កម្មវិធីព័ត៌មានពេលរាត្រី - វីអូអេ

By វីអូអេNews

កម្មវិធីព័ត៌មានពេលរាត្រី - វីអូអេ episodes

July 09, 2020 ព័ត៌មានពេលរាត្រី - កក្កដា 09, 2020
ព័ត៌មានសំខាន់ៗអំពីកម្ពុជាមានដូចជា របាយការណ៍សិទ្ធិមនុស្សមួយរកឃើញថា អ្នកការពារសិទ្ធិមនុស្ស និងក្រុមអ្នករិះគន់រដ្ឋាភិបាលនៅកម្ពុជា រងការធ្វើទុក្ខបុកម្នេញកាន់តែខ្លាំងឡើង។ ជនរងគ្រោះពីរបបខ្មែរក្រហមថា កម្ពុជាគួរប្រារព្ធទិវាថ្នាក់ជាតិដើម្បីរំឭកការចងចាំអំពីរបបប្រល័យពូជសាសន៍។ ក្រុមយុវជននិងព្រះសង្ឃបន្តការដើរផ្សព្វផ្សាយអំពីមរណភាពរបស់លោក កែម ឡី ខណៈប៉ូលិសព្យាយាមរារាំង។ នៅក្នុងកម្មវិធី Hello VOA ថ្ងៃនេះ វាគ្មិនរបស់យើងគឺលោក នួន វីរៈ អ្នកសម្របសម្រួលគម្រោងលើកកម្ពស់ជំនាញនិងការងារយុវជននៃកម្មវីធីអភិវឌ្ឍន៍អង្គការសហប្រជាជាតិនៅកម្ពុជា ពិភាក្សាអំពី «សុចរិតភាពអាជីវកម្មសម្រាប់សហគ្រិនវ័យក្មេងនៅកម្ពុជាក្នុងគ្រាកូវីដ១៩»។ រីឯព័ត៌មានអន្តរជាតិវិញមានដូចជា ករណីឆ្លងវីរុសកូរ៉ូណានៅសហរដ្ឋអាមេរិកបានកើនលើស៣លាននាក់។ អង្គការ Oxfam ឲ្យដឹងថា ជំងឺរាតត្បាតកូវីដ១៩ កំពុងបណ្តាលឲ្យមនុស្សរាប់លាននាក់នៅជុំវិញពិភពលោកដាច់ពោះស្លាប់។ តុលាការកំពូលអាមេរិក នឹងសម្រេចលើសំណុំរឿងទាក់ទិននឹងកំណត់ត្រាហិរញ្ញវត្ថុរបស់លោកប្រធានាធិបតី Trump និងប្រធានអង្គការសហប្រជាជាតិ UN ថា ការជ្រៀតជ្រែកបរទេសមកលើប្រទេសលីប៊ី កំពុងកើនឡើងដែលមិនធ្លាប់មានពីមុន៕
1 hr
July 08, 2020 ព័ត៌មានពេលរាត្រី - កក្កដា 08, 2020
ព័ត៌មានអំពីកម្ពុជាមានដូចជា អាជ្ញាធរហាមមិនឲ្យជួបជុំក្នុងខួប ៤ ឆ្នាំនៃឃាតកម្មលោក កែម ឡី ខណៈយុវជនម្នាក់ត្រូវបានអាជ្ញាធរនាំទៅសាកសួរ។ ពលរដ្ឋទទួលប័ណ្ណក្រីក្រអាចកើនជាង ៣ ម៉ឺនគ្រួសារបន្ថែមទៀតក្នុងគម្រោងទទួលសាច់ប្រាក់ពីរដ្ឋាភិបាល។ អ្នកឃ្លាំមើលថា ៤ ឆ្នាំក្រោយការស្លាប់របស់លោក កែម ឡី ប្រជាធិបតេយ្យកាន់តែធ្លាក់ចុះ ខណៈយុត្តិធម៌មិនទាន់មាននៅឡើយ។
ព័ត៌មានអន្តរជាតិវិញមានដូចជា សហរដ្ឋអាមេរិក ជូនដំណឹងជាផ្លូវការដល់អង្គការសុខភាពពិភពលោក WHO អំពីការដកសមាជិកភាពចេញពីអង្គការនេះ។ ប្រធានាធិបតីប្រទេសម៉ិកស៊ិកបំពេញទស្សនកិច្ចនៅសហរដ្ឋអាមេរិកដោយផ្តោតលើពាណិជ្ជកម្ម។ ចិនបើកទីស្នាក់ការទីភ្នាក់ងារសន្តិសុខថ្មីនៅក្នុងទីក្រុងហុងកុង។ លោក Trump ថា លោកអាចជួបម្ដងទៀតជាមួយនឹងលោក Kim Jong Un។ គណបក្សប្រជាធិបតេយ្យនៅសហរដ្ឋអាមេរិកសង្ឃឹមថាអាចដណ្ដើមគ្រប់គ្រងព្រឹទ្ធសភាមកវិញ។ សហរដ្ឋអាមេរិកដាក់កំហិតទិដ្ឋាការលើមន្ត្រីចិនទាក់ទិននឹងបញ្ហានៅតំបន់ទីបេ។ ចិនថាខ្លួននឹងចូលរួមកិច្ចពិភាក្សានុយក្លេអ៊ែរ បើសហរដ្ឋអាមេរិកកាត់បន្ថយចំនួនអាវុធ។ វេជ្ជបណ្ឌិត Fauci ដាស់តឿនពលរដ្ឋអាមេរិកាំង កុំឲ្យមើលស្រាលជំងឺកូវីដ១៩ ទោះករណីស្លាប់ធ្លាក់ចុះ និងព័ត៌មានអន្តរជាតិសំខាន់ៗមួយចំនួនទៀត៕
1 hr
July 07, 2020 ព័ត៌មានពេលរាត្រី - កក្កដា 07, 2020
ព័ត៌មានអំពីកម្ពុជាមានដូចជា តុលាការសម្រេចឃុំខ្លួនឧកញ៉ាកាន់កាប់ដីជាង ៥ ពាន់ហិកតានិងអភិបាលរងខេត្តបាត់ដំបង។ មន្រ្តីកម្ពុជាថា ប៉ូលិសបន្តស្វែងរកមេខ្លោងប្រឌិតព័ត៌មានក្លែងក្លាយទាក់ទងនឹងការរឹតបន្តឹងបទល្មើសចរាចរណ៍។ សំណាងនិងវប្បធម៌ជួយកម្ពុជាប្រយុទ្ធប្រឆាំងនឹងជំងឺកូវីដ១៩។
ព័ត៌មានអន្តរជាតិវិញមានដូចជា ចំនួនមនុស្សស្លាប់នៅក្នុងសហរដ្ឋអាមេរិកដោយសារជំងឺកូវីដ១៩ កើនឡើងដល់ ១ សែន ៣ ម៉ឺននាក់។ ច្បាប់ថ្មីចែងថា សិស្សបរទេសត្រូវតែចាកចេញពីសហរដ្ឋអាមេរិក ប្រសិនបើការសិក្សាត្រូវធ្វើតាមអនឡាញ។ ប្រធានាធិបតីម៉ិកស៊ិកមានគម្រោងជួបប្រធានាធិបតីសហរដ្ឋអាមេរិកលោក ដូណាល់ ត្រាំ ក្នុងដំណើរបំពេញទស្សនកិច្ចផ្លូវការលើកទី ១ នៅរដ្ឋធានីវ៉ាស៊ីនតោន។ កូរ៉េខាងជើងថា ខ្លួនមិនចង់ចរចាម្ដងទៀតជាមួយនឹងសហរដ្ឋអាមេរិកនោះទេ។ Facebook និងបណ្ដាញសង្គមអនឡាញផ្សេងទៀតច្រានចោលសំណើសុំទិន្នន័យអ្នកប្រើប្រាស់ក្នុងទីក្រុងហុងកុង។ អ្នកស្លាប់ដោយសារគ្រោះទឹកជំនន់ និងបាក់ដីនៅជប៉ុនកើនដល់យ៉ាងតិច ៥០ នាក់ និងព័ត៌មានអន្តរជាតិសំខាន់ៗមួយចំនួនទៀត៕
1 hr
July 06, 2020 ព័ត៌មានពេលរាត្រី - កក្កដា 06, 2020
