទ្យុ ជាភាសាខ្មែរ រយៈពេល ៦០ នាទី ដែលផ្តល់ព័ត៌មានអំពីប្រទេសកម្ពុជានិងពិភពលោក ក៏ដូចជាព័ត៌មានពិពណ៌នា ព័ត៌មានអត្ថាធិប្បាយ កម្មវិធីតន្ត្រី និងបទវិចារណកថា ជូនដល់អ្នកស្តាប់ភាសាខ្មែរនៅទូទាំងប្រទេសកម្ពុជា។
1 hr
July 30, 2020 ព័ត៌មានពេលរាត្រី - កក្កដា 30, 2020
នេះជាកម្មវិធីផ្សាយប្រចាំថ្ងៃតាមវិទ្យុ ជាភាសាខ្មែរ រយៈពេល ៦០ នាទី ដែលផ្តល់ព័ត៌មានអំពីប្រទេសកម្ពុជានិងពិភពលោក ក៏ដូចជាព័ត៌មានពិពណ៌នា ព័ត៌មានអត្ថាធិប្បាយ កម្មវិធីតន្ត្រី កម្មវិធីសំណួរនិងចម្លើយ កម្មវិធីហៅចូលតាមទូរស័ព្ទ «ហេឡូវីអូអេ» នៅម៉ោងប្រហែល៨:៥០យប់ និង បទវិចារណកថា ជូនដល់អ្នកស្តាប់ភាសាខ្មែរនៅទូទាំងប្រទេសកម្ពុជា។
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…