Kuma bɛ aw bolo

Misaliya la dɔgɔkun  Macky SALL ka mara politikiko makan kasaratɔw y’a ɲini ko nɔminɛlisɛbɛn ka da Sénégal jamankuntigi kɔrɔ in kan min bɛ se ka lawaleya diɲɛ jamana bɛɛ kan. A kɛra Yaya DJAME ka mara kasaratɔnw ye Gambie, wali Alpha CONDE taw lagine jamana kan. 

O kasaratɔw ka tɔnw bɛ ka caya ka taa farafinna, nka a ka gɛlɛn kɔsɔbɛ o kiiriko laɲini ka sabati.

Yala aw ye nin ko in ye cogo di ?

Mun de la, Farafinna jamankuntigi kɔrɔw kiirili ka suma u ka walekɛtaw la

Aw don nin baabu de kan kuma b’aw boli jɛmukan kɛnɛ kan bi.

Aw cayara kɔsɔbɛ k’aw hakilinaw ci nin baabu de kan, na ka WhatApp nɛgɛjuru sira fɛ 00221 76 644 12 79 kan.

Wasa k’aw ka bi ɲinigaliw jabi an ye weele bila kiiriko dɔnbaga, Me Mamoudou DIAKITE  de ma kabɔ Lagine.

Wasadenkalata  minnu tun bɛ senna dɔgɔkuntɛmɛnen in kɔnɔ n’u kuncɛra kunu karidon ni balinakobaw ye. France jamana kan kɛrɛnkɛrɛnnenya la, Rassamblement National, fangasina politikitɔn de ye sebaayaba sɔrɔ o kalataw la. 30 ni kɔ kɛmɛsara la,  Nka fanga politikitɔn yɛrɛ, n’o ye Emmanuel Macron ka tɔn ye, olu ye 14 ni tila ɲɔgɔn de sɔrɔ.

O kɛra sababu ye France jamanakuntigi y’a latigɛ o surɔ kelen bɛɛ dantigɛli dɔ kɔnɔ ka wasabulon ci ni ka wasadenkalataw dɔgɔ da zuwɛnkalo in tile 30 nata. Yala, aw ye Marine LePen ka RN politikitɔn ka nin sebaaya sɔrɔ ye cogo di ?  Macron surɔ latigɛ in bɛ mun de yira.

Yala kalata in kaɲiniw tɛna kɛ tungalataalaw ka lahalayaw kɔ bawo nin tɔnba fila nunu hakilinaw tɛ kelen ye o kow kan. Aw cayara kɔsɔbɛ k’aw hakilinaw ci nin baabu de kan, an ka whatApp nɛgɛjurusira fɛ 00221 76 644 12 79 kan.

Aw ka bi ɲinigaliw, olu bɛna jaabi kunnafonidila ni politiki dɔnbaga Thiembel GUIMBAYARA de fɛ ka bɔ France.

Aw ka baabuw  bɛ tali kɛ mɔgɔ tɔɲɔnnen dɔw ka weelekan kan ka ɲɛsin Sénégal fanga kura ma k'u b'a fɛ jamanaɲɛmaa kɔrɔ Macky Sall ka weele bɔkɔjeninen kan san saba labana tiɲɛniwalew ni a fagaliwalew kama fangasinaw ka wulikajɔ sɛnfɛ.

Sénégal kɔ, aw caman y' a laɲini fana ka segi "Corée du Sud" ni farafinna ka lajɛba kan Seoul o mun tako fɔlɔ kɛrɛ ni dɔgɔkun na.

Nin ye latigɛba ye min kɛra Sommet "Corée du Sud-Afrique" kɛnɛkan  Seoul ni dɔgɔkun in na. Lajɛ in laɲiniba dɔ tun jamana in ni farafinna ka kɛrɛɲɔgɔna sabatili ye cogomin dugukolo jukɔrɔfɛn dɔw minnu bɛ bɔ farafinna i ko minerɛ olu sanni feere bɛ se ka nɔkɔya Corée du Sud bolo cogomin.