ព័ត៌មានអំពីកម្ពុជាមានដូចជា អ្នកភូមិបង្ហាញក្តីសង្ឃឹម ក្រោយឧកញ៉ានិងអភិបាលរងខេត្តត្រូវបញ្ជូនទៅតុលាការរឿងជម្លោះដីធ្លីនៅខេត្តបាត់ដំបង។ ព្រះអង្គ លួន សុវ៉ាត ភៀសព្រះកាយទៅប្រទេសស្វីសសុំសិទ្ធិជ្រកកោន។ ឧកញ៉ាកាន់កាប់ដីជាង ៥ ពាន់ហិកតានិងអភិបាលរងខេត្តត្រូវបញ្ជូនទៅតុលាការ រឿងជម្លោះដីធ្លីនៅខេត្តបាត់ដំបង។ កម្មវិធី Hello VOA មានកិច្ចពិភាក្សាអំពី «ដំណើរជីវិតរបស់ស្រ្តីម្នាក់ចេញពីរបបប្រល័យពូជសាសន៍ឈរឈ្មោះបោះឆ្នាតតំណែងសមាជិកសភាថ្នាក់រដ្ឋ»។
ព័ត៌មានអន្តរជាតិវិញមានដូចជា ប្រទេសឥណ្ឌាមានករណីឆ្លងជំងឺកូវីដ១៩ច្រើនបំផុតលំដាប់ទីបីក្នុងពិភពលោក។ រដ្ឋមួយចំនួននៅសហរដ្ឋអាមេរិកព្រួយបារម្ភជាថ្មីអំពីការឆ្លងរាលដាលនៃជំងឺកូវីដ១៩។ សង្កាត់មួយនៃប្រទេសអេស្ប៉ាញ បានដាក់ឲ្យបិទសកម្មភាពសង្គមឡើងវិញដោយសារជំងឺកូវីដ១៩។ លោកស្រី Yuriko Koike បានជាប់ឆ្នោតជាអភិបាលរាជធានីតូក្យូម្តងទៀត។ អគ្គកុងស៊ុលអាមេរិកប្រចាំក្រុងហុងកុងថា ការប្រើច្បាប់សន្តិសុខជាតិថ្មីរបស់ចិនគឺជា«សោកនាដកម្ម»៕
1 hr
July 05, 2020 ព័ត៌មានពេលរាត្រី - កក្កដា 05, 2020
ព័ត៌មានអំពីកម្ពុជាមានដូចជា ជនរងគ្រោះថា កម្ពុជាគួរប្រារព្ធទិវាថ្នាក់ជាតិដើម្បីរំឭកការចងចាំពីរបបប្រល័យពូជសាសន៍។ សាធារណជនប្រៀបធៀបករណីប៉ូលិសខ្មែរប្រើជង្គង់សង្កត់កបុរសម្នាក់នៅភ្នំពេញទៅនឹងករណីនៅសហរដ្ឋអាមេរិក។
រីឯព័ត៌មានអន្តរជាតិវិញមាន មេធាវីសិទ្ធិមនុស្សចិនត្រូវបានកាត់ទោសដោយសម្ងាត់ឲ្យជាប់ពន្ធនាគារ ៤ ឆ្នាំ។ ការស្ទង់មតិបង្ហាញថា អ្នកប្រជាធិបតេយ្យ និងអ្នកសាធារណរដ្ឋមានទស្សនៈខុសគ្នាអំពីទិដ្ឋភាពជាក់ស្តែងនៃសេដ្ឋកិច្ចសហរដ្ឋអាមេរិក។ ក្រុមអ្នកស្រាវជ្រាវបញ្ជាក់ថា ភាពក្រីក្របង្កើនការស្លាប់ដោយសារជំងឺកូវីដ១៩។ ប្រទេសចិនបានបញ្ជូនយន្តហោះចម្បាំង ៨ គ្រឿងទៅក្នុងដែនអាកាសកោះតៃវ៉ាន់។ ការធ្វើតេស្តជំងឺកូវីដ១៩ នាំឲ្យមានការជជែកដេញដោលច្រើន ខណៈសហរដ្ឋអាមេរិកមានករណីឆ្លងវីរុសកើនឡើង និងបទវិចារណកថាដែលឆ្លុះបញ្ចាំងពីទស្សនៈរបស់រដ្ឋាភិបាលសហរដ្ឋអាមេរិក៕
1 hr
July 04, 2020 ព័ត៌មានពេលរាត្រី - កក្កដា 04, 2020
