កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

July 19, 2020 ព័ត៌មានពេលរាត្រី - កក្កដា 19, 2020
ព័ត៌មានអំពីកម្ពុជាមានដូចជា ករណីគ្រុនចាញ់មួយចំនួននៅខេត្តបាត់ដំបងអាចជាមេរោគកម្រមួយ ប៉ុន្តែមន្រ្តីជំនាញថាអាចព្យាបាលបាន។ សាលារៀនមួយចំនួនកំពុងប្រឹងប្រែងរៀបចំអនាម័យ និងប្រព័ន្ធស្តង់ដារសុវត្ថិភាពប្រឆាំងនឹងជំងឺកូវីដ១៩។
ព័ត៌មានអន្តរជាតិវិញមានដូចជា ការដែលលោក Biden រិះគន់លោក Trump អំពីការចោទប្រកាន់ថារុស្សីផ្តល់ប្រាក់រង្វាន់ដល់ការសម្លាប់ទាហានអាមេរិកាំង បង្ហាញឲ្យឃើញការខ្វែងគំនិតគ្នាខាងគោលនយោបាយការបរទេស។ លោក ត្រាំ ដាក់សម្ពាធឲ្យអភិបាលរដ្ឋនានាបើកសាលារៀនឡើងវិញ។ អង្គការ STOP AAPI Hate រកឃើញឧប្បទ្ទវហេតុរើសអើងជាតិសាសន៍អាស៊ីជាង ២.១០០ ករណី។ តំបន់បច្ចេកវិទ្យា Silicon Valley របស់វៀតណាម នឹងមិនដូចនៅរដ្ឋកាលីហ្វ័រញ៉ា សហរដ្ឋអាមេរិក។ អង្គការសហប្រជាជាតិរិះគន់ខ្លាំងដល់ការសម្លាប់ក្រៅប្រព័ន្ធតុលាការ ដោយសារតែយុទ្ធនាការប្រឆាំងគ្រឿងញៀនរបស់រដ្ឋាភិបាលនៅប្រទេសហ្វីលីពីន៕
1 hr
July 18, 2020 ព័ត៌មានពេលរាត្រី - កក្កដា 18, 2020
ត។ ស្ត្រីខ្មែរម្នាក់រស់នៅប្រទេសកូរ៉េខាងត្បូង បានផលិតវីដេអូអំពីវិធីធ្វើម្ហូបចែករំលែកតាមបណ្តាញសង្គមហ្វេសប៊ុក «Kitchen Story» ដោយទទួលបានការគាំទ្រខ្លាំងពីអ្នកទស្សនា។ សិល្បករសិល្បការិនី ស្វែងរកជម្រើសដើម្បីបន្តការសម្តែង ខណៈជំងឺកូវីដ១៩ អូសបន្លាយ។ រីឯព័ត៌មានអន្តរជាតិវិញ មានដូចជា សិស្សចិនដែលមានខ្សែរយៈ បន្លំអត្តសញ្ញាណអ្នកដទៃដើម្បីបានចូលរៀនមហាវិទ្យាល័យ។ អ្នកវិភាគ៖ ការតែងតាំងជនជាតិអាមេរិកាំងជានាយកប្រតិបត្តិ TikTok នឹងមិនជួយដល់មុខមាត់ក្រុមហ៊ុននេះនៅសហរដ្ឋអាមេរិកទេ។ វៀតណាមប្រើប្រាស់កិច្ចព្រមព្រៀងពាណិជ្ជកម្មជាមួយសហភាពអឺរ៉ុប ខណៈក្រុមអ្នកវិនិយោគចាកចេញពីចិន។ រដ្ឋាភិបាលថ្មីនៃប្រទេសបារាំងចូលកាន់តំណែងនៅពេលមានវិបត្តិ៕
