La classica

En la segunda part entupain nus il giuven Schubert ed il giuven Mendelssohn.Anno 1813: Franz Schubert, il mat da 16 onns era scolar al Convict da Vienna. Las notas nunsuffizientas han alarmà il bab. Empè da cumponer - emprender dapli! Quai il cumond dal bab. Il Franzl cumpona dentant si'emprima sinfonia e sgola da la scola.Anno 1821: Felix Mendelssohn, figl d'ina ritga famiglia: Cun 12 onns ha el cumponì si'emprima gronda sinfonia. Avant ha el gia gì scrit 12 sinfoniettas per artgets. Questas ha el lura bittà en il chanaster da palpiri. Cun 17 onns cumpona el ses renumà Sommernachtstraum.Redacziun: Giusep G. Decurtins

En l'emprima part entupain nus il giuven Mozart ed il giuven Beethoven.Anno 1764: Wolfgang Amadé Mozart, il mattet dad otg onns era cun ses bab a Londra. Là ha el scrit sia emprima sinfonia, ina musica che stat anc en la sumbriva dad in Johann Christian Bach: Era lez viveva da quest temp là a Londra. Ha J. Ch. Bach influenzà il giuven Mozart?Anno 1784: Ludwig van Beethoven. Cun 14 onns ha el cumponì ses emprim concert da clavazin. Betg in dals 5 gronds ed enconuschents. Na, quel qua porta il nr. 0. Vesì uschia ha Beethoven scrit 6 concerts per clavazin ed orchester. Nus tadlain il nr. 0.Redacziun: Giusep G. Decurtins

La Classica emetta la segunda part dal concert «20 onns activitad sin las tribunas dal mund dal chant e da la musica» registrà en il teater a Cuira.Maria Riccarda Wesseling, la chantadura d'operas da Cuira che viva ad Amsterdam, ha gì il 2015 il giubileum da «20 onns activitad sin tribuna». Quai ha ella festivà cun in concert da giubileum a Cuira en il teater.La Filharmonia da chombra grischuna ha sunà (dir. Sebastian Tewinkel). RTR ha registrà il concert dals 27 da mars 2015 e porta quel en duas Classicas.La segunda part cuntegna musica da Vincenzo Bellini (Norma, I Capuleti e i Montecchi, Beatrice di Tenda, Adelson e Salvini), Gioacchino Rossini (La Cenerentola, Anna Bolena), Gaetano Donizetti (Lucrezia Borgia). Belcanto en il vair senn!Redacziun: Giusep G. Decurtins

La Classica emetta il concert da giubileum per «20 onns activitad sin las tribunas dal mund dal chant e da la musica» registrà en il teater a Cuira.Belcanto en il vair senn dal pled: Maria Riccarda Wesseling, la chantadura d'operas da Cuira che viva ad Amsterdam ha gì 2015 il giubileum da «20 onns activitad sin las tribunas dal mund dal chant e da la musica». Quai ha ella festivà cun in concert da giubileum a Cuira en il teater. La Filharmonia da chombra grischuna ha sunà (dir. Sebastian Tewinkel).RTR ha registrà il concert dals 27-03-2015 e porta quel en duas Classicas. L'emprima part cuntegna musica da Gioacchino Rossini (Tancredi) e da Gaetano Donizetti (Don Pasquale, La Favorite, Anna Bolena).Redacziun: Giusep G. Decurtins

Trais da la Germania: Carl Maria von Weber, Ludwig van Beethoven e Max BruchEn sia seria cun hits porta La classica questa giada ovras da trais cumponists da derivanza germana: Carl Maria von Weber (Der Freischütz, uvertura), Ludwig van Beethoven (Chorfantasie), Max Bruch (Concert per violina ed orchester 2. moviment), Carl Maria von Weber (Concertino per clarinetta ed orchester) e Ludwig van Beethoven (Piano Sonate Nr. 8 "Pathetique" 3. moviment).Redacziun: Giusep G. Decurtins

Bels muments musicals, quai il tema da la classica.En sia seria cun hits porta la classica questa giada singulas parts (moviments) dad ovras pli voluminusas (sinfonias, concerts).Nus udin cumposiziuns dals classichers da Vienna: Joseph Haydn, Wolfgang Amadé Mozart e Ludwig van Beethoven. E lura anc dad in auter da Vienna: Franz Schubert.Redacziun: Giusep G. Decurtins

Bels muments musicals, quai il tema da La classica.En sia seria cun hits porta La classica questa giada cumposiziuns da: Jacques Offenbach, Wolfgang Amadé Mozart, Carl Maria von Weber, Johannes Brahms, Felix Mendelssohn-Bartholdy e Franz Schubert.Redacziun: Giusep G. Decurtins

Label SUISSE - la gronda sentupada dals musicists svizzers.Era la musica classica fa part dal festival Lebel SUISSE che ha lieu dals 16 fin 18 da settember a Lausanne. Oz, dumengia concertescha l'Orchestre de chambre de Losanna en la Salle Métropole.Radiotelevisiun Svizra Rumantscha emetta quest concert en l'emissiun «La classica». Sin il program: Friedrich Gulda (1930-2000) e ses Concerto pour violoncelle et instruments à vent e Ludwig van Beethoven (1770-1827) 5. Sinfonie in c-Moll, op. 67. L'Orchestre de chambre de Lausanne vegn dirigì da ses schef-dirigent Joshua Weilerstein. Lionel Cottet è il solist al cello.Redacziun: Giusep G. Decurtins