សាកសពប្រជាជនស៊ីវីលអ៊ុយក្រែនជាង៤០០នាក់ ដែលគេបានប្រទះឃើញនៅក្រុងប៊ូតឆា បាន​បង្កឲ្យ​មានការតក់ស្លុតជាខ្លាំង។ឆ្លើយតបទៅនឹង​អំពើឧក្រិដ្ឋ ធ្វើឡើងដោយ​កងទ័ពរុស្ស៊ីនៅអ៊ុយក្រែន ដែលគេឃើញ​កាន់តែច្រើនឡើង​ៗបែបនេះ សហរដ្ឋអាមេរិក និង​សហភាពអឺរ៉ុបបានប្រកាសថា គេនឹងរួមគ្នាដាក់ទណ្ឌកម្មបន្ថែមទៀត ទៅ​លើ​រុស្ស៊ី​។ ទណ្ឌកម្ម​ដែលអាចវាយបំបាក់ប្រភពចំណូលរបស់រដ្ឋរុស្ស៊ី ព្រមទាំងអាចធ្វើឲ្យ​រុស្ស៊ី គ្មានលទ្ធភាព​​សងបំណុល​​គេថែមទៀតផង។