1 hr
July 17, 2020 ព័ត៌មានពេលរាត្រី - កក្កដា 17, 2020
ព័ត៌មានសំខាន់ៗអំពីកម្ពុជាមានដូចជា ក្រសួងធនធានទឹកថា ស្ថានភាពទឹកទន្លេមេគង្គតាមខេត្តនានា នឹងបន្តស្រកចុះ ខណៈប្រជាពលរដ្ឋមានការព្រួយបារម្ភអំពីផលប៉ះពាល់នៃការសាងសង់ទំនប់វារីអគ្គិសនីនៅលើដងទន្លេមេគង្គជាបន្តបន្ទាប់។ គ្រូបង្រៀនតាមតំបន់ជនបទ ដូចជានៅស្រុកសំឡូត ខេត្តបាត់ដំបង ព្យាយាមរកវិធីឲ្យសិស្សបានរៀនសូត្របន្ត ក្នុងកាលៈទេសៈលំបាកដោយសារសាលារៀនបិទ ក្នុងគ្រាវិបត្តិជំងឺកូវីដ ១៩។ សន្តិសុខស្បៀងអាហាររបស់កម្ពុជា មិនទាន់រងផលប៉ះពាល់នៅឡើយទេ តែអ្នកជំនាញជំរុញឲ្យមានការកាត់បន្ថយការពឹងផ្អែកលើផលិតផលកសិកម្មរបស់ប្រទេសជិតខាង។ រីឯព័ត៌មានអន្តរជាតិវិញ មានដូចជា ករណីឆ្លងជំងឺកូវីដ១៩ប្រចាំថ្ងៃនៅក្នុងសហរដ្ឋអាមេរិកកើនឡើងដល់ជាង ៧៥.០០០ ករណី ដែលខ្ពស់បំផុតមិនធ្លាប់មានពីមុនមក។ អង្គការសហប្រជាជាតិជំរុញឲ្យប្រទេសថៃអនុវត្តបទដ្ឋានអន្តរជាតិទៅលើច្បាប់ធ្វើទណ្ឌកម្មនិងការបាត់ខ្លួនដោយបង្ខំ។ នាវាទាហានជើងទឹករបស់សហរដ្ឋអាមេរិក ដែលឆេះនៅរដ្ឋកាលីហ្វ័រញ៉ា ត្រូវបានពន្លត់ទាំងស្រុង។ អង្គការសហប្រជាជាតិអំពាវនាវសុំប្រាក់បន្ថែមដើម្បីប្រយុទ្ធប្រឆាំងនឹងជំងឺកូវីដ១៩។ អង្គការសុខភាពពិភពលោកសរសើរអេស្ប៉ាញដែលជោគជ័យលើជំងឺកូវីដ។ មេដឹកនាំសហភាពអឺរ៉ុបជួបប្រជុំគ្នាប៉ុន្តែខ្វែងគំនិតគ្នាលើផែនការស្តារសេដ្ឋកិច្ច។ មន្ទីរពេទ្យខ្លះនៅរដ្ឋកាលីហ្វ័រញ៉ាមានអ្នកជំងឺកូវីដច្រើនលើសចំណុះ និងព័ត៌មានអន្តរជាតិផ្សេងទៀត៕
1 hr
July 16, 2020 ព័ត៌មានពេលរាត្រី - កក្កដា 16, 2020
ព័ត៌មានសំខាន់ៗអំពីកម្ពុជាមានដូចជា សមាគមធនាគារនិងមីក្រូហិរញ្ញវត្ថុ ស្នើឲ្យអង្គការសង្គមស៊ីវិលកែតម្រូវរបាយការណ៍បំណុលរបស់កម្មករ។ នៅក្នុងកម្មវិធី Hello VOA វាគ្មិនរបស់យើងពិភាក្សាអំពី «ការវិវត្តនៃការសាកល្បងវ៉ាក់សាំងប្រឆាំងជំងឺកូវីដ១៩ គួរឲ្យមានក្តីសង្ឃឹម»។ រីឯព័ត៌មានអន្តរជាតិវិញមានដូចជា សហរដ្ឋអាមេរិកដាក់ការរឹតត្បិតទិដ្ឋាការលើក្រុមហ៊ុនបច្ចេកវិទ្យាចិន។ រដ្ឋជាច្រើនដែលជាតំបន់ពាណិជ្ជកម្មរបស់សហរដ្ឋអាមេរិក តម្រូវឲ្យពលរដ្ឋខ្លួនពាក់ម៉ាស់នៅទីសាធារណៈ។ ប្រធានាធិបតីប្រេស៊ីលបានធ្វើតេស្តរកឃើញថាមានវីរុសកូរ៉ូណា ជាលើកទី២។ ប៉ូលិសបានឃាត់ខ្លួនមនុស្សជាង១០០នាក់នៅរុស្ស៊ី ដែលបានធ្វើបាតុកម្មប្រឆាំងនឹងលោកប៉ូទីន។ ក្រុមមេដឹកនាំសាសនាមីយ៉ាន់ម៉ា អំពាវនាវឲ្យមានការអត់ឱនក្នុងប្រទេស ខណៈភាពចលាចលកើតមានឡើងមុនការបោះឆ្នោតជាតិនៅខែវិច្ឆិកាខាងមុខនេះ។ ប៉ាគីស្ថាននិងចិន ចាប់ផ្តើមគម្រោងសាងសង់ទំនប់វារីអគ្គិសនីដែលមានតម្លៃរាប់ពាន់លានដុល្លារនៅផ្នែកខ្លះនៃតំបន់ជម្លោះ Kashmir៕
1 hr
July 15, 2020 ព័ត៌មានពេលរាត្រី - កក្កដា 15, 2020
ព័ត៌មានអំពីកម្ពុជាមានដូចជា តុលាការកំពូលឲ្យកាត់ក្តីឡើងវិញលើករណីលោក រ៉ាត់ រត្នមុនី ដោយសារការកាត់ក្តី«មិនត្រឹមត្រូវ»។ តុលាការកំពូលសម្រេចឲ្យបន្តស៊ើបអង្កេត ខណៈអតីតអ្នកកាសែតអាស៊ីសេរីថាកុំយកពួកគេជា«ចំណាប់ខ្មាំង»។ សង្គមស៊ីវិលបារម្ភថា កង្វះយន្តការតាមដាន ធ្វើឲ្យពលរដ្ឋក្រីក្រខ្លះមិនទទួលបានជំនួយសង្គមពីរដ្ឋក្នុងគ្រាកូវីដ១៩។
ព័ត៌មានអន្តរជាតិវិញមានដូចជា រដ្ឋាភិបាលសហរដ្ឋអាមេរិកលុបចោលសេចក្ដីបង្គាប់រឿងទិដ្ឋាការនិស្សិតបរទេស។ សេចក្តីរាយការណ៍ថា វ៉ាក់សាំងបង្ការជំងឺកូវីដ១៩ ដែលកំពុងពិសោធន៍ បង្ហាញនូវការឆ្លើយតបលើប្រព័ន្ធស៊ាំប្រកបដោយក្តីសង្ឃឹម។ ប្រធានាធិបតីសហរដ្ឋអាមេរិកលោក ដូណាល់ ត្រាំ និយាយខ្លាំងៗថានឹងចាត់វិធានការលើប្រទេសចិន។ ភាពតានតឹងនៅសមុទ្រចិនខាងត្បូងកើនឡើង នៅពេលមានការធ្វើសមយុទ្ធយោធាក្នុងតំបន់។ កាសែត New York Times ប្ដូរទីតាំងប្រតិបត្តិការព័ត៌មានតាមអនឡាញពីហុងកុងទៅសេអ៊ូល។ សហរដ្ឋអាមេរិកនឹងប្រហារជីវិតអ្នកទោសទីពីរ បន្ទាប់ពីអនុវត្តទោសប្រហារជីវិតឡើងវិញ។ អង្គការ CPJ នឹងផ្ដល់ពានរង្វាន់សេរីភាពសារព័ត៌មាន Gwen Ifill ដល់មេធាវីសិទ្ធិមនុស្សអ្នកស្រី Amal Clooney និងព័ត៌មានសំខាន់ៗមួយចំនួនទៀត៕
