Kuma bɛ aw bolo

I ko aw bɛ a kalama cogomin , aw ka ko laɲiniw dɔrɔn de bɛ latikɛ an fɛ bi. Hakilinaw na, an ye minnu sɔrɔ ka bɔ aw yɔrɔ, aw dɔw seginna Mahamat Deby ka jamanaɲɛmaa semɛntiyali kan Tchad, Mali la , Bamako Commune 1 kiriso ye a ban politikiton SADI jili ma dɔgɔkun tɛmɛnen aw dɔw fana ye aw ka ninsɔndiya jura ka kɛɲɛ n'o ye.

Bi, an bɛ kuma  Tchad kan, yen min na,  Mahamat Idriss Deby Itno bɔra k'a ka kanlekandi kɛ.
San 3 donatɛmɛfanga ɲɛmaaya kɔ nin y'a sɛmɛntiyalen ye jamana ɲɛmaaya la sisan. O hukumu kɔnɔ an b'an yɛrɛ ɲininka bi a ka baara fɔlɔ ka kan kɛ jumɛn de ye Tchad.

Aw yɛrɛ bɔlɔ Tchad mako bɛ fanlen jumɛnw na bi, Mahamat Deby bɛ se ka yɛlɛma jumɛn de nati?  a ka kan k'a fɔlɔ mun ni mun na?

Cɛbɔ 7 mauritanie sariyasunba kɔlɔsilibulon ye jɛ di olu de ma tɛnɛndon walasa u ka se ka u ni ta  zuwɛkalo kalo kile 29 jamanaɲɛmayakalata nata la. Cɛbɔ nunu cɛma jamanaɲɛma bɔta Mohamed ould cheick El Gazouni kanbɔlen  bɛ sarati fila nɔfɛ.

Jamanaɲɛmaa kɔrɔ Mohamed ould abel Aziz min tun b'a fɛ k'a kanbɔ kura ye fanga nɔfɛ, kiriblon banna ale ka sɛbɛn maa k'a sababu kɛ k'a ka kaɲinisɛbɛnw dafabaliya ye. O kɛra ko ye min ye,  jamanaɲɛmaa kɔrɔ in masuruyanmɔgɔw tɔɔrɔ, olu bɛ k'a ko bila politikiko minɛn de kɔnɔ.  Yala aw y'o ko ye cogo di ?

Ban kɛli Mohamed Ould Abdel Aziz ka sɛbɛn mana o bɛ se ka faamu wa ? mɔgɔ bɛ se ka sigi ni kalatasugu jumɛn ye ni sira kan Mauritanie? Ka dɔn ko jamanaɲɛmaa bɔta kɔkɔdalen bɛ cɛbɔ wɔɔrɔ tɔ minnu na k'olu caman tɛ mɔgɔ lakodɔnnenw ye, yala o bɛ se ka sarati filanan sira dayɛlɛ Mohamed Ould cheick EL gazouani ye wa ? Aw ka fɛlaw makɔnɔnen don

Diɲɛ kirisoba CPI jiginakiritkɛla bɛ k'a laɲiniy'a kabini kunu nɔminɛlisɛbɛn ka bɔ Israel minisiiri ɲɛmaa Benyamin Netanyahu n'a ka kɔkanko minisiri ani  Hamas kɛlɛkɛkulu ɲɛmɔgɔ saba ɲɔgɔn  nɔfɔ.

Fan fila ninnu jalakilen bɛ ɲangatawale de kɛli la  ka ɲɛsin hadamadenw ma Gaza octobre kalo tɛmɛnen ni bi cɛ. O ɲangatawale bɛ tali kɛ fagaliw la ka taa se  mɔgɔw toli ma  kɔngɔ ni minɔgɔla la.  Nin jalakilikan minnu teliyara ka sɔsɔ Etats-Unis ni Israel marabagaw fɛ kunu.

Yala aw ye o ko ye cogo di ?

Jigiya bɛ ye wa wasa CPI ka nɔminɛnisɛbɛn ka bin mɔgɔ kofɔlɛn ninnu kan?

Yani a ko lawaleyali cɛ aw yɛrɛ fɛ Karim Khane ka laɲnini bi se ka nani yɛlɛma dɔ ye Gaza kɛlɛ la wa?

An bɛ aw hakilinaw sɔrɔ ni de kan sisan sisan, bi ɲigingaliw bina jabi an ye Abdoul Wahab Mariko de fɛ ka bɔ Malila sariya ko donbagadon

A fɔlɛn bɛ ko kura ye , kunu kirigarakanw kɔ ka bɔ RD Congo ,jamana in marabagaw ko fangadafri de tun b'a fɛ ka kɛ olu bara, ko nka u ka sɔrasiw sera k'a bali. Ni ɲɛ jɔnjɔn ma dɔn ko in na halisa ,  ɲininkaliw de cayalen don bi, a dɔ ye mun kama fangadafiri  tun b'a fɛ ka kɛ kinshasa ? o siratigɛ la an bɛ kuma labila aw ye bi farafinna fangadafiriw de kan.

