Kuma bɛ aw bolo

Saraw bɛɛ la dɔgɔmani bɔra nayira wari ba  30 ra, k'a bila nayira wari ba 70 la. Latigɛ ni tara, alamusalon zuyetkalo tile 18 .

Yala jamana tɔw fana ka kan k'o ko kelen kɛ wa, yala ka dɔ fara baarakɛlaw ka sara kan, o kelen bɛ se ka balokogɛlɛya kɛlɛ an ka jamanaw kɔnɔ wa?

Bi an bi USA, a ko ma kɛ barinako ye aw cama fɛ. Etats-Unis Jamana kan ,  Joe Biden y'a senbɔ Sarati filanan ɲinini na  jamanaɲɛmɔgɔkalata nataw hkumu kɔnɔ. A y'o laseli kɛ kunu kaari. Jamanaɲɛnmɔgɔ bɔta in bɛ ni san 81 ye ɲinan. A ka farikolo tun sɔnnen tɛ a bolo kɔsa in na, Joe Biden  ka Politikitɔn demokaratiw tun haminen don a ka  cɛbɔya ko la. U dɔw yɛrɛ tun y'a laɲini k'a ka senbɔ, a laban na k'o min waleya. Jamanaɲɛmɔgɔ dankan Kamala Harris k'ale labɛnnen don k'o lɔyɔrɔ in ta ani ka sebaaya sɔrɔ  Donald Trump kan, ''Repubilikɛnw'' ka cɛbɔ. An ye kuma di aw ma o baabu lo kan bi tɛnɛlon in na.

 

Juma foli ye lamɛnbagaw bɛɛ ta, aw sinsin na babu minnu kan bi kɔssɔbɛ, olu dɔw bɛ tali kɛ: Burkina jamanaden kɛmɛ ni 70 ɲɔgɔn ka  laseginna ka bɔ Cote d’Ivoire nin dɔgɔkun in na, aw y'aw hakilinan ani aw ye ɲinigali minnu sama nin babu in kan, an bɛna olu lamɛn sɔni.

O kɛrɛfɛ, aw minni ka laɲini ye ka segin Alain Alain ni Eves Bamouni ka minɛni kan Burkina Faso aw fana bɛna kuma sɔrɔ, o kɔ ni waati ma koron an bɛna segin k'aw ka fɛɛrɛw lamɛn sirabankankasaraw kɛlɛ cogo fana kan Farafinna..

Sirabakankasara bɛ ka caya ka taa fɛ Farafinna gunkan nin san tan labanw kɔnɔ.San 2021 dɔrɔn kɔnɔ mɔgɔ ba biduru ɲɔngon de bɔnɛ la u nii la. Kasɔrɔ o waati kelen na sirabakan kasara fanga bɛ ka dɔgɔya kɔsɔbɛ diyɛn fan wɛrɛ fɛ. Nin ye diɲɛ kɛnɛyako tɔnba OMS ka jateminɛw de ye u ye minnu cari taratadon.

Burkina Faso, ka kɛɲɛ ni kunnafonidila Alain Alain, ni sɔrasi cɛ Eves Bamouni  n' a tɔɲɔgɔn Jules Syan ka diyagoya minɛnin ye u ka so sibiridon, an bɛ kuma d'aw ma  bi mɔgɔw lajɔ cogo de kan de kan nin waati labanw in na jamana in kɔnɔ?

Yala, aw ye mun famu Burkina Faso lakanatigilamɔgɔw ka mɔgɔ minɛ cogo kura?

Sariya jamana kɔnɔ a bɛ bɛn mɔgɔw ka diyakoya latunun kasɔrɔ kunnafoni ma di a ni somɔgɔw ci ma ?

Nin ko sugu bɛ se kana ni kɔlɔlɔ jumɛn ye jamana kɔnɔ?

Aw bɛ aw ka hakilinan cɛlɛnw lamɛn sisan. Wasa ka kɛnɛ in sankɔrɔtan en ye ci sama Kirisi  Traore de ma bi ka bɔ Ougadougou, ale ye sariya ko dɔnbaga. 77 277 22 93

Kalo saba nkɛrɛntɛn kɔ, Mali marabagaw ye siralabila dɔgɔkun tɛmɛnen politikimɔgɔw ye wasa u ka taa ɲɛ ni politikibaaraw ye.

O hukumu kɔnɔ AIGE Mali kalata koɲɛbɔ jɛkulu kura ye weele bila politikimɔgɔ ma kuma ɲɔgɔnyala kunu.

O kɛnɛ politikitɔn 50 min bɛ "coalisition du 31 mars" kɔnɔ ,ye a yira k'olu tɛna talikɛ baara ɲɔgɔnya foci ni AIGE kasɔrɔ u tɔɲɔgɔn minɛnew bɛ ma labila ka bɔ kosa la.