1 hr
July 14, 2020 ព័ត៌មានពេលរាត្រី - កក្កដា 14, 2020
ព័ត៌មានអំពីកម្ពុជាមានដូចជា តុលាការខេត្តសៀមរាបចោទប្រកាន់ព្រះអង្គលួន សុវ៉ាតពីបទ«រំលោភសេពសន្ថវៈ» ខណៈព្រះអង្គថា នេះជា«រឿងឆ្កួត»។ សេចក្ដីព្រាងច្បាប់ស្ដីពីសណ្ដាប់ធ្នាប់សាធារណៈនៅកម្ពុជានាំឲ្យមានការព្រួយបារម្ភអំពីការរឹតត្បិត។ ពិធីរំឭកខួប៤ឆ្នាំនៃការបាញ់សម្លាប់លោក កែម ឡី បន្តញាំញីដោយការរារាំង និងរឹតបន្តឹងយ៉ាងខ្លាំង។
ព័ត៌មានអន្តរជាតិវិញមានដូចជា អង្គការ WHO ថា សហរដ្ឋអាមេរិកថា ការទាមទាររបស់ចិនក្នុងសមុទ្រចិនខាងត្បូងជា«ការខុសច្បាប់ទាំងស្រុង»។ ស្ថានការណ៍វិបត្តិជំងឺកូវីដ១៩ នឹងមិនត្រឡប់ដូចធម្មតាមួយរយៈពេល។ ទីក្រុងញូវយ៉ករាយការណ៍ថា មិនមានការស្លាប់ដោយជំងឺកូវីដ១៩ក្នុងរយៈពេល ២៤ ម៉ោង។ សាកលវិទ្យាល័យជាង ២០០ នៅសហរដ្ឋអាមេរិកជំទាស់នឹងសេចក្ដីណែនាំរឿងទិដ្ឋាការនិស្សិតអន្តរជាតិ។ សហរដ្ឋអាមេរិក ចិន និងអេមីរ៉េតអារ៉ាប់រួម នឹងបញ្ជូនយានអវកាសទៅភពព្រះអង្គារនៅសប្ដាហ៍នេះ។ ចិនថា ការបោះឆ្នោតជ្រើសរើសបេក្ខជនខាងប្រជាធិបតេយ្យនៅហុងកុងអាចរំលោភច្បាប់សន្តិសុខជាតិថ្មី។ ប្រធានាធិបតីនៃប្រទេសប្រេស៊ីល ធ្វើតេស្តជំងឺកូវីដ១៩ មួយលើកទៀតនៅថ្ងៃអង្គារនេះ និងព័ត៌មានអន្តរជាតិសំខាន់ៗមួយចំនួនទៀត៕
1 hr
July 13, 2020 ព័ត៌មានពេលរាត្រី - កក្កដា 13, 2020
ព័ត៌មានអំពីកម្ពុជាមានដូចជា សមាគមមីក្រូហិរញ្ញវត្ថុថា របាយការណ៍ស្តីពីបំណុលរបស់កម្មករក្នុងវិស័យកាត់ដេរ«ទុកចិត្តមិនបាន»។ កម្មវិធី Hello VOA មានកិច្ចពិភាក្សាអំពី «ការអភិវឌ្ឍនិងបញ្ហាប្រឈមនៃទំនប់លើទន្លេមេគង្គក្នុងប្រទេសជាប់ដងទន្លេ»។
