Die Namibiese Akkerbouraad het ‘n beroep op akkerbou produsente gedoen om by die raad te registreer, veral die wat beheerde produkte aanplant. Dit sluit groente soos botterskorsie, uie, aartappels, kool en meer in. Produsente wat by AMTA geregistreer is hoef nie weer te registreer nie. Die Voorsitter van die Akkerbou Produsente Vereniging Dawie de Klerk het vanoggend meer hieroor...

Ons gesels nou oor die sogenaamde ‘blockchain’ tegnologie wat baie suksesvol toegepas word met verhandeling in kriptogeldeenhede soos Bitcoin. Die tegnologie word in regte-tyd gemonitor en maak dit baie moeilik vir kuberkrakers om in die sisteem te kom. Terwyl die verhandeling van kommoditeite reeds oorsee met die tegnologie gedoen word, hoe kan dit die landbou plaaslik help? Ons gesels met Wallie Roux, ‘n onafhanklike Namibiese Landboukenner...

Tye verander vinnig en in hierdie Vierde Industriële Rewolusie waarin ons onsself bevind moet landbou meer doeltreffend werk en die hulpmiddels binne hul bereik inspan om op nuwe maniere te boer en besigheid te doen. So is vee- en wildveilings ook besig om ’n nuwe baadjie aan te trek en veilingshuise word genoodsaak om deel van die proses te word. Aanlynveilings het ’n paar jaar gelede al kop uitgesteek en raak daagliks al hoe gewilder onder kopers én verkopers. Een van die voorlopers van digitale lewende veilings is die Suid-Afrikaner Petrus van Heerden, stigter van Beeswinkel, ’n veilingshuis wat elke week twee kommersiële veilings aanlyn aanbied en ook op Vrydae beeste in Namibië op dieselfde platform opveil.

Daar word gereeld melding gemaak van klimaatsverandering en hoe boere sal moet aanpas met veranderinge en praktyke verander. Verwysings na die gebruik van tegnologie is ook algemeen maar in die verband is daar ook min inligting. Ons gesels met Dr Chris Brown van die Namibiese Kamer van Omgewingsake vir meer hieroor...

Die alkoholverbod in Suid-Afrika het ‘n wesenlike impak op boere en talle van hulle wat moutsorghum en moutgars, sowel as aartappels en selfs druiwe produseer, word hierdeur beïnvloed. Daar is talle produsente wat direk staatmaak op brouerye in die buurland met verrykende gevolge sou bestellings, soos nou, eenvoudig staak. Professor Johan Willemse, Suid-Afrikaanse Landbou Ekonoom sluit by ons aan...

Rosa Hamukuaja-Thobias Meatco se Bestuurder van Korporatiewe Aangeleenthede gesels met Kosmos 94.1 Landbounuus oor Meatco se Algemene Jaarvergadering wat op 21 August plaasvind. Die maatskappy het talle uitdagings na ‘n paar jaar se droogtes en ander, meer politieke uitdagings wat die firma die hoof moet bied... En Wallie Roux, ‘n onafhanklike Namibiese Landboukenner, gesels verder oor die belangrike vergadering...

Daar is 3 stoetveilings wat oor die volgende paar dae deur Agra Auctions gehou word. Die eerste is die Prestasie Getoetste Veldramveiling van Samehaling en Du Toit Dorpers wat vanoggend by die Stampriet Veilingskrale gehou word... Paul Klein, die Algemene Bestuurder van Veilings by Agra het meer... En môre is die Gobabis Bonsmara Veiling wat om 11:30 by die Veilingskrale op die dorp gehou word. Sien uit na 6 Emok Bonsmara bulle, 8 Hochfeldstreek Bonsmara bulle, 2 Hartebeestloop Bonsmara bulle en 3 Gochuras Bonsmara bulle. Paul het weer die besonderhede ... En laastens sluit ons aan by Kiep Lepen oor die Outjo Gesamentlike Produksieveiling wat Vrydag gehou word by die Agra Veilingskrale op Outjo. Die geleentheid vind om 11 uur plaas en daar is 24 bulle en 20 kommersiële vroulike diere op aanbod. De Wet Mouton se Afrikaners is daar sowel as Dries Venter se Bonsmaras en Brahman aanbiedinge van Jasper Brand, Wilson Mberirua, Pieter Gouws en Jaco Liebenberg. Kiep Lepen, Stoetvee Veilingsadviseur van Agra praat oor die produksieveiling.

Die Katima Mulilo abattoir sal vanaf middel Augustus begin met verslagting nadat die Vleisraad die abattoir ‘n A-gradering gegee het. Volgens Paul Strydom, die Hoof van die Vleisraad voldoen die abattoir aan die hoogste standaarde. Hy is ons gas....

Emily Abraham, ‘n kenner in die gebied van akkerbou in die land en werksaam by die Akkerbouraad in Namibië gesels met Kosmos 94.1 Landbounuus oor die skaal van produksie sowel as die suksesse en uitdagings wat produsente beleef.

Die Namibiese Ministerie van Landbou is besig met die kartering van grond in die land. Data oor drakrag en ekologiese sones moet bepaal word sodat spesifieke areas vir spesifieke doeleindes deur landbou benut word. Die projek beoog ook om die impak van klimaatsverandering te mitigeer. Petrus Canisus, ‘n Direkteur in die ministerie is ons gas.