Niger ni Gabon ta kɔ yala mɔgɔ ka kan ka jɔrɔ ni fangadafiri ye farafinna halisa wa ? wale in tayɔrɔ yɛrɛ bɛ bɔ min ?a kɔlɔlɔw ye jumɛn ?ani fɛɛrɛ jumɛn bi se ka tigɛ walasa farafinna ka gɛlɛya ka ɲɛnabɔ cogoya wɛrɛ la min ni fangadafiri tɛ kɛlɛn ye ?

Aw ye babu minnu sama an ma, olu bɛ tali kɛ Jean Luc Melanchon Faransi fangasina ka tile fila taama kan Sénégal jamana na. Faransi jamana futɛni min wulilen bɛ Nouvelle Caledonie mara la, aw b'a fɛ ka famuyali min sɔrɔ o k ola o bɛna kɛ aw ye fana. Ka tɛmɛ o kan aw minnu ye a laɲini ka segin ka kuma Tchad jamanaɲɛmaayakalata jabi ni Mali ka sigikafɔ kuncɛkanw kan.

Fɔlɛn kɔrɔ tɔ ye dalamaka ye bi Alamusa an bɛ kuma labila aw ye funɛnkɛniw ka jarabijugu de kan ka ɲɛsin "internet" ni bɔlɔsira dɔw ma.

Dɔgɔkun tɛmɛnen jɛkulu dɔ yi kunbɔ Sénégal min tɔgɔ F4C. Ale bɛ ka "internet" baaradaw de jalaki "internet" sɔnko jigini su waati dɔ, jɛkulu in k'o sababu la sifin dɔw bɛ si u ɲɛna bɔlɔsiraw kan , ko kasɔrɔ ka dɛsɛ ka kalan kɛ ni dugujɛra, yala aw ye o ko famu wa?

"Internet" baaradaw de ka kan ka jalaki dɛnmisɛnw ka jarabi jugula ka ɲɛsin bɔlɔlɔ sira ma wa?

Wale in yɛrɛ kɔlɔlɔw ye jumɛn ?

Fɛɛrɛ jumɛnw bɛ se ka tigɛ bi wasa "internet" ka kɛ makoɲɛ ka bɔɲa ni a ka tiɲɛni?

Niamey bɛ ka cotonou jalaki jatikɛwalekɛlaw de bisimilali la mun bɛ se ka dankari ale ka basigi la, o kama k'a ka dancɛ tɛna dayɛlɛ ni benin ye hali ni cedeao ka gɛrɛntɛnw wulila .
Dimin kama Benin jamanaɲɛmaa fana ye Niger ka taji  latɛmɛni lajɔ a ka jamana kɔnɔ fɔlɔ. yala aw y'o ɲɔgɔnsama in  ye cogo di ? Funteni in kɔlɔlɔ bɛ se ka se fo min ? jɔn bɛ se ka jamana fila nunu cɛ bɛn teliya la aw yɛrɛ bɔlɔ?

N

Laɲini kɛmɛ saba ɲɔgɔn de kɛra sigakafɔ in talikɛlaw fɛ ka ɲɛsin marabagaw ma. U cɛma  donnatɛmɛfanga kuntagala janyali k'a ta san 2 la ka taa san 5 la. Laɲini giriman wɛrɛw, o de ye sira dili colonnel Assimi Goita ma, a ka kɛ cɛbɔ ye kalata nata la. kolonɛli fagadafrilaw ka kɛ zeneraliw , dɔ ka bɔ politikitɔnw la, ani ka kumaɲɔgɔnya dadon ni banbanciw marifatigiw ye.  Yala aw y'o kow ye di ?

Tchad jamana, na kalatakoɲɛnɛbɔjukulu ka jaabi kunfɔlɔw ye sebaaya di Mahamat Deby de ma  jamanaɲɛmakalata la. kala 61 kɛmɛsara la, o y'o de sɔrɔ.  A ka Minisiriɲɛmaa succès Masra b'ɔ jɔyɔrɔ filanan ni kuru 18 ɲɔgɔn ye. Nga kalata in jaabi bɔbali yɛrɛ fangasina kɔrɔ Succès Masra tun ye sɔsɔliw dabɔ. Ni dɔgɔkun furacɛn yɛrɛ la, a ye sɔsɔlisɛbɛn ladon walasa segin ka kɛ kalata in kan.

Aw y'o ko ye togo di? sɔsɔli in b'a kun bɔ wa? yala mɔgɔ ka kan ka jɔrɔ ni Tchad ye kalata in jaabi kunfɔlɔlɔw kɔ wa?