Koɗo men hannde

Cameroun, jaagorɓe heewɓe yaltii e fedde politik laamuyankoore nden, RDPC. E ɓen no tawaa Bello Bouba, jaagorɗo laamu e Issa Tchiroma Bakary, jaagorɗo kiiɗɗo toppitiiɗo jaŋnde fii golle. Ɓee ɗiɗo jeyaaɓe e Diiwal Rewo Cameroun, hollii tawete suɓngooji hooreyaaku saatiiɗi. Hol woni sabaabu yaltugol ɓee e ndee fedde laamuyankoore ? Hol saatii wonnde cemmbe maɓɓe e ɗii suɓngooji saatiiɗi e lewru 10ɓuru ? Koɗo men hannde ko Dr Fabilou, jannginoowo to duɗal jaaɓe haaɗtirde N’Gaoundéré, Cameroun. Himo jaaboo e laamnde Ibraahiima Timmbi Bah

France, e ndee hitaande feƴƴunde ko ginenaaɓe ɓurɓe 11 300 woni ko ƴami kaydi fattorndi e nder ndii leydi. Ndee limoore waɗii Gine leydi araniri e nder leyɗe Afrik ɗe yimɓe mun woni e ɗaɓɓude kaydi e nder France. Leydi tataɓiri e nder aduna on, caggal Afghanistan e Ukraine, leyɗe ɗiɗi wonuɗe e nder kareeli. Hol saabii Ginenaaɓe ɗuuɗuɓe hino yaltude fattoo e leyɗe
goɗɗe ? E bi’ol Salmana Diallo renndoyankeejo ko ɗaɓɓere ngurɗam moƴƴam e ŋakkere kisal woni e saabaade nguu fergu. Ko kanko woni koɗo men hannde. Himo jaaboo lamnde Ibrahima Timbi Bah.

Referendum fii walingol sariya mawɗo keso waɗan ñannde 21 lewru 9ɓuru. Suudu sarɗinkooru laamu faddewu gaynii moƴƴinnde eɓɓoore on sariya. Wurin, nden eɓɓoore jonnaama General Mamadi Doumbouya, hooreejo laamu faddewu ngun. Oo sariya eɓɓaaɗo hino jogii toɓɓe kese ɗuuɗuɗe gila e ɓooyeendi mannda hooreejo leydi ndin haa e sincugol SENAT.

Holɗe woni toɓɓe kese tentuɗe e ndee eɓɓoore ? Ngam jaabagol ngal lamndal, koɗo men hannde ko Dr Alpha Abdoulaye Diallo, cukku hooreejo CNT, suudu sarɗinkooru laamu faddewu Guinee. Himo jaaboo lamnde Ibrahima Timbi Bah.

Hooreejo AFD, fedde faransinaare daroniinde ɓamtaare waɗii njillu e yontere faltiinde ndee to Senegal. E nder nguu njillu, Remy Rioux jooddiima e hooreejo leydi ndiin Bassirou Diomaye Faye e terɗe keewɗe e laamu Senegal. AFD e oo saha, ina e moƴƴinde ko ɓuri eɓɓoojee ɓamtaare 75, tawi ko hiisa e miliyaar gooto pawɗo miliyonji 800 kaalisi Oro waɗaama heen. Jeewte ɗe peewtuno ko e teeŋtingol gollidal maɓɓe.

Mbele golliɗal AFD e hooreeɓe Senegal hesɓe ɓe maa waɗu waylaare ? Holɗi fannuuji ɓuri heen jojjude ? Holko woni janngo ballal ngenndi ngam ɓamtaare ngal ngannduɗaa heewɓe ina nanngiri ɗum ko njiimaandi ? Ngam jaabaade ɗee laamnde, en mbismiima e nder haalirde men ɗoo e Dakaar, Remy Rioux, hooreejo AFD. Ko Ibrahima Timbi Bah o yeewtidii.

Hannde ko Pr Fary Silat Ka, jannginoowo Fulfulde, ɗemɗiyanke, Senegaalnaajo njaɓɓiɗen. Toɓɓere men hannde ko aldingol ɗemɗe men ngam yaadude e jamaanu hannde. Nde tawno en teskiima e ɗemɗe jiggaaɗe, kala e saha kelme kese ene ngabbito hen. Ko heewaani yiyeede e ɗemɗe men afriknaaje. Kono hannde tuugnoto ɗen hannde ko e ɗemngal Fulfulde.

To Senegal, lewru wooturu caggal nde nanondiral ngenndiwal ngam deeƴre renndo siifa hakkunde pelle senndikaaji, gollooɓe, e laamu, won e senndikaaji puɗiiɓe hofngo juuɗe. Ɗum ko Gila yontere yawtunde nde. Ngal nanondiral deeƴre, ngal duuɓi tati, na ngondi e caɗeele caggal ndee muurtere senndikaaji. Holko woni ngartam ngal nanondiral ?

