Kuma bɛ aw bolo

O sɔrɔla marabagw ka latigɛ de fɛ, ka dɔ bɔ dadumunifɛn caman sɔngɔ la i n'a fɔ malo, sukaro walima buuru. Kasɔrɔ u ni alIkama mugusinnaw ani buurudilananw ma kɔn ka sigi ka kuma. Alikamasinbagaw farankantɔnba (l’Association des meuniers et industriels du Sénégal) kɔni tigɛlen don a kan k’u tɛna segin ni Bassirou Diomaye FAYE n’a ka marabagajɛkulu ma kumaɲɔgɔnyaw boloda ɲɔgɔn, walasa ɲɔgɔnfaamu ka sɔrɔ a ko la. Yala aw y'o ko faamuya cogo di?
 

Aw hakilinaw ye mun ye nin ɲɔgɔn sama-samaw la fan fila ni ɲɔgɔn cɛ balofɛnw sɔngɔ jiginniko la. Aw cayara kosɛbɛ k’aw hakilinaw ci nin baabu de kan, an ka whatApp nɛgɛjuru sira fɛ 00221 76 644 12 79 kan.

o lajɛ min tun labɛnna bolocifurako cakɛda GAVI, France ani Farafinna tɔnba « Union Africaine » de fɛ.

Farafina jamanaɲɛmɔgɔ caman de ye tali k’a ko la,  i n'a fɔ Sénégal ka Bassirou Diomaye FAYE, Rwanda ka Paul KAGAME, walima Ghana ka Nana Akuofo ADO.

Lajɛ in kuncɛra ni dolariwari miliyari  kelen ni kɔ de layidu tali ye,  farafinna ye walasa ka gun in dɛmɛ a ka se ka bolocifuraw dilan a yɛrɛ ye. Ani k’a ɲininiw sinsin kosɔbɛ.

Aw ye nin ko ye cogo di. Yala aw bolo nin nafolo min layidu tara, o bɛna se ka Farafina dɛmɛ k’a ka yɛrɛyeya sabati bolocifurako hukumu kɔnɔ wa?

Aw cayara kɔsɔbɛ k’aw hakilinaw ci nin baabu de kan an ka whatApp nɛgɛjuru sira fɛ 00221 76 644 12 79 kan.

An ka bi mɔgɔ welelen, o ye  Dr Sekou Kaba ye ka bɔ La Guinée, Furakow ni kɛnɛyako dɔnbaga ŋana don.

San kelen kɔnɔ, Guinée donnatɛmɛfangaɲɛmaa ye politikitɔnw ka baaraw jateminɛko filanan dabɔ kunu araba.

Dɔgɔkun fila de bɛ politikitɔnw bolo sisan ka taa u  yɛrɛ lajɛya jamana kɔnɔnkow minisiriso la ni sɛbɛn dɔw ye.

Misali la u ka tɔnw lakodɔnisɛbɛn u kɔnɔ sariyaw ni tɔndenw lakodɔnsɛbɛn fɔ ka taa se u ka dagaw bɛɛ jamana marabolo minnu kɔnɔ

Sɛgɛsɛgɛli in siɲɛ sabanan ye nin ye kabini General Mamadi DOUMBOUYA nana fanga la. Aw ye mun faamu o ko la.
Yala u b’a fɛ ka sira da politikitɔnw ɲɛ jamanaɲɛmaakalata nata de la u ni minnu tɛ ɲɔgɔn kanfɔ wa.
 

 Guinée donnatɛmɛfangaɲɛmaa ka politikitɔnw ka baara jatiminɛli, o ye lasanuyali baara gwansan  ye wa?

France fangasina Marine Le Pen ka politikitɔn ka sebaaya sɔrɔ wasaden kalata nataw. O te ka politikimɔgɔw dɔrɔn jɔrɔ, ntolantanaw fana jɔrɔlendon.

Olu b'a la ka tɔn in ka hakilina gɛlenw kɛlɛ. Minnu ɲɛsilendon dunanw ma France jamana kɔnɔ.

France ntolantanaw Kylian MBAPPE, Ousmane DEMBELE, Marcus Thuram, wali Olivier Giroud fɔ ka taa se  jamana in tolantana ŋana kɔrɔ Thiery Henry ma.

