លោក​ទេដ្រូស ប្រមុខ​អង្គការ​សុខភាព​ពិភពលោក WHO បាន​ចេញ​មុខ​រិះគន់​ជា​សាធារណៈ​លើ​នយោបាយ​ហ្សេរ៉ូកូវីដ​របស់​ចិន។ តាម​លោក​ទេដ្រូស នយោបាយ​ហ្សេរ៉ូកូវីដ​ដែល​ចិន​កំពុង​អនុវត្ត​សព្វថ្ងៃ​មិន​មាន​ប្រសិទ្ធិភាព និង​មិន​អាច​ទ្រាំទ្រ​បាន​ទេ។ ការ​លើក​ឡើង​របស់​លោក​ទេដ្រូស​បាន​ធ្វើ​ឡើង ខណៈ​ដែល​ចិន​កំពុង​បន្ត​បិទខ្ទប់​ទីក្រុង​មួយ​ចំនួន ពិសេស​សៀងហៃ​ដើម្បី​ទប់ស្កាត់​នឹង​ការ​ឆ្លង​រាលដាល​ជំងឺ​កូវីដ១៩ ពិសេស​កូវីដ១៩បំប្លែងខ្លួន​អូមីក្រុង។ តែ​ចិន​បាន​ឆ្លើយ​តប​វិញ​ភ្លាមៗ​នឹង​ការ​រិះគន់​របស់​លោក​ទេដ្រូស។