Holɗe batte ɗum waawi addude e nanondiral siifaangal hakkunde laamu nguu e pelle senndikaaji e gollooɓe ɓee? Holno deeƴere duumiinde waawata heɓde weeyo jam ? Ko ɗee naamne jaabotoo koɗo men Tene Gueye, Inspecteerjo yahuɗo foftere gardinooɗo senndikaa inspecteerɓe halfinaaɓe geɗe golle.

Ɗo e go’o lewru jeetataɓuru waarore daakorɗe Faransi gonɗe leyɗe hirrnaange Afrik  uddan, faa heddo dakorɗe ɗiɗi e nder Afrik, to Gabon e Djibouti. Ko ɗun nantini hooreejo konu Faransi  gonɗo e nder leyɗe Afrik General Pascal Ianni. Caggal Kodduwar e Caad, e yonte ngarooje ɗe konukooɓe Paris wonɓe Dakar timminan njaltol maɓɓe e Senegaal.

General Pascal Ianni woni koɗo men beete hannde, oo yewtidii e Minati DIALLO ko faati e alhaali yaltol konu Faransi e leyɗe Afrik kañun e alhaali rafi deenagu gonɗo e sahel. Keɗoɗen ɓe

CEDEAO heɓii hooreejo keso. Jooni ko Julius Maada Bio hooreejo leydi Siyeraa Leyoon ardii fedde ndee. O lomtii hooreejo lesdi Najeriya Bola Ahmed Tinubu. Ɗum ko e alet, e nder batu 67ɓo fedde Cedeao to Abuja, leydi Najeriya, hooreejo leydi Senegaal, Bassirou Diomaye Faye, ɗaminanoo ardaade ndee fedde leyɗe Afrik hirnaange. Julius Maada Bio suɓaa ko e saha nde fedde ndee woni e caɗeele caggal nde leyɗeele tati Sahel njalti e mayre.

Hol caɗeele mawɗe habbii hooreejo keso Cedeao e manndaa mum ? Hol sifaa gollondiral mbaaw-ɗen ɗaminaade hakkunde CEDEAO e fedde AES ? Ina jeyaa e naamne ɗe men namndii Doktoor Abdou Bah, karallo ko faati e geɗe CEDEAO. Ko kanko woni koɗo men.

Dawlaaji dentuɗi Amerik naati e baasi hakkunde Israel e Iran. Ɗun caggal, nde konu Amerik e dow yamiroore hooreejo leydi ndii Donald Trump ngaɗi pellanɗe e nokkuuje tati ɗo "nucleaire" Iran moƴƴinte, ɗun Fordow, Natanz e Ispahan. Tawene kanko hooreejo Amerik, o hollitiino ɓamude jonte ɗiɗi e miijaade yalla ɓe naatan e ndee haare. Hooreeɓe Iran, hollitii anniya yoɓitaade ɗee piyanɗe Amerik.

Holko saabe Amerik yawni naatugol maɓɓe e basi oo ? holɗe caɗeele oo fitina waawi waɗude e diiwal Moyen Orient ? yalla Iran ana jogii semmbe jokkude haare ndee ? Koɗo men hannde, ko Anta Barry, hertoriiɗo ɓamtaare winndere, wittooje e alhaali jokkondiral leyɗe. Omo jaabo e faandu haala Minati DIALLO. Keɗoɗen ɓee

Jooni ko salndu yowitiindu e jaagorgal toppitiingal fiyaakuuji leydi, no wi'ee DGE fewnata suɓngooji. Ngal, ko pillital mawngal e taariika politik Gine, sabu e ɗii duuɓi 15 sakkitiiɗi ko CENI ngoomu renndinngu, yimɓe sosiyete siwil, pelle politik e imminaaɓe laamu, fewnaynoo wote. Lunndiiɓe laamu hino ŋiñi ngal pellital.

E bi’ol maɓɓe faandaare ardiiɓe leydi ndii ko heddagol e laamu e suɓngooji arooji. Mbele, ngol kulol hino woodi ko fawii ? Laamu nguu anndini wonndema DGE waɗan suɓngooji laɓɗi, mbele ɗii konnguɗi hino holnii ? Koɗo men hannde ko Mamadou Ciré Dioum, ardiiɗo fedde Sosiyete Siwil noddirteende DPEG, "Démocratie Paix Election et Développement Durable". Ɗum woni Demokrasi, Jam e suɓngo wonndude e ɓamtaare duumiinde. Himo jaaboo lamnde Ibrahiima Timmbi Bah.