ព័ត៌មានសំខាន់ៗអំពីកម្ពុជាមានដូចជា របាយការណ៍ថ្មីមួយបង្ហាញថា កម្មកររោងចក្រត្រូវបង្ខំចិត្តលក់ទ្រព្យសម្បត្តិ និងខ្ចីគេបន្ថែមដើម្បីសងបំណុលមីក្រូហិរញ្ញវត្ថុ។ រីឯព័ត៌មានអន្តរជាតិសំខាន់ៗមានដូចជា ការអនុម័តច្បាប់ស្តីពីសន្តិសុខរបស់ចិនសម្រាប់ទីក្រុងហុងកុង បង្កឲ្យមានភាពច្របូកច្របល់។ វិបត្តិជំងឺកូវីដ ១៩ បង្កឲ្យមានការច្នៃប្រឌិតថ្មីក្នុងវិស័យបច្ចេកវិទ្យា។ ការរៃអង្គាសប្រាក់របស់ចិនដើម្បីជួយអង្គការសុខភាពពិភពលោក WHO ទទួលបានប្រាក់តិចជាងការប៉ងចង់បាន។ ការចាប់ខ្លួននិងការផ្អាកអាជ្ញប័ណ្ណផ្សព្វផ្សាយ បង្ហាញពីការបង្ក្រាបរបស់រដ្ឋាភិបាលវៀតណាមលើសេរីភាពសារព័ត៌មាន។ ក្រុមបុគ្គលិកពេទ្យថា ជំងឺរាតត្បាតកូវីដ ១៩ មិនងាយនឹងត្រូវបានបញ្ឈប់ទាំងស្រុងនោះទេ និងព័ត៌មានអន្តរជាតិផ្សេងទៀត៕
1 hr
July 03, 2020 ព័ត៌មានពេលរាត្រី - កក្កដា 03, 2020
ព័ត៌មានសំខាន់ៗអំពីកម្ពុជាមានដូចជា សមាជិកគ្រួសាររបស់សកម្មជនបក្សប្រឆាំងដែលជាប់ឃុំ បន្តស្វែងរកអន្តរាគមន៍ពីស្ថានទូតសហភាពអឺរ៉ុបនៅកម្ពុជា។ ធនាគារអេស៊ីលីដាថា របាយការណ៍របស់សង្គមស៊ីវិលអំពីបំណុលកម្មកររោងចក្រ «គ្មានមូលដ្ឋាន» និង«មានចរិតញុះញង់»។ អង្គការឃ្លាំមើលសិទ្ធិមនុស្សទទូចឲ្យអាជ្ញាធរកម្ពុជាស៊ើបអង្កេតស្វែងរកសកម្មជនថៃមួយរូបដែលបានបាត់ខ្លួននៅភ្នំពេញ។ ព័ត៌មានអន្តរជាតិសំខាន់ៗមានដូចជា ចលនាស្វែងរកយុត្តិធម៌ពូជសាសន៍នៅសហរដ្ឋអាមេរិក ទទួលបានការគាំទ្រមុនការបោះឆ្នោតឆ្នាំ ២០២០ ចូលមកដល់។ ឡាវនៅតែបន្តសាងសង់ទំនប់វារីអគ្គិសនីទី៣ នៅលើទន្លេមេគង្គ ថ្វីបើប្រទេសជិតខាងបង្ហាញកង្វល់ពីផលប៉ះពាល់ក្តី។ វិភាគ៖ រដ្ឋាភិបាលម៉ាឡេស៊ីមិនបានជំរុញឲ្យមានលំហប្រជាធិបតេយ្យក្នុងរយៈពេល៣ឆ្នាំមកនេះ។ សេដ្ឋកិច្ចវៀតណាមបានកើនឡើងក្នុងអត្រា០,៣៦ភាគរយក្នុងចន្លោះខែមេសា និងមិថុនា។ អគ្គិភ័យដ៏អាថ៌កំបាំងមួយ បានបំផ្លាញរោងចក្រផលិតសារធាតុនុយក្លេអ៊ែរនៅអ៊ីរ៉ង់។ មនុស្សរាប់រយនាក់នៅហុងកុងត្រូវបានចាប់ខ្លួនតាមច្បាប់សន្តិសុខថ្មី។ វេជ្ជបណ្ឌិតអាមេរិកលោក Fauci ថា ពិភពលោកមិនអាចជ្រើសរើសរវាងសេដ្ឋកិច្ចនិងការជួយសង្គ្រោះជីវិតមនុស្សក្នុងវិបត្តិសុខភាពកូវីដ១៩បានទេ និងព័ត៌មានអន្តរជាតិផ្សេងទៀត៕
1 hr
