Kuma bɛ aw bolo

Mali sigikafɔba min ka kan ka kuncɛ bi, Togo sariyasunba falenni, ka taa se kurantigɛ kɔlɔlɔw ma, ninnu ni dɔ wɛrɛw de ye babuw ye aw kumana minnu kan nin dɔgɔkun in na Didi Cheick ye u faraɲɔgɔnkan an ye.

O waleya ninnu kɔlɔlɔ bɛ se ka mun ye, aw ka diɲɛnatikɛ kɔnɔ. Seereyaw la La Guinée jamana na  tasumajeni kɛra fan dɔw fɛ dɔgɔkun tɛmɛnen na, kuran ka taa-ni-seegin balilenw sababu la.

 
O kɛra gɛlɛya ye, mɔgɔ caman kan, u ka fɔliw la. Jamana wɛrɛ la i n'a fɔ Mali la, barada dɔw  bɛ k'u ka kow sumayali da kurantigɛ banbaliw de kan.

Kabini kununasini Togo jamana sariyasunba kura donna bala.

A yɛlɛmaw la belebele ye  ko wasadenw de bɛna jamanaɲɛmaa sigi sisan, jamanadenw tɛna o kɛ tuguni.

Yɛlɛma wɛrɛ o ye jamanaɲɛmaa ka fanga dɔgɔyali ye ka fanga fanba di "President du conseil des ministre" ma o min ye jɔda kura ye. O yɔrɔ de bɛ ka Togo fangasinaw jɔrɔ, bawo u ka fɔla Faure Gnassingbé b'a fɛ ka bɔ jamanaɲɛmaayala ka o jɔ da in de minɛ.

Yala aw y'o ko ye di ?

Yɛlɛma in nafa bɛ Togo kan wa ?

"Regime parlementaire" ni u ye fanga fanba toli ye wasabulon bolo o nafa ni a kɔlɔlɔw bi se ka kɛ mun Farafinna aw yɛrɛ bolo ? An bɛ aw lamɛn ni de kan sisan, aw ka bi ɲinigaliw bɛna jabi Satigi Koné de fɛ ka bɔ Cote d’Ivoire.

Sénégal jamanaɲɛmaa Kura  ye  dantikɛli  kɛ OCI ka ladjɛba  tako 15 nan kɛnɛ kan nin dɔgɔkun laban in na, Banjul,  Gambie faaba la. A ko Palestine ka kan ka lakodɔn jamana ye diɲɛ fɛ, ko "silatunuwale" min bɛ ka kɛ Gaza o fana ka kan ka lajɔ teliya la. Dantigɛli in jukɔrɔmadonna kosɔbɛ silamɛjukulu OCI fɛ, o min y'a laɲini ko Israel ka kan ka wele jiɲɛ kirisoba CPI yɛrɛ de ɲɛma a ka fagaliwalew kama. Kuma dir'aw ma o da kan bi.

An bɛ jatigila minɛ Bamako de bi. Mali sigikafɔba "dialogue intermalien" sigidalaɲɔgɔnyew ni marakɔnɔɲɔgɔnyew kɔ ,sigikafɔ in fan laban baaraw de dabɔra bi Bamako. Lajɛ in laɲini belebele  dɔ ye Mali jamandenw cɛ bɛnni ye nka tagalen ɲafɛ baabu dɔw y'u yɛrɛ sɔr'a kɔnɔ i n'a fɔ donnatɛmɛfanga kuntagala janyali walima colonel Assimi Goita toli fanga na.

Yala aw bɛ mun de makɔnɔ sigikafɔ in kɔ ? Politikimɔgɔw fanba ni banbaanciw yebaliya lajɛ in  kɛnɛ kan o bɛ seka kɛ fiɲɛ ye wa  ?

Jɛmukan in fanba bi tali kɛ ɲinigaliw la bi, aw cayara ka ɲinigaliw sama an ma Faransi Chef d’Etat Major kɔrɔ François Lecointre ka dantigɛli dɔ yala yalali kan bɔlɔsiraw kan dɔgɔkun tɛmɛnen , aw b'a fɛ ka ɲɛfɔli min sɔrɔ o ko kan Thiambele Gimbayara bɛna o kɛ an ye sɔni ka bɔ Faransi, kunnafinidila don.

Bi alamisa, an bɛ kuma di aw ma Centrafrique kiribulon kɛrɛnkɛrɛnnen (cour pénale spéciale) ka nɔminɛnisɛbɛ bɔli de kan u ka jamanaɲɛmaa kɔrɔ François Bozizé nɔfɛ.