គិតត្រឹម​ថ្ងៃទី​២៩ធ្នូនេះ គឺ​រយៈពេល​ ១២ថ្ងៃ​ហើយ​ដែល​កូដកម្ម​អហឹង្សា​ពីសំណាក់​កម្មករ​នយោជិត​ នៅតែ​បន្តកើត​មាន​ឡើង​នៅខាង​មុខក្រុមហ៊ុន​ ណាហ្គាវើលដ៏​ ខណៈ​ការចរចា​សម្រប​សម្រួល​ចំនួន ​៥ដង ហាក់​គ្មាន​ប្រសិទ្ធ​ភាព។​ កញ្ញា​ ឈឹម សុខន​ អគ្គ​លេខាធិការ​សហជីព​ទ្រទ្រង់​សិទ្ធិការងារ​ប្រចាំ​នៅកាស៊ីណូ​ ណាហ្គាវើលដ៏​ ដែល​ជាភ្ញៀវ​ប្រចាំថ្ងៃ​របស់​វិទ្យុបារាំង​អន្តរជាតិ​ Rfi​ បាន​ថ្លែង​បារម្ភ​ពី​សុវត្ថិភាព​របស់​កូដករ​សកម្ម​មួយ​ចំនួន​ ដែល​បាន​រងការ​បំភិត​បំភ័យ​និង​គម្រាម​កំហែង​ដល់​ផ្ទះ​ពីជន​មិន​ស្គាល់មុខ។​ អ្នក​តំណាង​និយោជិត​រូបនេះ​ បន្តថា​ សហជីព​នៅតែរក្សា​ជំហរ​ មិន​រំសាយ​កូដកម្ម​នោះទេ​ ទោះ​មាន​កម្មករ​នយោជិត​ប្រមាណ ​១០០នាក់​បាន​យល់ព្រម​ទទួល​យក​សំណង​តាម​ផ្លូវច្បាប់​ពីក្រុមហ៊ុន​ក្តី។​