July 02, 2020 ព័ត៌មានពេលរាត្រី - កក្កដា 02, 2020
ព័ត៌មានសំខាន់ៗអំពីកម្ពុជាមានដូចជា សាធារណជនប្រៀបធៀបករណីប៉ូលិសខ្មែរប្រើជង្គង់សង្កត់កបុរសម្នាក់នៅភ្នំពេញ ទៅនឹងករណីនៅអាមេរិក។ អង្គការការពារសត្វព្រៃ WWF រកឃើញថា ការជួញដូរត្រីជិតផុតពូជនៅបន្តកើតមាននៅកម្ពុជា។ នៅក្នុងកម្មវិធី Hello VOA វាគ្មិនរបស់យើងគឺលោក ហែម ឧត្ដម អ្នកប្រឹក្សាឯករាជ្យជំនាញអភិបាលកិច្ចធនធានទឹក ពិភាក្សាអំពី «នរណាគ្រប់គ្រងទឹកទន្លេមេគង្គទៅថ្ងៃ អនាគត?»។ រីឯព័ត៌មានអន្តរជាតិសំខាន់ៗវិញមានដូចជា សហរដ្ឋអាមេរិកមានករណីឆ្លងថ្មីនៃជំងឺកូវីដ១៩ ក្នុងខ្ពស់បំផុតមិនធ្លាប់ដល់ទៅ ៥ម៉ឺននាក់ក្នុងមួយថ្ងៃ ខណៈអង្គការសុខភាពពិភពលោក WHO ព្រមានថា ការរាតត្បាតនៃវីរុសកូរ៉ូណាទូទាំងសាកលលោក កំពុងកើនឡើងយ៉ាងឆាប់រហ័ស។ មនុស្សយ៉ាងហោចណាស់ ១០០នាក់ បានស្លាប់ក្នុងករណីបាក់កន្លែងរុករករ៉ែថ្លើមថ្មមួយកន្លែងនៅមីយ៉ាន់ម៉ា។ រដ្ឋមន្ត្រីការបរទេសអាមេរិកលោក Pompeo ហៅច្បាប់សន្តិសុខថ្មីរបស់ចិនសម្រាប់ទីក្រុងហុងកុងថាជា «ការមើលងាយដល់ប្រទេសដទៃ»។ សមាជិកព្រឹទ្ធសភាអាមេរិកកំពុងពិនិត្យមើលឡើងវិញលើកញ្ចប់ថវិកាសម្រាប់ទីភ្នាក់ងារសហរដ្ឋអាមេរិកដើម្បីប្រព័ន្ធផ្សព្វផ្សាយសាកល (USAGM) និងព័ត៌មានអន្តរជាតិផ្សេងទៀត៕
1 hr
July 01, 2020 ព័ត៌មានពេលរាត្រី - កក្កដា 01, 2020
ព័ត៌មានអំពីកម្ពុជាមានដូចជា ការចាប់អ្នកសារព័ត៌មានបង្ហោះសារលើហ្វេសប៊ុកនាំឲ្យមានការព្រួយបារម្ភកាន់តែខ្លាំងចំពោះសេរីភាពបញ្ចេញមតិ។ លោក រ៉ាត់ រត្នមុនី បង្ហាញខ្លួននៅតុលាការ ខណៈគ្រួសារបន្តការពារភាពស្អាតស្អំរបស់លោក។
ព័ត៌មានអន្តរជាតិមានដូចជា បទសម្ភាសន៍ VOA អំពីឥទ្ធិពលនៃការអនុម័តច្បាប់សន្ដិសុខជាតិក្រុងហុងកុង។ ចិនបង្ហាញចំណុចលម្អិតនៃច្បាប់សន្តិសុខជាតិថ្មីដែលទើបអនុម័តសម្រាប់ទីក្រុងហុងកុង ដែលបង្កឲ្យមានការតវ៉ា។ ប្រធានាធិបតីកូរ៉េខាងត្បូងស្នើឲ្យមានកិច្ចប្រជុំម្ដងទៀតរវាងលោក Trump និងលោក Kim។ ទីភ្នាក់ងារ USAGM តែងតាំងនាយកស្ដីទីសម្រាប់សំឡេងសហរដ្ឋអាមេរិក VOA។ លោក Hicken Looper