Yala aw ye o ko famu wa?

Ni sirakan bɛn bina-na wagati jumɛn Mali marabagaw ni a politikimɔgɔw cɛ ?

Nkɛrɛtɛn in wulili ka bɔ politikibaaraw kan o bɛ bɔli kɛ aw bɔlɔ wa?

Aw yɛrɛ fɛ mun de ye Mali marabagaw bila k' u bolo segin u kɔ bi ni politikimɔgɔw ye?

An bɛ aw ka hakilina cilɛnw lamɛn sisan sisan. An ka bi mɔgɔ weelelen ye Me cheick Omar Konaré de ye ka bɔ Bamako, sariyako ani politikiko dɔnbaga don.

Bi, an bɛ jatigila minɛ Etats-Unis . Yen min sinfin san 20 dɔ y'a laɲini ka jamanaɲɛmaa kɔrɔ ani "republicains" ka cɛbɔ kanbɔlen Donald Trump faga kisɛci dɔ sɛnfɛ pensylvanie mara la sibiridon.

Ni wale in kɛbaga ka  jukɔrɔmadonbaga ni laɲini in yɛrɛ kun  jɔnjɔn ma dɔn fɔlɔ,  Donald Trump kanubaga dɔw kɔni  fɔlɔla ka "democrates"  de jalaki, n'o ye  Joe Biden ka mogɔw ye. Yala aw yɛrɛ ye mun de faamu sibiridon kasaara in tɛmɛko la ka Donald Trump to a ka fangaɲiniɲɛjɛ la ? ko in bi se ka bila minɛ jumɛn kɔnɔ ? jɔn ka kan ka jalaki? A ko bi se ka na ni yɛlɛma jumɛn ye Etats-Unis ka novanburukalo nata jamanaɲɛmaya kalata ɲɛbila baaraw kɛcogo la ? fɛɛrɛ jumɛnw be yen fana walasa nijuguyawale sen ka bɔ politikibaaraw la? kuma ye aw ta ye sisan sisan. Aw ka bi ɲiningaliw, olu bɛna jaabi an ga France lasigiden Ayouba Barry de fɛ. Aw danse

                                    …

Aw y'a laɲini k'an ka kuma CEDEAO ka kumaɲɔgɔnya kaɲinin de kan ni AES jamanaw ye. Tɔn in y'o kun don Sénégal jamanaɲɛmaa Bassirou Diomaye FAYE bolo a ka lajɛ tɛmɛnen senfɛ. 

Kan ninnu cɛman fulakan, wolofokan, baoulé walima yɛrɛ zoulou kan bɛ a la. Nin ye masaalasɛbɛn in kan kɛlɛn o kɛlɛn na "Google" bɛ se ka a bayɛlɛma yen yɔrɔ bɛɛ kasɔrɔ takana ma ye a la.

A bɛ o cogo fana na n'i ba fɛ ka sɛbɛnni bɔ kan wɛrɛlaw k'a yɛlɛma ni kan dɔw la.

Yala aw ye o ko ye cogo di?

Aw deli la ka ko in cifilɛn wa?

Yɛlɛma in nafaw n' a gɛlɛyaw bɛ se ka kɛ mun ye an ka todunkanw layiriwali la ?

Bi mɔgɔ weelelen ye fila ye, a fɔlɔ o ye Salif Sora ye ka bɔ Mali la, ale ye an ka bamanakan layiriwalibaga ye bɔlɔlɔ siraw fɛ, a kɛrɛfɛ  Pr Mamadou Lamine Sanogo fana bɛ yan, o ye ɲinikɛla ani kanw dɔnbaga ye ka bɔ Burkina Faso. 

Bi Araba y' a tile kɛmɛ ye ko Sénégal jamanaɲɛmaa kura Bassirou Diomaye Faye ye ka kalenkandi kɛ wasa ka Sénégal marali dabɔ. A ka kaɲiniɲanajɛw waati la Mars kalo tɛmɛnen  tun ye yɛlɛma caman layidu ta Sénégal jamanadenw ye.

O layidu dɔw bɛ tali kɛ yurukuyurku kɛlɛli la ka taa se kiri latilenni ani dundalafɛnw sɔngɔ da nɔgɔyali ma.

Ko ba wɛrɛ a tun ye a fɔ ko a bɛna min kɛ o de ye ka Sénégal jamana ka wari dunta bɔ "francs CFA" la.

Tile kɛmɛ kɔ, aw yɛrɛ bolo Bassirou Djomaye Faye bɛ a ka layidu talen ninnu sira kan wa?

Kalo saba ni tile 10 in kɔnɔ aw ye yɛlɛmaba jumɛnw de jateminɛ Sénégal?

min dirá aw ye mara in daminɛna?

Aw bɛ ka  mun makɔnɔ alissa?