នៅ​ថ្ងៃ​ព្រហស្បតិ៍​ទី ១៦​ធ្នូ​២០២១​នេះ សហភាពអឺរ៉ុបបាន​ផ្តោត​​​​ជំនួប​កំពូល​របស់​ខ្លួន ទៅ​លើ​មេរោគ​កូវីដ​បំប្លែង​ខ្លួន​ថ្មី អូមីក្រុង។ ​ នៅ​ចំពោះ​មុខ​ការ​ស្ទុះ​ឡើង​ ​ច្រើន​ខ្លាំង​នៃ​ករណី​វិជ្ជមាន​កូវីដ​១៩ និង​កំណើន​យ៉ាង​លឿន​ស្លេវ របស់​ អូមីក្រុង។ អឺរ៉ុប​ត្រូវ​​​​សាកល្បង​ស្វែង​រក​កិច្ចសហការ​គ្នា​ឱ្យ​បាន​កាន់​តែ​ប្រសើរ​ឡើង ព្រោះ​​បណ្តា​ប្រទេស​ជា​សមាជិក​សហភាព​អឺរ៉ុប​​ខ្លះ​ បាន​ដាក់​​​វិធានការ​ថ្មី​ជា​លក្ខណៈឯកតោភាគី រួច​ទៅ​ហើយ​ទាក់​ទង​នឹង​ការ​ធ្វើ​ដំណើរ​ឆ្លង​ព្រំដែន។