ខាងគណបក្សប្រជាធិបតេយ្យនឹងប្រជែងអាសនៈព្រឹទ្ធសភាជាមួយលោក Cory Gardner ខាងគណបក្សសាធារណរដ្ឋ។ អនុប្រធានាធិបតីអាមេរិកថា ទោះករណីឆ្លងជំងឺកូវីដ១៩កើនឡើង តែករណីស្លាប់មានកម្រិតទាបបំផុតក្នុងរយៈពេលប៉ុន្មានខែនេះ។ រដ្ឋមន្រ្តីការបរទេសអាមេរិក លោក Pompeo ជំរុញឲ្យអ៊ីរ៉ង់ទទួលខុសត្រូវតាមការដាក់ទណ្ឌកម្មលើការលក់អាវុធ។ លោក Lopez Obrador ប្រធានាធិបតីនៃប្រទេសម៉ិកស៊ិក បំពេញទស្សនកិច្ចនៅសហរដ្ឋអាមេរិកនៅសប្តាហ៍ក្រោយ និងព័ត៌មានអន្តរជាតិសំខាន់ៗមួយចំនួនទៀត៕
1 hr
June 30, 2020 ព័ត៌មានពេលរាត្រី - មិថុនា 30, 2020
ព័ត៌មានអំពីកម្ពុជាមានដូចជា របាយការណ៍៖ «ភាពជំពាក់លើសលប់ក្នុងវិស័យកាត់ដេរ» នាំឲ្យកម្មករត្រូវបង្ខំចិត្តលក់ទ្រព្យសម្បត្តិនិងខ្ចីគេបន្ថែម ដើម្បីសងមីក្រូហិរញ្ញវត្ថុ។ អង្គការសិទ្ធិមនុស្សចំនួនបីអំពាវនាវឲ្យលុបចោលការផ្តល់ដីសម្បទានឲ្យក្រុមហ៊ុនចិន Hengfu នៅខេត្តព្រះវិហារ។
ព័ត៌មានអន្តរជាតិវិញមានដូចជា រដ្ឋសភាចិនអនុម័តច្បាប់សន្តិសុខជាតិថ្មីសម្រាប់ទីក្រុងហុងកុង ខណៈសហភាពអឺរ៉ុបជំទាស់ទៅនឹងច្បាប់នេះ។ សហរដ្ឋអាមេរិកឈប់នាំចេញឧបករណ៍បច្ចេកវិទ្យាការពារប្រទេសទៅកាន់ទីក្រុងហុងកុង។ ជំងឺផ្ដាសាយជ្រូកថ្មីដែលរកឃើញនៅចិន អាចឆ្លងរាលដាលលើពិភពលោក។ ក្រុមអ្នកជំនាញនៃមជ្ឈមណ្ឌលទប់ស្កាត់និងបង្ការជំងឺរបស់សហរដ្ឋអាមេរិកថា ការរាលដាលនៃជំងឺកូវីដ១៩ក្នុងសហរដ្ឋអាមេរិកកើតឡើងលឿនខ្លាំងពេក។ ថៃពន្យារបន្ថែមនូវបទបញ្ជាគ្រាអាសន្ន ដើម្បីទប់ទល់នឹងការឆ្លងជំងឺកូវីដ១៩។ នាយករដ្ឋមន្រ្តីកោះបាហាម៉ាស ជំរុញកុំឲ្យពលរដ្ឋធ្វើដំណើរទៅកាន់ប្រទេសផ្ទុះជំងឺកូវីដ១៩ខ្លាំង។ អ្នកបោះឆ្នោតនៅរដ្ឋ Kentucky ចង់ដឹងពីលទ្ធផលនៃការបោះឆ្នោតបឋមរបស់គណបក្សប្រជាធិបតេយ្យ និងព័ត៌មានអន្តរជាតិសំខាន់ៗមួយចំនួនទៀត៕
1 hr

About កម្មវិធីព័ត៌មានពេលរាត្រី - វីអូអេ

From the publisher's feed

កម្មវិធីព័ត៌មានពេលរាត្រីប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៨:៣០យប់ ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពី សហរដ្ឋអាមេរិក កម្ពុជានិងអន្តរជាតិ។…