A ɲɔgɔn be famu ka kɛ, ntolantanaw k'u sen don politikikow la. Yala aw y'o ko ye cogodi?

Aw cayara  k’aw hakilinaw ci nin baabu de kan.

Jatiminɛw y'a jira ko Farafina gun kan, kɛmɛsara la an ka kungobaw 45 ɲɔgɔn de halakira k'a sababu kɛ hadamadenw ka kɛwalew ye ani waatiyɛlɛma kɔlɔlɔw ye. Kungojɛnni ani jiritigɛ, o be kɛ Farafina kojugu.

Yala mun be se ka o walew ɲɛkɔrɔtigɛ Manden?. Aw cayara k'aw hakilinaw ci an ma.

.

A ko gɛlɛyalen don jamana in marabaga kuraw ni kunnafonidiso dɔw ɲɛmɔgɔw cɛ, olu minnu dɔw ka sɔrɔw datugurura waribonw na, k'a sababu kɛ saalensarabaliya ye. Aw y'o ko ye cogo di? Yala kunnafonidisow man kan ka saalen (lanpo) sara wa u ka baara yɛrɛ jɛlenya kosɔn wa? Kuma bɛ aw bolo.

.

Wa, kuma kɛra fana Farafinna jamanakuntigi kɔrɔw kirili gɛlɛya k'a sɔrɔ u ka mara waati kasaratɔ tɔnw bɛ ka caya ka taga fɛ.

O tɔn laban sigira Sénégal jamankuntigi kɔrɔ, Macky SALL kama nin k’a ɲini nɔminɛli sɛbɛn ka d’a ka min bɛ se ka lawaleya diɲɛ jamana bɛɛ kan "Manda d’arret international".

A kuncɛra ni Fransi fangasina "Rassemblement National" ka se sɔrɔ ye fanga-politikitɔn kan Erɔpu wasadenkalata ye.

Aw cayara k’aw hakilinaw ci nin baabuw de kan, an ka WhatsApp nɛkɛjuru sira fɛ 00221 76 644 12 79 kan.

Seliba yɛrɛ ka kan ka bɛn karidon wali ntɛnɛn nata de ma Manden jamanw kɔnɔ.

An b’a dɔn fana k’o seli labɛnni tɛ taa musakaw kɔ, denmisɛnninw ka selifinikow, so taa pase kow,  lahiya sagakow. Olu n’u ɲɔgɔn caman minnu bɛ ka dutigiw ni den masa caman ɲɛkɔrɔ se nin dɔgɔkun labanw la. Kasɔrɔ bɛɛ dun bɛ kule la ko waati ka gɛlɛn.

Yala aw bɛ ka seliba in labɛn cogo di o gɛlɛyaw kɔnɔ?

 A saga sɔngɔ ko bɛ da jumɛnw la aw ka jamanaw kan?

Aw cayara kɔsɔbe k’aw hakilinaw ci nin baabu de kan, na ka WhatsApp nɛgɛjuru sira fɛ 00221 76 644 12 79 kan.

San naani ɲɔgɔn a kow daminɛnen kɔ kunu tarata Senegal tajibɔ cakɛda y’a ka tajibarigon fɔlɔw bɔ daminɛ.

Taji barigon ba kɛmɛ u bɛ na se k’o de bɔ tile kɔnɔ. San bisaba jate kɔnɔ, o ka kan ka ero wari miliyari kelen de don Sénégal jiginɛ kɔnɔ san o san. 

Sisan ale bɛ fara farafinna jamana caman kan, taji kɔ minnu bɛ dugujukɔrɔnafolomafɛn caman wɛrɛw bɔ, i n'fɔ sanu misali la. 

Nka mun de kama o jamanw sɔrɔkɔ basigilen tɛ halisa?

Kun jumɛn na o dugujukɔrɔnafolow nafa tɛ sera jamanadenw ma?

Aw cayara kɔsɔbɛ k’aw hakilinaw ci nin baabu de kan, an ka WhatsApp nɛgɛjuru sira fɛ 00221 76 644 12 79 kan.

Aw ka bi ɲinigaliw, olu bɛ jabi kunnafonidila ni politiki dɔnbaga Sory Ibrahim TRAORÉ de fɛ kabɔ Mali la, FER-MALI, dugujukɔrɔnafolo kow kɔlɔsili tɔn ɲɛmɔgɔ don.