ផលវិបាកមួយ បណ្តាលមកពីសង្រ្គាម​នៅអ៊ុយក្រែន ក្នុងពេលនេះ  គឺបញ្ហាតម្លៃប្រេងឆៅ ដែល​​ឡើងថ្លៃខ្លាំង ដែលវា​អាចប៉ះពាល់ ដល់ជីវភាព​របស់​ប្រជាជនទូទៅ ព្រោះថា រុស្ស៊ី​គឺជាប្រទេសផលិត​ប្រេង ធំជាងគេទី២។ ប្រឈមជាមួយ​បញ្ហា ប្រេងឆៅឡើង​ថ្លៃ​ខ្លាំង​នេះ ក្រុមប្រទេសផលិតប្រេង OPEP+  នឹងត្រូវជួបប្រជុំគ្នានៅថ្ងៃពុធ ទី២ មីនានេះ ដើម្បីចរចាគ្នា ស្តីអំពី​លទ្ធភាព នៃការបង្កើនការផលិត ដើម្បី​ផ្គត់ផ្គង់ទីផ្សារ និងទាញតម្លៃឲ្យធ្លាក់ចុះវិញ។