កសិករ​​​ដាំ​បន្លែ​ជា​ច្រើន​គ្រួសារ​នៅ​ស្រុក​ស្អាង ខេត្ត​កណ្ដាល​ នាំ​គ្នា​ទុក​កសិផល​ចោល​ពេញ​​ចំការ ដោយសារ​គ្មាន​​ឈ្មួញ​ចូល​ទៅ​ទិញ​ ​​ក្រោយ​ពេល​​រដ្ឋាភិបាល​បិទ​ខ្ទប់​រាជធានី​ភ្នំពេញ​ និង​ក្រុង​តាខ្មៅ។ ​ស្ថានភាព​បែប​នេះ​ធ្វើ​ឱ្យ​ក្រុម​កសិករ​ព្រួយបារម្ភ​​គ្មាន​ប្រាក់​ទិញ​ស្បៀង​ហូប​ចុក​​​​នៅ​ពេល​ខាង​មុខ។ អ្នក​ជំនាញ​កសិកម្ម​ យល់​ថា ​​រដ្ឋាភិបាល​ត្រូវ​តែ​ប្រញាប់​ដោះស្រាយ​បញ្ហា​នេះ​ជា​បន្ទាន់ ​ដើម្បី​​សម្រួល​ដល់​ជីវភាព​រស់​នៅ​របស់​ប្រជាពលរដ្ឋ​ឱ្យ​​បាន​ទាន់ពេល​វេលា​។