រហូត​មកទល់នេះ នៅតែគ្មានដំណោះស្រាយ​ណាមួយទាំងអស់ រវាងរុស្ស៊ី និង​ក្រុម​ប្រទេស​លោក​ខាងលិច ទាក់ទិន​នឹង​សំណុំរឿងអ៊ុយក្រែន។ មានការព្រួយបារម្ភកាន់តែខ្លាំងឡើង អំពី​លទ្ធភាព​នៃការ​បើកការវាយប្រហារ​ឈ្លានពាន ពីសំណាក់រុស្ស៊ី មក​លើអ៊ុយក្រែន។ នៅថ្ងៃចន្ទនេះ ក្រុមប្រឹក្សា​សន្តិសុខ​នៃអង្គការសហប្រជាជាតិ នឹងបើក​ការប្រជុំបន្ទាន់​មួយ ក្រោម​ការស្នើសុំពីសហរដ្ឋអាមេរិក ដើម្បី​និយាយជាមួយ​ភាគីរុស្ស៊ី ឲ្យ​យល់ព្រម​ដកថយ ហើយ​ចរចាគ្នាតាមផ្លូវការទូត។​