ព័ត៌មានអន្តរជាតិវិញមានដូចជា រដ្ឋមន្ត្រីក្រសួងអប់រំអាមេរិកជំរុញឲ្យបើកសាលារៀនឡើងវិញ។ ប្រធានផ្នែកសុខាភិបាលសហរដ្ឋអាមេរិក ជំរុញឲ្យប្រជាពលរដ្ឋពាក់ម៉ាស់។ ចិនដាក់ទណ្ឌកម្មប្រឆាំងសមាជិកសភាអាមេរិកមួយចំនួនពាក់ព័ន្ធនឹងក្រុមជនជាតិភាគតិច Uighur កាន់សាសនាឥស្លាម។ ផ្សារភាគហ៊ុនអាស៊ី ចាប់ផ្តើមឡើងថ្លៃនៅសប្តាហ៍នេះ។ ចិនបានដោះលែងសាស្រ្តាចារ្យដែលបានរិះគន់ប្រធានាធិបតី ស៊ី ជីនពីង។ ឥណ្ឌាមានការឆ្លងជំងឺកូវីដ១៩ ច្រើនខ្លាំងដែលមិនធ្លាប់មានពីមុនមក។ ចិនបញ្ជូននាវាចម្បាំងជាការព្រមានដល់វៀតណាមថា គ្មានរឿងក្តីនៅតុលាការ និងគ្មានការខួងប្រេង៕
1 hr
July 12, 2020 ព័ត៌មានពេលរាត្រី - កក្កដា 12, 2020
ព័ត៌មានសំខាន់ៗអំពីកម្ពុជាមានដូចជា ស្ត្រីនៅតែសកម្មក្នុងវិស័យនយោបាយតាមប្រព័ន្ធអនឡាញ ទោះបីជាប្រឈមនឹងវិបត្តិសុខាភាពជំងឺកូវីដ១៩ក្តី។ ក្រុមអ្នកឃ្លាំមើលថា ៤ឆ្នាំក្រោយការសម្លាប់លោក កែម ឡី ប្រជាធិបតេយ្យនៅកម្ពុជាបន្តធ្លាក់ចុះយ៉ាងគំហុក ខណៈយុត្តិធម៌មិនទាន់មាននៅឡើយ។ រីឯព័ត៌មានអន្តរជាតិវិញមានដូចជា វិបត្តិសុខភាពជំងឺកូវីដ ១៩ បង្ខំឲ្យគណបក្សប្រជាធិបតេយ្យរបស់អាមេរិក ធ្វើមហាសន្និបាតតាមប្រព័ន្ធអនឡាញ។ ប្រវត្តិវិទូវិភាគមើលថាតើ ជំងឺកូវីដ១៩ ជាជំងឺរាតត្បាតដែលជំរុញជា «ក្តីមេត្តា» ឬ «ការស្អប់គុំកួន» ក្នុងប្រវត្តិសាស្ត្រមនុស្សជាតិ។ សេចក្តីសម្រេចរបស់រដ្ឋាភិបាលវៀតណាមលើវិស័យថាមពលពន្លឺព្រះអាទិត្យ បង្កជាភាពមិនប្រាកដប្រជាក្នុងការប្រើប្រាស់ថាមពលធ្យូងថ្មដែលកំពុងថយចុះក្នុងប្រទេសនេះ។ នៅឆ្នាំ២០១៩ ឥណ្ឌូនេស៊ី និងម៉ាឡេស៊ី ដែលជាប្រទេសនាំមុខគេក្នុងដំណាំដូងប្រេង បានរាយការណ៍ថា បានបាត់បង់ព្រៃឈើតិចជាងមុន៕
1 hr
July 11, 2020 ព័ត៌មានពេលរាត្រី - កក្កដា 11, 2020
ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំង សរសើរវិធីដោះស្រាយបញ្ហាជីវភាពរបស់ពលរដ្ឋអាមេរិកាំងដោយរដ្ឋាភិបាល ក្នុងគ្រាវិបត្តិកូវីដ១៩។ អ្នកជំនាញថា កម្ពុជាមានសំណាងដោយប្រទេសជិតខាងទប់ស្កាត់ការឆ្លងវីរុសកូរ៉ូណាបានល្អ ស្របពេលពលរដ្ឋកម្ពុជាមានទម្លាប់ការពារខ្លួនបានល្អ។ ករីណគ្រុនចាញ់មួយចំនួននៅខេត្តបាត់ដំបង អាចបង្កឡើងដោយមេរោគកម្រមួយ ប៉ុន្តែមន្ត្រីជំនាញថា អាចព្យាបាលបាន។ រីឯព័ត៌មានអន្តរជាតិវិញមានដូចជា ប្រទេសអូស្ត្រាលីពិចារណាផ្តល់ទីជម្រកដ៏សុវត្ថិភាពដល់បាតុករហុងកុង។ លោកប្រធានាធិបតី Donald Trump ដាក់សម្ពាធដល់អភិបាលរដ្ឋបើកដំណើរការសាលារៀនឡើងវិញ។ អង្គការក្រៅរដ្ឋាភិបាលរកឃើញថា ប្រទេសវៀតណាមបានជួយសង្គ្រោះសត្វព្រៃ ៣៥ភាគរយ ពីបទឧក្រិដ្ឋកម្មជួញដូរសត្វព្រៃខុសច្បាប់។ វិភាគ៖ កំណើននៃបន្ទុកជំពាក់បំណុលរបស់ប្រទេសឡាវ អាចបណ្តាលឲ្យប្រទេសមួយនេះពឹងផ្អែកលើចិនកាន់តែខ្លាំងឡើង៕
1 hr
July 10, 2020 ព័ត៌មានពេលរាត្រី - កក្កដា 10, 2020
ព័ត៌មានសំខាន់ៗអំពីកម្ពុជាមានដូចជា ចិននិងកម្ពុជាត្រៀមចុះកិច្ចព្រមព្រៀងពាណិជ្ជកម្មសេរី ខណៈកម្ពុជាសម្លឹងមើលសក្តានុពលនាំចេញផលិតផលកសិកម្ម។ បទសន្ទនារវាងអ្នកយកព័ត៌មានឲ្យវីអូអេ៖ ពិធីរំឭកខួប៤ឆ្នាំនៃមរណភាពលោកកែម ឡី ត្រូវបានធ្វើឡើងដោយមានការតាមដាននិងរឹតត្បិតពីអាជ្ញាធរ។ ស្ថានទូតអាមេរិកប្រចាំប្រទេសកម្ពុជា អំពាវនាវឲ្យមានការស៊ើបអង្កេតបន្ថែមលើករណីឃាតកម្មលើលោក កែម ឡី។ ជនរងគ្រោះថា កម្ពុជាគួរប្រារព្ធទិវាថ្នាក់ជាតិ ដើម្បីរំឭកការចងចាំអំពីរបបប្រល័យពូជសាសន៍ខ្មែរក្រហម។ រីឯព័ត៌មានអន្តរជាតិវិញមានដូចជា លោកប្រធានាធិបតី Donald Trump ដាក់សម្ពាធឲ្យអភិបាលរដ្ឋនានាបើកដំណើរការសាលារៀនឡើងវិញ។ សហរដ្ឋអាមេរិកបានកំណត់ត្រាករណីឆ្លងវីរុសកូរ៉ូណាខ្ពស់បំផុតមួយក្នុងរយៈពេលត្រឹមតែមួយថ្ងៃ។ កូរ៉េខាងជើងថា ខ្លួនមិនចាប់អារម្មណ៍លើជំនួបជាមួយប្រធានាធិបតីអាមេរិកលោក Donald Trump ទេ។ ករណីផ្ទុះរោងចក្រផលិតកាំជ្រួចនៅតំបន់ Guanghan ខេត្តស៊ីឈួន ប្រទេសចិន បានបណ្តាលឲ្យមនុស្ស ៦នាក់រងរបួស និងព័ត៌មានអន្តរជាតិផ្សេងៗទៀត៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…