Kristján hugsar á ítölsku enda bjó hann á Ítalíu í 35 ár. Kristján segir frá lífinu þar og að ítalska hjartað slái alltaf hratt. Hann segir frá verkefni sem hann tók þátt í með Ragnari Kjartanssyni listamanni þar sem hann söng stanslaust í 12 klukkustundir á sviði og söng alltaf sömu aríuna og lýsir því með bros á vör hvernig það er að standa á sviði í tólf klukkustundir, en viðurkennir það að hann hafi þurft að hvíla sig vel eftir þetta.