ភាព​តាន​តឹង​ក្នុង​តំបន់​ ឧបទ្វីប​កូរ៉េកំពុង​ស្គាល់​ភាព​តាន​តឹង​ដល់​កំពូល។ បន្ទាប់​ពី​បាន​បាញ់​មីស៊ីល​ដ៏​សន្ធឹក​សន្ធាប់​កាលពី​ម្សិលមិញ នៅថ្ងៃព្រហស្បតិ៍​ទី ៣​វិច្ឆិកា​នេះ ព្យុងយ៉ាង​បាន​បាញ់​មីស៊ីល​បីគ្រាប់​ទៀត​ ក្នុង​នោះ​មួយគ្រាប់ទំនង​​ជា​មីស៊ីល​អន្តរទ្វីប​ផង ដែល​ជំរុញ​ឱ្យ​ជប៉ុនទាញ​សញ្ញា​អាសន្ន​​ទាំង​ព្រលឹម។ ប្រឈម​នឹង​ការ​ផ្គើន​មីស៊ីល​អត់​ឈប់​របស់​កូរ៉េខាង​ជើង សម្ព័ន្ធមិត្ត​អាមេរិក​ជប៉ុន​កូរ៉េខាង​ត្បូង បាន​ប្រកាស​បន្ត​សមយុទ្ធ​របស់​ខ្លួន​ជា​ច្រើន​ថ្ងៃ​ទៀត។