Farafinna marabaga 40 ɲɔgɔn de ye tali kɛnɛ in na u caman ye u ka sewa jira ka kɛ ɲɛni jɛɲɔnya kura in ye, "Union Africaine" ɲɛmaa Mohemed Cheick Oul El Gaouzouani yɛrɛ ko fanfilaw bɛ bi sɔnka u ka nafa sɔrɔ ni bolodiɲɔgɔn ma.

Aw dun aw ye a ko ye di ?

Farafinna ni Corée du Sud bɛ se ka baarakɛ ka taa sira jumɛnw fɛ aw yɛrɛ bolo?

Waatijan makɔnɔn kɔ Kiliane Mbappe ni Real Madrid ka baaraɲɔgɔnya sɛmɛntiyara nin dɔgɔkun in na.

San 5 ndonlantan kulu ni PSG ŋana kɔrɔ ye o de bɛnkan sɔrɔ, u ka kan ka to ɲɔgɔn bolo fɔ san 2029 nata.

Yala aw ye o ko ye di ?

Paris ndonlantana kɔrɔ in bi se ka ta mun de fara Real ka yanga kan bi ?

Yala Real fana bi se ka jumɛn  lase Kiliane Mbappe  ma ?

An bɛ aw fɛlaw sɔrɔ ni de kan sisan sisan. Bi mɔgɔ weelelɛn tɔgɔ Bounafane Doumbia farakiloɲɛjɛ kunnafonidila don ka bɔ Bamako.

O fɔli lakurayalɛn dɔ wa yɔrɔ , ni waati in ye  san kimɛli labanw waati ye farafinna fan caman na. Jamana dɔw kɔnɔ, i ko Mali ni Burkina Faso DEF ni BEPC de bɛ senna bi.

Lagine fana bɛ labɛnna dɔgɔkun nata ka a ka kimɛli dɔw kɛ, o sira tikɛla an bɛ kuma labila aw ye bi san laban "examan" ninnu kɛ ko ɲuman de kan.

Yala aw ka marabaga kɛlɛn bɛ ka fɛɛrɛ jumɛnw tigɛ wasa ka suɲɛniw ni kimɛli babuw carilibali ka kɔn "Examenw" don ɲɛn.

Lagine marabagaw ko olu ye o ka salon fɛɛrɛw de lakuraya ni o dɔ ye telefoniw dɔnibalili ye kalansow kɔnɔ ani kimɛli babuw sugandili karamɔgɔw mabɔli ye jamana na. Yala aw ye o fɛɛrɛ ko ye di , ninnu bɛ bɔli kɛ wa ?

Aw yɛrɛ fana ɲɛbɛ fɛɛrɛ wɛrɛ minnu mun bɛ se ka dansigi "fraude" la ni kimɛli waatiw la, aw u don aw ka olu di en ma.

U ka dɔgɔkun tɛmɛnen wasadenkalataw jaabi bɔlen kɔ. kɛmɛsara la politikitɔn in bɛ ni jɔyɔrɔ 40 de ye, fɔcogo wɛrɛ la wasaden kɛmɛ 4 kan, ANC sera ka wasaden kɛmɛ ni 59 de sɔrɔ .

San 30 kɔnɔ, Nelson Mandela ka politikitɔn tun ma deli ka nin ɲɔgɔn dɛsɛ ye wasadenkalata la.Yala o ko bɛ famu cogo di?  Mun dun ye ANC sɔrɔ ? Fangasina Politikitɔn Alliance Democratique ni Jacob Zuma ka MK cɛ, yala ANC bɛ  se ka fɔkabɛn kɛ ni jɔn ye  bi walasa ka tɛmɛ ni mara ye  ? U ka cɛbɔ Ciryle Ramaphosa min bɛ ka sarati filanan ɲini ale ka siniɲɛsigi fana yala o ka kan ka mɔgɔ jɔrɔ wa ?               

