សកម្មភាព​កាប់​បំផ្លាញ​ដើមឈើ​ផលិត​ជ័រទឹក ​ដើម្បី​អារ​ច្រៀក​ធ្វើ​អាជីវកម្ម​ ឋិត​ក្នុង​ដែន​ជម្រក​សត្វព្រៃ​ព្រះ​រកា ​បាន​បំផ្លាញ​ប្រភព​ចំណូល​សេដ្ឋកិច្ច​យ៉ាង​សំខាន់​របស់​ប្រជា​សហគមន៍ ​ជន​ជាតិ​ដើម​ភាគ​តិច​កួយ​ជាច្រើន​គ្រួសារ ​ក្នុង​ឃុំ​ប្រមេរ​ របស់​ខេត្ត​ព្រះវិហារ​។ ​ការ​លើក​ឡើង​នេះ ​ក្រោយ​ពី​យុវជន​មួយ​ក្រុម ​បាន​ចុះ​ស្រាវជ្រាវ​ និង​ប្រមូល​ពត៌​មាន ​ពី​ជីវភាព​រស់​នៅ​របស់​ជន​ជាតិ​ដើម​កួយ ​ដែល​អាស្រ័យ​ផល​ព្រៃឈើ​ កាល​ពី​សប្តាហ៍​មុន​។