ចំណាត់​ការ​បិទ​ខ្ទប់​ទី​ក្រុង​ភ្នំពេញ​ និង​ក្រុង​តា​ខ្មៅ ​ហាម​មិន​ឲ្យ​ពលរដ្ឋ​ចេញ​ក្រៅ​ផ្ទះ​ ដើម្បី​ទប់​ស្កាត់​ការ​ឆ្លង​ជំងឺ​កូវីដ​១៩ ធ្វើ​ឲ្យ​លេច​ចេញ​​បញ្ហា​ជា​ច្រើន ​និង​បង្ក​ផល​ប៉ះពាល់​ដល់​ជីវភាព​ពលរដ្ឋ​ស្ទើរ​គ្រប់​វិស័យ ជាពិសេស​គឺ​ក្រុម​អ្នក​រក​មួយ​ថ្ងៃ ​ហូប​មួយ​ថ្ងៃ។ ក្រុម​អ្នក​ធ្លាក់​ស៊ីក្លូ នៅ​ទី​ក្រុង​ភ្នំពេញ គឺ​ជា​ក្រុម​មួយ​ស្ថិត​ក្នុង​ចំណោម​ក្រុម​អ្នក​ប្រកប​របរ​សេដ្ឋកិច្ច​ក្រៅ​ប្រព័ន្ធ​ជា​ច្រើន​ទៀត ដែល​រក​មិន​បាន​ប្រាក់​ចំណូល​ និង​កង្វះ​ស្បៀង​អាហារ​បរិភោគ។ តើ​ស្ថានភាព​រស់​នៅ​របស់​ពួកគាត់​យ៉ាងណា ក្នុង​អំឡុង​ពេល​អាជ្ញាធរ​ដាក់​ចេញ​វិធានការ​រឹត​បន្តឹង​ការ​ធ្វើ​ដំណើរ​ក្នុង​ទី​ក្រុង?