U ka ca farafinna, minnu bɛ bɔ togodaw la san o san kana u dayirimɛ ɲinin dugubaw kɔnɔ. An ka duw kɔnɔ a dɔw bɛ weele baarakɛden, dɔw yɛrɛ ko u ma 52w,dɔ fana ko u ma VDB u togo ka can cogomin u ka baaraw fana ka can tɛn de.

Minɛko, tobili, finiko sofuran fo ka taa se dɛn minɛ ma, ni baaraden ninnu de kɛlɛn bɛ musow caman senw ni u bɔlɔw ye bi.

Bara fanba bɛna bɛ olu de kan, nka u minɛ ko maɲini fan bɛɛ . sɛkɛnafiɲɛ bɔ tɛ a caman ye, a dɔ ka sara yɛrɛ fana tɛ bɛrɛ bɔ , yala o dun  bi famu cogo di ?

An ka duw baara  fanba kalifalen bɛ mɔgɔ minnu na, olu minɛ ko bi se ka juguya fadɔlaw la cogo di?

A yɛrɛ ma awo fɔ fɔlɔ nga a ka politikiton RHDP Ko ni Alassane Ouattara tɛ, k'a  ɲɛ tɛ mɔgɔ si la min bɛ se ka kɛ a ka cɛbɔ ye san 2025 nata jamanaɲɛmaakalata la. Nin welekan in samana Côte d’ivoire jamana ɲɛmaa ma tɛnɛndon.

Fangapolitikiton mɔgɔw sinsinnen bɛ min kan, o de ye ko jamanaɲɛmaa in ye baaraba de kɛ ka tɛmɛ. ko n'a tora yen halisa, k'a bɛ se ka Côte d’ivoire layiriwa ka taa fɛ. Ni sariyasunba bɛ sarati 4 kɛli daga Alassane  Ouattara ye , ɲiningali ye min, o de ye k'a dɔn yala jamanaɲɛmaa bɔta,  san 82 bɛna fanga ɲini halisa  ? RHDP kɔnɔ mɔgɔ wɛrɛ tɛ yen min bɛ se ka kɛ cɛbɔ ye wa? N' Alassane Ouattara kɛra sɔnaba ye welekan in ma, yala an bɛ se ka sigi ni kalata sugu jumɛn ye Côte d’ivoire san 2025 ɔkutɔburukalo la? an bɛ kuma di aw ma nin de kan

Bi an bɛ Ougadougou Burkina Faso faaba la, ka kuma jamana in taafan kura  kan. Marabagaw ka laɲini kɔnɔ, sigikafɔ min kɛra Ougadougou  sibiridon  u y'a latikɛ san 5 ka fara jamana in donatɛmɛnfanga kuntaala kan.

Sira dira fana walisa Capitaine Ibrahim Traore n'a ka minisiriɲɛmaa ani donatɛmɛwasabulon ɲɛmaaw bɛɛ ka se ka u ninta kalata nataw la, n'u kɛra kɛfɛn ye waati min na. o dɔrɔn tɛ, sigikafɔw in  talikɛlaaw  k'u t'a fɛ fana  capitaine Ibrahim Traore ka wele mɔgɔ si fɛ tuguni ko donatɛmɛfanga ɲɛmaa k'a ka weele sisan ko Burkina Faso jamana ɲɛmaa.Yala aw ye ni ko ye cogo di ? latikɛ ninnu nafa bɛ se ka kɛ jumɛn ye Burkina Faso ? Gabon , ni Mali ni Burkina kɔ yala mɔgɔ bɛ se ka sigi ni nin latikɛ suguw ɲɔgɔn ye fangadafrijamana wɛrɛw kɔnɔ wa an bɛ kuma di aw ma nin de kan.