ទាក់ទិនសង្គ្រាមនៅ​​អ៊ុយក្រែន ប៉ុន្មានថ្ងៃចុងក្រោយនេះ កងទ័ពអ៊ុយក្រែនបាន​ប្រកាសអំពីជោគជ័យជាបន្តបន្ទាប់។ យ៉ាងហោចណាស់ ដែនដីចំនួន​ប្រមាណ​៣០០០គីឡូម៉ែត្រការ៉េ ស្ថិតនៅភាគខាងកើត ត្រូវបាន​កងទ័ពអ៊ុយក្រែនវាយដណ្តើមបានមកវិញ។ ជាក់ស្តែង ទីក្រុងខារគីវ និងក្រុង អ៊ីហ្សយូម ដែលជាទីក្រុងយុទ្ធសាស្ត្រដ៏សំខាន់នោះ ត្រូវបាន​កងទ័ពអ៊ុយក្រែនវាយ​ដណ្តើម​មកវិញ ត្រឹមរវាង​តែ២ថ្ងៃចុងក្រោយនេះប៉ុណ្ណោះ។ យ៉ាងណាក៏ដោយ ភាគីកងទ័ព​រុស្ស៊ីមិនបានលើកឡើងពីបរាជ័យទេ តែបាន​អះអាងថាខ្លួនបានដកថយកម្លាំង។ ជោគជ័យនៅសមរភូមិរបស់កងទ័ពអ៊ុយក្រែននេះ កំពុងតែធ្វើឲ្យ​លោក​ពូទីន ទទួលរងនូវការរិះគន់ផងដែរ​ ពីផ្ទៃក្នុងនយោបាយ​របស់​រុស្ស៊ី។