1902 er heitið á aðru útgávuni við sangbólkinum KATA. Á fløguni eru 11 siðbundin føroysk løg, skjaldur, vísur, kingosálmur og kvæði sum Unn Patursson hevur sett út til ræddir og framleitt saman við KATA.

Sangarar í Kata eru: Eyð Steinbjørnsdóttir Jacobsen, Birita Adela Davidsen, Arnfríð Lútzen, Guðrið Hansdóttir og Unn Patursson

Gestasangarar á útgávuni eru: Niclas Thorsteinsson, Heiðrik á Heygum og Rógvi á Rógvu.

Gomlu løgini eru ílatin ein nútímans ham við væl balanseraðum ljóðeffektum og áslátri viðhvørt.

Tónleikarar eru: Rógvi á Rógvu spælir ásláttur og trummir. Lasse Jæger spælir ymisk elektronisk ljóðføri og Unn Patursson spælir orgul í Hoyvíkar kirkju.

Sang upptøkurnar vórðu gjørdar live í Studio Bloch saman við Theodor Kapnas. Janus Rasmussen hevur ljóðblandað sangirnar í E7 Studios í Reykjavík, meðan

Zino Mikorey, í Berlin hevur mastera fløguna.

Eftir Klaksvíksvegnum er heitið á nýggjari heildarútgávu, sum Steintór Rasmussen hevur latið úr hondum.

Steintór hevur gjørt bæði orð og løg til teir tólv føroysku sangirnar á útgávuni, sum er tikin upp í Mike Studio og EB studio í Klaksvík, Tanggard Studio í Nólsoy og Studio Bloch í Tórshavn.

Talan er um eina rúgvismikla og fjøllbroytta verkætlan við luttøku av tjúgu ymiskum tónleikarum, kórinum Tarira, umframt tólv gestasangarum.

Kim Hansen hevur lagt tónleikin til rættis og framleitt flestu sangirnar, meðan Mikkjal Hvannastein hevur framleitt tveir. Óli Poulsen hevur ljóðblandað og mastrað útgávuna í Fix'n Mix studio í Keypmannahavn.

Stakløgini, sum verđa ummæld, eru:

"Sama veg" - Ingi Poulsen

"Chip In" - Maria Guttesen

"Altíð saman" - I Am

"Diplopia", ið merkir dupultsjón á latín, er heitið á aðru heildarútgávuni við Konni Kass. Plátan varð givin út 5 ár eftir nógv róstu debutútgávuna "Haphe", ið millum annað tryggjaði Konni Kass heiðurin sum ársins nýggja navn á FMA, og Mentannarvirðisløn landsins til ung listafólk, í 2017.

Á nýggju plátuni eru 11 sangir á enskum máli, ið Konni Kass hevur skriva. Upptøkurnar eru gjørdar í Studio Bloch, TAPF Studio, Moremax Studio, The Fold, Dartmouth Place, Eivør's Home Studio og í Støkumørk Innan Glyvur, har sangirnir eisini eru ljóðblandaðir av Jens L. Thomsen.

Tónleikarar á Diplopia eru:

Konni Kass, sang, saxofon og eyka keyboards

Torleik Mortensen, bass

Per Ingvaldur Højgaard Petersen, trummur, ásláttur og forritan

Knút Háberg Eysturstein, tangentar

og Jens L. Thomsen, eyka keyboards og trummuforritan

Teir tríggir, Torleik, Per og Knút, hava spælt við Konni Kass, síðan hon á fyrsta sinni trein á føroyska tónleikapallin til tónleikakappingina Sement í 2015, og teir hava eisini lagt øll løgini til rættis saman við Konni Kass og framleiðaranum, Jens L. Thomsen. Harumframt hevur Sakaris Emil Joensen havt ein fingur við í spælinum á sanginum "Circles".

Stationary Things er heitið á fyrstu heildarútgávuni við Fróða Bjarnason, sum gjørdist kendur í Føroyum, tá hann vann tónleikakappingina Sement í 2018. 

8 sangir á enskum máli eru á debut útgávuni, og Fróði Bjarnason eigur sjálvur bæði orð og løg. 

Tónleikin hevur hann lagt til rættis saman við bólki sínum og saman við framleiðaranum Finni Hansen, sum eisini hevur tikið upp og ljóðblandað sangirnar. 

Masteringina hevur Óli Poulsen staðið fyri. 

  

Tónleikarar á útgávuni eru: 

Fróði Bjarnason: Kassagittar og Sang 

Tórður Dam Jacobsen: Trummur og Slagverk 

Árni Jóhannesson: Bass og Kór 

Robert Bjarnason: El gittar 

Rasmus Vigant Samuelsen: Flygil, Hammond, Synth, Wurlitzer, Klokkuspæl og kór 

Finnur Hansen: Synth, Wurlitzer, Slagverk, Mandolin og Kór 

Jón Festirstein: spælir Violin og Bratsj 

og Tóri Restorff Jacobsen: Sello

Beinir Troest Rasmussen hevur gjørt teir seks sangirnar á enskum málið, sum eru á útgávuni. Ein er skrivaður saman við Esben Svane og ein saman við Esben Svane og Bárði Petersen.

EP'in er tikin upp í Føroyum og í Danmark, undir framleiðslu av Esben Svane, og givin út av danska plátufelagnum The Bank.

Birgar Larsen, Rannvá Helenudóttir og Hergeir Eldevig eru ummælarar í Kvørnini, sum Eyðfinn Jensen leggur til rættis.

Cazador de Ostras er heitið á 8. heildarútgávuni við Teiti. 12 sangir á enskum og føroyskum málið eru á útgávuni, ið er tikin upp av Feco Escofet í Mawi, Buenos Aires, Argentina.

Teitur hevur framleitt, skriva og lagt til rættis teir tólv sangirnar á útgávuni. Tekstirnar hevur hann skriva allar, meðan tvey løg eru gjørd saman við Pam Sheyne. Aron Friedman, Jeff Cohen, Jesse Valenzuela og Judith Holofernes eiga eisini ein leiklut í hvør sínum lagi.

Teitur spælir nógv ymisk ljóðførið á útgávuni, so sum akkustiskan og elektriskan guitar, bass, piano, rhodes, trummumaskinu, samplara og synthesisarar. Afturat sær hevur hann argentinskar tónleikarar, sum Axel Krygier and Lucio Mantel hava fingið til vega.

"Einangran" er heiti á debut EP'ini og nýggju duoini, ið Lea Kampmann og Heiðrikur á Heygum, hava gjørt í felag.

Heiðrikur og Lea hava eisini í felag gjørt teir fýra føroysku sangirnar, ið eru á útgávuni, sum er tikin upp, framleidd, ljóðblandað og mastera av Janusi Rasmussen og Sakaris Emil Joensen í Reykjavík.

Fýra sangir á enskum máli eru á EP'ini, "Not That Surprised", sum er tikin upp í heimastudionum hjá bólkinum og í Bloch Studio.

Limirnir í Jasmin hava gjørt løgini í felag, meðan Jasmin Mote, Marianna Nagata og Tamara Meney hava skrivað tekstirnar.

Bólkurin hevur eisini lagt tónleikin til rættis og staðið fyri framleiðsluni við Theodor Kapnas sum samframleiðara

Jens L. Thomsen hevur ljóðblandað sangirnar og Matt Colton masteraði EP'ina.

Tónleikarar í Jasmin eru:

Harald Fonsdal Johannesen, trummir

Bergur Fonsdal Johannesen, bass

Vinjard Egilsnes Petersen, tangentar

Jasmin Mote, sang og kór