KRISHAK

அவர் உயிர் பிரிவதை அங்குள்ள அத்தனை பேரும் உணர்ந்தார்கள்.யாரோ ஒருவர் நடுகூடத்திலிருந்து எழுந்து வெளியே போகிறார் என்பது போல ஒரு அசைவை அத்தனை பேரும் உணர்ந்தார்கள். சக்ரவர்த்தி உடையார் ஶ்ரீஇராஜராஜத்தேவர் தன்னுடைய வலப்பக்கம் திரும்பி யாரோ போவதை தெளிவாய் உணர்ந்தவர் போல உற்றுப்பார்த்தார். கண்கள் மூடிக்கொண்டார்.

புகழி மகனை நினைத்தும், கணவனை நினைத்தும் குலதெய்வ மான நிகம்பசூதனிக்குப் படையலிட்டாள். அவன் கையிலிருந்த வாளை நெஞ்சில் சார்த்தி கண்மூடி நிசும்பசூதனியை வேண்டி, கண்ணில் ஒற்றிக் கொண்டு அவனிடம் கொடுத்தாள். அவன் நெற்றியில் திலகமிட்டாள், முத்தமிட்டாள். இறுக்கத் தழுவிக் கொண்டு என் மகனே... என் மகனே என்று கொஞ்சினாள்.

சக்ரவர்த்தி உடையார் ஸ்ரீ இராஜராஜத்தேவர் மேலைச் சாளுக்கியத்திலிருந்து மறுபடியும் தஞ்சைக்கு வந்து பெருங்கோயில் கட்டி, பெரும் புகழோடு வாழ்வதற்காகவும், சோழ தேசத்தின் கீர்த்திக்காகவும் இந்த காரிப்பெருங்கணை நவகண்டம் கொடுக் கிறான்... நவகண்டம் கொடுக்கிறான்... நவகண்டம் கொடுக் கிறான்." என்று உரக்கச் சொல்லி, குனிந்த முகம் நீரில் பட இருக்க, அவன் வலக்கை சரக்கென்று வாளை எடுத்து வேகமாகச் சுழற்றி கழுத்தில் அடித்துக் கொண்டது.

இவர் பைரவர். சிவனின் அம்சம். விரிந்த நெஞ்சுப் படம். குறுகிய இடுப்பு. விரல்களைப் பார்த்தாயா எவ்வளவு நீளம். ராஜலட்சணம் அத்தனையும் இருக்கிறது. அந்தக் கண்களில்தான் எத்தனை கவர்ச்சி. உற்றுப் பார்த்தால் வாயடைத்துப் போய் விடுகிறதே. சோழ மன்னர் வெற்றி பெறட்டும். தேவி... நிசும்பசூதனி எங்கள் மன்னருக்குத் துணையாக நீயும் சென்று வா என்று ஒருவர் உரத்து வேண்டினார்.

உங்கள் வசம் சோழதேசத்தின் இளவரசர் இராஜேந்திரர் இருக்கிறார். இளவரசரல்ல, வெற்றிபெற்று விட்டு வந்தபிறகு அவர் சக்ரவர்த்தி. எனவே உங்களிடம் இருக்கின்ற சக்ரவர்த்தியைக் கவனமாகப் பார்ப்பது உங்களுடையப் பொறுப்பு. உங்கள் உயிரைக் கொடுத்தேனும் அவரைக் காப்பது உங்கள் பொறுப்பு." என்று சொல்ல, அவர்கள் கேடயத்தை வாளால் தாக்கி "சோழம்... சோழம்..." என்று கத்தினார்கள்

அரசர்க்கரசன் நீ. உனக்காகவோ, உன் மகனுக்காகவோ, உன் மனைவி, மக்களுக்காகவோ நீ போருக்குப் போகவேயில்லை. பெரிய நாகரிகத்திற்காக நீ போருக்குப் போகிறாய். தென்திசை மேருவாக உன் கோயில் தகதகப்பதை நான் மனக்கண்ணுக்குள் பார்க்கிறேன். வெற்றி உனதே. போய் வா. தஞ்சையின் நிசும்பசூதனியின் கோயிலில் நீ வரும் வரை நான் அமர்ந்திருப்பேன்.

சபையில் தாமதிக்காமல் சட்டென்று வேகமாக ஒரு இளைஞன் பேசுவது தவறு என்பதை முதலில் புரிந்து கொள். அதற்குச் சந்தர்ப்பம் வரும்போது பேசு; மற்றவர்கள் பேசிய பிறகு பேசு அவசரப்படாதே. இராஜேந்திரருடைய துடுக்குத்தனம் உன்னிலும் பரவியிருக்கிறது என்பது, எனக்கு வேதனையாக இருக்கிறது. இரண்டு முட்டாள்களை நம்பி நான் என்ன பொறுப்பைக் கொடுக்க முடியும்.

"நாம் அனைவரும் மரணம் கண்டு பயப்படுபவராக இருப்பின் எதற்கு மேலைச் சாளுக்கியம் போக வேண்டும். இருக்கின்ற இடத் திலேயே கொடி பறக்க விட்டுக்கொண்டு சும்மா இருக்கலாமே."இளவரசர் உரத்த குரலில் சொல்ல எல்லோரும் அவரையே பார்த்தார்கள்.

என் மனைவி குந்தவை ஏன் இன்னும் உயிரோடு இருக்கிறாள். எப்படி அவளை விட்டு வைத் திருக்கிறேன் எனக்குப் புரியவில்லை. இதற்கு காரணம் சக்கரவர்த்தி உடையார் ஸ்ரீ இராஜராஜத்தேவர்.

"உங்களுக்கு விஷம் கொடுக்கவும், தோட்டம் துறவுகளில் நீங்கள் நடந்து போகும்போது உங்கள் மீது கொடிய நாகத்தை ஏவி விடவும், நீங்கள் யானையில் பயணம் செய்தால் அந்த யானைக்கு அதிகமாக மதுவும், விஷமும் கொடுத்து யானையை மிரளச் செய்யவும் முயற்சி செய்து கொண்டிருக்கிறார்கள். எந்தக் காரணத்திலும் யானையில் பயணம் செய்யாதீர்கள்," என்றார்கள்.