Ko mbiiɗon?

By RFI FulfuldeSociety & Culture

Ko mbiiɗon? episodes

July 27, 2022 Ko Saydatu JALLO woni koɗo njuɓɓudi yontere "Ko Mbiiɗon?"
Hannde e alat 24 lewru 7ɓiru 2022, njuɓɓudi yontere no jaɓɓii saydatu JALLO, debbo jooɗiiɗo Faransi, jooma "SAIDA vOYAGES". Ko o daraniiɗo kadi hakkeeji neɗɗo, teral fedde Pottal Fii Ɓamtal Faransi, fedde wallaynde yaltiyankooɓe hawrayɓe e saɗteendeeji. Koɗo men on no dilla kadi e baŋŋe pinal e neesu. Hannde ka damal men fulfulde faamindiinde, Ko Haadi JALLO Kanada addani en konnguɗi ɗiii. Ngasniren lollinal Ko Mbiiɗon?
25 min
July 26, 2022 Ñallal winndere hertinaangal nayeeɓe, ko honno renndooji afrinaaɓe jaɓɓorta nayewu
E nder ndee yonntere en njewtan ko faati yimɓe nayeeɓe taweteeɓe e nder galleeji. Ko holno ɓe wuurdi e ɓeynguureeji ɗii. E nder leyɗeele tuubakooɓe yiga e nawyuɓe ko e cuuɗi fowtorɗi jaɓɓetee, ɗum ɗuuɗaaka yi'eede e nduunde Afrik, ko woni sabu ɗum?
25 min
July 20, 2022 Ko Ahmadu JALLO, ardiiɗo Kumpital Meja woni koɗo njuɓɓudi yontere
Hannde e alat 17 lewru 7ɓuru, koɗo njuɓɓudi yontere "Ko Mbiiɗon?" ko Ahmadu JALLO jooɗiiɗo Faransi. Ko kanko woni ardiiɗo Kumpital Meja. Mejaare makko nden no jogii ko ɓuri miliyon gooto jokkiiɓe mo ka Facebook. Ko honno miijo sincugol mejaare ardi e makko, ko honɗum serndi Kumpital e mejaaje heddiiɗe ɗen. Ko woni eɓɓoore nde o joganii ngal faggorgal jawdi.So ɗum ɓenni en keɗto miijooji ngaccuɗon e WhatsApp. Caggal ngal damal en heɗoto Fulfulde Faaminiinde ɗi Tijjaani Maalun BARI heblani en ndee rogere, ngasniren e Lollinal Ko Mbiiɗon?
Musiɓe heɗtiyankooɓe kala to mbaawuɗon wonde e dunuyaaru nduu mi wi'ii on bismilla, foofo e toolii.
25 min
July 19, 2022 Gamol ko fannu e meccal ngal yoga e yimɓe dañata ngurdam maɓɓe e mum
Hannde yewtere ko Mbiiɗon? no haala fii gamol. Gamol ko fannu, ko meccal ngal okkaaka doole e hitteendi, e tawi le hingal teddinaa e nder windere ndee. Ngam yo ndee toɓɓere ɓeydu laaɓude en jaɓɓoto yoga e amooɓe. Abdulaay Sam, lollurɗo Laay-Var. Koɗo men ɗiɗaɓo ko Rugi Cooy dillooɓe e fannu gami jeyaaɓe diɗɗal bi'eteengal suusuɓe ngonnga. Caggal ɗum en ngaran e miijoji ɗii ngaccuɗon e WhatsApp. En njewtidan kadi e rajo gollodiiɗo RFI wonngoo Gine, ngasniren e lollinal "Ko Mbiiɗon ?".
25 min
July 15, 2022 Alimatu Dikko jooma suudu ñoongo "Dikko Fashion Home" woni koɗo njuɓɓudi yontere
Hannde e alat 10 lewru 7ɓuru, koɗo njuɓɓudi yontere ko Mbiiɗon? ko Alimatu DIKKO joɗiiɗo Benen. Ko o gollanoowo hoore makko. Ko o ño'oowo yeeya comci. Suudu makko ñowtirdu no wi'ee "Dikko Fashion Home". O aran ɗoo o ɓeyda yewtude en ko woni golle makko.
25 min
July 15, 2022 Holno ndii noonenteendi walla ɗuuɗugol pine waawata wallirde bamtaare? [fillitaaɗo]
Ñannde 21 lewru 5ɓirdu hitaandekala no yuɓinee e nder winndere ndee ñalawma noonenteendi pine e nafa walla ngartam ɗum e fanu ɓamtaare. Toɓɓere yeewtere men ko e ɗum fewti. Holno ndii noonenteendi walla ɗuuɗugol pine waawata wonirde walla wallirde bamtaare? En njaɓɓoto ɗoo hoɓɓe ɗiɗo, Muusa KA ko o sikoloogjo e falsafaajo. Neene Jeynaba Buubu SOW, ko winndiyankee.
25 min
July 03, 2022 Njuɓɓudi Yontere "Ko Mbiiɗon?" no jaɓɓii Pullo-B, rapperjo senegalnaajo
Hannde e o alat 03 lewru 7ɓuru, koɗo njuɓɓudi yontere "Ko Mbiiɗon?" ko Pullo-B Mc rapperjo senegalnaajo. O artanan en e ko holno nalankaagal ardi e makko. Ma en njeewtu kadi e koral keso ngal yaltiini.
25 min
July 03, 2022 Iwdi e taariika misik (gaaci) "reggae", fannu jaaliiɗo e winndere mawninteeɗo ñannde 1 lewru 7ɓuru kala
Aset hannde 02 lewru 7ɓuru hitaande 2022, e nder taskaram Ko Mbiiɗon? no haala ko faati ɗi gaaci bi'eteeɗi "Reggae". Kala 1 lewru 7ɓirdu oo fannu misik no mawninee e nder windere ndee. Koɗo men e dow ndee toɓɓere ko Porofeseer Umaar Usmaan Njaay, hertorɗo pinal leyɗe Amerik latiin.
25 min
June 27, 2022 Alhaali ngurdam ɓee rewɓe keynguuɓe ( rewɓe ɓe gennda mum maayi)
Asewe hannde 25 lewru 6ɓirdu hitaande 2022, "Ko Mbiiɗon?" no yewta fii alhaali rewɓe keynguuɓe. "Ko Mbiiɗon?" no rokkaɓe kongol e battane ñallal maɓɓe ngal ɓe tediniraa. Ko yuɓɓintengal 23 lewru 6ɓiru kala. Darni ñallal ngal ko fedde ngotaangu windere ngam jeertinde e caɗeele ɗe rewɓe keynguuɓe kawraata e mum.Hoɓɓe men Woppa JALLO, hertorɗo saiya daraniiɗo hakkeeji neɗɗo e Mantulaay SOH, cukku hooreejo fedde rewɓe keynguuɓe Senegaal.
25 min
June 27, 2022 Ko Saajo Kodda yimoowo burkinaajo woni jaɓɓaaɗo e njuɓɓudi yontere
Taskaram "Ko Mbiiɗon?" alat hannde 26 lewru 6ɓiru, no jaɓɓii Saajo KODDA nalaanke burkinaajo. Holli gonɗo mo? Holnde o fuɗɗi yimude? Ko kanko jaabotoo ɗee namne.
25 min